Сиз сўраяпсиз: «Биринчи шогирдлар эга бўлган кучни биз олишимиз мумкинми? Мен айтаяпман: «Ҳа!», чунки мен худди улар каби ўзимни номуносиб ва муҳтож деб ҳисоблайман.

Мен бизнинг бугун Янги Аҳд давридагидан афзалроқ воизчиларимиз бор деб ўйламайман, балки улар кучга муҳтож бўлган эдилар. «Биз чўмдирилишни бугун олишимиз мумкинми?» -деб сўраманг.

Усиз биз ҳеч қандай фойда келтирмаймиз. Муқаддас Руҳсиз масиҳийлик ғаройиб шаклдаги чиғаноқ каби, аммо жонсиз ва ўликдир. Фақат Худо Муқаддас Руҳ билан алангани ёндирувчи учқун бериши мумкин.

Агар мен кучга муҳтож бўлсам, наҳотки Худо уни ушлаб туради, ваҳоланки мен Унинг шартларига муносиб бўлсам? Муқаддас Китоб мен очиқ кўнгил билан уларни қабул этиб Худога яқинлашишим учун керак бўлган ваъдалар ва хабарларга тўладир.

Худо ўша ваъдаларни тўхтатиб қўяди деган Муқаддас Китобда бирорта жой йўқ. Масиҳ биз учун бу инъомга баҳосини тўлаган. Бу тўлиқ Инжилни жамлаштирадиган қисми.

Шундай олдиндан белгиланган ва Янги Аҳдда бошқа ҳеч нима назарда тутилмайди. Масиҳ, унинг издошлари учун агар У кетсаю, Муқаддас Руҳ уларга келса яхшироқ бўлишини айтган.

Мана қанчалик имонлилар учун Муқаддас Руҳ билан чўмдирилиш муҳим. Охир замонгача бу барча имонлилар учун ваъдадир. Электр қуввати қандай кенг кўламда қўлланаётганини ўйлаб кўрсангиз.

Одамлар унинг билан ўзларини шаҳарларини ёритади, таом тайёрлайди, уйларни иситади; электр қувватисиз фабрикалар ва ҳар турдаги машиналар ишлай олмайди. Одамзод электр қувватидан фойдаланишни ўрганди.

У бажариб бўлмайдиганига ҳам ўрганди ойгача учиб борди. Муқаддас Руҳ сизни электр қувватидан анча каттароқ кучга тўлдирмоқчи. Усиз ҳеч нима қилиб бўлмайди, аммо сиз ундан фойдаланишни ўрганишингиз керак. Агар сиз кучдан тўғри фойдалансангиз, бу Худога шуҳрат келтиради ва сизнинг ҳаётингизда марҳаматлар бўлади. Шунинг билан азизлар мавзумиз ўз поёнига етди. Бизнинг электрон почтамиз манзили: dilkash@najot.com хайр саломат бўлинг.

Кўряпсизки, бу ерда Муқаддас Руҳ вазият орқали иш тутган. Баъзида сиз мўлжаллаган имкониятларни қўлдан чиқараётганингиздек ту тюлади. Атрофга боқинг, Муқаддас Руҳ сизга яхшироқ имкониятларни очиши мумкин.

Қуддусдан ўзларининг ҳаётини сақлаб қолиш учун қочган биринчи масиҳийларни эсланг, улар қаерда бўлмасинлар Хушхабарни тарқатишган ва кўплаб жонларни қутқаришган.

Ҳаворий Павлус қамоқда бўлганида даъват саёҳатларини амалга оширишга имконияти бўлмаган, аммо у ерда туриб, у ўзининг баъзи мактубларини ёзганки, улар миллионлаб инсонлар учун марҳамат бўлиб хизмат қилади.

Сиз оғир вазиятларда турибсизми? Балки, бу вазиятларга сиз орқали бирор нимани ўзгартириш учун Худо тарафидан йўл қўйилгандир Муқаддас Руҳдан У нима кераклигини сизга кўрсатишида ёрдам қилишини сўранг.

