Фақатгина ёқимли нарсаларни ёзманг. Худди Довуддек, шубҳаларингизни, қўрқувларингизни ва Худо билан тортишувларингизни ҳам ёзиб боринг. Бизнинг энг буюк ҳаётий дарсларимиз оғриқ орқали вужудга келади ва Худо бизнинг кўз ёшларимизни қайд қилиб боради. Агар муаммолар юзага келса, ёдингизда бўлсинки, Худо буларни ҳаётингизда беш мақсадни амалга ошириш учун қўллайди. Муаммолар сизни диққатингизни Худога қаратишингизга, бошқаларни биродарчиликка жалб қилишингизга, Масиҳга ўхшаш характер шакллантиришга, сизни хизмат билан таъминлашга ва сизга гувоҳлик беришга ундайди. Ҳар бир муаммо мақсадга йўналтирилгандир.

Аянчли кечинмалар ўртасида, Забур саносини ёзувчи шундай деган, “Ушбулар келажак насл учун ёзилсин, Токи туғилажак қавм ҳамду сано ўқисин!” (Забур 101:19) Худо сизга ерда қандай ёрдам берганининг гувоҳлигини келгуси авлодларга ҳам сақлаб қолишга бурчлисиз. Бу гувоҳлик сиз жаннатга тушганингиздан кейин ҳам гапираверади.

Билганингизни бошқаларга етказинг. Агар сиз ўсишни ҳоҳласангиз, ўрганишнинг энг яхши йўли аллақачон ўрганганингизни бошқаларга ҳам етказинг. Сулаймон Ҳикматлари бизга шундай дейди, “Сахийнинг бири икки бўлади, бошқаларга яхшилик қилганнинг ўзи ҳам яхшилик кўради.”(Сулаймон Ҳикматлари 11:25) Ички тушунчаларни бошқаларга етказган киши Худодан яна кўпроқ олади.

Сиз ҳаётнинг мақсадини тушунганингиздан кейин, хабарни бошқаларга етказиш сизнинг бурчингиздир. Худо сизни Унинг хабарчиси бўлишга чақиряпти. Павлус шундай деган, “Кўп шоҳидлар ҳузурида сен мендан нима эшитган бўлсанг, бошқаларга ҳам таълим беришга қобилиятли, ишончли одамларга топширгин.” (2 Тимўтийга 2:2) Ушбу китобда мен сизга бошқалар менга ҳаётнинг мақсадлари ҳақида ўргатганларини етказдим; буни бошқаларга етказиш сизнинг бурчингиздир.

Сиз балки ҳаётни мақсадини билмайдиган юзлаб кишиларни танирсиз. Ушбу ҳақиқатларни болаларингиз, дўстларингиз, қўшниларингиз ва ишлайдиган кишиларингиз билан бўлишинг. Қанчалик кўп билсангиз, Худо сиздан ушбу билимни бошқаларга ёрдам бериш учун ишлатишингизни шунчалик кўп кутади. Ёқуб шундай деган, “Шундай қилиб, ким хайрли иш қилишни билса-ю, уни амалда қилмаса, гуноҳ ҳисобланади.” (Ёқуб 4:17) Билим маъсулиятни кўпайтиради. Аммо ҳаётнинг мақсадини етказиш мажбуриятдан кўра муҳимроқдир; бу ҳаётнинг энг катта имтиёзларидан биридир. Агар ҳар бир киши ўзининг мақсадини билганида дунё қандай бошқача бўлишини тасаввур қилинг. Павлус шундай деган, “Сен бу тўғрида биродарларингга ўгит-насиҳат қилсанг, Исо Масиҳнинг лаёқатли хизматкори бўласан. Имонимизнинг улуғ ақида ва таълимотларини ўзлаштириб, булардан руҳан озиқланиб борасан. Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Исо бизга “аксинча, куя ва занг еб кетмайдиган, ўғри тешиб таламайдиган у дунёнинг хазиналарини жамланглар” (Матто 6:20) дейди. Биз буни қандай амалга оширамиз? Исонинг нотўғри қабул қилинган гапларидан бири шундайдир, “Мен сизга айтаманки, бу бевафо дунёнинг бойлигидан фойдаланиб дўст орттиринглар, токи бу бойлик тугагач, сизларни абадий маконларга қабул қилсинлар.” (Луқо 16:9)

