Биз худди умидларимиз рўёбга чиққандек харакат қиламиз. Биз тайёргарлик кўряпмиз.

Бу худди кечки овқатга мехмон келишига ўхшайди. Сен мехмон келгандан сўнг қандай овқат килиш хақида ўйламайсан. Ўша куни ишларингни сал эртароқ бошлайсан. Уйнинг тозалигига қарайсан, магазинга бориб керакли нарсалар оласан ёки бўлмаса хонтахтага гул олишинг мумкин. Сен кимнидир келишини кутаётганинг учун тайёргарлик қиласан.

Худонинг ваъдалари хаётимизда бажо бўлишида хам биз шундай қилишимиз керак. Имонингни ишга сол. Жавоб келиши учун тайёрлан. Ўз жойингда мустахкам туравергин. Ишонавер ва умид қилавер чунки сен кутаётган жавоб йўлда келаяпди!

“Исо болаларимизга қўл қўйиб дуо қилсин, деб одамлар Исонинг олдига болаларни олиб келишди. Шогирдлар эса болаларни олиб келган одамларни койидилар. Аммо Исо деди: — Болаларга йўл беринглар, Менинг олдимга келишига тўсқинлик қилманглар! Зеро, Осмон Шоҳлиги шундайларникидир. Исо болаларнинг бошига қўлини қўйиб дуо қилди, кейин Ўз йўлига кетди. (Матто 19:13-14)

Муқаддас Каломда майда болалар Исонинг кўриб ўзини Исога отмоқчи бўлганларида катта кишилар уларни қайтармочи бўлишади ва бу ишлари билан улар тартиб сақлашга ёрдам бераман деб ўйлашган. Буларни кўриб турган Исо “Улар ёнимга келаверсин!” -деди. Исо болаларни севган. У болаларнинг имонидан бизларга намуна олишни ва улар каби эргашишни айтади. Биз хам бола каби Унинг олдига хамиша югуриб боришимиз керак. Биз хамиша Унга ишонишимиз керак. Унинг мехрибон қўлларида хотиржам туришимиз керак.

„ Зеро, Осмон Шоҳлиги шундайларникидир“ дейилиши жуда хам қизиқарли. Бунинг маъноси болалар хам хамиша Осмон Шохлигига хуш қаршиланади. Дунёга келиб бу оламдан эрта кетган болалар сўзсиз Осмон Шохлигида бўлади.

Бугун сен хам мангу хаётга эга бўлмаган бўлсанг Xудо сени севишини ва мангу хаётга эга бўлишинг учун Сенга йўл очиб берганини билишинг лозим. У сени мангу хаётга эга бўлиб яшашингни истайди.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Биз шу марҳаматдан воз кечганимиздек, Эски Аҳдда ҳам суннатдан воз кечишганми? 1 Коринфликларга мактубининг 7 боби 14 оятида иймонли ота – онанинг боласи ҳам “муқаддас” ёки “ажратилган”, деб Павлус нимани назарда тутган эди? Кимки болаларни сувга чўмдиришни инкор қилса, шубҳасиз у киши шу оятнинг моҳиятини ҳам инкор қилган бўлади.

Иймонли ва иймонсиз оилаларни Худо бир ҳил кўрадими? Иймонли ва иймонсиз оиласининг орасида жуда катта фарқ бор: “…зеро Мен Худовандман, Сенинг Худоинг, рашқ қилувчи Худо, Мендан нафратланган оталарнинг гуноҳи учун фарзандларини учинчи ва тўртинчи авлодигача жазоловчи Худоман”. Чиқиш китобининг 20 боби 5 ояти.

“Лек Худованднинг инояти абадийдир, Илалабад Ундан қўрқанларга ёрдир, Уларнинг ўғилларига ҳам садоқати ёрдир, Худованд буюрган аҳдга вафо қилган, Амрларини эслаб бажарган барчага ҳамУнинг садоқати ёрдир.” Худо бир оилага жазо беришини иккинчисига эса марҳамат қилишини бу оятларда яқол кўриш мумкин.

