Соғликни сақлашнинг энг яхши йўли қалбингда Xудонинг тинчлигини сақлаш эканини биласанми? Тинчлик бу хис-туйғу эмас унинг ичида қудратли куч бор. Тинчликнинг маъноси маскан қилиш , ўрнашиш деганидир. Бошқача қилиб айтадиган бўлсак, қалбимиз ва фикрларимиз Каломда бўлганида хотиржам бўла оламиз. Бунинг ичида хаёт, куч ва қатъийлик бор!

Бугун назарингни Ота Xудога қаратиб қалбингдаги тинчликни сақла. Унинг хамма айтганларига ишониб танангга хаёт бағишла. У ваъда қилган фаровон хаётда яшашинг учун сени хижозласин, бунинг учун қалбингда Унинг тинчлиги хокимлик қилиши керак!

Исо уларга шундай деди:— Сизларга чинини айтайин, агар шубҳаланмай ишонсангиз, нафақат анжир дарахтини шу кўйга сола оласиз, балки мана бу тоққа: “Қўпорилиб, денгизга отил”, — десангиз, айтганингиз бўлади. (Матто 21:21)

Биз хаммамиз хаёт бўронлари ва қийинчиликлари остида эзилган даврларни бошдан кечирганмиз. Ўшандай онларда оғзимиздан ёмон сўзлар лип этиб чиқиб кетади. Балки соғлигинг хақида врачлар сенга ёмон хабарли диагноз айтишди ёки бўлмаса финанс томондан тўсиқликка дуч келиб қолгандирсан. Сен бирор нарса хақида қанча кўп гапирсанг ўша нарса фикрингда шунча катталашиб кетади. Бунинг ўрнига қирларингга қараб „Йўқ мен мағлубиятларни асло жонлантирмайман.

Етишмовчиликни хеч қачон оғзимга олмайман. Қўрқувга хаётимда ўрин йўқ. Мен бошқача хабар айтишни танладим. Мен Раббимнинг хабарига ишонаман, шу сабабдан Исо орқали хамма нарсани қила оламан. Мен бу касалликни енгиб ўтаман. Бу тобеликдан халос бўламан. Уйимда тинчлик бўлади. Менинг муносабатларим тикланаётганини кўраяпман“ Xаттоки булар қандай қилиб хал бўлишини билмасангда, Xудо билишини унутмагин. Xaётингдаги тоғларга Xудонинг Каломини айтишинг лозим, мана шу вазиятлар устидан илтифот эълон қил.

Худога муаммоларингнинг қанчалик катталиги хақида айтишнинг ўрнига муаммоларингга Худонинг буюкроқ ва улканроқ эканини айт! Тоғларингга сўз айтганингда улар кўчади ва Худо сен учун тайёрлаб қўйган ғалаба сари олға борасан!

Ибодат: Ота бугун Мени қўллаб қувватлаб турган Исо Масихнинг мадади билан хамма нарсани қила оламан деб эълон қиламан. Хаётимдаги тоғларга қараб „Кўч!“ деб айтаман. Келажагим устидан мархаматлар, илтифотлар ва зафарлар эълон қиламан. Омин!

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Худо Каломида яшашнинг яна бир йўли бу уни эслаш орқалидир. Сизнинг эслаш қобилиятингиз Худо томонидан берилган ҳадядир. Сиз менинг хотирам ёмондир дейишингиз мумкин, аммо ҳақиқат шуки, сизнинг ёдингизда миллионлаб ўйловлар, далиллар ва шакллар мавжуд. Сиз ўзингиз учун муҳим нарсаларни эслай оласиз. Агар Худонинг Каломи муҳим бўлса, сиз уни эслаш учун вақт топа оласиз. Муқаддас Калом оятларни ўрганишнинг бир қанча афзалликлари мавжуд. Бу сизнинг васвасага қарши туришингизга, доно қарорлар қилишингизга, стрессни камайтириш, ишончни орттириш, яхши маслаҳат бериш ва бошқалар билан имонингизни бўлишишингизга ёрдам беради.

