Аеропортдами ёки шаҳардан ташқаридаги меҳмонхонадами?” “Васвасага тушаётганимда мен ким билан бирга бўламан? Дўстлар? Ҳамкасблар? Бегона кишилар? Ёлғиз қолганимдами?” деб ўзингиздан сўранг. Ва яна “Васвасага тушганимда ўзимни қандай ҳис қиламан?” Бу сиз чарчаган ёки ёлғиз ёки сиқилаётган ёки стресс вақтида бўлиши мумкин. Бу сизга жароҳат етказилган вақтда ёки сиз хафа бўлган вақтингизда ёки ташвишланаётган вақтда ёки катта муваффақият ёки руҳий юксакликда бўлиши мумкин.

Сиз ўзингизнинг васвасага тушишингиз моҳиятни ўрганинг ва ундай вазиятлардан имкон қадар чекинишга ҳаракат қилинг. Муқаддас Калом бизга доимо васвасаларни кутиб уларга тайёр бўлишимизни айтади. Павлус шундай деган, “Шайтонга имконият берманг!” Донолик билан тузилган режа васвасани камайтиради. Сулаймон ҳикматларда айтилган сўзларга риоя қилинг: “Сўқмоқларингни тўғрилагин, барча йўлларинг мустаҳкам бўлсин. Ўнгга ҳам, чапга ҳам оғма, ёвузликдан узоқлаш.” (Сулаймон Ҳикматлари 4:26-27) “Тўғрининг йўли ёмонликдан узоқлаштиради, йўлини қўриқлаган эса ўз жонини асрайди.” (Сулаймон Ҳикматлари 16:17) Худонинг ёрдамини кутинг. Жаннатнинг йигирма тўрт соат ҳам ишлайдиган тез ёрдам бўлими бор. Худо сиздан васвасага тушганингизда Ундан ёрдам сўрашингизни ҳоҳлайди. У шундай дейди, “Оғир кунларда Мени чақиргин, Мен сенга нажот бераман, Сен эса Мени улуғлайсан” (Забур 49:15) Мен буни “микро тўлқинли” ибодат деб атайман, чунки бу тез ва айнан жойида қилинади: Ёрдам! ёки Тревогага ўхшайди. Қачонки васвасага тушаётганингизда, сизда Худо билан узоқ гаплашишга вақт бўлмайди; сиз оддийгина қичқирасиз.

Довуд, Дониёр, Бутрус, Павлус ва бошқа миллионлаб кишилар балога йўлиққанларида худди шундай “тез ёрдам” ибодат қилганлар. Исо Масиҳ меҳрибон бўлганлиги учун ҳам бизнинг ибодатларимиз дарҳол эшитилишига Муқаддас Калом кафолат беради. Исо ҳам худди биз дуч келган васвасаларга дуч келди. У “Бизнинг Олий руҳониймиз заифликларимизга ҳамдард бўлишга ожиз эмас, У ҳар томондан бизлар каби васвасага солинган, лекин гуноҳ қилмаган.” (Ибронийларга 4:15) Агар Худо бизга васвасаларда ёрдам беришига тайёр экан, нега биз васвасаларда Унга қарамас эканмиз? Тўғриси, кўпинча биз ёрдам қабул қилишни ҳоҳламаймиз! Бунинг нотўғри эканлигини билган ҳолда васвасага берилишни ҳоҳлаймиз. Ўша вақтда биз нима энг яхши эканлигини Худодан ҳам кўпроқ биламиз деб ўйлаймиз.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Narrator 2 Шундай кезларда жаҳлингиз чиқмасин. Бу аёлингиз сизни яхши кўрмаслигидан ёки асабингизни эговлашни ёқтиргани учун ҳам эмас, ҳис-туйғуга берилувчан эканлиларидандир. Энг асосий шарт – бу сизнинг оила бошлиғи бўлишингиз. 2-шартдан кўриб турибсизки, аёлларнинг қўлига тизгинни тутқазиб бўлмайди. Қўйиб берсангиз аёллар ойга ҳам учгиси келади. Уйда ҳар доим ҳар қандай масалада охирги ва энг оқил сўзни сиз айтинг. ОИЛА БОШЛИҒИ деган сўзнинг мағзини чақинг. Бу «хотинни қаттиқ ушлаш керак» деган машхур маслаҳат эмас. Гул кўчатини қўлингиз билан маҳкам қисиб ушласангиз, у нобуд бўлади. Бошлиқ бу –– тасарруфидаги корхонани бошқариш, уни ривожлантириш, юксалтириш учун оқилона қарорлар чиқаридиган, уларнинг ижросини таъминлайдиган шахсдир. Сиз ҳам шундай бўлинг. Оилангизнинг бугунидан эртасини, эртасидан индинини чиройли ва яхши қилишга ҳаракат этинг.