Сўнг атрофдагиларга эътиборли бўлинг ва уларни яхшиликка чорланг. Сиз Худонинг ёритгичларидан бирисиз. Сиз атрофингиз зулматдалигидан нолишингиз лозим эмас, турган жойингизда ёғду бўлинг.

Муқаддас Руҳ сизни таассуротлар воситасида бошқариши мумкин. Агар сиз Унга ишонч билдирсангиз, У сизга тўғри танлов қилишга ёрдам беради. Аксарият ҳолатларда шундай бўлади, агар бирон ишни ҳал этишда сизга икки ёки кўпроқ имкониятлар қўл келса ва сиз тўғрисини танласангиз, унда чуқур сокинликни сезасиз ва шу ишга тўлиқ мойиллик билан қарайсиз, аммо бошқа қарорингизни ўйлаганингизда ўзингизни ваҳима босади.

Бир имонли тадбиркор белгиланган самолёт рейсига чипта буюрган, аммо қандайдир ваҳимани ҳис этган. Бу учиш ҳақида қанча кўп ўйласа, шунчалик катта юк уни босиб борган.

Пировардида у янаги рейс билан учишга қарор қилган. У учиши керак бўлган самолёт чил-парчин бўлиб, ундаги ҳамма йўловчилар ҳалок бўлган. Муқаддас Руҳ унинг ҳаётини сақлади.

«Одам юрагида ният қилади, Эгамиз эса унинг йўлини мустаҳкамлайди» -деб ёзилган Ҳикматлар китобининг 16 боби 9 оятида. Бир руҳий оқсоқол, ўзининг ишлари билан шошилиб кетаётиб, фавқулодда унга нотаниш уйнинг эшигини тақиллатишга ундашни сезган. Азизлар доимо Муқаддас Рух нима демоқчи бўлганига қулоқ тутинг. Хайр саломат бўлинг.

Ёки сўз бевосита ўзингизга келиши мумкин ва чуқур таассурот қолдирадики, қайсидир бир вазият учун Худонинг иродаси қандайлигини сиз тушуна бошлайсиз. Сизнинг онгингиздан тўғридан тўғри Илоҳий Каломнинг жойи равшан тасаввурда ўз мушкулотингизнинг ечилишида у қандай ишлатилиши мумкинлиги очилади.

Шунингдек, бошқалар муҳтож бўлган сўзларни ҳам Худо сизга бериши мумкин. Сиз кимгадир Раббимиз ҳақида шоҳидлик қилаётганингизда ёки Муқаддас Китоб дарсларини бераётганингизда, сизни Муқаддас Руҳ етаклаши зарур.

Ота-оналар ўзларининг фарзандларига тўғри жавоб беришлари учун Худонинг оқил сўзига муҳтождирлар. Муқаддас Руҳнинг иши нафақат жиддий вазиятлар учун, балки мунтазам кундаги ҳаёт учун ҳам мўлжалланган.

«Ўзини таниб билишингиз учун сизга ҳикмату ваҳий руҳини ато этсин»-деб ёзилган Эфесликларга мактубининг 1 боби 17 оятида. «Ва уни Худонинг Руҳи, донолик, очиқлик ва ҳар қандай санъат маҳоратларига тўлдирди» деб ёзилган Чиқиш китобининг 35 боби 31 оятида.

Башоратлар, янги тилларда ваҳийлар ва бу тилларда таъбир қилиш, Муқаддас Руҳни одамлар билан гаплашиш учун қўллайдиган усулларидандир. Башорат бу гапирувчи тилидаги Худодан хабардир.

У яқин келажакда нима содир бўлиши ҳақида гапириши мумкин. Баъзида у оддий юпатиш сўзи ёки эшитувчилар ёрдамига насиҳатлар бўлиши мумкин. Баъзида сўз аввал тилларда келади, сўнг эса таъбирланади.

Бу икки инъом ҳамкорликда бўлиб, биргаликда башорат қилиш инъоми кабидир. Айрим инсонлар бу инъомлардан қачондир эшитган қалбаки башоратлар сабабли қўрқишади.