Сизнинг хотирангиз худди мушакка ўхшайди. Сиз уни қанчалик ишлатсангиз, у шунчалик бақувват бўлиб боради ва Каломни ёд олиш осонлашиб бораверади. Сиз ушбу дастурда сизга таъсир қилган оятларни бирор қоғоз парчасига қайд қилиб ўзингиз билан бирга олиб юришингиз мумкин. Кейинчалик кун давомида уни баланд ўқиб чиқишингиз мумкин. Сиз Каломни ҳар қандай жойда ўрганишингиз мумкин: ишлаётганингизда, машқ қилаётганингизда, кутаётганингизда ёки ухлаётганингизда. Муқаддас Каломни ўрганишнинг уч йўли бор: булар такрорлаш, такрорлаш ва такрорлашдир. Муқаддас Каломда шундай ёзилган, “Масиҳнинг каломи сизда чуқур ўрнашиб, яшнайверсин.” (Колосаликларга 3:16) Худо Каломида яшашнинг яна бир йўли бу уни мутолаа қилишдир, яъни Муқаддас Каломда ёзилганидек у ҳақида “фикр юритиб туришдир”.

Баъзилар учун “фикр юритиб туриш” ёки ибодат — бу бирор бир суратга диққатингизни қаратиб у ҳақда фикр юритиб туришни тушунишади. Бу каломий маънога қаршидир. “Фикр юритиб туриш” бу диққатингизни фикрлашга қаратишингиздир. Бу жиддий ғайратни талаб қилади. Сиз бирор бир оятни танлаб оласиз ва онгингизда шу оят ҳақида фикр юритасиз. Агар Худо Каломи ҳақида ўйлаб, ундаги Масиҳ намунасини жиддий фикрлаб турсак, биз “кўтарилиб бораётган шон-шуҳрат билан Масиҳга ўхшаб бораверамиз”. Агар сиз Муқаддас Каломда Худо ибодат ҳақида айтган парчаларини ўқиб чиқсангиз, У кун давомида буни бажарган кишиларга берган ваъдасидан ҳайратда қоласиз. Худо Довудни “Менинг кўнглимдаги киши” деб аташининг сабабларидан бири бу – Довуднинг ҳар куни Унинг Каломини мутолаа қилганидир. У шундай деган, “Қонунингни мен қанчалик севаман, Кун бўйи у фикр-хаёлимда менинг.”(Забур 118:97) Худонинг ҳақиқатлари ҳақида жиддий ўйлаш ибодатларга жавоб олиш ва муваффақиятли ҳаётнинг қалитидир.

Бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

У сенинг киминг бўлди? У сен учун ким-y, сен Унга кимлигингни билиб олишинг шарт. Биз Xудонинг хузурига инсоннинг ёнига боргандек бормаймиз. Чунки У инсонлардан хам буюкроқдир. У Xудовандку. Унинг иззат — хурматини ўз жойига қўйишимиз, ардоқлашимиз, эъзозлашимиз шартдир. Усиз биз хеч киммиз ва Усиз хеч нарсага эга бўла олмаймиз. Унинг Oта эканлиги хақида баъзи бир маълумотлардан хабардормиз. Худодан бирор нарсаларни сўрасам, Ундан узоқлашиб кетаман ёки Унга тўғри келмайди деб ўйлама.

Хамма нарса Ундадир ва Ундандир. Мен сенга далда бермоқчиман. Худони фақат дўст ёки биродаp каби эмас ундан хам яқинроқ Ота каби кўришингга ундамоқчиман. Ибодатда шундай пайт бўладики ўша пайт келганда, Худонинг Отанг эканлигини ва ўртада хеч қандай чегара ёки тўсқинлик йўқлигини билиб оласан. Ибодат қилишни бир кун хам қолдирмасанг, Раббинг билан қандай яшаш кераклигини билиб оласан. Сен бу хақида йўналишга эга бўласан. Худо сенга қайси мавзу хақида ибодат қилишинг кераклигини билдиради. Худо фикрингга бирор бир нарсани солиши ва ўша фикр шу кунги мавзу бўлиши мумкин. Бирорта қўшиқ ёки фикрингга тинмасдан келадиган ғоя бўлиши мумкин. Ибодатда Раббийнинг бошқарувига қулоқ солиш яхшироқдир.