Narrator 1 Кейинги шарт: психологик эҳтиёжлар. Булар қуйидагилар. Аёл киши гапириб, маза қилади. Кўрган воқеа-ҳодисаларини кимгадир тўлиб-тошиб сўзлаб берса, енгил тортади. Оилам тинч бўлсин десангиз, кунига ақалли ўн беш дақиқа аёлингизни эшитинг. Нимагадир оғиз жуфтлаганида «Эй…» дея қўл силтасангиз, эртага сизга чиройли муомала қилишга ўзида куч тополмай қолиши мумкин. Аёл зоти ҳар куни мақтов эшитишни истайди. Кунда бир марта бўлса ҳам, «Чиройлисан», «Қўлинг бирам ширин!» «Меҳрибонсан» деган сўзларни айтсангиз, осмонларга учиб кетади, албатта, сиз билан бирга! «Мен севимлиман!» Аёлингиз шу туйғуни ҳис қилишига имкон беринг. У ҳар куни сиздан дил изҳори кутмайди. Ҳафтада, ойда бир «Борингга шукр, хотин!» «Сени қандай яхши кўришимни билсанг эди» деган гаплар дилингиздан тилингизга кўчиб турса, оилангиз янада мутаҳкамлашади.

Narrator 2 Совға кайфият калити. Аслида, оиладаги тинчлик аёлнинг кайфиятига боғлиқ. Унинг кайфияти аъло бўлса, қозонингизда ширин овқат қайнайди, уйингиз саришта бўлади, болаларингизнинг кўзи кулиб туради, сизни «Яхши келдингизми, дадаси», дея кулиб кутиб олади. Бунинг учун эса фақат туғилган кун ва 8 Мартда эмас, кунора кичик-кичик совғалар билан бизни хушнуд қилинг. Ишдан чиқиб, бозорлик қилганингизда аёлингиз яхши кўрган ниманидир харид қилинг. Пистами, конфетми ё шоколад. «Бу сенга, ойиси!» деганингизда, «Эрим кўча-кўйда ҳам мени ўйлаб юраркан, нимани яхши кўришимни биларкан», дея ўзида йўқ хурсанд бўлиб кетади. Кейинги шарт: тарози палласини тенг ушланг. Аслида икки аёлнинг ўртасида туриб, уларни муросага келтириш ҳам бир санъат! Босиқ ва мулоҳазали бўлинг. Юқоридаги маслаҳатларга амал қилсангиз, оилангиз тинч ва бахтиёр бўлади.

Narrator 2 Эр-хотиннинг ўзлари истамаган тарзда уришиб қолишларига сабаб уларнинг турли темпераментларга эга эканликларида. Агар эркак ва аёл бир бирларининг қандай темпераментда эканликларини билиб олсалар, вақти келганида ўзларини назорат қилишларида қўл келиши мумкин. Психологияда темперамент тушунчаси бор. Унга кўра инсонлар тўрт тоифага бўлинади: сангвиник, холерик, флегматик ва меланхолик. Уларнинг ўзаро муносабатлари ҳам ўзига яраша бўлади. Яъни қайсиларида бир-бири билан осон тил топишади, баъзиларида эса бир-бирини тушуниш бироз қийин кечади. Бу яшаб бўлмайди, ўртада севги йўқ, дегани эмас. Севиш табиий, қайсидир нуқталарда тил топишиш ҳам мумкин. Фақат бир-бирининг феълини тушуниш қийин кечади. Дейлик, эр — холерик. У ҳамма ишини тез бажаради, аммо сифат масаласида бироз оқсайди. Флегматик хотин эса секин иш қилади, лекин ҳаммасини маромига етказади.

