Хизматкор кетди.— Ҳеч нарса йўқ экан, — деди у қайтиб келиб.Илёс хизматкорига етти марта: “Денгизга қара!” деб буюрди. Хизматкор еттинчи марта ҳам бориб қаради. — Ана, денгиздан кичкина бир булут чиқиб келяпти, катталиги одамнинг кафтича келади, — деди у, ниҳоят…. Салом азизлар. Муқаддас Калом Илёснинг қурғоқчилик тугаши хақида қилган ибодати ва бунга Xудонинг қандай жавоб бергани хақида айтади.

Илёс одамларга: »Қаттиқ ёмғир ёғади, ёмғир яқинлашаётганини эшитяпман”, деди. Унинг сўзларига кўра келажагимиз учун Xудонинг »Xа» деган жавоби бор!

Илёс, ёмғирдан бирор нишона кўринармикин деб хизматкорини денгиз

томонга қарашни буюради. Хизматкор келиб »Йўқ, Илёс осмонда хеч қандай булут кўринмаяпди. Хеч нарса йўқ экан » дейди. Илёс буни эшитиб хафа бўлгани ёки салбий хаёлларга ботиб, »Энди нима қиламан, яхшиси пайғамбарчилик қилишни бас қиламан» дегани йўқ. Йўқ у бундай қилмади.

Фақатгина, ‘’Бор, яна қара » деди. Бу холат 6 марта такрорлансада Илёс Бориб, яна қарашни» буюраверди. Хизматкор еттинчи марта ҳам бориб, қаради. — Ана, денгиздан кичкина бир булут чиқиб келяпти, катталиги одамнинг кафтича келади, — деди у, ниҳоят. Илёс бу сўзларни бизга айтмоқчи бўлганида »Ёмғирда қолиб кетмаслик учун соябонингни тайёрла, ёмғир келяпти! деб айтган бўларди.

Дўстим, балки сен хам Илёс сингари бирор нарсага ишониб турган бўлсангу, лекин хеч нарса бўлмаган бўлса, бўшашма, бориб яна қарагин! Агар Xудо ваъда берган бўлса, У албатта рўёбга чиқаради. Кўп ўтмай У хаётингнинг хамма томонларига Ўз мархаматларини ёғдиради!

Биз хаётда кўпинча ниманидир кутиб яшаймиз, орзуларимиз ушалишини, ўзимизга мос келадиган инсон билан учрашишни ёки муаммоларимиз хал бўлишини кутамиз. Вазиятлар биз хохлагандек тезроқ ўзгармаса осонликча таслим бўлиб маюс бўлиб қоламиз. Сен ибодат қилганингда Xудо ваъдасини амалга ошириш вақтини белгилаб қўйганини англаб олишинг керак.

Худода сенинг имкониятинг учун тайинлаб қўйган вақт-соат бор. Муаммоларинг хал бўлиши, соғайишинг, юксалишинг, ёриб чиқишинг учун алохида кун белгиланган. Бу эртага, ёки икки хафтадан кейин, ё беш йилдан кейин бўлиши мумкин. Вақт-соат аллақачон белгилаб қўйилганини тушиниб олсанг, сени эзиб турган босимдан халос бўласан. Булар қачон содир бўларкан деб ташвиш қилиб яшамайсан. Ваъданг амалга ошадиган кун белгиланиб қўйилганинидан рохатланиб, осойишта яшайсан.

Ибодатингнинг жавоби йўлда келаётир!

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

қўрқувларини: (1 Коринфликларга 2:3) Албатта очиқлик хатарли бўлиши мумкин. Ўзингизни ҳаётингизни бошқаларга очиб беришингиз оғриқли бўлиши мумкин. Агар сиз муваффақиятсизлигингизни, ҳиссиётларингизни, умидсизлигингизни ва қўрқувларингизни бошқаларга бўлишсангиз, сиз рад этилиш эҳтимолида бўласиз.