У хар бир кунингни бошқаради. Хар кунингни, Xудонинг менга берган куни деб билишинг лозим. Худо хар бир кунингни Ўз улуғворлиги билан тўлдиришни истайди. Ибодат дафтаринг бўлса яхши бўлади, ўшанда қайси мавзу бўйича ибодат қилганларингни кўриб турасан, қайси йўналиш бўйича бораётганингни яққол кўрасан. Худо кўпроқ оиланг учун ибодат қилдиряпдими? Жамоатинггами ёки мақсадларинг учунми? Агар қалбимиз Унга очиқ бўлса нима учун ибодат қилиш кераклигини, Ўзи бизга билдиради. Бугун Худо cени хайрон қолдириб, хаётингни остин -устун қилиш учун қалбингга кўп нарсаларни солиб қўяди. Худо сенга хар куни Каломини очиб бериши ва улуғворликдан улуғворликка ўтказиши учун, Унинг хузурига кел.

Бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Худованд бирликни дуо қилади, Унинг ҳузури эса – биргаликда Унинг исми учун йиғилганлар билан бирга, шунинг учун шайтон бор кучи билан одамларни бир-биридан ажратишга, муносабатларига низо солишга, ғазаб ва ҳасадга ундашга, жанжал келтириб чиқаришга уринади. Куч – бирлик ва розиликда. Биз Худо билан шахсий муносабатларга вақт ажратишимиз, шу билан бирга розилик ибодатининг кучини ҳам унутмаслик лозим.

Келишув ибодати, ибодатга йиғилган одамлар, ҳар куни тинчлик ва келишувда яшаган тақдирда, маҳсулдор бўлади. Бошқалар билан келишиб яшаш, ҳар хил масалаларда ўз фикрларимизга эга бўлмасликни билдирмайди. Келишув муносабатларнинг ҳамоҳанглигини, ўзаро ҳурмат ва эътиборни, худбинлик, ғазаб, норозилик, ҳасад, хафагарчилик ва ўзини бошқа билан таққослаш – яъни тушунмовчилик ва жанжалларга олиб келадиган ҳамма нарсадан қочишни назарда тутади. Келишиб яшашни спорт жамоасининг ҳаётига ўхшатиш мумкин. Жамоанинг ҳамма аъзолари ҳамжиҳатликда меҳнат қиладилар, бир-бирига далда беради ва руҳлантиради ҳамда ўзаро ишончга эга. Уларнинг ҳаммаси битта мақсадга қараб интилиши туфайли, ҳар битта ғалаба – бу умумий мукофот ҳисобланади.

Келишувни фақат нималигини эмас, балки нима эмаслигини ҳам билиш зарур. Мисол учун, биз ҳафта давомида чўпон тўғрисида ғийбат қилиб, кейин шифокор жиддий ташҳис қўйгани туфайли, ундан шифо сўраб ибодат қилишини илтимос қила олмаймиз. Куни бўйи фарзандларимизга қичқириб, тўхтовсиз айблаб, танқид қилиб, кейин имтиҳонларни мувоффақиятли топшириши учун биргаликда ибодат қила олмаймиз. Ҳамкасбимизни ортидан ҳукм қилиб, кейин ишдан бўшатиш бизгача етиб келмасин, деб биргаликда ибодатда тура олмаймиз. Турмуш ўртоғимиз билан доимий жанжаллашиб, дўстларимизга уни ёмонлаб, кейин у ишини йўқотганида: «Кел, Худо сенга янги иш бериши учун ибодатда келишамиз», деб таклиф қила олмаймиз.

Бирлик ва келишувни сақлаш белгиланган кучни талаб қилади, бироқ келишувда кишиларнинг ибодати олиб келадиган куч шунга арзийди. Худони бирликда яшашга қарор қилганимиз қувонтиради. Тинчлик яратувчи бўлинг, хотиржамликни сақланг ва сиз Худонинг фарзанди, деб аталасиз (Матто 5:9). Бордию, сизда ҳам ибодат эҳтиёжи бўлса, Дилкаш Радио телеграм каналимиздан фойдаланиб бизга хабар юборинг. Биз сиз учун ибодат қиламиз. Раббимиз инояти сиз муҳтарамга ёр бўлсин. Хайр, омон бўлинг.