Худонинг Каломини ўқиб туриб, қандай қилиб: “Ҳирод болаларининг ва Худо болаларининг тақдири бир ҳил” дейиш мумкин? Агар Худонинг Эски Аҳддаги ҳалқи ва Янги Аҳддаги ҳалқи бир-бирига бегона бўлса, унда нега Римликларга ёзилган мактубнинг 11 боби 17 ояти уларни битта халқ дейди?

Павлус аниқ қилиб, биз Янги Аҳд жамоатимиз, олдиндан бор бўлган дараҳтнинг ходасига ва томирига пайванд қилинган шоҳмиз дейди. Бу иккита дараҳт эмас, бу битта дараҳт. Албатта бир-биридан фарқланади, чунки кўп нарсалар амалга ошиб бўлган, шундай бўлса ҳам изчилликни сақлашни давом эттиришимиз лозим.

Агар Худо, ножот белгисини болаларимизда ишлатишни тўхтатишимизни истаганида, унда нега У Эски Аҳддаги намуналарни Янги Аҳдда тақиқламади ва ножот белгисини болаларимиз учун бекор қилмади? Бу оддий савол эмас. Агар Аҳд ўзгартирилганда эди, биз бу чуқур моҳиятга тўлла, 1700-чи йилдан бери бор бўлган, фундаментал диний принципдан воз кечган бўлардик.

Суннат белгисининг ўрнини ножот белгиси сифатида, сувга чўмиш ўринни босгани аниқ ва бу белгини болаларга қўлламанглар дейилган ҳеч қандай ишора ҳам йўқ. Бутрус дейдики аҳд бизга ва бизнинг болаларимизга берилган ва биз бутун оилаларнинг сувга чўмганини ҳам ўқиганмиз.

Шундай қилиб, Муқаддас Китобда, Худо берган шу ажойиб марҳаматни, шу қўҳна фарзни қўлламаслик учун ҳеч қандай сабаб йўқ. Хайр саломат бўлинг.

Бу таълимот уларни ҳамма умидларидан автоматик маҳрум қилмайдими? Мисрликлар, греклар, форслар ва кўп бошқа милатлар вакилларининг Исроил Худосига иймон келтирганликлари ҳақида Эски Аҳдда кўп мсоллар бор.

Ҳезекил китобининг 18 боби 14 ва 20 оятларида, Худо фосиқлар оиласидан ҳам солиҳ киши улғайиши мумкинлигини айтган. Худо ҳар қандай гуноҳкорликни тўхтатиб муқаддас авлодни ўстиришга қодир.

Ҳақиқатдан, ҳозирги замон жамиятидаги бахтсиз оиланинг гўзал художўйлиги, одамларни Масиҳга жалб қилади. Бошқача қилиб айтсак, Муқаддас Руҳ бизнинг Аҳдга алоқадор оиламизни, иймонсизларнинг оиласидаги болаларни тушкунликка олиб келиш учун эмас, балки уларни Масиҳга жалб қилиш учун фойдаланади.

Ота – онанинг фақат бири иймонли бўлган оилада нима қилиш керак? Шу оилада болани сувга чўмдириш керакми? Бунга жавоб бериш осон. Бола албатта сувга чўмдирилиши шарт.

Чунки Худо бу болага қараганда, У Ўз фарзандининг боласини кўради. Бутун оила отанинг ёки онанинг иймони орқали “покланади” ёки “ажратилади”. 1 Коринфияликларга мактубининг 7 боби 14 оятидан шу ҳақида ўқиб олишингиз мумкин.

Агар сиз ўз болангизни сувга чўмдирайми ёки чўмдирмайми деб иккиланаётган бўлсангиз, қуйидаги саволлар ҳақида ўйлаб кўришингиз мумкин. Агар сиз Эски Аҳд даврида яшаганингизда, болангизни суннат қилган бўлармидингиз?