Исо сизга ўртоқларингизни пул билан “сотиб олишни” айтмаяпти. У сизга Худо берган пулингизни кишиларни Исога келтириш учун ишлатишингизни айтаяпти. Улар сизнинг абадий ўртоғингиз бўладилар ва сизни жаннатда яхши қарши оладилар. Бу сиз учун энг яхши молиявий инвестициядир. Сиз балки “Сиз буни ўзингиз билан олиб кетолмайсиз” деган гапни эшитгандирсиз– аммо Муқаддас Калом сизга буни бошқалар у ерга боришлари учун сарфлай олишингизни айтади. Муқаддас Каломда шундай ёзилган, “Келажакда ҳақиқий ва мангу ҳаётга эришмоқ учун, ўзларига соғлом таянч бўладиган маънавий хазина тўпласинлар.”(1 Тимўтийга 6:19)

Узр сўраш ҳақида ўйлашдан топшириғингизни бажариш учун самарали йўлларни қидиришни бошланг. Асосий узрлар шундайдир:

• “Менда таклиф қилиш учун ҳеч нарса йўқ.” Сизда бор. Сиздаги ҳар бир тажриба ва қобилият қаердадир ёрдам бериши мумкин.

• “Мен жуда кексаман (ёки жудо ёшман).” Кўпгина топшириқ агентликларида ёшга мос қисқа муддатли лойиҳалар бор.

Соро жуда кексалиги ва Еремиё жуда ёшлигидан шикоят қилганида Худо икковларининг узрларини ҳам рад қилди. “ “Ундай демагин” деб жавоб қайтарди Худованд “Сен Мен юборган жойга боришинг ва Мен сенга айтганларимни етказишинг керак. Кишилардан қўрқма, чунки Мен сен билан бирга бўламан.” (Йеремия 1:7-8) Балки сиз бунинг учун Худодан махсус чақириқ бўлиши кераклигига ишонгандирсиз ёки сиз бирор ғайриоддий ҳис-туйғу ва тажрибага эга бўлишингизни кутаётган бўлишингиз мумкин.

Аммо Худо бу чақириқни аллақачон такрорлаганди. Биз ҳар биримиз ҳаётимизда Худонинг беш мақсадини бажаришга чақирилганмиз: улуғлаш, биродарчилик, Масиҳга ўхшаб ўсиш, хизмат қилиш ва Худо билан биргаликда дунёда топшириқда бўлиш. Худо фақатгина баъзи кишиларини ишлатишни ҳоҳламайди; У барча кишиларини ишлатишни ҳоҳлайди. Биз Худо учун топшириқда бўлишга чақирилганмиз. У Ўзининг бутун жамоатини бутун дунёга Хушхабарни айтишига чақиради.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Сизнинг топшириғингиз Исонинг ердаги вазифасининг давомидир. Унга эргашувчилар сифатида биз Исо бошлаган ишни давом эттиришимиз керак. Исо бизни фақат Унга келишимизга эмас балки У учун боришимизга ҳам чақиради. Топшириғингиз шунчалик муҳимки, Исо уни беш марта, беш хилда ва Муқаддас Каломдаги беш китобда такрорлаган. Бу гўёки У “Мен сиздан ҳақиқатан ҳам буни тушунишингизни ҳоҳлайман!” деб айтаётгандек. Бу беш топшириқни ўрганиб чиқинг ва сиз ердаги топшириғингизни аниқлаштириб оласиз – қаерда, қачон, нима учун ва қандай қилиб.

Буюк Топшириқда Исо шундай деган, “Шунинг учун бориб, барча халқлардан шогирд орттиринглар. Уларни Ота, Ўғил ва Муқаддас Руҳ номи билан сувга чўмдириб, имонга киритинглар. Мен сизларга буюрган ҳамма нарсага амал қилишни уларга ўргатинглар. Мана, Мен ҳар куни, дунёнинг охиригача сизлар билан бирга бўламан.” (Матто 28:19-20) Бу топшириқ фақатгина чўпонлар ва хизматчиларга эмас, балки ҳар бир эргашувчига берилган. Бу ихтиёрий эмас, балки Исодан келган сизнинг топшириғингиздир.