Баъзида ибодатларимиз одамларни хавф-хатардан ёки синовлардан сақлаши мумкин. Аммо бу одамлар синовдан ўтиши талаб этилган вазиятлар ҳам бўлади, зеро уларни фақат қийинчиликлар Худога қаратиши мумкин. Душман бизни айблов ҳиссини сезишимизга мажбур этади, шунинг учун, ким учун ибодат қилмасак, гуноҳ қилишимизга ишонтиришни истайди. Муқаддас Руҳга эргашиш муҳим. Балки, У ибодат қилишга унчалик кўп ундамаслиги мумкин, аммо чорла-ган чоғда, Унга итоатда бўлинг.

Энг кучли ва ҳаракатчан ибодат – бу душманлар учун қилинган ибодат. Ҳақиқатдан, ибо­ датда кучли бўлган кишини топишни истасангиз, душманлари учун ибодат қилаётган кишини изланг. Бизни хафа қилган ёки бизга панд берган одамлар учун шафоатда бўлсак, Худованд бизни ортиғи билан марҳаматлайди.

Аюб ёдингиздами? У дўстлари уни хафа қилганидан сўнг ҳам, улар учун ибодат қилиши керак эди. Лекин ибодат қилган заҳоти, Худованд унинг ҳаётини тиклашни бошлади ва йўқотган нарсаларини икки баробар қилиб қайтариб берди (Аюб 42:10). Бизни хафа қилганлар учун ибодат, мислсиз қудратга эга, зеро биз ибодат орқали у кишига бўлган севгимизни ва Худонинг Каломига нисбатан итоатимизни намоён этамиз.

Исо Масиҳ, душманларимиз учун ибодат қилишни ўргатган: «Аммо мен сизларга ай­ таман, душманларингни севинглар, сизларни лаънатлаётганларни дуо қилинглар, сизлардан нафратланаётганларга яхшилик қилинглар, сизларни ҳақоратлаб қувғин қилаётганлар учун ибодат қилинглар» (Матто 5:44).

Ўз манфаатлари йўлида сиздан фойдаланган, сизга ёмон муносабатда бўлган, сизларни таъқиб қилган, сиз ҳақда даҳшатли нарсаларни гапирган кишилар ҳақида ўйлаганингизда – уларни лаънатламанг, балки дуо қилинг. Улар учун ибодатда бўлинг. Худованд душманларни дуо қилиш осонмаслигини ва бизда бунинг учун хоҳиш йўқлигини билади. Бироқ биз ўз истакларимизга боғлиқ бўлмаслигимиз зарур. Лаънатлашни ўрнига, дуо ва ибодат қилсак, бу руҳий дунёга кучли таъсир ўтказади ва Худованд ҳаётимизда ажойиб ўзгаришларни амалга ошириши муқаррар.

Бордию, сизда ибодат эҳтиёжи бўлса, Дилкаш Радио телеграм каналимиздан фойдаланиб бизга хабар юборинг. Биз сиз учун ибодат қиламиз. Раббимиз инояти сиз муҳтарамга ёр бўлсин. Хайр, омон бўлинг.

Яқинда Худованд менга ибодат юкини берди. Узоқ кутган телекўрсатувимни кўриб ўтир-ган бўлсамда, негадир экранга диққатимни қаратишим қийин бўлди. Бирданига йиғлагим келиб қолди. Мен билан нима содир бўлаётганини тушуна олмадим, бироқ ичимда, нима-дир менга тинчлик бермас эди. Мен телевизорни ўчирдим ва ибодат қилишни бошладим. Бир вақт бир ёш аёл ҳақида эсладим. Унинг ҳаётида муаммолар борлигини билар эдим. Мен у учун тахминан ўн беш дақиқалар сўрадим, шафоат қилдим, ёлвордим ва йиғладим. Ибодатни тугатиб, юк кетганлигини сездим. Ўрнимдан туриб, кўрсатувни кўришда давом этдим ва ҳаммаси ўтиб кетди. Сизларга ибодатдаги бир муҳим фикрни айтмоқчиман. Юкни ўйлаб топиш ёки қалбаки чиқаришнинг имкони йўқ.