Narrator 1 Эрнинг тилига «Сен кўйлагимни дазмол қилгунингча, мен ошга бориб, қайтиб ҳам келаман», деган танбеҳ кўчади-ю орада гап қочади. Демак, қайси тоифага мансублигингизни ўрганиб, ўзига хосликларингизни инобатга олиб муомала қилсангиз, олам гулистон! Оилада ролларнинг аниқ тақсимланмагани ҳам улар ўртасида можарога сабаб бўлади. Яъни эр ва хотин ўз вазифаларини билмайди, бурчларини тўла адо этмайди, маъсулиятни доим иккинчи томонга юклайди, натижа эса бақир-чақир. Олдини олиш учун ўз вазифаларингизни дўндириб бажаринг, кейин жанжалга нима сабаб бўлаётганини аниқлаб, уни бартараф этинг. Оилада эр ёки хотиннинг ўзига бўлган ишончнинг пастлиги ҳам жанжалларга сабаб бўлиши мумкин. Ҳар иккала томонда ҳам бу ҳолат кузатилса, уйингиз жанжалнинг инига айланиши ҳеч гапмас.

Narrator 2 Чунки ўзига нисбатан паст баҳо берувчи киши ўзини жуда ёмон ҳис қилади ва ишончни ёнидаги одамни азоблаш, унга юқоридан назар солиб, камчилигини топиб, танқид қилиш билан оширмоқчи бўлади. Бу ўринда эркак ҳам аёл ҳам ўз устида ишлаб, шахсий сифатларини шакллантириши керак. Балким мутахассис кўмаги зарурдир. Баъзида оилавий кризис даври орадаги муносабатлар таранглигига сабаб бўлади. Оилавий ҳаётнинг маълум бир босқичларида айрим сабабларга кўра инқироз даври кузатилади. Масалан, биринчи йилликда мослашиш даври бўлгани, учинчи йилликда эса фарзанд туғилгач, аёл эътиборининг катта қисми боласига қаратилиши, эр-хотинга ота-оналик вазифа-бурчлари юклангани сабаб ҳам тушунмовчиликлар юзага келиши мумкин. Уларни биргаликда муҳаббат ва сабр, тушуниш ва ҳурмат билан енга оласиз!

Narrator 2 Масалан, аёлларни кўкрак бези саратонидан сақловчи, доимо хуш кайфиятни ушлаб турувчи маҳсулотлар, эркакларнинг мушак массасини асрашга ва простота касалликларидан ҳимоялашга ёрдам бермайди. Бугунги кунда эркаклар истеъмол қилаётган кўп маҳсулотлар юқоридаги муаммоларни ҳал этмай, аксинча уларни чуқурлаштиради, холос.Улар юрак-қон томир тизимини мустаҳкамловчи , 35 ёшдан ошганлар учун хавф туғдирувчи простата касаллигини келтириб чиқармайдиган овқатларга эътиборларини қартиши керак. Шифокорларнинг айтишича, юрак-қон томир тизимини мустаҳкамловчимаҳсулотлар жинсий қувват ошишига ҳам кўмаклашади, қон айланишини яхшилайди, саратон ва бошқа жиддий касалликлардан асрайди.