Кўпинча сувга чўмдириш ҳақида беришадиган саволларни, Эски Аҳддаги суннат белгисига ҳам бериш мумкин, чунки сувга чўмиш суннатнинг амалда бажарилишидир.

Агар сиз Иброҳимнинг ўрнида бўлганинигизда Худога нима деган бўлардингиз? Сиз: “Худовандим, Исҳоқни суннат қилмайман. Чунки биз унинг катта бўлиб ўзи иймон келтиришини кутамиз, иймон келтирганидан кейин эса уни суннат қиламиз.

Ахир ҳозир уни фиръавннинг болаларидан ҳеч қандай фарқи йўқку, шундаймасми?” – деган бўлармидингиз? Бугун сувга чўмдириш ҳақида ҳам худди шундай дейишмайдими? Шу сабаблар билан бола ёмон йўлларга кириб кетса, буни ҳеч ажабланадиган жойи йўқ.

“Адашманглар, Худо ҳақоратланмайди. Инсон нима экса, шуни ўради,” — деб ёзилган Галатяликларга мактубининг 6 боби 7 оятида. Шунинг билан азизлар, мавзумиз ўз ниҳоясига етди. Бизнинг интернет сайтимиз манзили: www.dilkashradio.com Хайр саломат бўлинг.

Албатта, бунақа одамларнинг қутқарилишига умид йўқ, деб ҳисобламаслигимиз керак. Баъзан бола ота эътиқодига катта ёшли бўлганида келади. Жон Ньютон 7 ёшигача иймонли онаси билан яшаган, бироқ улғайганида ҳар қандай илоҳий нарсаларга қарши чиқади ва катта ёшли одам бўлганида эса, унинг юрагига онасининг эккан муқаддас уруғлари ўз хосилларини беради.

Ньютон: “Гуноҳкор ҳаётимнинг энг қора кунларида ҳам мен саноларни, Инжил оятларини ва умуман онам ўргатган ҳамма муқаддас нарсаларни ёдимдан чиқармагандим” – деган эди.

Бироқ, афсуски, художўйлар оиласида улғайган баъзи болалар ҳам бор, улар Худони рад этиб, ҳеч қачон Худога келишмайдилар. Бу ҳақда Ҳезекил китобининг 18 боби 5 оятидан 13 оятигача бўлган жойларида ёзилган.

Бу ерда бир одам ҳақида гапирилади, унинг ота – онаси иймонлилар бўлади, ўзи эса жисмда гавдаланган иблисдек бўлади. Худо бундай фарзанднинг абадий азобдан қутулолмаслигини айтган. У – қоидадан ташқари, истиснодир.

Бизлар, кўпдан – кўп художўйлар оиласида художўй фарзандларнинг улғаётганини кўриб, қувонишимиз керак. Бироқ ҳамма оилаларни ҳам “художўй оила” дейишга шошилмай эҳтиёт бўлинг.

Мен кўп одамларни – чўпонларни, раҳбарларни, дьяконларни, ваъзчиларни ва Инжил мактабининг ўқитувчиларини кўрганман, Худо улар орқали жуда кучли ишлаган, лекин уларнинг оиласи руҳан чўл каби бўм – бўш. Улар ажойиб ваъзчилар ва кучли ўқитувчилар, лекин ярамас эрлар ва оталар ҳамдир.

Эй чўпонлар, унутманг, бизлар художўй эрлар ва художўй оталар намунаси бўлишимиз керак. Биз художўй оила деганда Ибодатхона йиғилишига мунтазам борадиган оилани назарда тутмаяпмиз.

Кўпинча баъзи ота – оналар олдимга келишадида, боламизга бирон нарса бўлган, деб шикоят қилишади. Улар доим бир нарсани: “Биз боламизни тўғри тарбиялаганмиз. Биз уни Ибодатхонага доим олиб келганмиз.” – дейишади.