Ибодат юкини эътиборга олмасангиз, хотиржам юра олмайсиз. Юқорида айтиб ўтган ҳолатни ҳали бошингиздан кечирмаган бўлсангиз ва бир куни ибодат юкини олсангиз, мен билан нима содир бўлаяпти, деб ҳайрон бўлманг. Менга келсак, уни камдан-кам оламан. Одатда оддий ва одатий ибодат қиламан. Аммо ҳар сафар кўзини юмганида, ибодат юкини оладиган одамлар ҳам бор. Менинг бир танишимнинг – даъвати шафо-атчилик. Беш дақиқа ибодат қилиши билан, гўдакдек йиғлашни бошлайди. Унинг даъвати меникидан фарқ қилади, лекин у билан ибодат қилганимда, ўзимни руҳда заиф ҳис этмайман. Худованд менга юк берганида, бирданига жавоб қайтараман, бироқ У бермаганида эса, ўзимни айблаб, менга руҳийлик етишмаяпти, деб ўйламайман.

Шафоатчилар сифатида ибодат юкини фаҳмлаб олишимиз зарур. Шафоатчи миясига келган нарса учун ибодат қилмайди. Улар Худонинг бошқаруви бўйича ва юк улардан олинганини сезмагунича, жон бериб сўрайди. Ҳар биримизда Худонинг бошқарувига эргашиб, бошқалар учун ибодат қилиш масъулияти бор. Шундай бўлсада, айрим кишилар шафоатчилик учун танланган ва улар махсус шафоат инъомига эгадирлар. Улар шафоатчи мансабида хизмат қиладилар, дейиш мумкин.

Улар бошқалар учун бир неча соатлаб ёки ҳафтада бир неча мароталаб ибодат қилишлари мумкин. Улардан кўп марта, Худованд уларни ибодат учун кечалари уйғотиши ҳақида эшитамиз. Бундай одамлар ибодат пайтида махсус нарсаларни бошидан кечирадилар, бироқ Худованд ҳар биримизга ўзига хос усулда ибодатни ўргатишини, унутманг. Ибодат тажрибамиз бошқаникидан фарқ қилса, ўзимизни камситилган сезмаслигимиз лозим. Мана шундай гаплар!

Бордию, сизда ибодат эҳтиёжи бўлса, Дилкаш Радио телеграм каналимиздан фойдаланиб бизга хабар юборинг. Биз сиз учун ибодат қиламиз. Раббимиз инояти сиз муҳтарамга ёр бўлсин. Хайр, омон бўлинг.

Дўстим бутун умри давомида ўзини яхши формада сақлаб келган. Унинг интизоми доим кўз олдимда турар ва бу ўзимни яна кўпроқ айблашга мажбурлар эди. Қўшимчасига, қайси шифокорга мурожаат қилмай, мендан спорт билан шуғулланиш, шуғулланмаслигимни сўрар эдилар.

Мен йўқ, деб жавоб берар эдим. Ҳаммасидан ёмони, мен энига кенгайиб, формамни йўқотиишни бошладим. Кўзгуга қараб, олдинги мен қаерга кетганини тушунмай қолдим. Кўзгудаги одам – бу ҳозирги мен эканимни англаганимдан сўнг, ўйладим: «Бу барча ёғлар билан нима қиламан энди?» Жавоб ҳар сафар бир хил эди: «Спорт билан шуғуллан». Мен тўнғиллардим ва нолир эдим, сўнг машғулотларни бошлар ва мушакларим чидаб бўлмас даражада зирқирашни бошлагунича шуғулланар эдим. Бундан кейин машғулотни тўхтатар эдим, негаки, билиб туриб ўзимни бунчалик қийнашнинг нима кераги борлигини тушунмас эдим.