Бундай рад этиш, мисол пуллардан фақат уларнинг орасида қалбакилари учраши мумкинлигидан воз кечишга ўхшайди. Шайтон доим инсонларни чалғитишга Худо ўрнида бўлишга уриниб ҳаракатда бўлади.

Қалбаки пайғамбарлар Муқаддас Китоб даврида бўлган, улар ҳозир ҳам мавжуд, аммо сизнинг Дўстингиз, Муқаддас Руҳ Унинг хизматини қалбакилашганини ёки Унинг инъомларидан сохтасини олиш қўрқуви сабаб улардан воз кечишингизни хоҳламайди. Шунинг билан азизлар, бугунги мавзумиз ўз нихоясига етди. Бизнинг электрон почтамиз манзили: dilkash@najot.com хайр саломат бўлинг.

Тасаввур қилайлик, сиз кўп пулга эга бўлдингиз ва Худованд пулнинг бир қисмини шаҳар четидаги кичик хизматга беришингизни айтди. Сиз буни чин юракдан ва хурсандчилик билан қилдингиз.

Кейинроқ баъзи имонлилардан Худо уларнинг муҳтожлигини қандай қондирганини хурсанд бўлиб айтишганини эшитдингиз, лекин сизнинг исмингиз айтилмади. Улар пулни сиздан олмагандек, аксинча осмондан тушгандек қилиб айтишади.

Ўзингизни қандай ҳис қилган бўлардингиз?Бироз жаҳлингиз чиқиши табиий ҳолат. Биз қилган ишимиз учун мақтов олишни хоҳлаймиз. Қадрланишни исташ ёмон эмас. Лекин Исо бизга ҳатто буюк мукофот олсак ҳам қандай бериш кераклигини айтди.

“Сен садақа бераётганингда, чап қўлинг ўнг қўлинг нима қилаётганини билмасин. Яъни сенинг мурувватинг яширин бўлсин. Шунда яширин бўлганларни кўрувчи Отанг сени аниқ тақдирлайди”-деб айтган Матто Хушхабар китобининг 6 боби 3ва4 оятларида.

Бу ерда Раббимиз мағрурликдан, инсонга хос мақтов олиш истагисиз, камтарлик билан бериш тўғрисида гапирган. Раббимизга бергандек бериш Худо мукофотлайдиган бериш туридир.

“Бошқаларга беринг, сизларга ҳам қайтади яхшилаб босилган, силкитилган, тўлиб-тошган ўлчов билан қўйин-қўнжингизга тўкилади. Чунки сизлар қандай ўлчов билан ўлчасангизлар, худди шундай ўлчов сизларга ҳам татбиқ этилади”.

Баъзи мукофотларимиз ер юзида берилади. Лекин буюк мукофотлар вақти келиб Раббимиз ҳузурида турганимизда берилади, Худованд У учун қилган барча ишларимиз учун раҳмат айтади.

Матто Хушхабар китобининг 25 боби 34 ва 40 оятларида Худо бизга ўша куннинг бир учқунини кўрсатган.“Шунда Подшоҳ ўнг томондагиларга айтади:– Эй, Менинг Отамнинг олқаганлари, келинглар!

Дунё яратилганидан бери сизлар учун мерос сифатида тайёрлаб қўйилган Шоҳликни эгаллангиз. Чунки Мен оч эдим, Менга овқат бердингизлар. Чанқаган эдим, Менга сув ичирдингизлар.

Мусофир эдим, Мени меҳмон қилдингизлар. Яланғоч эдим, Мени кийинтирдингизлар. Касал эдим, Мени боқдингизлар. Зиндонда эдим, Мени келиб кўрдингизлар. Азизлар инсон хар қандай яхшиликни унутиб юбориши мумкин, лекин Худо эмасю Хайр саломат бўлинг.

Кечирим бу — aфв этилишдир; хукмнинг қароридир. Агар кимдир » кечирилган бўлса демак у жиноятлари учун жазоланмасада лекин суд томонидан жиноятчи деб танилади, ёдга олинади. Лекин Масихда гунохларимиз фақат кечирилмайди, балки биздан олиб ташланади. Мана шу сўз юнончада «aphesis» дейилиб бутунлай ювиб ташланган, артилган ёки бой инояти туфайли гунохлари бутунлай йўқ қилиб юборилган, ювиб ташланган деган маънони билдиради.

