Бу учта мажусий халқ бирлашиб, Яҳудиянинг кичик бир шоҳлигига қарши ҳужум қилганда юз берди. Уларнинг сон жиҳатдан кўплигига қараганда, ғалаба қилишлари турган гап эди.

Худонинг хулқи бундан хабар топгач, Ундан ёрдам сўраб илтижо қилишди. Худованд уларга ҳарбий йўл-йўриқ кўрсатишнинг ўрнига қўшиннинг энг олдинги қаторига:

“Худовандга шон-шарафлар бўлсин! Унинг севгиси абадийдир!” деб куйлайдиган мусиқачиларни қўйишни буюрди. Улар Худовандни куйлашни бошлаши билан душманни саросимага солиб қўйди.

Улар бир-бири билан жанг қилиб, бир-бирини ўлдиришни бошлашди. Худонинг халқи фақат ўлжаларни йиғиш учунгина боришди. Кейин улар ўз шаҳарларига ғалаба берган Худовандни мусиқий асбоблар билан улуғлаб қайтиб келишди.

Бугунги кунда биз бундай жангларга дуч келмаслигимиз мумкин, бироқ Эфесликлар китобининг 6-бобида бизнинг душманимиз тана ва қон эмас аксинча шайтон ва унинг ҳукмронлиги эканлиги айтилган.

Юзлаб йиллар аввал танавий душманларни ҳамду сано билан енгишган бўлса, бугунги кунда руҳий душманни енгиш ҳеч гапмас. “Энди бунга нима деймиз? Агар Худо биз томон бўлса, ким бизга қарши чиқар экан?

Худонинг севгисидан бизни ким жудо қилар экан: қайғуми, сиқилишми, қувғинми, очликми, яланғочликми, хавф-хатарми ёки қиличми?Аммо бизни Севганнинг соясида буларнинг ҳаммаси устидан улкан ғалаба қозонамиз”.

Хушхабар айтгани учун зиндонга ташланган Павлус билан Сила хурсанд бўлиб Худовандни улуғлашди. Уларни аёвсиз калтаклашганига ва оёқларини кундалаб қўйишганига қарамай, улар ибодат қилишди ва ҳамду сано айтиб Худовандни улуғлашди.

Тўсатдан зилзила бўлиб, уларнинг занжирлари узилиб кетди. Худо уларни озодликка чиқарди! Кейин яна бир нарса содир бўлди. Павлус қўрқиб кетганидан ўзини ўлдирмоқчи бўлган зиндонбонни улар қочиб кетишмаётганига ишонтирди.

“Жаноблар”, дея бақирди у, “нажот топиш учун нима қилишим керак?”Бу Павлус билан Сила истаган ажойиб имконият эди. Шунинг билан азизлар мавзумиз ўз нихоясига етди. Бизнинг интернет сайтимизнинг манзили: www.dilkashradio.com хайр саломат бўлинг.

Қадимги Аҳд даврида Худовандни улуғлаганда албатта қандайдир мусиқий асбоб чалишган.Улардан ўрнак олиб, биз ҳам Худовандни ўзимизда бор асбоб билан улуғлашимиз мумкин.

Худовандни улуғлашни ва эҳтиром айлашни истаганимизда бу асбобни ишлатиш керак, бунисини ишлатиш керак эмас деган гап-сўзлар бўлиши мумкин эмас. Кимдир электрик орган чалиши ёки оркестр билан улуғлаши мумкин.

Бошқаси оддий ёғочни уриб ўтириши ёки ноғорани қимирлатиб ўтириши мумкин. Лекин ҳаммаси Худони улуғлаш учун чалинади. Амал қилишимиз учун биронта йўл-йўриқ борми?

Агар Худовандни асбоб билан улуғламоқчи бўлсам, қилган ишимни У учун аъло даражада бажаришни истайман, чунки У шунга лойиқ бироқ бу мен шу ишнинг устаси бўлишим керак дегани эмас.

Мен ҳозир ва шу ерда қилган ишимни аъло даражада қиламан. Шу билан биргаликда мен бу имкониятдан ўз қобилиятимни “кўз-кўз” қилишни истаб қолишдан эҳтиёт бўлишим керак.