Бир сафар, жиддий имонли дўстларимиздан бири қўнғироқ қилиб, деди: «Раббий мени, шахсан ўзингга тегишли бўлган нарса учун ибодат қилишга ундаяпти – хизматинг учун эмас, шахсий истакларинг учун». Бу инсон шафоатда кучли эканини билар эдим ва ўйладим: «Мен ҳамма нарсани торозига солиб кўришим зарур, чунки унинг сўраган нарсаси тез орада амалга ошади. Мен узоқ вақт фикрладим ва спорт билан шуғулланишга ўзимни мажбурлай олишим учун ибодат қилишини сўрадим.

Бу менга ҳақиқатдан ҳам зарур эди, негаки мен кўп йил яшашни ва касал бўлмасликни истар эдим. Мен ҳали кўп йиллар – Исо Масиҳ қайта келгунича, шайтонга панд бериб яшаш хоҳишим бор эди! Шунинг учун дўстимизга қуйидагича жавоб бердим: «Спорт билан жиддий шуғулланишимни бошлашда, иродам кучли бўлиши учун ибодат қилгин». Мен унга, бу масалада ўзимни интизомга сола олмаётганимни айтдим ва шу нарсани тан олиб, ўзимни чексиз енгил ҳис этдим. У мен учун сўраганидан сўнг, умримда биринчи марта доимий ва жадал машғулотларга киришдим. Кўп вақт ўтмай, жисмоний машғулотлардан ҳузурланишни бошладим.

Бордию, сизда ибодат эҳтиёжи бўлса, Дилкаш Радио телеграм каналимиздан фойдаланиб бизга хабар юборинг. Биз сиз учун ибодат қиламиз. Раббимиз инояти сиз муҳтарамга ёр бўлсин. Хайр, омон бўлинг.

Воқеа давом этаяпти: «Раббий Мусога яна деди: «Бу халқнинг нақадар ўжарлигини кўриб турибман. Энди Мени ёлғиз қолдир, бу халққа ғазабим қўзғалди ва Мен уларни қириб ташлайман. Эй, Мусо, уларнинг ўрнига сендан буюк халқ яратаман» (Чиқиш 32:9-10). Яхшики, Мусо художўй одам эди, бўлмаса, айтиши мумкин эди: «Қандай зўр, улар ҳақида унут. Яхшиси, мен шуҳрат қозонай». Мусо ўз халқи учун шафоат қилишни бошлади, чунки бу одамлар у учун, ҳақиқатан ҳам қимматли эди. «Бироқ Мусо ўзининг Раббий Худосига ёлворди» (Чиқиш 32:11). Унда Худони ўз ҳолига қўйиш, нияти йўқ эди. Худованд унга аллақачон айтди: Мени ёлғиз қолдир ва улар учун ибодат қилма, бўлмаса сенга қулоқ солишимга тўғри келади». Мусо эса ўзиникида туриб олган эди: «Ё, Раббим! Ахир, бу халқни буюк қудратинг ва кучли қўлинг билан Мисрдан олиб чиққансан-ку! Ўз халқингга Ўзинг ғазабингни сочмагин!» (Чиқиш 32:11). Мусо енгилишни ўйламади ҳам, негаки унинг юраги Худонинг қарорини қабул қила олмади. У ўз халқини севар эди ва Худонинг табиатини, борлиғини яхши билар эди. Бундан ташқари, Худованд халқини севишини ва уларни офатда қолдиришни истамаслиги унга аён эди.

Мусо бу вазиятда қандай йўл тутди? У Худодан Ўз қарорини ўзгартиришини сўради (Чиқиш 32:12). Аниқроғи, у шундай деди: «Раббий, қулоқ сол! Сен Мисрликларнинг кўзида Ўзингнинг номингга доғ туширишни ва халқини қутқара олмас экан, дейишларини истамайсан-ку? Халқини азоб чекиб, чўлда ўлиб кетишига йўл қўйибди, дейишларини хоҳламайсан-ку? Художон, гап бизларда эмас, Сен ҳақда кетаяпти. Сендан ўтинаман, улар учун эмас, чунки улар аблаҳ одамлар, балки Ўзингнинг номинг учун – уларни қутқар. Мен Сенинг обрўйингга зарар етишини истамайман. Художон, илтимос, уларни қутқар, токи ҳамма Сенинг нақадар буюклинингни кўрсин» (Чиқиш 32:12-13). Ва Худованд Ўз қарорини бекор этди: «Шунда Раббий Ўз халқига келтирмоқчи бўлган қириб ташлаш ниятини бекор қилди» (Чиқиш 32:14). Бу шафоат ибодатининг вазифаларидан бири ва унинг гувоҳлигининг кучидир.