Аммо бунинг афзалликлари таваккалчиликка лойиқ. Очиқлик ҳиссиётли эркинликдир. Очиқ бўлиш стресни юмшатади, қўрқувни йўқотади ҳамда эркинлик учун биринчи қадамдир. Биз аллақачон кўриб ўтдикки, Худо “камтарларга иноят беради”, аммо кўпчилик камтарликни нотўғри тушунади. Камтарлик ўзингизни пастга уриш ёки кучингизни инкор этишингиз эмас, балки ожизлигингизни тан олишингиздир. Қанчалик самимий бўлсангиз, Худонинг инояти шунчалик сизни қамраб олади. Сиз бошқалардан ҳам иноят оласизлар. Очиқлик машҳурлик учун сифатдир; биз табиатан камтар кишиларга тортишамиз.

Шунинг учун ҳам Худо нафақат сизнинг қудратингизни, балки сизнинг ожизликларингизни ишлатишни ҳоҳлайди. Агар кўп кишилар сизнинг кучингизни кўришса, улар умидсизланадилар ва “Яхши, у учун яхши, аммо мен ҳеч қачон буни бажаролмасам керак” деб ўйлайдилар. Агар улар сизни ожизлигингизга қарамасдан Худо ишлатаётганини кўришса, улар ҳам “Балки Худо мени ишлата олар!” деб ўйлашлари учун далда бўларди. Бизнинг қудратимиз рақобат келтириб чиқаради, аммо ожизлигимиз бирликни барпо қилади. Ҳаётингизда сиз кишиларни ҳайратда қолидарсизми ёки уларга таъсир қиласизми бунга қарор қилишингиз керак. Сиз кишиларни узоқдан туриб ҳайратда қолдирасиз, аммо уларга таъсир қилиш учун уларга яқин келишингиз керак ва улар сизнинг камчиликларингизни кўришлари керак. Бу яхши. Етакчи бўлишингиз учун керакли нарса бу комил бўлишингиз эмас, балки ишончли бўлишингиздир. Кишилар сизга ишонишлар керак ёки улар сизни таъқиб қилмайдилар. Сиз қандай қилиб ишончни қурасиз? Комил бўлганингизга даъво қилиш орқали эмас, балки самимий бўлиш орқали.

Павлус шундай деган, “Ўзим ҳақимда бўлса, заифликларимдан бошқа ҳеч нарса билан мақтана олмайман.” (2 Коринфликларга 12:5) Сиз ўзингизга ишонган ва кучли қилиб эмас, балки ўзингизни иноят кўзгусида кўришингиз керак. Агар Шайтон сизнинг ожизликларингизни айтса, унга қўшилинг ва бунинг учун Исони “бизнинг ожизлигимизни тушунгани учун” ва Муқаддас Руҳни бизга “ожизлигимизга ёрдам бергани учун” улуғланг. Баъзида, Худо бизни янада кўпроқ ишлатиши учун кучимизни ожизликка айлантиради. Ёқуб айёрлик қилиш билан шуғулланган ва бутун умр унинг оқибатлари билан курашган. Бир тунда у Худо билан олишган ва Унга “Мени марҳаматламагунингача сени қўйиб юбормайман” деган. Худо “Яхши” деган ва Ёқубнинг оёғидан ушлаб, белини чиқарган. Бунинг нима аҳамияти бор?

Худо Ёқубнинг кучига тегди ва уни ожизликка айлантирди. Ўша кундан бошлаб Ёқуб югуролмайдиган бўлиб, чўлоқланиб юрди. Бу уни яхши кўриш ёки яхши кўрмаслигидан қатъий назар Худога таянишига ундади. Агар сиз Худодан сизни марҳаматлашини ва ишлатишини ҳоҳласангиз, сиз бутун умрингиз давомида чўлоқ бўлиб юришга тайёр бўлишингиз керак, чунки Худо ожиз кишиларни ишлатади. Хайир, омон бўлинглар.

Ҳенри Ноумен шундай деган, “Бошқаларга хизматда бўлиш учун уларга ўлишимиз керак; бу ўзимизнинг қадримизни ўлчашни тўхтатиб уларни жуда юқори ўлчашдир ва биз шундай қилиб ҳамдард бўлиш учун озод бўлишдир.” Агар сиз ўзингизни Исо билан белгилайдиган бўлсангиз, сиз бошқаларнинг сиздан кутишларидан озод бўласиз ва уларга энг яхши хизмат қиласиз.