Мағрурланиш гуноҳдир. Худодан менга қандай қобилият берилган бўлмасин, фақат севги билан хизмат қилишни унутмаслигим керак. Акс ҳолда менинг мусиқам жаранглайдиган мис чолғу, янграйдиган занг бўлиб қоламан.

Мусиқанинг турлари жуда кўп. Баъзилари баланд ва жонлантирувчи, баъзилари юмшоқ ва сокин. Масиҳийча улуғлашда ҳар бирининг ўз ўрни бор. Шунга қарамай биз бошқаларнинг дидини ҳурмат қилишимиз лозим.

Баланд мусиқа ёқмайдиган одамлар борлигини билсам, у ерда баланд мусиқа чалмайман. Бир-биримизни ҳурмат қилиш қонун-қоидаси ҳаётимиздаги бошқа соҳаларда бўлганидек мусиқада ҳам мавжуд.

Агар Худованд сизни мусиқий қобилият билан марҳаматлаган бўлса, хушхабар тарқатишингиз ва бошқаларни чин юракдан улуғлаш учун руҳлантира олишингиз учун Ундан ёрдам сўранг.

Агар сиз ибодат қилсангиз, У сизни қандай қўшиқ ёки мусиқани чалишингизни кўрсатади. Бунга эҳтиёткорлик билан тайёргарлик кўриш ва тақдим этишдан олдин ўйлаб кўриш лозим. Шунинг билан азизлар мавзумиз ўз поёнига етди. Хозирча хайр саломат бўлинг.

Янги Аҳд бизни шу саноларни, бошқа мадҳияларни ҳамда руҳий қўшиқларни куйлаш учун руҳлантиради. Қадимги санолар каби масиҳийча қўшиқлар бугунги кунда турли-туман аза ва тўй, ибодат ва илтижо қўшиқлари, олқишлаш ва улуғлаш учун махсус қўшиқлар бор.

Қўшиқларнинг ҳар бир тури маълум мақсад учун хизмат қилади. Қўшиқнинг “Мен келишим билан” деган сўзлари гуноҳкорларни Раббимизнинг оёқлари остига келишга ундайди, бу кўпинча тавбага чақирганда айтилади.

“Мени текшир, эй Худойим” деган сўзлар ҳаётининг ҳар бир соҳасини Худовандга топширишни истаган, Муқаддас Руҳ уни текшириши учун ўзини очган имонлиларга ёрдам беради.

Улуғловчи кўп қўшиқлар бағишлаш каби бошқа мавзулар билан бошланади. Биз Худовандга нимаики бўлмасин Унга итоат қилишимизни айтамиз. Кейин қўшиқ бизга нима учун Худовандга итоат қилишни исташимизни эслатади чунки У шунга лойиқ.

Кейин эса, балки ҳатто англамаган ҳолда, Раббимизни улуғлаганимиз сайин шунга берилиб кетамиз. Олқишлаганда “ўзимизни йўқотиб қўямиз”. Масиҳийлар кўпинча овозим яхши эмас деб, олқишлашдан ўзларини маҳрум қилишади.

Бироқ улуғлаш қўшиқлари махсус вазият учун ёки одамлар уйларида тинглашлари учун айтилмайди. Улар биз билан Худованднинг ўртасидаги олқишлаш қўшиғи бизнинг Худовандга айтган севги қўшиғимиздир.

Уларни бошқа одамлар эшитса ҳам, завқланса ҳам, уларнинг қандай баҳо бериши муҳим эмас. Биз биринчи ўринда Раббимиз учун куйлаймиз. Биз қўшиқни эшитганимизда унинг олқишлаш қўшиғи эканлигини қаердан биламиз?

Улуғлаш қўшиғи биз ҳақимизда ёки бизнинг муҳтожликларимиз ҳақида бўлмайди, гуноҳкорни Масиҳни қабул қилишга ҳам таклиф қилмайди. У Худовандни олқишлайди, Масиҳни юксалтиради, Худованднинг буюклиги ва яхшилигини куйлайди.

Бу шундай қўшиқки, бизни ўраб турган оламдан чиқариб олиб, Масиҳ бўлган самовий жойларга олиб боради. Бу хаёлимизда айтган оддийгина ашула ҳам бўлиши мумкин, лекин у Отани улуғлайди.“Эй Худованд, Сенинг меҳр-иноятингни абадий куйлайман, тилдан қўймасман ҳақиқатинг-да то абад. Иноятинг мангу асосланган, дедим, садоқатинг фалакда мустаҳкамланган”-деб ёзилган Забур китобининг 88 боби 1ва2 оятларида. Хайр саломат бўлинг.