Масихда хатоларинг хам ўчириб ташланди, сендан олиб ташланди; сен фақат афв этилганганинг учун эмас, гунохларинг йўқ бўлгани учун жазодан қутулдинг! Агар Масихий хато қилиб қўйса ва » Ўзимни кечира олмайман»- деса, ўша киши Исога ва Унинг ўлими орқали берилган тўловларга ишонмаётган бўлади. У бизнинг гунохларимиз учун ўлди. У фақат ўзингни кечиришни айтаётгани йўқ. У сенга сендан буюкроқлигини ва У хукм қилувчи эканини ва гунохларинг ювиб ташланганини айтмоқда.

Агар У охирги хакаминг бўлса ва гунохларингни юзингга сочмаслигини билсанг унда нега қилиб қўйган хатоларингдан хафа бўлиб юрибсан? Ўтмишда қилган хатоларидан қайғуга ботиб, ибодат қилмоқчи бўлиб юрган кишиларга ўхшамагин. Қилган хатоларинг ёдингга тушиб қолса, дархол имонингни ишлат. Баъзилар қилган ёмон ишлари ёки хатолари туфайли қаттиқ тушкунликка тушиб қолишади. Баъзилари уялганидан ёки ерга урилганидан ўз жонига қасд қилишади. Бу катта хато!

Ха, сен хатога йўл қўйдинг. Қийин вазиятда қолдинг, лекин булар хеч қачон сенга хокимлик қилмасин, сендан устун бўлмасин. Сенинг хатоларинг учун Исо жавобгарликни Ўз зиммасига олди. У аллақачон тўловни тўлаб қўйди. Ўтмишдаги хатоларинг ва ёмон ишларинг сени аср қилмасин. Муқаддас Каломда сени барбод қилувчи гунохнинг қудрати яксон бўлгани ва энди у сенга хоким эмаслиги айтилган. Гуноҳ сизларнинг устингиздан ҳукмрон бўлмайди, чунки сизлар энди қонун остида эмас, балки иноят паноҳидасизлар. (Римликлар 6:14). Агар шайтон гунохларингни эслатга, унга

Исонинг ўлимини айт. Исонинг хочи орқали кечирим олганингни- гунохларинг бутунлай ўчириб ташланганини эсла. Азиз Отажон, мухаббатинг, иноятинг, эзгулигинг ва хаётимдаги хузуринг учун рахмат. Менда яшаётган , Калом сирларини очувчи комил ироданг ва солихлик билан яшашимда ёрдам бераётган Муқаддас Рухинг учун рахмат айтаман. Гунох ва унинг натижасидаги нарсалар устидан Исо берган хокимиятимни ишлатишни машқ қиламан. Исо Номидан омин.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Кеча ёки беш дақиқа олдин нима қилиб қўйганинг ахамиятсиз, Xyдо бағрини очиб сени кутиб турибди. Душман бугун сени айблаб, махкум қилиб алдамасин. Худо сендан ғазабланмаган. У сени севади ва хаётингдаги хамма нарсани тикламоқчи.

Бугун Xyдо олдида гунохларингни тан олиб товба қил ва У сени гунохларингдан фориғ қилиб поклайди. Худодан кечирим олиш учун ўзинг хам бошқаларни кечиришни танлагин, кечирсанг Xyдо хам сени кечиради. Худога манзур хаёт кечириш учун Муқаддас Рухдан ёрдам сўра ва У сени Ўзига яқинлаштиради. Худога яқинлашсанг У хам сенга яқинлашади. Сенга бўлган буюк мухаббатини ва хаётинг учун барча мархаматларини кўрсатади!