Ҳақиқий хизматкорлар ўзларининг деворинларини мақтовлар ва олқишлар билан тўлдирмайдилар. Улар бирор ном билан чақирилишни ҳоҳлаймайдилар ёки зар чопонга ўранмайдилар. Хизматкорлар мавқе белгиларини кераксиз деб ҳисоблайдилар ва улар ўзларининг муваффақиятларини қадр-қимматлари билан ўлчамайдилар. Павлус шундай деганди, “Ўзи-ўзини мақтаган эмас, балки Раббимиз мақтаган киши мақбулдир.” (2 Кор 10:18) Агар бирор киши мақтаниши ва фахрланиши мумкин бўлса, Исонинг укаси Ёқубчалик лойиқ эмас. У Исо билан бирга катта бўлган. Лекин мактубининг бошида у ўзини “Мен, Худонинг ва Раббимиз Исо Масиҳнинг қули Ёқуб” (Ёқуб 1:1) деб айтган. Исога яқинлашганингиз сари ўзингизни кўтаришни тўхтатаверасиз.

Хизматкорлар хизматни мажбурият эмас, балки имконият деб қабул қиладилар. Улар кишиларга ёрдам беришни, эҳтиёжларни қондиришни ва хизмат қилишни яхши кўрадилар. Улар “Худовандга хурсандчилик ила хизмат қилинг.” (Забур 99:2) деб айтадилар. Нима учун хурсандчилик билан хизмат қиладилар? Чунки улар Раббимизни севадилар, Унинг инояти учун миннатдорлар, хизмат қилиш ҳаётнинг энг яхши ишлатилиш эканлигини биладилар ва Худо улар учун мукофот тайёрлаб қўйганига ишонадилар. Исо шундай ваъда берганди, “Агар ким Менга хизмат қилса, Менинг изимдан юрсин. Мен қаерда бўлсам, хизматчим ҳам у ерда бўлади. Ким Менга хизмат қилса, Отам уни ҳурмат қилади.”(Юҳанно 12:26)

Павлус шундай деган, “У сизларнинг ишингизни, Унинг исмига кўрсатган муҳаббатингизни унутмайди, Ўз азизларига қандай хизмат қилганингизни ва ҳозир ҳам қилаётганингизни ёдда тутади.” (Ибронийларга 6:10) Тасаввур қилинг дунёдаги 10 фоиз масиҳийлар ўзларининг ҳақиқий хизматкорликларига жиддий қарадилар. Қилиниши мумкин бўлган барча яхши ишларни тасаввур қилинг. Сиз ўшандай кишилардан бири бўлмоқчимисиз? Сизнинг ёшингизнинг фарқи йўқ, агар сиз хизматкордек ҳаракат қилсангиз, Худо сизни қўллайди. Алберт Швейтзер шундай деган, “Ҳақиқий хурсанд кишилар қандай хизмат қилиш кераклигини ўрганган кишилардир.”

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

• Оилавий тажриба: Оилангизда ўсишингизда нималарни ўргандингиз?

• Илмий тажриба: Мактабдаги энг яхши кўрган фанингиз нима?

• Иш тажриба: Қайси ишларни яхши кўргансиз ва уларда муваффақият қозонгансиз?

• Руҳий тажриба: Сизнинг Худо билан бўлган энг маъноли вақтингиз қачон бўлган?

• Хизмат тажрибаси: Илгари Худога хизмат қилганмисиз?

• Жароҳат тажрибаси: Қайси муаммолар, оғриқлар, тиканлар ва қийинчиликлардан бирор нарса ўргандингиз?

Кўпинча охирги категория, яъни Жароҳат тажрибасида Худо кишиларни хизматга тайёрлайди. Худо бирор оғриқни ҳам бекорга кетишини ҳоҳламайди! Аслида, сизнинг энг буюк хизматингиз энг оғир жароҳатингиздан келиб чиқади. Боласи туғма соқов ота-онага худди шундай касал билан оғриган хизматчилардан кўра ким ҳам яхшироқ хизмат қила олади? Пёниста кишига ўзи ушбу нарсадан эркинлик олган хизматчидан бошқа ким ҳам яхшироқ ёрдам бера олади? Эри ташлаб кетган аёлга илгари у ҳам худди шуни бошидан кечирган хизматчидан бошқа ким ҳам яхшироқ ёрдам бера олади?