Ҳатто илк маданиятларнинг ҳам ўз хурсандчилиги ёки қайғуларини қўшиқларда ифода этишга ёрдам берадиган дўмбиралари ёки мусиқий асбоблари бўлган.Муқаддас Китоб бизга мусиқанинг пайдо бўлиши ҳақида айтади.

Аюб 38:7-оятда дунё шаклланаётганда “юлдузлар бирга ашула айтишгани ва самовий нарсалар хурсандчиликдан бақиришгани” айтилган. Мусиқа ер яратилмасдан олдин осмонда бошланган.

Мусиқа жуда муҳим, чунки у бизнинг ҳиссиётимизга таъсир қилади, туйғуларимизни бошқаради ва ҳатто ҳаракат усулларимизни ўзгартиради. Агар нотўғри ишлатса, мусиқа ҳам кучли ёвузлик қуроли бўлиши мумкин.

Агар тўғри ишлатилса, мусиқа тинчлик ва уйғунлик келтиради; у бизни Худога яқинлаштира олади. Мусиқанинг энг асосий мақсади Худовандни улуғлаш ва юксалтиришдир.

Муқаддас Китоб асбоблар ва вокал мусиқа орқали улуғлаш учун мисоллар келтирган. Булар шукрона айтиш хизматида ва Худони олқишлашда ёрдам беради. Забур хониши, илҳомли қўшиқлар ва мадҳиялар билан, чин кўнгилдан, миннатдорчилик билан Худони тараннум этинглар.

Нима айтсангиз ёки нима қилсангизлар, ҳаммасини Раббимиз Исо номидан қилиб, У орқали Отамиз Худога шукрона айтинглар”-деб ёзилган Колосаликларга мактубининг 3 боби 16ва17 оятларида.

Муқаддас Китоб бизга куйлашни буюради. Эфесликлар мактубининг 5 боби 19ояти юқорида берилган Колосаликлардаги оят билан сўзма-сўз тўғри келади. Бу қўшиқлар ва куйлаш Муқаддас Китобда юзлаб маротаба айтилган деб бўрттириш эмас.

Худованд биз Уни қўшиқларда улуғлашимизни истайди, чунки У бизнинг олқишларимизга лойиқ ва бу бизни руҳан ўстиради. Баъзи масиҳийча қўшиқлар Забурдан олинган, Муқаддас Ёзув деярли мусиқа учун мўлжалланган.

Бу фикр шу авлод учун янгилик эмас, чунки Забур китоби Яҳудий халқи учун мадҳиялар китоби бўлган. Уларнинг Фисиҳ байрами учун алоҳида саноси бўлган, кечирим сўраш учун ва кўплаб бошқа нарсалар учун махсус санолари бўлган.

Шунинг билан азизлар мавзумиз ўз поёнига етди. Бизнинг электорон почтамиз манзили: dilkash@najot.com хайр саломат бўлинг.

Инсонлар ташқи кўринишига қарайди, Мен эса дилига қарайман”-деб айтади 1-Шоҳлар китобининг 16 боби 7 оятида. Бизнинг ташқи кўринишимиз танавий томонларимиз сингари ҳаракатларимиздан ҳам иборатдир.

Баъзида ҳаракатларимиз биз истаган нарсанинг аксини кўрсатиб туради. Бизга бажаришимиз учун иш берилган бўлиши ва бу биз умид қилгандек натижа бермаслиги мумкин.

Бироқ Худо бизнинг юракларимизни кўриб туришини ва У учун нималар қилишни истаётганимизни билиб туришини билиш бизга анча енгиллик яратади.Агар қилаётган ишимизга бефарқлик билан масиҳийларга хос ишлар қилишга ҳаракат қилсак, уни ҳам кўриб туради.

Агар ҳолатимиз тўғри бўлмаса, охир-оқибат ҳаракатларимиз улуғлаш деб ҳисобланмайди. Муқаддас Китоб бизга ўз хаёлларимиз ва ҳаракатларимизни бошқаришда ёрдам берадиган оятларни берган, ҳозир улардан баъзиларини кўриб чиқамиз.