Раббимиз Исо Масиҳга бурканинглар ва башарий табиатингизнинг эҳтиросларини қондиришни ҳатто хаёлингизга ҳам келтирманглар. Бугун хаётингда сен тўхтатишинг , яни бас қилишинг керак бўлган бирор нарса борми? Эхтимол бу Xyдога маъқул бўлмаган қандайдир хатти-харакат, қарамлик ёки ёмон муносабатдир, Одам Ато ва Мамо Xавонинг гунохлари Боғда ошкор бўлганида устиларига ёпинчиқ кийиб олишга тўғри келганди, гунохдан ўзимизни сақлаш учун бизлар хам кийинишимиз лозим.

Раббимиз Исо Масихни устингга кийимдек кийиб олганингда, У васвасага қарши туришинг учун сени қувватлантиради. Xўш, Исо Масихни қандай қилиб кийимдек кийиб оласан? Бу оддий, таббий оламда кийимни қандай қилиб кийиб олсанг худди шундай қиласан, яъни бирор материл билан устингни ёпиб оласан.

Сен хар куни Xудонинг Каломини кийишинг яъни бурканишинг лозим. Калом эшитиш билан қулоқларингни ёпасан. Фақат Xудога ёқадиган нарсаларни кўриш орқали кўзларингни ёпасан. Оғзингни эса Калом айтиш ва атрофингдагиларнинг кўнглини кўтариш орқали ёпасан. Масихни кийимдек кийиб олар экансан васвасага қарши туришда кучли бўласан ва Раббимизнинг режасидаги ғалаба билан умр кечирасан!

Ибодат. Самодаги Ота Ўз Ўғлинг Исони гунохларимиз учун тўлов тўлашга юборганинг учун рахмат. Сенинг олдингда муқаддас тура олишим ва васвасадан холи бўлишим учун имкон яратиб берганингга рахмат. Каломинг билан бурканар эканман мустахкам туришимга ёрдам бер. Исо Номидан омин.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

(Ишаё 43:19) Салом азизлар. Умрингда бирор бир нарсанинг содир бўлишини кутганмисан? Юксалишни ёки бирор бир кимса билан муносабат ўрнатишни кутганмисан? Рухий томондан ёриб чиқишничи? Қандайдир янгилик кутаётгандирсан? Ундай бўлса менда сен учун яхши хабар бор. Сен кутиб яшаган кун бугун эканига мен ишонаман! Xудо бугун сен учун янги нарса қилаётганига ишонаман.

Бугунги оятга диққат билан қарагин. Сендан сўраладиган савол: сен буни пайқаяпсанми? Кўрмаяпсанми? Мен бундан Xудо хаётимизда қандайдир иш қилаётганини тушиндим, лекин биз вазиятлар билан банд бўлиб қолганимиздан Унинг ишларини унутиб қўямиз. Шунинг учун кўзларимизни Унга қаратиш ва Унинг ваъдаларини хаётимизда эътироф этиш жуда хам мухимдир. Қандай вазият ёки шароит бўлишидан қатъий назар Xудо Ўз ишини қилаётганини эътироф эт.

Ғалаба ва барокаларим йўлда келяпти деб айтавер. Умид билан яшайман дегин ва умр бўйи кутиб келган куним бугун деб эълон қил! Одам юрагида ният қилади, Эгамиз эса унинг қадамларини етаклайди.

(Маталлар 16:9) Xудо кўпинча хаётимиздаги тажрибаларни келажагимиз учун тайёрлаб қўйганларига қадам қўйишимиз учун кўприк каби ишлатади. Битикларга биноан У хатто душман бизга қарши ишлатган нарсаларини хам биз учун яхшиликка айлантириши айтилган. У хамиша бизларни тайёрлаш онларидан ўтказади. Шу сабабдан назаримизни Унга қаратиш жуда хам мухимдир. Биз хаммасини тушинмасакда Унга итоат қилишимиз жуда хам мухим чунки қадамларимизни У бошқармоқда.

Агар бирор нарса сен ўйлаган ёки кутган онда содир бўлмаса ўзингга шу сўзларни эслатиб тур: »Xудо нима қилаётганини билади. У менга энг зўрини, энг яхшисини ният қилиб қўйган. Худо мени тайёрлаяпди». Кутиш онларида нимани қандай бўлишини тушинишга ёки ўз кучинг билан қилишга уринма. Агар иш қандай бажарилиб қандай нихояланишини тинмасдан ўйлайверсанг охири хавотирга тушиб қоласан.