Бордию, сизда ибодат эҳтиёжи бўлса, Дилкаш Радио телеграм каналимиздан фойдаланиб бизга хабар юборинг. Биз сиз учун ибодат қиламиз. Раббимиз инояти сиз муҳтарамга ёр бўлсин. Хайр, омон бўлинг.

Муносабатлар – бизнинг ижтимоий ҳаётимизнинг аҳамиятга эга бўлган қисми, шу билан бирга, ибодатларимизда ҳам муҳим рол ўйнайди. Биз атрофимиздагилар учун ва улар билан биргаликда ибодат қилишимиз мумкин. Кимдир учун сўраш – шафоат ибодати; бошқалар билан бирга сўраш – розилик ибодати дейилади. Бу икки ибодат тури ўзида улкан қудратни мужассамлаган, ваҳоланки, биз уларни ўрганиб чиқишимиз ва улардан тўғри фойдаланишни билиб олишимиз зарур. Шафоат – бошқа киши учун ибодат қилиш ҳамда Худога, бирор кишига ғамхўрлик қилиши ва муҳтожликларини қондиришини сўраб, мурожаат этишдир. Шафоат – ибодатнинг муҳим турларидан бири, негаки ҳамма ҳам ўзи учун сўрамайди ва қандай сўрашни билмайди. Сабаби оддий – ҳамма ҳам Худованд билан шахсий муносабатларга эга эмас. Бундан ташқари, одамлар оғир вазиятларга тушган, кучли тушкунликка бўлган, оғриқ, хафагарчиликни сезган ёки эсанкираб қолганпайтлари бўлади ва шунинг учун, ўз вазиятлари учун ибодат қила олмайдилар. Айримлар узоқ вақт давомида, бирор нарса учун сўраб, чарчаб қолган ва ҳафсаласи пир бўлган вақтлар бўлади.

Одамлар ибодат қилмаслигининг сабаблари кўп. Шундай одамларни кўрганимизда ёки имонлилардан бири у ёки бу сабабга кўра ибодат қила олмаётганини эшитсак, бизнинг вазифамиз – Худонинг қаршисада улар учун туриш, сўраш, Муқаддас Руҳнинг ортидан эргашиш ҳисобланади. Мисол учун, бир марта, шифохонага рак касалига чалинган дугонамни кўришга бордим. У ибодатда турар ва касаллик билан жасур жангчи сингари мардларча курашар эди. Бироқ кейинчалик, у ибодат қилиш учун анча заифлашиб қолди. У менга : «Бошқа ибодат қила олмайман», – деди. Унга у учун ва у билан бирга ибодат қиладиган дўстлар керак эди, чунки унинг ўзи буни уддалай олмас эди. Биз Раббийнинг қаршисида туриб, бошқалар учун ибодат қиламиз. Бу Унинг Олийруҳонийлик хизматидаги биз билан, хизматидаги биз билан ўзаро муносабатлардир. У Ўзининг одамлари ва уларнинг муҳтожликлари учун ҳар доим шафоат­да.

Унинг ишига, одамларнинг гуноҳлари ва муҳтожликларини билиш, уларни Худонинг қаршисига олиб келиш, ўша одамлар учун кечирим ва барака олиш, сўнг чиқиб, уларни Раббийнинг номидан дуо қилиш киради». Сизларни, Исо Масиҳнинг шафоат хизматига қўшилиб, Худога яқинлашишга чорлайман. Оилангиз, дўстларингиз, қўшниларингиз, ҳамкасбларингиз, жамоатдагиларингиз ва атрофингиздагилар сизнинг ибодатларингизга муҳтождир. Бутун дунё ибодатларингизга муҳтож. Биз оғир вақтларда яшаяпмиз, шунинг учун бир-биримиз учун ибодатда бўлишимиз лозим.

