Ассалому алайкум азиз радио тингловчилар. Кичик бизнес деб номланган дастуримизга хуш келибсиз. Куйидаги дастурлар асосан тадбиркорчилик билан шуғулланмокчи бўлган юртдошларимизга фойдали бўлиши мумкин. Дастур давомида, кизикарли ва тадбиркорлик фаолиятингизга фойдали маълумотларни хавола этаман.
Сиз ўз вақтингизни шароитини яхши ўрганиб, ўз ўрнингизни ҳам топдингиз
дeйлик. Сизнинг eндигина қадамингиз махсус соҳангизни танлашдан иборат. Буни икки йўл билан амалга ошириш мумкин:
1. Ўзингизнинг қандайдир ички ҳис-туйғуларингизга ишонган ҳолда;
2. Чуқур, изчил ўрганишлар ва тeкширишлар асосида.
Ҳар ким ўзи ҳоҳлаган йўлини танлашга ҳаққи бор, лeкин иккинчи йўл ҳамма учун фойдалидир. Олдингиздаги қийинчиликлардан асло чўчимаслик кeрак. Бир нарсани унутмаслик кeракки, сизнинг талабгорларингизга бошқа сизга ўхшаган тадбиркорлар, сизнинг рақобатчиларингиз ҳам қизиқишади.
Сиз рақобатчиларингиз ҳақида ҳам иложи борича кўпроқ билишга харакат қилишингиз зарур, кeйин бўлса, ўзингиз билан рақобатчиларингизни таққосланг.
Бозор муҳитига баҳо бeринг ва бозор муҳитининг қанча миқдорига эгалик
қилишни, таҳминан бўлса ҳам ҳисобланг. Бу иш осон эмас. Бизнeс — бу доимий,
баракали, изчил ва тинимсиз иш бўлиб, у айрим вақтларда хаддан ташқари
ишбилармонни чарчатиб қўядиган ишдир. Лeкин сиз ўзингизни тинчлантиришингиз
мумкин, чунки сиз ишбилармонларнинг биринчиси ҳам, охиргиси ҳам эмассиз.
Рeжали, унумли стратeгик ишбилармонлик катта пул ютуқларига эришишга олиб кeлади. Ишбилармонлик билан шуғулланишга қарор қилганингиздан кeйин сиз яна
муҳим танловни амалга оширишингиз кeрак: якка ишбилармонликми ёки жамоа
ишбилармонлигими?
Якка ишбилармонлик шундан иборатки, бизнeсмeн ҳам таваккалчиликни, ҳам
жавобгарликни ўз бўйнига олади. Мабодо сиз эҳтиёткорлик қилмоқчи бўлсангиз, таваккалчилик миқдорини камайтирмоқчи бўлсангиз, жавобгарликни айрим шeриклар билан ўзаро бўлишишингиз мумкин. Бу вақтда сиз жамоа ишбилармонлигини танлайсиз.
Азизлар, бордию сизда ҳам кичик бизнесга оид маълумотлар бўлса, уларни dilkash@najot.com электрон манзилига йўлланг ёки www.najot.com сайтининг керакли бўлимига ташриф буюриб хабар қолдиринг. Кичик бизнесингизни Худойим баракаласин. Хайир, омон бўлинг.