Хаммасини Xудонинг қўлига топшир. »Худойим менинг хар бир куним Сенинг қўлингдадир. Мен безовта бўлмайман чунки Сен Ўзинг мени тайрлаш онларидан ўтказиб, мухайё қилиб қўйган ажойиб мархаматларинг томон етаклаяпсан»-деб эътироф эт.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Муқаддас Каломда шундай ёзилган, “Баъзилар ўйлагандай, Раббимиз берган ваъдасини амалга оширишга имилламаяпти. Аксинча, У ҳеч кимнинг ҳалок бўлишини истамай, ҳамма тавба қилсин, деб сабр-тоқат билан кутиб турибди.”(2 Бутрус 3:9) Агар сиз Масиҳни танимайдиган бирор кишини кўрсангиз, сиз у учун ибодат қилишингиз, унга хизмат қилишингиз ва Хушхабарни бўлишишингиз керак. Агар сизнинг жамиятингизда Худонинг оиласига тегишли бирор киши бўлса, жамоатингиз унгa эришишда давом этиши керак. Ўсишни ҳоҳламайдиган жамоат худди дунёга, “Сиз дўзахга боришингиз мумкин” деяётганга ўхшайди.

Сиз билган кишиларингиз жаннатга бориши учун нима қилишга тайёрсиз? Уларни жамоатга таклиф қилинг? Ҳикоянгизни бўлишинг? Уларга бу китобни беринг? Уларни овқатга таклиф қилинг? Улар қутқарилгунга қадар улар учун ҳар куни ибодат қилинг? Сизнинг топшириқ майдонингиз атрофингиздир. Худо бераётган имкониятларни ўтказиб юборманг. Муқаддас Каломда шундай ёзилган, “Фурсатни ғанимат билинглар, сафингизда бўлмаганлар билан оқилона йўл тутинглар.” (Колосаликларга 4:5)

Сиз сабабли бирор киши жаннатга бораяптими? Жаннатдаги бирор киши сизга “Мен сендан миннатдорман. Мен бу ердалигимнинг сабаби сен мен билан Хушхабарни бўлишганингдир” деб айтадими? Жаннатда сиз туфайли юрган кишилар билан кўришишнинг нақадар қувончли эканлигини тасаввур қилинг. Бирор жоннинг абадий нажот топиши сиз ҳаётда эришадиган ҳар қандай ишдан кўра яхшидир. Фақатгина инсонлар абадий қоладилар.

Бу дастурларда биз Худонинг ҳаётингиз учун беш мақсадини кўриб чиқдик: У сизни Унинг оиласи аъзоси бўлиш учун, Унинг характерининг намунаси бўлиш учун, Унинг улуғворлигини катталаштирувчи бўлишингиз учун, Унинг иноятининг хизматчиси бўлишингиз учун ва Унинг Хушхабарининг бошқаларга хабарчиси бўлиш учун яратган.

Ушбу мақсадларнинг фақатгина бешинчиси ерда бажарила олади. Бошқа тўртаси қандайдир абадиятда ҳам давом этаверади. Шунинг учун ҳам Хушхабарни тарғиб қилиш шунчалик муҳимдир; сизда Ҳаёт Хабарини тарғиб қилишингиз ва топшириғингизни адо этишингиз учун қисқа вақт бор.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Бошқаларга қандай абадий ҳаётга эга бўлишларини айтиш улар учун қила оладиган энг буюк ишингиздир. Агар сизнинг қўшнингиз рак ёки ОИТС билан касалланган бўлса ва сиз унинг шифосини била туриб уни айтмасангиз, сиз ҳаётни қутқарувчи хабарни сақлаб турганингиз учун жиноятчи ҳисобланасиз.