Худо сизни бошқаларга хизмат қилишингиз учун айнан ўша қийинчиликлардан олиб ўтади. Муқаддас Каломда шундай ёзилган, “У бутун ғам-қайғуларимиз учун бизга тасалли беради. Шу тариқа ўзимиздек ҳар турли қайғуларга йўлиққан бошқа одамларни биз Худодан олган тасалли билан овунтира оламиз.”(2 Коринфликларга 1:4)

Агар сиз ҳақиқатан ҳам Худога хизмат қилмоқчи бўлсангиз, сиз буюк ҳақиқатги тушунишингиз керак: Сиз ҳаётда афсусланган ва жирканган тажрибалар – сиз уларни яшириш ва унутишга ҳаракат қилаётган тажрибалар Худо сиздан улардан фойдаланиб бошқаларга хизмат қилишингизни ҳоҳлайди. Улар сизнинг хизматингиздир.

Худо сизнинг оғриқли тажрибаларингизни ишлата олиши учун сиз уларни бўлишишингиз керак. Сиз уларни ўраб ташлашни тўхтатишингиз керак ва самимийларча ўзингизнинг хатоларингиз, муваффақиятсизликларингиз ва қўрқувингизни тан олишингиз керак. Буни бажаришингиз сизнинг энг самарали хизматингиз бўлиши мумкин. Кишилар агар биз уларга Худонинг инояти бизга қандай фойда қилганини бўлишсак биз ўзимизни кучимиз билан мақтанганимиздан кўра анча кўпроқ далда оладилар. Павлус ушбу ҳақиқатни ўзининг кўп безовта бўлишини самимият билан тан олганида тушунган эди. У шундай деган, “Эй биродарлар, Асия вилоятида бошимизга келган кулфатлардан хабарсиз қолишингизни истамаймиз.

Биз ҳаддан ташқари, чидаб бўлмайдиган даражада эзилдик, ҳатто соғ қолишга умидимизни йўқотган эдик. Ҳа, ўлимга маҳкум бўлганимизни ўз вужудимизда сезардик. Бу шунинг учун бўлдики, биз ўзимизга эмас, балки фақат ўликларни тирилтирувчи Худога умид боғлайлик. Ҳақиқатан ҳам Худо бизни шундай катта ўлим таҳликасидан қутқарди ва яна қутқаради. Ҳа, У бизни яна қутқаради, деб Ундан қаттиқ умид қиламиз.”(2 Коринфликларга 1:8-11) Агар Павлус ўзининг ушбу тажрибасини яширганида эди миллионлаб кишилар бундан манфаат кўролмас эдилар. Фақатгина бўлишилган тажрибагина бошқаларга ёрдам бера олади. Оғриғингизни бекорга кетказманг; уни бошқаларга ёрдам бериш учун ишлатинг.

Васвасалардан қутулиб бўлмасликни яхшилаб тушуниб олинг; ундан бутунлай сақлана олмасликни тушунинг. Муқаддас Каломда шундай ёзилган, “Бошингизга оддий инсоний васвасадан бошқа васваса келмаган. Худо эса содиқдир, У кучингиздан ортиқ васвасага тушишингизга йўл қўймайди, лекин васваса билан бирга тоқат қилишингиз учун иложини ҳам беради.”(1 Коринфликларга 10:13)

Васвасага тушиш гуноҳ эмас. Исо васвасага тушган, аммо У ҳеч қачон гуноҳ қилмаган. Васваса агар сиз унга берилсангизгина гуноҳ бўлади. Мартин Лютер айтганидек, “Сиз тепангизда учаётган қушлардан қутулолмайсиз, аммо уларга бошингизда ин қуришига йўл қўймаслигингиз мумкин.” Сиз Шайтоннинг фикрларни йўллашидан қутулолмайсиз, аммо сиз уларда яшамай ва ҳаракат қилмай оласиз. Масалан, кўп кишилар жинсий жозибадорлик ва жисмонан гўзаллик билан, эҳтиросга берилишни адаштирадилар. Худо ҳар биримизни жинсий кишилар қилиб яратди ва бу жуда яхшидир. Жозибадорлик ва гўзаллик табиий, доимий ва Худонинг жисмоний қиёфага берган марҳамати бўлса, эҳтиросга берилиш эса ҳоҳиш ва истакнинг ихтиёрий ҳаракатидир. Эҳтирос бу танангиз билан нима қилишингиз учун онгингиздаги танловдир. Сиз гуноҳ қилишни ҳоҳламасдан туриб гўзалликка берилишингиз ёки эҳтирос уйғотишингиз мумкин. Кўпгина кишилар, айниқса Масиҳий йигитлар, уларнинг Худо берган табиатлари натижасида ўзларини айбдор ҳис қилишлари мумкин. Қачонки улар жозибадор аёлни кўрсалар, улар буни эҳтирос деб ўйлайдилар ва бундай уялиб ўзларини қоралайдилар.