Исонинг ушбу сўзлари Буюк Таклиф эмас. Агар сиз Худо оиласига тегишли бўлсангиз сизнинг топшириғингиз мажбурийдир. Бунга эътиборсизлик, бўйсунмаслик бўлар эди.

Сиз Худо сизни атрофингиздаги имонсизлар учун у ерда маъсулиятли қилиб қўйганидан бехабар бўлишингиз мумкин. Муқаддас Каломда шундай ёзилган, “Агар Мен фосиққа “Сен ўласан”, деб айтсаму, сен эса ўша одамни бу ҳақда огоҳлантирмасанг, ўша одамнинг ҳаётини сақлаб қолиш учун, уни фосиқ йўлидан қайтармасанг у одам ўз гуноҳи учун ўлади, бироқ унинг хунини Мен сендан талаб қиламан.”(Эзекиел 3:18) Сиз баъзи кишилар биладиган ягона Масиҳий бўлишингиз мумкин ва сизнинг топшириғингиз улар билан Исони бўлишишдир.

Сизнинг топшириғингиз ажойиб имтиёздир. Бу жуда катта маъсулият бўлсада, бу Худо томонидан келадиган ақл бовар қилмас шарафдир. Павлус шундай деган, “Буларнинг ҳаммасига Худо сабаб бўлди. У Масиҳ орқали бизни Ўзи билан яраштирди ҳамда одамларни Худо билан яраштириш хизматини бизга берди.” (2 Коринфликларга 5:18) Сизнинг топшириғингиз икки имтиёзни ўз ичига олади: Худо учун ишлаш ва Унинг вакили бўлиш. Биз Худо билан Унинг Шоҳлигини қуришда шерик бўламиз.

Павлус бизни “шерик” бўлишга чақиради ва шундай дейди, “Худонинг ҳамкорлари сифатида, Унинг иноятини бефойда қабул қилмасликни сизлардан илтимос қиламиз.” (2 Коринфликларга 6:1)

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Вазифанинг ҳажми муҳим эмас. Масала фақат уни бажо келтиришда.

Сиз ҳаётда ҳеч қачон бирор вазифани бажаришга ёрдам бериш учун жуда муҳим ҳисобланмайсиз. Худо сизни ҳеч қачон зерикишдан озод қилмайди. Бу тавсифномангиз учун муҳимдир. Муқаддас Каломда шундай ёзилган, “Агар бирор киши, гарчи ҳеч нарса бўлмаса ҳам, ўзини муҳим киши ҳисобласа, у ўз-ўзини алдаган бўлади.”(Галатияликларга 6:3) Сиз ушбу кичик хизматларда Масиҳга ўхшаб борасиз.

Исо баъзи махсус ишларни эркаклар ҳам қилиши мумкинлигини кўрсатиб берди: оёқни ювиш, болаларга ёрдам бериш, нонушта тайёрлаш ва моховларга хизмат қилиш. Ҳеч нарса У учун майда эмас эди, чунки У хизмат қилиш учун келганди. У буюклигига қарамасдан эмас, балки буюклиги учун бу ишларни бажарди ва биздан ҳам худди шундай қилишимизни кутади.