Narrator 1 Албатта, озиқ-овқат маҳсулотлари бу борада якка ҳолда ёрдам беролмайди. Бунинг учун доимий жисмоний фаоллик, чекиш, спиртли ичимликлар истеъмолидан тийилиш зарур. Барчага маълумки, денгиз маҳсулотлари йодга бой. Улар антидепрессантлар, яъни стресснинг олдини олувчи ҳамда ҳаётий қувватни оширувчи, соғлиқни яхшиловчи воситалар сирасига киради. Энг асосийси, денгиз маҳсулотлари руҳга бой. Мазкур элемент ҳужайраларнинг қайта тикланишида фаол иштирок этади. Рух простата саратонининг ривожланишига йўл қўймайди, иммунитетни мустаҳкалайди, турли шамоллашларнинг олдини олади, яраларнинг тез битишига, тери ва соч таркибининг яхшиланишига олиб келади. Денгиз маҳсулотларидан ташқари рух олма, анжир, апелсин, лимон, маъданли сув, яшил сабзавотлар таркибида мавжуд.

Narrator 2 Уларнинг 1 килограммида 0,25 миллигрммгача мазкур элемент бор. Қора нон таркибида 2 дан 8 миллиграммгача, тухумда 8 дан 20 миллиграммгача рух мужассам. Организмда цинк миқдори ҳеч қачон ошиб кетмайди,фақат тиббий воситалар ёрдамида ошиғи билан киритилган тақдирдагина турли ошқозон-ичак касалликларини келтириб чиқаради. Эркакларнинг бир сутка қабул қиладиган рух миқдори 11-15 миллиграммдан ошмаслиги ва у, албатта табиий йўл, яъни овқатланиш орқали организмга тушиши керак. Шундагина у тўқималарда зарур бирикмаларни ҳосил қилиб, тўғри сўрилади. Тинглаганингиздек, эркак ўз саломатлигини асраши учун нафақат таомланиш балки, фаол ҳаёт тарзини олиб бориши ва зарарли одатлардан воз кечиши керак бўлади. Шу ва шунга ўхшаш қизиқарли маълумотларни фақат бизнинг www.najot.com сайтимиздан топасиз.

Narrator 2 Айнан шунинг учун ҳам эркакларда соғлиқ борасида муаммолар кўп учрайди. Депрессия. Ҳар иккала жинс вакилларидаҳ ам депрессия бир хил кўрсатгичда ривожланади. Аммо эркаклар бу руҳий ҳолатни оғирроқ ўтказишади. Сабаби ўзингизга аён: улар аёлларга ўхшаб «ҳасрат қоп»ини ҳар кимга ҳам очавермайди, дардини достон қилиб, кўзини ёшламайди. Дўхтирнинг-ку яқинига ҳам йўламайди.

Саратон касаллиги. Бу дарднинг турларини жинсий тафовутга кўра ажратиш мумкин. Масалан, ошқозон саратони кўпроқ эркакларда учраса, кўкрак саратони билан аёллар оғрийди. Лекин онкологик касалликларнинг барча тури бўйича эркаклар аёлларга нисбатан 40 фоиз кўпроқ вафот этишар экан. Бунга сабаб ҳам эркакларнинг кўпроқ маън этилган нарсаларга ружу қўйиши ва ўз вақтида шифокор кўригига бормаслиги.

Narrator 1 Хотира сусайиши. Дунё статистикасига кўра, 70 ёшдан сўнг эркакларнинг 20, аёлларнинг 12-15 фоизида хотира сусайиши кузатилади. Ортиқча вазн. Юқорида айтганимиздек, ортиқча вазн кечки «чойхона базмлар»ининг натижасидир. Бугунги кунда семириш аёллар учун энг катта «бошоғриқ» бўлиши билан бирга, эркаклар орасида ҳам ортиқча вазн муаммоси кескин ўсиб бормоқда. Бу кетишда 5-10 йилдан кейин нотўғри овқатланиш ва камҳаракатлик сабаб эркаклар бу борада ҳам биринчиликни қўлга киритишлари мумкин. Стомотологдан қўрқиш. Ростдан ҳам, эркаклар андрологдан кўра, стомотологдан ўлгудек қўрқишади. Шунинг учун бўлса керак, кўпинча эркаклар тишларини даволаш эмас, алмаштиришларига тўғри келади. Умр кўрсаткичи. Аёллар эркакларга нисбатан ўртача 4 йил кўпроқ яшаркан. Ривожланган мамлакатларда аёлларнинг ўртача умри 81-82 ёшни ташкил этади.