Лекин жозибадорлик агар сиз унга берилмасангиз гуноҳ эмас. Аслида, Худога қанчалик яқинлашсангиз, Шайтон сизни шунчалик васвасага солади. Сиз Худонинг фарзанди бўлган вақтдан бошлаб Шайтон, банда гуруҳини ёлловчи киши сифатида, сиз учун “шартнома” тузади. Сиз унинг душманисиз ва у сизнинг йиқилишингиз учун режалар тузади. Баъзан ибодат қилаётганингизда Шайтон сизни тушунарсиз ҳолатга қўяди ва айбдорликни ҳис қилишингиз учун ва сизни чалғитиш учун ёвуз фикрларни беради.

Бунинг оқибатида хавотирга тушиб ўзингизни айбдор ҳис қилманг, балки билингки Шайтон ибодатларингиздан қўрқади ва уни тўхтатиш учун ҳар қандай ишни қилишга тайёр бўлади. “Қандай қилиб бундай фикр ҳақида ўйлашим мумкин?” дейиш ўрнига буни Шайтон томонидан чалғитиш сифатида қабул қилинг ва дарҳол Худога диққат қилинг. Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

У Шотландиянинг шимолий-ғарбида яшаган халқларга ваъз айтган деб ҳисобланади. Унинг гувоҳлиги туфайли, шимолда ҳукмронлик қилувчи қирол Бруде, масиҳийликни қабул қилди.

Олдинига Бруде Колумба учун шаҳар дарвозасини очишга рози бўлмади, лекин Колумба дарвоза ортида туриб, қирол таслим бўлгунига қадар ибодат қилди. Ўзидан юз йил олдин яшаган Патрик каби Колумба ҳам друидларнинг шиддатли қаршиликларига учради, лекин, унинг ўтмишдоши сингари, у ҳам Худонинг кучига қарши уларнинг сеҳргарлик қудратини синаб кўриш учун уларни мусобақага чақирди.

Латуретнинг сўзлари бўйича Колумбанинг илоҳиёти, “кўплаб диний мўъжизалар каби, ахлоқи ҳам расмий эътиқоддан кўра кўпроқдир…” Колумбанинг хушхабарчилик фаолиятининг муваффақият қозониши жуда аҳамиятли бўлиб кўринса ҳам, бугун кўп олимлар унинг еттинчи асрдаги таржимаи ҳолини ёзувчисининг Англия ва Шотландия ҳудудларидаги Айонада фақат у ва унинг шогирдлари Хушхабар тарғиб қилишган деганларига қўшилмайдилар.

Колумба билан умуман алоқаси бўлмаган Ирландиядан келган ваъз айтувчи хушхабарчилар ҳам бор эди. Колумбанинг ишининг мазмуни Рим-католик жамоатининг хушхабарчилик фаолиятининг мазмуни билан муносабатдош, кўплаб охирги тарихчилар католик хушхабарчиларига муносиб бўлмаган кўп хизматларини қўшиб ёзишга ҳаракат қилишган.

Рим католик ва Келт хушхабарчилари орасида католиклар аста-секин юқорига кўтарилаётган жиддий рақиблик мавжуд эди, лекин бошида хушхабарчилик хизмати бўйича катта қисмга эга бўлган Британия ва Марказий Европа ўз ишларига содиқ бўлган Келт роҳиблари тарафидан кучли якунланган.

Рим-католик хизматининг биринчи бошланишиданоқ Римнинг ҳарбий-сиёсий муваффақиятлари билан мустаҳкам боғлиқ бўлган. Жамоат ўсишининг бош далили аҳолининг оммавий имон келтириши ҳисобланади.