Биз биринчи ўринда Худога хизмат қилганда шундай қилишим керак деган фикр билан эмас, кўтаринки кайфият ва хурсанд бўлиб хизмат қилиш тўғрисида суҳбатлашмоқчимиз.

Биз берганда ва бўлишганда хурсандчилик билан ҳаракат қилишимиз керак. Муқаддас Китоб олишдан кўра беришнинг бахтиёрлиги катта деб айтади. Раббимиз номи билан бериш масиҳийлар учун шарафдир.

“Ҳар ким норози бўлиб ёки мажбурият билан эмас, балки кўнглида ният этганини берсин. Чунки Худо рози бўлиб берувчини севади. Сизлар ҳамма вақт ҳамма нарсага тўла қаноат ҳосил қилиб, турли хайрли ишларга бой бўлишингиз учун, Худо сизларни ҳар хил ноз-неъматлардан бой қилишга қодир”.

Худо мўл-кўл беришга қодирлигини кўряпмиз. Гуллар ва қуёш ботишлари Худо берган совға деб ҳисобланади. Муқаддас Китоб завқ олишимиз учун ҳамма нарсани мўл-кўл эҳсон этишини айтган эди 1-Тимутига мактубининг 6боби 17 оятида.

Римликларга мактубинингг 12 боби 8 оятида эса “Ким эҳсон берувчи бўлса, чин кўнгилдан берсин” деб айтилганидек, чин юракдан берсак, мўл-кўл беришни ўрганамиз. Биз виждонимиз қийналмаслиги учунгина бермаймиз, балки Худованд бизга қандай беришини ҳис қилганимиз учун берамиз. Шунинг билан азизлар мавзумиз ўз нихоясига етди. Бизнинг интернет сайтимизнинг манзили: www.dilkashradio.com хайр саломат бўлинг.

Мана шу ерда ўзаро алоқа ва муносабат ўз ўрнини топади.Муносабат ҳеч қачон бир томонлама ҳаракатдан пайдо бўлмайди. Агар фақат битта инсон гапирса суҳбат бўлмайди. Суҳбат учун икки киши ҳам гапириши лозим. Худованд ҳам биз билан суҳбатлашишни истайди. У шундай деган: “Менга илтижо қилсанг сенга жавоб бераман, сен билмайдиган буюк ва ақл бовар қилмайдиган сирларни сенга кўрсатаман”.

Худованд ўзимиз тўғримизда ва шароитимиз тўғрисида тушунишимизга ёрдам беришни истайди. Биз Унга Ўз сирлари билан бўлишишга имкон берсак, қандай ишлашни ва қандай ибодат қилишни яхшироқ билиб оламиз.

“Худойимиз доно ва қудратлидир, асрлар оша Унинг номи улуғлансин! У замон ва даврларни ўзгартирар, донишмандларга донолик, оқилу фозилларга билим берар. Пинҳон сақланган сирларни очар, зулматда яширинган нарсаларни билар, ёруғлик Унинг даргоҳида маскан топар”.

Балки сокин вақтингизда аллақачон “Худовандни кутган” бўлишингиз ва бу тўғрида кўпроқ билишни исташингиз мумкин. Ўзингизга ҳеч нарса халақит қилмайдиган, ёлғиз қоладиган жой топинг ва Худодан Унга айтадиган фикрларни беришини сўранг.

Ўз фикрларингиз халақит бермаслиги ва шайтон тўсқинлик қилмаслиги учун Ундан ёрдам сўранг.Кейин, жим туриб фақат Уни улуғланг. Сабрли бўлинг ва Унинг сизга гапиришини кутиб туринг.

У сизга гапирганда ҳар доим Унинг Каломига тўғри келиши керак, шунинг учун Муқаддас Китобни кўпроқ ўқинг.Худованд шундай дейди: “У Менга меҳр боғлагани учун қутқазаман, номимни тан олгани учун омон сақлайман. У Мени чақирган чоғида жавоб бераман”. Менинг бувим бир аёлнинг уйига бориб, унга Исо тўғрисида гувоҳлик берган. У аёл бувимга: “Менинг уйимга бошқа келманг! Исо тўғрисида эшитишни асло истамайман! – деб бақиради.