Агар шу оилани яқиндан таниб билсангиз, бу оиланинг боласи нега ўз йўлидан кетганини тушуниб оласиз: Бунинг бир неча сабаблари бўлиши мумкин. Боланинг отаси бола билан бирга Муқаддас Китобни ҳеч ўқимаган ва бола билан ҳеч ибодат қилмаган.

Бола мунтазам ва доимий тарбияни олмаган. Ота – она болага вақт ажратишмаган ва болага кераглича эътибор беришмаган. Бу энг оддий сабаблардир. Шунинг билан азизлар, мавзумиз ўз поёнига етди. Бизнинг электрон почтамиз манзили: www.dilkashradio.com Хайр саломат бўлинг.

Сувга чўмиш ёш болага ножот берадими? Сувга чўмиш ёш болага ҳам, катта ёшдаги одамга ҳам ножот бермайди. Суннат қилинган исроилликлар ҳалок бўлишгани ҳақида ҳам Эски Аҳдда мисоллар бор.

Худо уларни: “юраги суннат қилинмаган Исроил хонадони” – деб айтган Еремиё китобининг 9 боби 26 оятида. Улар суннат қилингандилар, лекин ножот топмагандилар. Янги Аҳдда ҳам катта ёшдаги сувга чўмган одамлар Масиҳдан тонишини ва Уни ҳақиқатдан ҳеч қачон танимаганини исботлашини кўришимиз мумкин.

Баъзилари Масиҳ номи билан мўъжизалар яратишган, бироқ Масиҳ уларга: “Мен сизларни ҳеч қачон таниган эмасман” – дейди Матто китобининг 7 боби 22 ва 23 оятларида. Албатта бу одамлар покланишнинг ташқи белгисини ўзларида олиб юришган, бироқ улар нопок бўлишганлар.

Бу саволга шундай жавоб беришимиз керакки, бу саволни беришга бошқа зарурият қолмасин: биз, ёш болага сувга чўмиш ножот бермайди, деб даъво қиламиз. Худо ота- онаси туфайли болага раҳм шафқат қилса, буни ҳақиқий иноят деб ҳисоблаш мумкинми? Яхши савол.

Агар бирон таълимот, бола ва катта ёшдаги одамлар ўз савоб ишлари туфайли ножот топадилар деб ўргатса, ўша таълимотдан кечишимиз лозим, чунки бизнинг ҳаммамиз Худонинг инояти туфайли ножот топганмиз, савобли ишларимиз билан эмас.

Агар болани Худо марҳаматласа, У раҳм-шафқат ҳам қилган бўлади. Бола ҳали ҳам гуноҳкор. Боланинг ота-онаси ҳам гуноҳкорлар. Оилага Худо ҳар қандай марҳамат берса ҳам, марҳамат ҳеч нарса билан қозонилмайди.

Мен ўзнинг ножот топган боласи ҳақида: “Боламиз бу ножотга лойиқ, чунки биз у учун кўп ибодат қилдик, ўқитдик, тарбияладик: шунинг учун Худо уни марҳаматлаши шарт” – дейдиган масиҳий ота-оналарни ҳали учратганим йўқ.

Аксинча, бизлар: “Ё Раббий! Бизнинг оиламизга берган иноятинг учун шукур: бизлар Сенинг марҳаматинга нолойиқ гуноҳкорлармиз” – деймиз.Нажот Худованд томонидан берилади. Нажотга эга бўлиш учун махсус амаллар керак эмас.

Оддийгина ибодат орқали Худодан кечирим сўраш ва ўз гунохларини Худованд олдида тан олиш хар қандай инсонни Нажотга эришиши учун мухим қадам саналади.Азизлар биз ўз фарзандларимиз ва яқинларимиз нажотга эга бўлишини истасак улар учун доимо ибодатда бўлишимиз керак. Шунинг билан азизлар мавзумиз ўз нихоясига етди. Бизнинг электрон почтамиз манзили: dilkash@najot.com хайр саломат бўлинг.