Қароргоҳ ҳарбий ёрдам бериш таклиф этилган сиёсий етакчиларга бўлинди, бунинг натижасида улар яхшилаб ўйлаб кўрмасдан номига масиҳий бўлиб қолдилар, уларнинг фуқаролари эса ишни охирига етказди.

Баъзи бир ҳолларда ҳарбий ёрдамга талаб ёлғон эътиқод билан уйғунлашади, мажусийлар ёки уларнинг худоларидан кўра, масиҳийлар Худоси жангда қудратлироқ ёрдамчи бўлади. Азизлар, шу ерда мавзумизга якун ясаб, сиз азизлар билан хайрлашамиз. Хайр саломат бўлинг.

У ёш йигитлигидаёқ монастирга кетди, у ерда унга диаконлик хизмати учун қўл қўйишди, кейинчалик эса руҳоний бўлди. Унинг хизматидаги Хушхабарчилик хоҳиши эрта уйғонди ва Ирландиядаги кўплаб монастирлар ва жамоатларнинг ташкил этилиши, Дерри, Дёрроу ва Келледаги машҳур монастирларни қўшиб унинг рўйхатига олинди.

Колумба қирқ икки ёшида чет эл хушхабарчилик фаолиятига ўтди, унинг таржимаи ҳоли еттинчи асрда, унинг “Масиҳга бўлган севгиси”, тушунтирилди, лекин, фақат бу билан эмаслиги аниқ.

Унинг таржимаи ҳолини ёзувчи, патриарх ҳузуридаги кенгаш уни ватанида хизмат қилишдан маҳрум қилди, деган хулосага келди, лекин қарорни адолатли қабул қилмай, балки аҳамиятсиз баҳона билан қабул қилганларини таъкидлайди.

Аммо Вилл Дюран, унинг маҳрумлиги ва Британияга кетиши сабабларини айтиб ёзган, асло аслликнинг маҳрумлиги эмас деб ҳисоблайди: “у курашчи билан тенг бўлганидек, муқаддаслар билан ҳам тенг “қадди-қомати қудратли зўр овозли одам”;

унинг қайноқ жўшқинлиги кўплаб жанжалларга ва охири қирол Диармайд билан урушга сабаб бўлди; Бу урушда 5000 минг одам ўлдирилди; охир оқибат Колумба ғолиб чиқди Кулдрев олдидаги уруш майдонида қанча жон йиқилган бўлса, шунча одамни олиб келиш қарори билан Ирландияни ташлаб чиқиб кетди”.

Колумбани бегона ерга кетишга рағбатлантирган ҳар қандай сабаб ҳам, далил, унинг у ёққа кетиши далиллигича қолади. Британиядаги бир йиллик хизматида у кўп нарса қилишга улгурди.

Унинг бошланишида ўн иккита руҳоний хизмат қилди, у Шотландиянинг туманли ва ранги айниган Айона оролининг соҳилида ўзига қароргоҳ топди, соҳилга йил давомида оғир денгиз тўлқинлари урулиб туради.

У ўша жойда бир хил бўлган монастирлик ҳаёти, ибодатдан, рўза тутишдан, мулоҳазалардан, Муқаддас Китобни ўрганишдан ва жисмоний меҳнатдан ташкил топган монастирга асос солди.

Бундан ташқари ҳаммасидан муҳими роҳиблар кейинчалик Хушхабарни ваъз этиш учун юборадиган, ибодатхоналар қурадиган ва янги монастирлар очадиган хушхабарчиларни тайёрлаб берардилар. Шунинг билан азизлар, мавзумизга якун ясаймиз. Бизнинг электрон почтамиз манзили: dilkash@najot.com хайр саломат бўлинг.