Бувим бу ҳақда айтганида, мен: “Ўша аёл сизга қўполлик қилибди, буви. Бироқ сиз ўз вазифангизни бажариб гувоҳлик бердингиз, энди қиладиган ишингиз қолмади” – дедим.“Мен аллақачон бир иш қилдим, олмали пирог пишириб унга олиб бордим” – деди бувим.Мен шу сўзлардан ўзим учун муҳим сабоқ олдим. Мен кўпинча бувимнинг ибодатда Худони улуғлаганини кўрганман, у куйлаган сайин қўллари юқорироқ кўтариларди. У: “Биз барча шуҳратни Исога берамиз, Унинг ажойиб севгиси ҳақида сўзлаймиз” деб ашула айтарди. Лекин ўша куни мен унинг сўз билан улуғлаш ёки гувоҳлик беришдан ҳам кўра каттароқ иш қилганини кўрдим. У Раббимизни қилган иши билан улуғлади. Агар биз Исони севаман деб айтсак, қилган ишларимиз ҳам буни тасдиқлаши керак.

Мен ёзаётган нарсаларинг ҳақиқат эканлигини шахсан билишингни ва ҳис қилишингни истайман”. Руҳнинг тилида улуғлашдан топган буюк марҳаматни ўз тажрибамдан ва Худонинг Каломидан тасдиқлашимга рухсат беринг.

Улуғлашни давом эттираверганимдан кейин мендаги босим ва афсус-надоматлар кетди, юрагимдаги азоб тўхтади ва юзимга яна табассум югурди. Муқаддас Руҳ бизни Отамиз Худонинг ҳузурига кирита олади.

Муқаддас Руҳ бизга шафоат қилишни ўргатади. У бизни қўрқувдан озод қилади ва қудрат, севги беради ва ўз-ўзимизни бошқаришни ўргатади. У бизга Худонинг шуҳрати билан улушимиз борлигига умид қилишни эслатиб туради.

“Умидимиз бўлса, бизни уятга қолдирмайди. Чунки бизга берилган Муқаддас Руҳ орқали юракларимиз Худо севгисига тўлиб тошади”. Руҳда улуғлаш бизни ҳаётий муаммолардан узоқда сақлайди.

Ҳамма нарсани бошқариб турган Абадий Худога умид боғласак, албатта тасалли топамиз. Худованд улуғланишга чиндан муносиб деб улуғлаш қанчалик гўзал кўринади.

Номаълум тилларда улуғлаганимизда биз Худовандни юксалтирамиз ва Унинг яхшилигини олқишлаймиз. Агар ҳалигача Муқаддас Руҳга чўмдирилишнинг ажойиблигини ҳис қилмаган бўлсангиз, ҳозироқ Раббимиздан бу ҳақда сўранг.

У буни ҳар бир имонлига ваъда қилган. Худовандни ибодатда бир сўз ҳам айтмасдан қандай улуғлаш мумкин? Бунинг нафақат иложи бор, балки баъзида гапирмасдан ибодат қилиш ҳам керак.

Жим туриб ибодат қилганда икки нарса содир бўлади. Биринчиси, биз ички ўйларимизни Раббимизга айта оламиз. Уларни бошқа ҳеч ким била олмайди. “Эй Худованд, Сен мени синадинг ҳамда билиб олдинг.

Ўтириб туришларимни Сен биласан, хаёлларимни узоқдан англайсан. Бирон гапни айтмоққа тилим бормасдан, Сен ҳаммасини биласан, эй Худованд”-деб ёзилган Забур китобининг 138 бобида.

Иккинчиси, жим турганимизда яна бир муҳим нарса содир бўлади. Бу вақтда ўзимиз ҳам “Уни кутишга” тайёр бўламиз.“Уни кутиш”нинг маъноси Унинг бизга гапиришини танавий томондан ҳам руҳий томондан ҳам жим туриб кутамиз.

Шу билан азизлар мавзумиз ўз нихоясига етди. Хайр саломат бўлинг.

Азиз дўстим Раббимиз тўғрисида ўйлаш учун ҳозир бир неча дақиқа ажратинг. Агар бошқа фикрлар халақит берса, Муқаддас Руҳдан Худовандни улуғлашингиз учун ёрдам беришини сўранг.