Азизлар, Садом Худонинг Каломига эга эмасди яъни билмасди, сизлар эса Худонинг Каломини ўзига яраша ўргангансиз, сиз учун ва сизлар билан ибодат қилишган, сизларга художўйликдан намуна кўрсатишган, сизларга Худонинг Қонунини ўргатишган, сизларга Худонинг раҳмдиллиги ҳақида айтишган.

Агар сиз азиз биродар, Худо учун яшамаётган бўлсангиз, унда бу марҳаматлар ҳақида билмаганлардан кўра сизларни ортиқроқ оғир жазо кутяпти. Сизларни болалигингизда сувга чўмдиришган бўлса, Худо сизларни Масиҳга эргашишга чақирган.

Агар сиз шу чақириққа итоат қилмаётган бўлсангиз, унда сизнинг атеистлар оиласида туғилганингиз афзалроқ бўларди. Раббимиз Исо Масиҳ, кўп мўъжизалар рўй берган бўлса ҳам, тавба қилмаган Кафарнаҳумдан кўра Садомнинг аҳволи енгилроқ бўлади деганди.

Эй азиз ота-оналар, Худога урф-одат бўлиб қолган пуч ваъдаларни берманглар. Ўзингиз бир ўйлаб кўрингчи, барҳаёт Худонинг қаршисида тик туриб, сизга аҳамияти йўқ сўзларни, ўзингизни жамиятга художўй қилиб кўрсатиш учунгина айтмаяпсизмикан?

Агар сиз шундай пуч ваъдалар берсангиз, сизнинг болангизнинг тўкилган қони сизнинг бўйнингизга қўйилади ва абадиятда сизнинг Қодир Худога енгилтаклик билан қараганингиз ҳақида ёзилган бўлади.

Муқаддас Китоб имонлиларнинг болалари покланиш муҳри билан белгиланиши лозим деб уқтиради. Эски Аҳдда бу белги суннат эди. Янги Аҳдда эса сувга чўмишдир.

Болаларимизнинг сувга чўмдирилгани, улар Худо учун азиз эканлигининг ҳақиқатлигини англатувчи рамздир. Боласини сувга чўмдираётган ота-она Худо билан аҳд тузади ва Худонинг амрларига асосланиб боласини тарбия қилишни ваъда қилади.

Сувга чўмиш болани гўдаклигидан Исо Масиҳни Ножоткорим деб тан олишига даъват қилади. Шахсан Худо Ўз ҳалқи билан аҳд тузади, шу аҳднинг шартларини Ўзи белгилайди ва тасдиқлайди. Худо Ўз Каломида берган ваъдаларини меҳрибонлик билан бажо келтиришни Ўз зиммасига олади.

Худо Ўзининг фарзандларидан ва фарзандларининг фарзандларидан аҳдга садоқатли бўлишга ва Унинг марҳаматларини авлоддан авлодгача қабул қилишга даъват қилади. Шунинг билан азиз ота-оналар, бугунги мавзумизга якун ясаймиз.

Бизнинг электрон почтамиз манзили: dilkash@najot.com Азизлар, яна мавзуларимиз орқали учрашгунча хайр саломат бўлинг.

Бир чўпоннинг олдига иккинчи, учинчи, тўртинчи фарзандини сувга чўмдириш учун олиб келган ота-оналарга у қўшимча савол беради. Улар бу саволга олдин ҳам жавоб беришган бўлса ҳам у барибир:

“Сиз чин дилдан ва пок виждон билан қасамёд қилишингиз учун аввалги болангизни сувга чўмдираётган пайтингизда Худонинг олдида берган ваъдангизни бажардингизми?” – деб улардан қайта ва қайта сўрайди. У бу саволни бутун жамоатнинг олдида сўрайди.

Албатта, Худонинг олдида биз ўз ваъдамизни тўлиқ бажаришга қодирмасмиз. Умуман, гап ваъдамизни тўлиқ бажаришимизда эмас, ҳамма гап биз ваъдамизни бажаришга ҳаракат қилаяпмизми йўқми, мана шуниси муҳимдир.