Кичик вазифалар доимо катта қалб кўрсатади. Сизнинг хизматкор қалбингиз бошқаларнинг хаёлига келмаган кичкина ишларда намоён бўлади. Павлус ҳам кема фалокатидан кейин оловда исиниш учун ўтин йиғиб келди. У худди бошқалар каби чарчаган эди, аммо у буни бошқаларнинг эҳтиёжлари учун қилди. Агар сизда хизматкор қалби бўлса, бирор вазифа сиздан пастда бўлмайди. Катта имкониятлар кўпинча кичик ишларда ўз шаклини яширади. Ҳаётдаги кичкина ишлар катта ишларни белгилаб беради. Худо учун буюк ишларни бажаришни кўзламанг. Унча катта бўлмаган ишларни қилаверинг ва Худо сизни Ўзи ҳоҳлаган вазифасига тайинлайди. Аммо ғайриоддий иш қилишдан илгари, оддий ишни қилишга ўрганинг. Худо учун доимо катта ишларни қилишни ҳоҳловчи кишилар У учун кичкина ишларни қилишни ҳоҳловчилардан кўп бўлади. Етакчи бўлиш учун мусобақа доимо кишилар билан гавжум, аммо хизматкор бўлувчилар учун майдон катта очиқ. Баъзан сиздан юқори кишиларга хизмат қиласиз, баъзида сиздан пастдагиларни эҳтиёжларини қондириш учун хизмат қиласиз. Нима бўлганда ҳам бирор ишни қилиш учун хизматкор қалбига эга бўласиз. Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Нега У бизни йиқилган дунёга ташлаб кетади? У бизни бу ерда Ўз мақсадини амалга ошириш учун ташлаб кетади. Сиз қутқарилганингиздан сўнг Худо сизни Ўзининг мақсадлари учун ишлатишни ҳоҳлайди. Худонинг сизда Унинг жамоати учун хизмати ва дунё учун вазифаси бор. Сиз Худога хизмат қилиш учун чақирилгансиз. Улғаяр экансиз, Худонинг “чақириш”и фақат чўпонлар, хизматчилар, энага аёллар ва жамоатда “тўлиқ” хизмат қилаётган бошқа хизматчиларга тегишли деб ўйлаган бўлишингиз мумкин, аммо Муқаддас Калом ҳар бир Масиҳий хизмат қилишга чақирилган деб айтади. Сизнинг нажотга чақирилишингиз хизматга чақирилишингиздир. Улар бир хилдир. Ишингиз ёки мансабингиздан қатъий назар сиз тўлиқ хизматга чақирилгансиз.

Муқаддас Каломда шундай ёзилган, “Шунга ўхшаб, сизлар ҳам, эй биродарларим, Бошқасига, яъни қайта тирилган Масиҳга тегиб ва Масиҳ баданининг бир қисми бўлиб, Илоҳий Қонун олдида ўлган ҳисобидасизлар. Бу эса Худо йўлида самарали бўлишимиз учундир.” (Римликларга 7:4) Худога хизматда қанча вақт фойдали бўляпсиз? Хитойдаги баъзи жамоатларда янги имонга келганларни “Исонинг ҳозир кўриши учун иккита янги кўзи, эшитиши учун янги қулоқлари, ёрдам бериши учун янги қўллари ва бошқаларни севиши учун янги қалби бор.”