У Худога ёқадиган нарсаларни юрагингиз ва фикрингизга солади.“Билингки, Худованд Ҳақ Худодир, Унинг Ўзи бизни яратган, бизлар хар биримиз Унга тегишлимиз, Ўз халқию яйловининг қўйларимиз.

Чунки Худованд эзгудир, абадий иноятлидир, садоқати эса даврдан-даврга ҳукм сурар”. “Қуддус шаҳридан кетиб қолманглар, балки Отамнинг берган ваъдаси амалга ошгунча у ерда кутиб туринглар.

Сизлар бу ваъдани Мендан эшитгансизлар. Яҳё пайғамбар одамларни сувга чўмдириб, тавба қилдирган, сизлар эса кўп ўтмай Муқаддас Руҳга чўмдириласизлар”-деб ёзилган Ҳаворийлар мактубининг 1боби 4ва5 оятларида.

Ўн кундан кейин улар Муқаддас Руҳга чўмдирилдилар. Уларнинг чўмдирилганининг белгиси, уларнинг ҳаммаси ўзлари ҳеч қачон билмаган тилларда Худовандни улуғлашни бошлашган.

Уларнинг атрофида бўлаётган ишларни кўриб турган инсонлар бўлган. Албатта, улар бу нима эканлигини сўрашган. Бутрус уларга деди: “Тавба қилинглар ва гуноҳларингиз кечирилиши учун ҳар бирингиз Исо Масиҳ номидан сувга чўмиб имон келтиринглар.

Шундай қилиб Муқаддас Руҳ инъомини оласизлар. Чунки бизнинг Раббимиз Худованд бу ваъдани сизлар билан фарзандларингиз ва шунингдек, ҳамон узоқлардан чорламоқчи бўлган ҳамма одамзод учун берган”.

Шундан кейин, кўплаб одамлар Муқаддас Руҳга тўлишди бир кунда тахминан уч минг одам эди! Чунки “Худованд Ўзига чорлаган инсонларнинг ҳаммаси”- деган ваъда амалга ошди, имонлилар ҳанузгача Муқаддас Руҳга тўлмоқдалар.

Ҳеч ким қолиб кетишни истамайди. Авваллари кимдир шу нарсага қизиққанда ҳайрон бўлганмисиз? Агар аллақачон Муқаддас Руҳга чўмдирилган бўлсангиз, кўп нарсани билишингиз мумкин. Билганларимизни эса амалда қўллаш ва Худовандни улуғлаш учун ишлатишимиз зарур.

Шунинг билан азиз биродарлар, бугунги мавзумиз ўз поёнига етди. Бизнинг интернет сайтимизнинг манзили: www.dilkashradio.com хайр саломат бўлинг.

Бу ибодат Худовандга хуш ёқади, чунки У муҳтож пайтларимизда бизга ёрдам беришни ёқтиради бу ибодат ёрдам сўраш ибодатидир. Худованд берган ризқ-насиба ва сизга ёғдирган кўплаб бошқа баракат ва марҳаматлари учун раҳмат айтасиз.

Бу ҳам ибодат қилишнинг муҳим йўлларидан бири бўлиб, шукрона ибодати деб аталади. Балки сиз муҳтожликда бўлган бошқа инсонлар ёки халқлар учун ибодат қилган бўлишингиз мумкин.

Бу ибодат шафоат ибодати бўлиб, Худованд Ўз фарзандларининг шафоат ибодати учун махсус вақт ажратишларини истайди. Бироқ бизни ўраб турган вазиятларга алоқаси бўлмаган яна бир ибодат тури бор.

Бу фақат Худовандга ва Унинг кимлигига тегишли. Бу улуғлаш ибодатидир. Ибодатда улуғлаганимизда, муҳтожликларимизга ҳам, ўзимизга ҳам, аллақачон олган жавобларимизга ҳам қарамаймиз.

Биз диққатимизни фақат Худовандга, Унинг ўзгармас ва абадий сифатларига Унинг қудрати, садоқатлилиги, севгиси ва Унга хос хусусиятларга қаратамиз. Бизнинг вазифамиз эса қабул қилишга очиқ бўлишдан, беришга тайёр бўлишдан иборатдир. Бу билан биз ўзимизни Унга қурбон қиламиз.

Довуд ёзган саноларнинг кўпи улуғлаш ибодатларидир. У улуғлаганда Худованднинг Ўзини мақтайди. “Худованд Ҳокими мутлақдир Раббим буюкдир Муқаддасдир Унинг исми!”-деб айтилган Забу китобининг 98 боби 1ва3 оятларида.