Narrator 2 Ўпка муаммоси. Эркакларда ўпканинг ҳажми йирикроқ, қисқариши жадалроқ бўлса ҳам, нафас олиш билан боғлиқ муаммолар айнан уларга кўпроқ соя соларкан. Ўпканинг обструктив сурункали касаллигига кучли жинс вакиллари кўпроқ чалинаркан. Чунки эркак ўпкаси ташқи ўзгаришларга ўта сезувчан бўлади. Ампутация. Фин тадқиқотчиларининг хулосасига кўра, эркаклар оёқ, қўл ампутациясини кўпроқ бошдан кечиришар экан. Ажинлар. Қарилик белгиси бўлган ажинлар эркакларга ярашиб туради. Аммо тери саратони ва псиориаз эркаклар ўртасида кўпроқ учраркан. Қулоқ оғирлиги. 40 ёшгача аёл ва эркакнинг эшитиш қобилияти ва қулоқ касалликларига чалиниш даражаси бир хил бўлади. Аммо муаммолар кейин бошланади. Айниқса, у-бу олиб келиш сўралганда, қулоғи яна ҳам оғирлашиб қолиши мумкин.

Ассалому алайкум. Ëшлигидан эртак эшитиб катта бўлмаган инсон бўлмаса керак. Эртаклар қандай яратилади? Ҳар бир халқнинг ўз урф-одатига кўра эртаклари бор. Аммо дунё халқлари қанчалик турли хил бўлмасин, уларнинг эртаклари бир-бирига ўхшаб кетади. Айниқса охири. Охирида яхшилик ёвузликни енгади. Яхшилик ғолиб бўлади. Ҳаётда ҳам шундай. Қанчалик яхшилик қилишга ҳаракат қилмайлик, остонада бизни ёмонлик пойлаб туради. Бу ёмонликнинг автори кимлигини яхши биласиз. Баъзида бу ёмонликнинг хавфидан қўрқиб, Худо буюрган ишларни қилишга журъатимиз етмайди. Худога турли хил баҳоналарни топиб, кейинроққа қолдираверамиз. Бироқ бу ёмонлик ҳар бир даврда бўлган. Исонинг шогирдларини бу ёмонликлар, тўсиқлар тўхтата олмаган эди.

Нарратор 2 Ҳаворий Павлус ўзининг биринчи тарғибот сафарини бошлаган пайтда, унга ва унинг шерикларига ёмонлик қилганлар кўп бўлган. Шайтон ҳар қандай йўл билан бўлса ҳам Хушхабарнинг ёйилишига тўсқинлик қилишга ҳаракат қилган. Худонинг қандай ғалаба қозонганини, шайтоннинг Худо фарзандларига кўрсатадиган қаршиликларини яхшироқ тушуниб олиш учун Павлуснинг сафар тафсилотларини қисқача кўриб чиқамиз.

Калом шундай дейди: «Барнабо билан Шоул Муқаддас Руҳ буюрганига кўра йўлга тушиб, Селевкия шаҳрига келдилар. У ердан эса … Пафос шаҳрига етиб келдилар.» (Ҳав 13:4-12). Улар қаерга борсалар ҳам Худонинг каломини тарғиб қилдилар. Одамлар уларнинг хушхабарини қабул қиладиларми, йўқми, ибодатхоналарда Худо Каломини ваъз қилдилар. Бошида ҳеч ким ҳеч қандай қаршилик қилмади. Бироқ Пафос шаҳрига келганларида сохта пайғамбар ва сеҳргар Барйешуга дуч келдилар.