Шу билан бирга у ҳар доим ўзининг шахсий камчиликларини тан оларди ва муваффақиятларини эса Худонинг инояти деб тушунтирар эди. Худо бу одамга табиатан етишмаган ҳамма камчиликларини тўлдириб сахийлик билан берди ва у ўзининг “иқрорини” шундай сўзлар билан якунлайди:

“Мен Худодан қўрқадиган ва ишонадиганлардан ўтинаман, мутлақо нодон одам, Ирландияда гуноҳкор Патрик томонидан тузилган, бу ҳужжатларни қабул қилишга ёки ўқишни лозим кўрганларга, токи ҳеч ким ҳеч қачон менинг нодонлигим, менинг қилган кичкина ишимдан бирортаси Худонинг иродаси билан қилинди ёки кўринди деб айта олмасин; лекин ўзингиз мулоҳаза қилинг ва ҳақиқатни текширинг, Худонинг инъоми ҳақиқат эди.

Ўлимимдан олдин мен шуларга иқрор бўламан”. Патрикнинг Ирландиядаги Хушхабар тарқатиши, бошқа хушхабарчиларни ҳам ўрта асрлар даврида битта улкан етуклик натижасига олиб келди.

Бу хушхабарчилик иши асосан Келт жамоатларида ва ғарбий-рим жамоатларида камроқ ўтказиларди. “Ирланд имонлиларида хушхабарчилик фаолиятига завқли интилиш уйғонди, – деб ёзади Эдман, – интилиш ўша кунлар учун оддий ҳол эмас.

Масиҳга севги билан ёниб, тўсқинликлардан ва қийинчиликлардан қўрқмасдан, улар Хушхабарни ваъз қилиб ҳар тарафга кетдилар”. Улар бутун Марказий Европага ва узоқ шимолга Исландиягача, айнан Британияга, биринчи улуғ хушхабарчининг ватани Ирландияга тарқалиб кетган бўлсалар-да, уларнинг биринчи “чет эллик” фаолият даласи бўлди.

Бу жамоат кейинчалик Рим католик жамоатининг тузумига кириб кетган бўлса-да, айнан шу ер кейинги асрлар давомида ўн тўққизинчи асрнинг бош хушхабарчилигига намуна бўлиб хизмат қилади.

Келтлик роҳиб-хушхабарчиларининг гувоҳлиги бўйича “Римдан чиққан бир нарса билан хушхабарчилик ишининг тозароқ шаклини…” ўтказдилар. Одатда улар тўғри келадиган жой танлашарди ва ўша ерда хушхабарчилик қишлоғини ташкил қилишарди. Марказда улар оддий ёғоч ибодатхона қурдилар, ёнига дарслар учун хоналар ва роҳиблар учун ҳужралар қурдилар. Роҳиблар ҳам қурувчилар билан, ҳам ваъзхонлар билан ва муаллимлар билан бирга бўлдилар. Шунинг билан азизлар, мавзумизга якун ясаймиз. Бизнинг интернет сайтимиз манзили: www.dilkashradio.com хайр саломат бўлинг.

Бу “Македония” чақириғи эди: У шундай ҳикоя қилади. “Мен Ирландиядан келаётган сон-саноқсиз хатлардек, Викторий исмли одамни кўрдим; у менга хатлардан бирини берди ва мен хатни ўқишни бошлаганимда, ғарбий денгиз ёнидаги Фоклут ўрмонида яшаётганларнинг овозини эшитгандек бўлдим; улар шундай деб бақирар эди:

“Илтимос, муқаддас одам, келгин ва бизнинг орамизда яшагин”. Уларнинг бақириқлари менинг юрагимга санчилди ва бошқа ўқий олмадим; кейин уйғониб кетдим”.

Патрикнинг Ирландиядаги хушхабарчилик хизмати, уни чақирганидан кейин дарров бошланмади. У олдин Галилеядаги Оксер жамоатига ўқишга кетди. Ҳатто ўқишдан кейин ва диаконликка қўл қўйганларидан сўнг ҳам унинг мураббийлари хизматнинг бундай турига нисбатан унинг қобилиятига ишонмадилар ва унинг ўрнига Ирландияга Палладийни юборишди.

Лекин Палладий Ирландияга бориб, бир йилдан камроқ яшади ва оламдан ўтди, бу эса Патрик учун йўл очди. У қирқ ёшдан ошган эди, лекин у ўзининг чақириғини бажариш учун киришишга олдинги пайтдан кўра янада кучлироқ эди.

432 йили Патрик Ирландияга борди, у ерда масиҳийларнинг алоҳида оролчалари мавжуд бўлса ҳам, аҳолининг кўпчилик қисми устун бўлган мажусийларнинг жабр-зулм исканжасида эди.