У чўпон ҳақ. Бизлар: “Келинглар, бир-биримизни алдамайлик. Бунақа қасамёдлар биз учун одатий нарса-ку,” – деб айтишимиз керак. Худо Иброҳимга юклаган жавобгарликни бизга ҳам юкламаганмиди?

Бизлар ҳам “ўзимиздан кейинги ўғилларимизга ва уй аҳлимизга ҳам Худованд йўлидан боришни” ўргатяпмизми? Агар биз “йўқ” деб жавоб берсак, биз болаларимизни сувга чўмдириш учун олиб келмасак ҳам бўлади.

Азиз ота-оналар, биз боламизни сувга чўмдирганимизда, биз ўз боламизга Худованд йўлидан боришни ўргатиш жавобгарлигини олган бўламиз. Болаларимиз бизники эмас, Худоникидир. Худо бизга бошқа ҳамма нарсаларни ато қилганидек, болаларимизни ҳам ато қилаган.

Биз фақат бошқарувчимиз холос. Шунинг учун биз ўз боламизни Худо талаб қилганидек тарбиялашимиз лозим. Агар биз Худонинг айтганини қилмасак, биз Худонинг ҳокимиятини рад қилган бўламиз. Сизларга аҳднинг сувга чўмдирилган фарзандларига каби гапиришимга руҳсат беринг.

Сизнинг ота-онангизнинг имон нишонаси, покланиш белгиси сизларга ҳам берилган. Бу сизлар учун – тавба қилиш ва Исога эргашиш чақириғи ва амридир. Агар сизнинг ота-онангиз берган ваъдаларини бажаришган бўлсалар, бу дунёнинг болаларига номаълум бўлган марҳаматга сизлар эгадирсиз.

Шунинг билан азиз биродарлар, бугунги мавзумиз ҳам ўз ниҳоясига етиб қолди. Шу ўринда сиз азизларга ўзимизнинг интернет сайтимиз манзилини эслатиб ўтмоқчиман: www.dilkashradio.com Яна мавзуларимиз орқали учрашгунча хайр саломат бўлинг.

Азизлар, Эски Аҳдга қайтамиз ва Худо Иброҳимга ўз болаларини покланиш муҳри билан белгилашни буюрганини биргаликда ўқиб кўрамиз. Шундан сўнг Худо Иброҳим ҳақида қуйидагини айтганини ҳам ўқиймиз:

“У ўзидан кейинги ўғилларига ва уй аҳлига ҳам Худованд йўлидан боришни, тўғрилик ва одиллик билан иш қилишни амр этсин, деб Мен уни танладим.” Ибтидо китобининг 18 боби 19 ояти.

Бу оят Иброҳим ўзининг болаларига Худонинг йўлидан боришни ўргатиш жавобгарлигини олганини англатади. Иброҳимнинг боласи суннат қилингани унинг боласининг ножот топганининг гарови эмасди.

Суннат – аҳд муҳри эди холос, бу муҳр Иброҳим ўз боласини Худонинг йўлидан юрувчи қилиб тарбиялашини ва Худо унинг ўғлини Ўз паноҳида асрашини англатарди холос. Кўплаб давлатлар шуни тушуниши керакки,

Бошқа давлатларга қараганда у ерда жамоатлар кўп бўлсада, ишонаманки ўша давлат хам бошқа гуноҳкор давлатлар билан гуноҳ қилишда бемалол рақобатлаша олади. Ўзимизнинг оиламиз ва жамоатимиздаги бошқа бирон оилалар ҳам баъзан имонсизларнинг оилаларидан ҳеч фарқланмай қоламиз.

Биз дунёвийлар каби ҳордиқларга, қулайликларга, шаҳар чеккаларидаги клубларга, пулларга, омадларга, обру-эътиборга сажда қилиб қоламиз. Шунингдек иймонсиз қўшнимиздан ҳам оз ибодат қиламиз.