Нарратор 1 Калом айнан «дуч келдилар» дейди. Демак, Барйешу ўзининг ёвуз режалари билан уларга қаршилик қилган. Халқни уларнинг сўзларини тингламасликка ундаган бўлса керак. Аммо Худо Сергий Павел деган ҳокимнинг юрагини очди. У Худонинг каломини тинглаш учун Шоул билан Барнабони чақиртирди. Аммо Барйешу уларга қаршилик қилиб, ҳокимни ҳам фикридан қайтаришга тиришди. Шунда Худо Шоул орқали Барйешуга қарши қўл кўтарди. Уни кўр қилиб қўйди. Худонинг бу иши фақат ҳокимни эмас, бошқа одамларни ҳам қойил қолдирди ва кўпчилик имонга келди. Худо ўзгармаган. У ҳозир ҳам шундай ишлайди. Шоул орқали қаршиликларни йўқ қилган Худованд бугун сизнинг қўлингиз орқали қаршиликларга бас келиши мумкин.

Нарратор 2 Худо сизни Ўз хизматини қилишга чақирган бўлса, ҳеч иккиланмай олингизда учраши мумкин бўлган қийинчиликлар ва тўсиқлардан қўрқмай, ишга киришинг. Худонинг Руҳи ва иноятли қўли сиз билан бирга бўлади.

Сизни ишонтириб айтаманки, сиз Худонинг хизматида экансиз, тўсиқлар, қаршиликлар тўхтамайди, аммо Худонинг марҳамати ва қудрати уларни йўқ қилишга қодир. Худо ҳар доим сиз билан бирга. Керак пайтида Унинг иноятли тахтига яқинлашиб, хизмат учун донолик, қудрат, сабр-тоқат сўранг ва эришасиз. Азизлар, Худонинг мўъжизали ишлари ҳақида билишни истасангиз, бизнинг www.najot.com ва dilkash@najot.com сайтларимиз эшиклари сиз учун доимо очиқ. Ташрифингиздан мамнун бўламиз.

Аёлнинг эркакдан устуворлиги шуки, эшитган нарсасига таҳлил билан ёндошади. Уни эътиқод қўйган нарсасидан айириш, совутиш қийин. Аёллар воқеа ҳодисаларга нисбатан келган тўхтамларида эркакларга қараганда собитдирлар. Сизга малол келмаслиги учун дадил гапирай: аёлингизнинг онасини йил-ўн икки ой ёмонланг, қариндош-уруғини минг айбини айтиб исботланг, сизни ёмон кўриб борса борадики, онасидан тонмайди, яширинча бўлсада уларни йўқлашни қўймайди. Бирорта аёлнинг эри туфайли яқинларидан кечиб кетганини ҳеч кимса эшитган эмас. Аммо хотиннинг гапи билан онасидан меҳри совиган, ака-укасидан воз кечган эркаклар сон мингта. Бу – эркак зотининг минг бир фазилатини ювиб кетадиган заифлигидир. Худованд эркакни оиланинг боши қилиб яратган. Оиланинг боши бўлиш бошқариш эмас, ғамхўрлик қилиш ва ҳокимлик қилиш эмас жавобгарликдир. Демак ҳар бир эркак оиласини бошқаришни жавобгарлик деб билиши ва уларга ғамхўрлик қилиши лозим. Эр киши уйлангач хотини билан аввал ҳеч ким билан бўлмаган яқин муносабатда бўлади. бу муносабат табиийки баъзи эркакларни ота-оналаридан узоқлаштириб қўяди. Эркакда бўлгани каби ҳар бир аёлда ҳам заифлик бўлади. бу заифлик уларнинг оилани ўз қўлига олишга интилишидир. Дастлаб Момо Ҳаво бу заифликни адан боғида намоён қилган. У Худованд маън этган олмани еб, эрига ҳам ўша олмани егизган. У эрига ўз таъсирини ўтказган. Ҳолбуки Одам Ато ўша олмани емаслиги керак эди. Шунинг учун азиз уйланган эркаклару йигитлар аёлингиз сизнинг қўлингизга келар экан ҳали ишлов берилмаган гавҳарга ўхшайди. Ўша гапвҳатни қанчалик даражада гўзал қилиш сизнинг қўлингизда. Аёлингизга ғамхўрлик қилиш баробарида, ундаги камчиликларни йўқотиб боринг. Аёлингиз яқинларингиз ҳақида бирор ножўя гап айтгудай бўлса, уни ўша заҳот тўхтатинг. Ҳар сафар унга ўзи келин бўлиб тушган оилани ҳурмат қилиши зарурлигини, энди унинг ўзи ҳам шу оиланинг аъзоси эканлигини эслатиб туринг. Бу ҳислатларни унга яхшилик билан сингдириб боринг. Ақлли ва фаросатли эрлар ҳеч қачон ўз оиласини хор қилиб қўймайди. Улар аёлининг сўзларига кириб ота-онасини, яқинларидан воз кечмайди. Бугунги суҳбатларимизда Турсуной Содиқованинг эсселаридан фойдаландик. Суҳбатларимиз сизларга маъқул келди деган умиддамиз.