Сиз жамоат оиласига чақирилишингизнинг сабабларидан бири бошқа имонлиларга амалий жиҳатдан хизмат қилишдир. Муқаддас Каломда шундай ёзилган, “Сизлар эса Масиҳнинг баданисизлар, Унинг айрим-айрим узвларисизлар.” (1 Коринфликларга 12:27) Ҳар қандай жамоат бўлмасин сизнинг хизматингиз Масиҳ Танаси учун жуда ҳам керак. Ҳар биримизнинг бажаришимиз керак бўлган ролимиз бор ва ҳар бир рол муҳимдир. Худо учун кичик хизмат йўқ; ҳамма хизмат ҳам қадрлидир. Худди шунингдек, жамоатда аҳамиятсиз хизматлар йўқдир. Баъзилари кўринарли ва баъзилари парда орқасидадир, аммо ҳаммаси ҳам муҳимдир. Кичик ёки яширин хизматлар кўпинча энг катта ўзгариш қилади. Менинг уйимда, энг муҳим чироқ ошхонадаги жудям порлоқ чироқ эмас, балки тунда уйғониб кетиб оёғимни уриб олмаслигим учун ёруғлик бериб турадиган тунги чироқчадир. Ўлчов ва аҳамиятнинг ҳеч қандай боғлиқлиги йўқ. Ҳар бир хизмат қадрли, чунки ҳар биримиз ҳаракат қилишимиз учун бир-биримизга муҳтожмиз.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Сен Муқаддас Рухни жуда хам тусашингни, Уни орзу қилишингни хохлайди. У сенинг рухсатингсиз чекланган холда туради. У хаётингда зохир бўлса сени албатта ишлатади. У сенинг қўлларингга айланади. Қўлларингни касалларга қўйганингда У хам ўша ерда бўлади. Муқаддас Рух Xудонинг қўли хам деб танилган. Муқаддас Рух бизларда яшар экан, биз Унинг кудратли қўлларига айланамиз. Биз Уни хорлаб ташламаслигимиз керак. Уни хаётингга келиб сени ишлатишини сўра. Худо инсонни яратганда Унинг димoғига хаёт нафасини пуфлади. Худо Одам Атони илохий оламнинг устидан хокимлик қилиши учун ғайритабиийликда ишлатди. Хайвонлар вахший эмас эди, инсон ва табиат орасида ўзаро тотувлик бўлган эди. Илохийлик хукмрон эди. Гунохдан сўнг илохийлик инсон учун бегона бўлиб қолди. Шундан сўнг илохийлик инсон учун ахмоқона туюла бошлади. У Муқаддас Рух шахсидан махрум бўлиб қолди. У пасайтирилгандан сўнг табиий оламда яшай бошлади. Одам Ато рухан бечора, камбағал бўлиб қолди. Рухан камбағал бўлсанг, хаётингга тушкинлик ва эзилиш келади. Муқаддас Рухсиз имоннинг душманига хам қарши тура олмайсан. Каломда Муқаддас Рухга тўлиб-тошиш доимий эканлиги айтилган. Биз хар куни тўлиб тошаверишимиз керак. Мисол учун машинамиз юриши учун унга бензин қуйиб турамиз. Муқаддас Рух хаётингда хар доим тинмасдан янги нарсалар қилишни истайди. Агар тўлиб-тошмасанг рухан бечора, камбағал бўлиб қоласан. Хар куни Рух билан тўлиб-тошиб яшашинг мухим эканлигини тушиниб ол. Mен мана шу нарса хаётингда бўлишини Xудодан ибодат қилиб сўрайман. Худодаги хаётдан бўлак бошқа нарсалар билан қалбингни тўлдириш-бехуда. Бу нарсага хеч қачон йўл қўйма. Рух билан тўлиб-тошсанг сиқилмай, эзилмай ташвишсиз хаёт кечира оласан, бунинг иложиси бор. Рух билан тўлиб тошсанг тушкинликка тушмай яшай оласан, ха бунинг хам иложиси бор. Мен сени бола каби ишониб қўлларингни Раббийга кўтаришингни сўрайман. У сени Рухга тўлиб тоширар экан илохий тинчликка эга бўла бошлайсан. Номалум тилларда ибодат қилишни бошлашинг мумкин. Бугуноқ Муқаддас Рух билан янада тўлиб тош, У сени қудратига қайтадан, янгидан тўлиб тоширсин. Қўлларингни кўтариб, Унга миннатдорчилик билдиришни бошла. У турган жойингга келади. Раббимиз инояти сиз муҳтарамга ёр бўлсин. Хайр, омон бўлинг.

Масихийлик хаётида тоғ Xудо билан бўлган мулоқатимиз , яшашимизни билдиради. Тоғ яна бирор нарсага эришишда ёки умидларимиз ушалишида тўсқинлик маъносини хам билдиради. Исо мана шу тоғларга гапиришимизни айтди. Тоғ — сен учун қарз, хасталик , касаллик бўлиши мумкин. Mана шу тоғларни кўчириб юбориш керак. Худо берган имон билан тоғларни кўчириб юбора оласан, тоғларга қараб гапирганингда бу амалга ошади. Сен рак деган тоғни хам хаётингдан кўчириб улоқтириб ташлай оласан. Қандли диабет деган касаллик тоғини хам кўчириб ташлай оласан. Юксак ривожларга эришишда қаршилик қилиб турган тоғларни хам кўчириб ташлай оласан.