Худони рози қилиш учун Жамоатга бир ойда икки марта борамизу ва унинг устига етмагандай, агар мажлис икки соатга чўзилса ранжиймиз ҳам. Биз ўз боламизга математикани ва бошқа фанларни, бизнесни, футболни хамда спортнинг бошқа турларини, мусиқани, расм чизишни театрни ва шу каби бошқа билимларни тер тўкиб ўргатамиз.

Лекин шу билан бирга ўз боламизни художўй қилиб тарбиялашга қанча вақт ажратамиз? Боламизни сувга чўмдираётганда берадиган ваъдамизга эътибор қилинг, азиз биродарлар. Шу берилган ваъдани оддий ҳол деб ўйламанг. Ахир сиз ушбу ваъдани Худованднинг олдида туриб Унга ваъда бердингиз. Энди бажаришга ҳаракат қилинг.

Шунинг билан азиз биродарлар, бугунги мавзумиз ўз ниҳоясига етиб қолди. Бизнинг электрон почтамиз манзили: dilkash@najot.com Азизлар, яна мавзуларимиз орқали учрашгунча хайр саломат бўлинг.

Акс ҳолда болаларингиз ҳаром бўлур эдилар, энди эса муқаддасдирлар.” 1- Коринфликларга мактубининг 7 боби 14 ояти. Коринфликлар мажусийликдан кечиб Масиҳга иймон келтиришганидан сўнг, баъзи муаммоларга дуч келишарди, ҳозирги кунда ҳам бу муаммолар кўп учраб туради.

Маслан, эр имонли бўлади ва унинг яшаш тарзи жиддий ўзгаради. Масиҳ унинг ҳаётида ишлаётганини кўрган эр, ўзининг имонсиз хотини билан бирга қолиш ёки ажрашиш ҳақида ўйланиб қоларди.

Азизлар, Бутруснинг айнан ушбу саволга берган жавобини 1-Коринфликларга мактубининг 7 бобидан топиб ўқишимиз мумкин. Агар имонли кишининг имонсиз хотини эри билан яшашни истаса, эр ўз хотини билан яшайвериши керак.

“Имонсиз хотин имонли эр орқали муқаддас бўлади” – дейди ҳаворий Бутрус. Лекин бу, хотин ножот топган дегани эмас. Азиз биродарлар, грек тилида “муқаддас қилиш” сўзи “танлаш, маҳсус ажратиш” деган маъноларни англатади.

Инжилнинг баъзи жойларида бу сўзлар “муқаддас” деб таржима қилинган. Масиҳийнинг муқаддас ҳаёти – “танланган”, маҳсус ҳаётдир. Ҳаворий Павлуснинг фикрича, Худо имонли эрнинг имонсиз хотинини “танлайди” ва унга алоҳида муносабатда бўлади.

“Нега?” деган савол туғилиши табийдир. Чунки унинг эри Худонинг халқига тегишли кишидир. Биз никоҳдан ўтганимизда Худонинг кўз олдида бир бутун бўламиз. Ҳаворий Павлус: “Акс ҳолда болаларингиз ҳаром бўлур эдилар” – дейди.

Умуман Ҳаворий Павлус: “Сизнинг болаларингиз Худо учун жуда муҳим ва сизнинг хотинингиз ҳам Худо учун жуда муҳим, ” деган. Унақада нега биз болаларимизни сувга чўмдирамиз-у имонсиз хотинимизни сувга чўмдирмаймиз?

Чунки хотинимиз катта ёшда бўлгани учун ўзи қарор қилиб Худонинг олдида имонини изҳор қила олади. Бола учун эса отанинг имони муҳимдир. Бола ўз имонини изҳор қилолмайди, бироқ гўдаклигиданоқ ундан Худованд йўлидан боришни даъват қилувчи, отасининг имон муҳрини ўзида олиб юради.