Албатта хар қандай ибодатларимизни улуғлаш билан бошлаш яхши. Раббимиз Исо шогирдларига ибодат қилишни ўргатганда шундай қилган. Исо Ўз Отасидан ёрдам сўрашдан аввал, Уни олқишлаб эҳтиром этди.

У: “Бизнинг Самовий Отамиз: Сенинг муқаддас исминг улуғлансин; Сенинг Шоҳлигинг келсин; осмонда бўлгани каби ерда ҳам ироданг бажо келсин” – деб айтган эди Матто Хушхабар китобининг 6 боби 9ва10 оятларида.

Биз Худовандни улуғлаганда учта нарса содир бўлади. Биринчиси, биз Унинг фарзанди сифатида шарафли ўринни эгаллаймиз. Иккинчиси, биз душманни яъни шайтонни ўтқизиб қўямиз.

Биз Худованднинг шоҳлигига тегишли бўлганимиз учун, У бизга ҳоким эмаслигини эълон қиламиз. У бизни ҳимоя қилишга ва асрашга ваъда берган. Кейин, энг муҳимроғи, Раббимизга маъқул бўламиз. Хайр саломат бўлинг.

Бу Руҳдан руҳланиб, биз Худони азиз Ота деб чақирамиз” Римликларга мактубининг 8боби 15 ояти. Павлус шу сўзларни ёзаётганда Ота сўзи учун арамийча Абба сўзини ишлатган.

Бу сўз одатда фарзанд отасига мурожаат қилганда ишлатиладиган сўздир. Буни инглиз тилига таққослаганда “Дада”-деган сўзни билдиради. Бу сўзларнинг улуғлаш билан қандай алоқаси бор?-деган савол туғилади.

Худо бизни кучли севгани учун биз билан яқин муносабатда бўлишни истайди. Албатта, У бизнинг ҳар қандай олқишларимизга ва саждаларимизга муносиб. Агар Худовандни улуғлашни тўхтатсак, ўзимизга зарар етказган бўламиз.

Ҳаммасидан ҳам кўпроқ Самовий Отамизни ранжитамиз. Азизлар, балки ўзимизга бир нечта саволлар бериб кўрармиз? Мен Раббимга худди бегонадек муомала қилдимми? Уни билмасликка олиб ўз йўлимдан юрдимми?

Ёки ҳар кунимни У билан мулоқот қилиб ва Уни олқишлаб бошладимми? Агар жавобларингиз ўзингиз истагандек бўлмаса, унда ҳозирнинг ўзидаёқ бошингизни эгиб Ундан кечирим сўрашингиз мумкин.

У сизни кутмоқда.Уни хурсандчилик билан улуғласангиз ва У билан мулоқот қилсангиз, У сизга қанчалик яқинлигини билиб оласиз. Улуғлаганингиз сайин улуғлаш сиз учун осон бўлиб қолади, бу эса сизни ҳаёт йўлига, фаровон ҳаётга эриштиради.

Азизлар шундай қилиб Худовандимиз билан муносабат ва алоқа нима эканлигини билиб олдик. Худо бизни айнан шу мақсад билан яратган. У Ўзига ҳам севги билан жавоб қайтарадиган инсонлар билан Ўз севгисини бўлишишни истайди.

Адан боғида Худованд Одам Ато ва Момо Ҳаво билан сайр қилиб суҳбатлашган кунлар қандай ажойиб ўтган эди! Бироқ одам гуноҳ қилгандан кейин алоқа эшигини ёпиб қўйди, лекин Худованднинг ташна юраги ҳалигача Ўз ижоди томон интилмоқда.

Қонунлар китобининг 33 боби 3-оятда шундай дейилган: “Худованд Ўз халқини севади”. Худованд ҳозиргача улар Уни чақиришини кутиб, тинглашга тайёр турибди. Биз ҳам ибодатнинг шарофати туфайли, У билан алоқа қилиш имконига эгамиз.Ибодат қилиш эса мушкул иш эмас.

Азизлар шунинг билан мавзумиз охирлаб қолди. Бизнинг электрон почтамиз манзили: dilkash@najot.com хайр саломат бўлинг.