Сен эътиқодли яъни имонли бўлганинг учун айтаётган сўзларингга эхтиёт бўл. Қўрқув имонни орқага қайтариб юборади, чунки айтмоқчи бўлган сўзингни айта олмайсан. Нимани қўрқиб гапирсанг ана шу қўрққанларинг амалга ошади. Сен имон билан гапирганингда айтганинг бажо бўларди, энди қўрқувда хам шундай бўлади. Нимадан қўрқсам ўша нарса бошимга тушди деган оят ҳам бежиз айтилмаган. Бордию, ишонмасанг, имонинг етмаса, гапирма. Агар бирор нарсанинг бажо бўлишига ишонмасанг, бўлишига кўзинг етмаса гапирма. Салбий нарсалар яксон қилади. Қандайдир ижобий, яхши нарсалар эса обод қилиб, яшнатади. Бугундан бошлаб айтадиган хар бир сўзингга эхтиёт бўл, чунки улар бажо бўлишни бошлайди. Mана шу ўқиганларимизга, Бутpус жуда яхши мисол бўла олади. У Исонинг сув устида юриб келаётганини кўрди. Бутpус Исо қилган жуда кўп мўъжизларни кўрган эди. Лекин бу сафар Исо Ўзини бошқача зохир қилди.

Унинг олдига сув юзида юриб келди. Исо сув юзида юриб табиат қонунларини пучга чиқарди. Бутрусдаги яхши нарса у аниқлаб олиш бўлди, яъни яхшилаб аниқлаб олиб кейин харакат қилди. Бутрус хамма нарсани қила олишга ишонарди. У Раббий, агар бу Сен бўлсанг ёнингга боришимга буйруқ бер деди. Унинг имони Исода бўлгунига қадар сувда юра олди. Имон хар доим Исога карайди. Имонимизнинг асоси хам Исодир. Бугун сен хам Исога қара. Унинг юқорида , юксакликда улуғланаётганига қара. Ишонишни бошла ва иложсиз нарсаларни қил. Бутрус Исога қаради ва иложсиз нарсани қилишни сўради. У Исодан сув устида юргизишни сўради.

Азиз дўстим сендан бир нарсани илтимос қилмоқчиман. Имон хар доим илохий, ғайритабиий эканлигини эсингдан чиқарма. Имон табиий олам устидан хокимлик қилади. Мана шунинг учун Xудо бизларга имон берди. Ишонмаган инсон учун иложи бўлмаган нарсалар Xудога ИМОН билан иложи бордир. Атрофингдаги вазиятларга қарaшни бас қил. Вазиятларинг сен учун денгиз сувига айланaди. Исога қара, ўшанда сувлар тинчланиб, орқага қайтади.

Бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Улар севилиб ва иноят билан қабул қилинганликлари учун хизматкорлар ўзларининг қадрларини исботламайдилар. Улар бошқалар томонидан паст деб аталган ишларни ҳам бажарадилар.

Ўзидан келиб чиқиб қилинган энг ажойиб хизматга яққол мисол — Исонинг ўн икки шогирднинг оёғини ювишидир. Оёқни ювиш хизматкорга хос бўлган иш бўлиб, мавқега тўғри келмасди.

Исо Ўзининг кимлигини биларди, шунинг учун ҳам хизмат Уни ташвишлантирмади. Муқаддас Каломда шундай ёзилган: “Исо бўлса, Отаси ҳамма нарсани Унинг қўлига берганини билар эди, Ўзи Худо ҳузуридан чиқиб, яна Худо ҳузурига қайтаётганини ҳам билар эди.” Юҳанно китобининг 13 боби 3 ва 4 оятлари.

Агар сиз хизматкор бўлмоқчи бўлсангиз, сиз ўзингизни Исо билан белгилашингиз керак. Фақатгина ишончли кишиларгина хизмат қила оладилар. Ишончсиз кишилар фақат бошқаларга қандай кўринишлари билан хавотирланиб юрадилар.

Улар ўзларининг камчиликларини яширадилар ва ўзларининг кибрлари ва даволарини қобиқ остида яширадилар. Агар сиз қанчалик ишончсиз бўлсангиз, бошқаларни сизга хизмат қилишларини шунчалик хоҳлайсиз ва уларнинг мақтовларига шунчалик муҳтож бўласиз.