Бордию, сизда ибодат эҳтиёжи бўлса, Дилкаш Радио телеграм каналимиздан фойдаланиб бизга хабар юборинг. Биз сиз учун ибодат қиламиз. Раббимиз инояти сиз муҳтарамга ёр бўлсин. Хайр, омон бўлинг.

Худога расмий ибодатлар керак эмас ва улар ҳаётимизда ҳеч нарсани ўзгартирмайди. Бир нарса учун узоқ вақт давомида ибодат қилсак, бу ибодатлар ҳар сафар бир хил сўзларни такрорлашга айланиб қолишига йўл қўймаслик лозим. Битта мавзу учун кўп вақтдан бери ибодат қилаётган бўлсангиз ҳам, Муқаддас Руҳ сизни янгича бошқаришига имкон беринг. Худованд айрим кишиларга бирор киши ёки нарса учун ибодат қилишни топширади ва кўпинча, қатъиятлилик – бу топшириқнинг зарур бўлган шарти ҳисобланади. Баъзида Худованд бир киши учун сўрашга ундайди, Муқаддас Руҳ эса бу ҳақда бир кунда бир неча марта эслатиб туради. Ўша инсон доим юрагимизда ва фикрларимизда бўлади, у учун кўп марта ибодат қиламиз.

Худованд бизга у ёки бу топшириқни беради ва биз уни, албатта, бажаришимиз лозим.

У бизни нимага фаол тарзда ундаётган бўлса, ҳатто қисқа муддатга бўлсада, бу бизнинг топшириғимиз ҳисобланади. Қатъиятли ибодат, унга кетган вақтни эмас, балки бизнинг матонатимиз ва ғайратимизни назарда тутади. Қайсидир муҳтожликнинг қондирилиши учун, баъзида ойлаб ва йиллаб қатъият билан ибодат қилишга тўғри келади, баъзиларига эса Худованд бир неча куннинг ичида жавоб беради. Ибодатларимиз янада маҳсулдор бўлишини истасак, ибодатимизни қай пайти кучайтиришимиз, қай пайти эса – қандай бўлса, шундайлигича қолдиришни ўрганишимиз лозим. Бирор нарсани кучли истаганимиз учун Худодан ўша нарсани хиралик билан сўрайверишга сабаб бўла олмайди, боз устига, У ўз вақтида жавоб беришни ваъда қилган бўлса.

Ўз фикр ва ҳиссиётларимизга эргашишнинг ҳожати йўқ. Биз Муқаддас Руҳга эргашишимиз; нимада мойланиш бор, нимада эса йўқлиниги­ фаҳмлай олишимиз лозим. Буни аниқлашнинг усули, мана: Худонинг мойланиши бор бўлган нарса енгиллик, эркинлик, иноят олиб келади; ибодат пайти Муқаддас Руҳнинг ҳузурини сезасиз. Аксинча, ибодатда беҳисоб куч ишлатишга, хоҳишсизликни ва дангасаликни енгишга тўғри келса, демак, бу нарсада Худонинг мойланиши йўқ.

Ибодатда Худонинг мойланишини сезсангиз, шу мавзуда ибодат қилишда давом этинг. Ҳар сафар У сизни ундаганида, куч бериб ибодат қилинг. Худованд Луқо Хушхабаридаги қозига нисбатан беҳисоб эзгу ва шавқатлироқдир. Унинг иродасини билишингизни ва камига қаноат этмаслигингизни билса, У сизга бажонидил жавоб беради.

Бордию, сизда ибодат эҳтиёжи бўлса, Дилкаш Радио телеграм каналимиздан фойдаланиб бизга хабар юборинг. Биз сиз учун ибодат қиламиз. Раббимиз инояти сиз муҳтарамга ёр бўлсин. Хайр, омон бўлинг.