Отангиз бўштабиат бўлди, дейлик онангиз ундан ройиш. Хўш энди беш ўғил беш томонга йўрғалайверсинми? Ота-онасидан кейин-чи! Ҳамма ўзига хўжайинми? Бундай ҳолатда хоҳлайдими, хоҳламайдими, бошқарувчилик катта ўғилда бўлади. агар у ҳам аросат феълли бўлса, фарзандлар ичидан эслик, шудлик ва ориятлик биттаси ўртага чиқиши ва умрбод шу оиланинг маънавий бутунлиги учун жавобгарликни бўйнига олиши лозим. Фарзанди солиҳлик –шу. Бошқарувчи фарзандга умр бўйи қийин бўлади. У бошқалардан хато қилмаслиги, назари тўқлиги, холислиги, жигарларга меҳрибонлиги билан ажралиб туриши керак. Унинг фидойилиги эса ҳеч қачон қайтимсиз қолмайди. Худо унга кутмаган томонлардан мурувват кўрсатади. Энг буюги шуки, ўзининг фарзандлари бир-бирига куюмли бўлади. Тамизли жигар холис туриб ака-укалар ўртасидаги оқибатни асрайди, орадаги гина кудратни олдини олади. Ота-онадан кейин тўзиб кетиш ўзингиздан кейинги авлод занжирини узиш демакдир. Укамнинг болалари билан менинг болаларимнинг иноқ бўлишини истасам, ўзим укамга узлуксиз меҳрибончликликар қилишим ва буни унинг ҳам менинг ҳам болалари кўриб туриши керак. Ўзимиздан кейингиларни ҳам кўзимиз тириклигида боғлаб қўйма экан, зотсиз кимсага айланиб қолиш ҳеч гап эмас. Йигитларжон, эсингизда бўлсин, эр йигит бўла туриб, ҳеч қачон ҳеч қаерда ўз жигарингиздан шикоят қилманг. Акангиз ё укангизда гина қиладиган ишнинг содир бўлгани ўзи сизнинг гуноҳингиздир. Шуни ёдда тутинг, ота-она ўз жону жаҳонини ҳамма боласига бўлиб беради. Қай биримизга тикон кирмасин, барчамизнинг жонимиз бир хилда оғрийди. Ота-онамизга чиндан меҳрибон бўлсак, аввало улардан тарқалган жигарларимизни авайламоқ керакдир. Ўз манфаати атрофида овора бўлмоқ жониворлар ишидир. Фақатгина қодир инсонгина бошқаларга ортинади. Дейлик, жигарим, яъни сиз туриб сиздан эмас ёт бегоналардан меҳр-саҳоват кўрсам, бу – сиз учун уятли гуноҳ, мен учун бир умр армон эмасми? Сингилга берилган озор онага берилган озор билан, ака укага ўтказилган ранж отага қилинган бевафолик билан тенгдир. Биз ҳеч қачон ака укаларимизнинг қошимизга муста бўлиб келишини кутмайлик. Улардан аввалроқ огоҳ бўлиб, зийраклик кўрсатайлик. Асло аёлингиз олдида опа-ука, ака сингилларга қаттиқ тегманг, мулзам бўлмасинлар. Келиннинг олдида уларнинг беобрў бўлиши кейинчалик кўнгил совишига олиб келади. Нима яхшилик кўрсатган ёки кўрсатаётган бўлсак, бир жондан бунёд бўлган жигаримиз учундир. Бу ҳимматларни уларга писанда қилмоқ, юзига солмоқ гуноҳи азимдир. Жигаримиз ҳатто ноқобил чиққан тақдирда ҳам, унинг ноқобиллигидан койинайлик, ҳафа бўлайлик “фалон вақтдаги фалон яхшилигимни билмадинг” демайлик. Сиз оға инингизга нима қилган бўлсангиз, фарзандларингиз ҳам бир-бирларини шундай қадрлайдилар.