Ҳенри Ноумен шундай деган эди: “Бошқаларга хизматда бўлиш учун улар учун ўлишимиз керак; бу ўзимизнинг қадримизни ўлчашни тўхтатиб уларни жуда юқори ўлчашдир ва биз шундай қилиб ҳамдард бўлиш учун озод бўлишдир.”

Агар сиз ўзингизни Исо билан белгилайдиган бўлсангиз, сиз бошқаларнинг сиздан кутишларидан озод бўласиз ва уларга энг яхши хизматни қила оласиз. Ҳақиқий хизматкорлар ўзларининг қўйниларини мақтовлар ва олқишлар билан тўлдирмайдилар.

Улар бирор ном билан чақирилишни хоҳлаймайдилар ёки олий чопонга ўранмайдилар. Хизматкорлар мавқе белгиларини кераксиз деб ҳисоблайдилар ва улар ўзларининг муваффақиятларини қадр-қимматлари билан ўлчамайдилар.

Ҳаворий Павлус шундай деганди: “Ўзи-ўзини мақтаган эмас, балки Раббимиз мақтаган киши мақбулдир.” 2 Коринфликлар мактубининг 10 боби 18 ояти. Агар бирор киши мақтаниши ва фахрланиши мумкин бўлса, Исонинг укаси Ёқубчалик лойиқ эмас.

У Исо билан бирга катта бўлган. Лекин мактубининг бошида у ўзини “Мен, Худонинг ва Раббимиз Исо Масиҳнинг қули Ёқуб”- деб айтади. Азизлар, шу жойла эшиттиришимизни якунлаймиз. Хайр саломат бўлинг.

Янги Аҳдда буларнинг содир бўлиш тартиби ҳақида савол кўтарилмаган. Шундай экан, Исо шогирдларининг шоҳликнинг келиши ҳақидаги саволларига жавоб бергани каби, бу «қачон» саволини биз ҳам четлаб ўтишимиз керак.

Шубҳасизки, фақатгина Худонинг Руҳи инсоннинг қасддан ҳақиқатни яширишини енгиб, унга имон бериши мумкин. Шунинг учун биз ҳақиқатдан, «мен ўзим ишонганимда» дея олмаймиз, чунки, қайта тикланишни Худо бизга совға қилиб беради.

Аммо, биз нажотда Худонинг мутлақ ҳокимияти сақлаб қолиниб, Хушхабар ваъз қилинмаса-да, Муқаддас Руҳ инсонларга имон беради, деган тузоққа тушиб қолмаслигимиз керак.

Бу ҳолатда шуни эсда тутиш керакки, Масиҳдаги қайта тикланиш — биздаги қайта тикланишнинг асосидир. Янги Аҳддаги қайта тикланишга боғлиқ оятларни кўздан кечирадиган бўлсак, бунда асосан икки қарашга дуч келамиз.

Уларнинг бири – объектив қараш бўлиб, у тарихий факт бўлган Исо билан боғлиқ. Иккинчиси эса – масиҳийлар имонининг субъектив унсуридир. Никодим, инсон қандай қилиб иккинчи бор туғилиши мумкинлиги ҳақида сўраганда, Исо аввалига Руҳнинг мутлақ ҳокимият билан ҳаракатланиши, ундан сўнг Хушхабарга имон билан жавоб қайтариш ҳақида гапиради.

Бутрус ҳам биз Исонинг қайта тирилиши орқали қайта туғилдик, деб айтиб, кейин, бизга Хушхабарнинг ваъз қилиниши орқали қайта тирилдик, деб айтган. Янгидан туғилишда Хушхабарнинг муҳимлигини Павлус Галатияликларга мактубининг 3 боби 2 оятида ҳамда Ёқуб китобининг 1 боби 18 оятларида ҳам таъкидлаб ўтишган.

2-Коринфияликларга мактубининг 5 боби 17 оятдаги Павлуснинг ҳаммага маълум сўзлари атайлаб мавҳум қилиб айтилган бўлса ажаб эмас, “Бинобарин, ким Масиҳга тегишли бўлса, у янги ижоддир.