Азиз биродарлар, кўпчилик болани сувга чўмдиргандан кейин ҳаммаси яхши бўлади, деб ўйлаш мумкин. Ҳозирги жамоатларнинг кўп аъзолари худди шундай деб ўйлайдилар. Улар ўз болаларини худди ёнғиндан суғурта қилишаётгандек сувга чўмдириш учун олиб келишади.

Сувга чўмдиришдан сўнг уларнинг оиласи билан атеист қўшнисининг оиласи ўртасида ҳеч қандай фарқ кўринмайди. Шунинг билан азиз биродарлар, мавзумиз ўз поёнига етди. Бизнинг интернет сайтимиз манзили: www.dilkashradio.com Хайр саломат бўлинг.

Биз Янги Аҳдга қараганимизда шунақа парчаларни кўп учратишимиз мумкин. Масалан, қуйидаги парчаларни: Матто китобининг 9 боби 18 ояти. Яхудий жамоабошининг қизи ўлаётган бўлади. У Исодан қизини қутқаришни сўрайди. Исо ўлган қизни тирилтиради. Нега уни тирилтиради? Қиз иймонли бўлгани учунми? Йўқ, отасининг иймони туфайли қиз тирик қолади.

Матто 17 боб 14 ва 18 оятлари. Ота Исодан ўғлининг тутқаноқ касалини шифолашни сўрайди. Бола шифоланади.

Луқо китобининг 7 боби 11 оятидан 17 оятигача жойлари. Бева аёл ўзининг ягона ўғлининг мурдасини кўмишга олиб кетаётган бўлади. Исо бу ғамгин аёлни кўриб унга раҳми келади.

У аёл Исодан ҳеч нарса сўрамаган бўлса ҳам Исонинг ўзи унга ёрдам беради. Исо йигитни тирилтириб онасига қайтаради. Исо нега бу йигитни тирилтирди? Бу йигитнинг онасига раҳми келиб уни тирилтирди. Юҳанно мактубининг 4 боби 46 оятидан то 54 оятигача жойлар.

Кафарнаҳумлик амалдорнинг ўғли оғир касал бўлади. Унинг касаллиги шифоланмас даражада эди. Бундан тушкунликка тушган ота Исодан ўғлини шифолашни сўрайди. Исо унинг уйига бормасдан ҳам унинг ўғлини шифолайди.

Исо болани отаси туфайли шифолайди. Ушбу парчаларнинг ҳаммасида фарзанд ота- онаси туфайли шифоланган. Бизни доим хурсанд қиладиган бир ҳикоя бор. Бу Ерихолик солиқчи Заккай ҳақида. Исо шаҳарга келганида Исони оломон ўраб олади, шунда Заккайнинг бўйи паст бўлгани учун Исони кўролмайди ва Исони кўриш учун дарахтга чиқиб олади.

Шунда Исо Заккайни кўриб унга дараҳтдан тушишини, бугун У унинг уйига боришини айтади. Азалий режани бажо келтириб Исо: “Бугун бу уйга ножот келди,” – дейди.

Нега Исо бугун Заккайга ножот келди демади? Чунки Заккай, оиланинг бошлиғи бўлиб иймонга келгани учун, Исо бутун оила ҳақида гапирганди. Бошқача айтганда, оиланинг бошлиғи Худонинг фарзанди бўлди ва шунинг учун Худо бутун оилани марҳаматлашни ваъда қилди.

Муқаддас Руҳни қабул қилишган пайтда Бутрус одамларни тавба қилишга, гуноҳлари кечирилиши учун сувга чўмишга даъват қилаётиб, деганди: “Чунки бизнинг Раббимиз – Худованд бу ваъдани сизлар билан фарзандларингиз ва шунингдек, ҳамон узоқлардан чорламоқчи бўлган ҳамма одамзод учун берган.” Ҳаворийлар мактуби 2 боби 39 ояти. Шунинг билан азизлар, мавзумиз ўз поёнига етди. Бизнинг электрон почтамиз манзили: dilkash@najot.com Хайр омон бўлинг.