Мажусийлар қуёшга, ойга, шамолга, сувга, оловга, қояларга ва қишлоқ ҳамда тоғларда ўрнашиб олган ҳар хил яхши ва ёвуз руҳларга сажда қилар эдилар. Одамни қурбонликка олиш билан бирга сеҳргарлик ва қурбонлик олиб келиш улар тарафидан ўтказиладиган диний удумларнинг ажралмас бир қисми бўлиб қолган эди.

Тез орада Патрикнинг друидлар тарафидан қақшатқич зарбага учраши ҳайрон қоларли эмас эди. Лекин уларнинг оммавий ва сиёсий тартибларини қабул қилиб, у улар билан тил топишишга муяссар бўлди ва аста-секин қудратли друид-доҳийларидан баъзилари масиҳийликка юз бурдилар.

Кўп вақт ўтмай друидлар ҳам ўз ҳокимиятларини йўқота бошлади, лекин Патрикнинг мажусийлар билан тузган аниқ битими орқали уларнинг сеҳр-жодули эътиқодлари йўқолиб кетмади. Шунинг билан азиз биродарлар, бугунги мавзумиз ўз поёнига етди. Бизнинг интернет сайтимиз манзили: www.dilkashradio.com хайр саломат бўлинг.

Аёллар хизматининг туғилиши эса 1822 йилда Африкада иш бошлаган Анн-Мари Жавуи кўрсатган намунаси билан ажойиб тарзда тасдиқланди. Унинг ўлимидан сўнг 1851 йили авлиё Юсуфнинг тўққиз юзта сингиллари ҳаворанг кўйлаклар кийиб бутун дунёга тарқатиб юборилди.

Ўн тўққизинчи аср рим-католик жамоатининг хизматини янада кўпроқ тарқатишининг гувоҳи бўлди ва 1960 йилнинг охирига келиб бутун дунё бўйлаб юз минг атрофида руҳоний ва хушхабар ташкилотининг дунёвий хизматчиларини ташкил этди.

Деярли уларнинг ярмиси – католик опа-сингилларлар, ёлғиз аёллар эди. Уларнинг хизматларини кўриб бутун дунё ҳайратда қоларди. Масалан, бутун умрини инсоният учун ва жамоат хизматига бағишлаган Тереза она, Нобел мукофоти билан тақдирланди.

Марказий Европада рим-католик хизматининг ривожланиб бориши ўрта асрнинг бошида Бонифас тарафидан якунланди. Уни “Қора асрларнинг хизматчилари орасидаги энг буюги”, “бутун тарихдаги масиҳийликни тарқатиш бўйича энг ажойиб хушхабарчиларидан бири” ва “ҳар қандай инглизнинг бутун инсон тарихида қолдиришидан кўра, Европанинг тарихига ҳақиқий таъсир кўрсатган инсон” — деб аташади.

Лекин, рим-католик амалдорлари бу вазифани тушунганларидек бажаришга унинг самимий ҳаракатларига қарамасдан, унинг мартабаси Рэймонд Эдманнинг сўзи бўйича, “жамоатни Масиҳдан юқори, Ёзувдан кўра яширинликни хуш кўрадиган инглиз ва қитъа масиҳийликнинг руҳий оҳангини паст акс эттиради”. Бонифас еттинчи асрнинг охирида, Англияда Девонширда туғилди. У ўсмирлик пайтида монастирга кетди, ўттиз ёшларида эса унга руҳонийликка қўл қўйилиб ибодат қилинди.

Албатта унда руҳоний каби ватанига ўрнак кўрсатишига имконият бор эди, лекин уни қитъадаги мажусийларнинг сувга тушиб имон келтирмаганлари ташвишлантирарди. Унинг Голландияга биринчи сафари, сиёсий қаршилик ва тартибсизликлар туфайли муваффақиятсиз тугади.

У уйига қайтди, у ерда қолиш ва монастирни бошқариш қизиқиши билан қайтиб келди; лекин Хушхабар тарғиб қилишга интилиш уни тарк этмади. Шунинг билан азизлар, мавзумиз ўз поёнига етди. Бизнинг электрон почтамиз манзили: dilkash@najot.com хайр саломат бўлинг.