Қадимги ҳолат ўтиб кетди, энди ҳаммаси янги бўлди.” Эътибор беринг, Павлус бу ерда “кимда Масиҳ бўлса” деб айтмаяпти, баъзилар шундай деб буни нотўғри талқин қилишади.

“Ким Масиҳга тегишли бўлса” деганда Масиҳдаги янги яратилишга урғу бериляпти. Лекин, Павлус ҳам “Масиҳда” бўлган объектив ҳолатни таъкидлаб, субъектив ҳолатни четлаб ўтаётгани йўқ.

У имонлилар Масиҳдаги янги яратилишга боғлиқлигини кўрсатган, бу орқали уларда шаклланаётган янги ижод нималигини билишларини истаган. Яъни, қайта тикланиш имонлилар ҳаётини ўзгартиради. Шунинг билан азизлар, мазумиз ўз поёнига етди. Бизнинг интернет сайтимиз манзили: www.dilkashradio.com хайр саломат бўлинг.

Миллоддан олдинги тўртинчи йилда Исо Масиҳ Байтлаҳмда дунёга келади. Лекин Унинг ёшлиги Носира шаҳрида ўтади. У 30 ёшлар чамасида ўз хизматини бошлади. Бу воқеа Қайсар Тибериус салтанатининг ўн бешинчи йилига тўғри келади.

Исо Масиҳ ўзининг ҳаёти ва қилаётган ишлари орқали Яҳудий пайғамбарлари башорат қилган қутқарувчи, яъни Масиҳ эканлигани исботлар эди. Бизга маълумки, Унинг ҳаёти давомида жуда кўп шогирдлари бўлган.

Лекин Исо Масиҳ ўн икки шогирдига алоҳида эътибор берган. У шогирдлари билан уч йил мобайнида бирга яшади. Шогирдлари кўз олдида қилаётган нотабиий мўъжизалари ва қудратли куч эгасидай таъсирчан таълим бериши Исони Буюк Устоз даражасига олиб чиқди.

Юқорида айтиб ўтилганидек, Исо ер юзида ўзининг жамоатини қуришга алоҳида аҳамият берган. Азизлар, энди шу ерда бир муҳим савол пайдо бўлади. Шогирдлари Исо Масиҳни ҳақиқатдан ҳам Масиҳ деб билар эдиларми?

Албатта, шогирдлари Исони ҳақиқатдан ҳам Исроилнинг қутқарувчиси Масиҳ деб билишарди. Лекин Буюк Устозни тахминан ўттиз учинчи йили Рим империяси томонидан “шармандали” хочга михланиши, шогирдлари учун кутилмаган ҳолат бўлди.

Азизлар, бу оятдаги шогирдларнинг ҳолатига сизнинг эътиборингизни қаратмоқчиман: “Улар яҳудий мансабдорларидан қўрқиб, уйнинг эшикларини қулфлаб қўйган эдилар”.

Бу оятлар давомида кўряпмизки, Исо тирилиб шогирдлари олдига келди. Ва қирқ кун мобайнида шогирдларига кўриниб юрди. Нима учун Исо фақатгина шогирдларигагина кўринди?

Пилатга эмас, Олий руҳонийга эмас? Чунки Унинг хизматини шогирдлари давом эттириши учун бу нарса жуда муҳим эди. Исо осмонга кўтарилишидан олдин Ўз шогирдларига ажойиб ваъда ва охирги буйруғини беради.

Орадан эллик кун ўтиб Қуддусда кутилмаган воқеалар содир бўла бошлади. Бундан олдин қўрқиб, эшикларни қулфлаб уйда ўтирган шогирдлар бирданига жасорат билан Қуддус кўчаларига чиқиб: “Хочга михланган Носиралик Исо тирилди, У Исроил халқи кутган қутқарувчи Масиҳдир!”- деб Қуддус кўчаларини тўлдириб ҳуш хабарни эълон қилишди. Раббимизнинг қайта тирилиши, албатта, шогирдларига катта куч бағишлаган эди. Шунинг билан азиз биродарлар, мавзумиз ўз поёнига етди. Бизнинг интернет сайтимизнинг манзили: www.dilkashradio.com хайр саломат бўлинг.