Инжиқ, бемор ота онани кўз устида ардоқлай билган фарзанд ҳақиқий фарзанддир. Худованд унинг ўзига ҳам шундай фарзанди солиҳлар ато қилгусидир. Сиз бугун ота-онангизга қандай муомала қилаётганлигингизни фарзандларингиз кўради. Улар ёш бўлса ҳам зийрак, кўрган нарсаларини олиб қоладиган бўладилар. Келажакда сиз ҳам ўғлингиздан меҳр, эътибор, ғамхўрлик кутасиз. Ҳозир сиз ўз ота-онангизга шуларни бера оляпсизми. Қўлингиздан келганча ота-онангизга ғамхўрлик қилинг. Қай бирини боқаман, ҳам оиламни ҳам ота-онамни боқишга қурбим етмайди, деманг. Ота-она сизнинг олиб келган нонингиздан ҳам кўпроқ ўзингизга, эътиборингизга, ширин сўзларингизга зор бўлади. Руҳам уларга яқин бўлинг, дардларини олинг. Сиздай ажойиб ўғилни бергани учун Худовандга шукрлар қилсин!

Ўғлоним, ўғилни ўтиб кетсам уйимни чироғи ўчмайди, деб ҳам тилайдилар Падарингизнинг уйини имконингиз етганча обоб қилишга интилинг.Авлодингизнинг номи “фалочизода” дея аталиб, эркакнинг исми-шарифи билан барқарор бўлиб қолади. Шу боис, авлодингизни яхши ном олиши сиз, эркакларнинг фазилатларингиз ва ориятингизга боғлиқдир. Сиз куёв бўласиз. Бу ҳам ҳаётингизнинг янги бир босқичи бўлади. елкангизга қўйилган бу юк – рўзғордир. Бу юз ор ва юз кор демакдир. Бир томонга қарасангиз – севикли жуфт. Бир томонда эса сизни умрларини узиб ясаган ота-онангиз, бир ёқда жигарбандлар. Сиз учун уй қурилди, пуллар сарфланди. Ота-онангиз сиз туфайли келинли бўлдилар. Улар учун сиз шу бугундан катта бўлиб қолдингиз. Бу катта бўлишингизни туғилган кунингиздан то шу тўйгача кутдилар. Уларнинг сизга аталган дуоларини китоб қилса бўлади. ул дуолар ота-онангиз наздида тўйни бошлабоқ ижобат бўладиганга ўхшайверади.. атрофдарилар сизни жиддий кузата бошлайдилар, ҳар бир ҳаракатингизни тарозуга соладилар. Бироқ сиз ҳамиша ҳам зийрак эмассиз. “Ота-онамнинг кечаги боласиман-да, улар менинг ҳамма феълимни кўтаришади”, дейсиз. Тўйгача қандай бўлсангиз, тўйдан кейин ҳам шундай тута берасиз ўзингизни – дарз кетиш шундан бошланади.

Ота-она уйланиб “улғайиб” қолган боласидан катталардан кутадиган вафони кутади. Салгина гапингиз оғир ботиб, салгина ишингиздан ранжийдиган бўлиб қолади. Бунинг устига сиздаги жами салбий жиҳатларни келиндан кўра бошлайдилар. Қарабсизки, бегуноҳ келин ҳам хунук кўринади. Бу суҳбатларимиздан ўзингизга керакли хулоса чиқариб оласиз деган умиддамиз. кейинги суҳбатларимизни тинглаб борсангиз, ўзингиз ҳақингизда бундан-да қизиқроқ нарсаларни билиб оласиз.