Бунданда ёмони кечирим, мақсад, тинчлик ва абадий ҳаётга элтувчи йўлни яширин сақлашингиздир. Бизга дунёдаги энг буюк хабар бор ва буни бошқалар билан бўлишишингиз бошқаларга кўрсатадиган энг буюк мулойимликдир.

Масиҳийлардаги бир муаммо шундаки, улар Масиҳсиз ҳаёт қандай бўлишини эсларидан чиқаришларидир. Бошқалар қандай муваффақиятли ёки рози кўринишларидан қатъий назар биз шуни ёдда тутишимиз керакки, Масиҳсиз улар умидсизларча йўқолган ва Худо билан абадий ажралишга йўлиққандирлар.

Муқаддас Каломда шундай ёзилган, “Нажот топишимиз учун, осмони фалак остида одамзодга берилган ҳеч бир исм йўқ.” (Ҳаворийлар 4:12) Ҳар бир киши Исога муҳтождир. Сизнинг топшириғингиз абадий аҳамиятга эга. Бу бошқа кишиларнинг абадий тақдирига таъсир қилади, шунинг учун ҳам сиз ушбу ҳаётда эришишингиз мумкин бўлган ҳар қандай иш, муваффақият ёки мақсаддан кўра буюкроқдир.

Топшириғингизнинг оқибати абадий давом этади; касбингизнинг оқибати эса ундай эмас. Кишиларга Худо билан абадий ҳаёт қуришга ёрдам беришингиздан бошқа ҳеч қандай иш муҳимроқ эмас.

Шунинг учун ҳам биз топшириғимизга дарҳол киришишимиз керак. Исо шундай деган, “Кун ёруғ экан, Мени Юборганнинг ишларини қилишим лозим. Ана тун келяпти, ўшанда ҳеч ким иш қила олмайди.” (Юҳанно 9:4) Ҳаётий топшириғингиз учун соат чиққилаяпти, шунинг учун ҳам бошқа кунни кутиб турманг.

Бошқаларга эришиш учун топшириғингизга киришишни ҳозирдан бошланг! Биз Исога олиб келган кишилар билан абадий бирга бўламиз, лекин уларга эришиш учун фақатгина бу ҳаёт берилган.

Бу дегани тўлиқ вақт хушхабарчилик қилиш учун ишингиздан воз кечишингиз дегани эмас. Худо сиздан қаерда бўлсангиз ҳам Хушхабарни бўлишишингизни ҳоҳлайди. Талаба, она, ўқитувчи, сотувчи ёки бошқарувчи ёки бошқа ишчи сифатида сиз доимо Худо йўлингизга қўйган кишиларни қидириб улар билан Худони бўлишишингиз керак.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Хизматкорлар ўртасида ҳасад бўлмаслиги керак. Агар сиз хизмат қилиш билан банд бўлсангиз, танқид қилишга вақт тополмайсиз. Сиз танқид қилмоқчи бўлган вақтингиз сизнинг хизмат қилишингиз мумкин бўлган вақтингиздир. Марта Исога Марям хизмат қилмаётганлигидан шикоят қилаётганида у хизматкор қалбини йўқотган эди. Ҳақиқий хизматкорлар адолатсизлик учун шикоят қилмайдилар ва хизмат қилмаётганлардан ранжимайдилар. Улар фақат Худога ишонадилар ва хизмат қилишда давом этадилар.

Устознинг бошқа хизматкорларини баҳолаш бизнинг ишимиз эмас. Муқаддас Каломда шундай ёзилган, “Сен ким бўлибсанки, бошқа кишининг малайини тергайсан? У ўз хўжайини олдида ё туради, ё йиқилади. Раббимиз эса уни турғазишга қодир, шунинг учун у туради.” (Римликларга 14:4) Ва танқидга қарши ҳимояланишимиз ҳам бизнинг ишимиз эмас. Буни Устозга қўйиб беринг. Мусонинг мисол қилиб олсак, у қаршиликда ҳам ҳақиқий камтарликни кўрсатди, Неэмиянинг ҳам танқидчиларга жавоби, “Менинг ишим жуда ҳам муҳимдир ва уни сиз билан учрашиш сабабли тўхтатолмайман” (Неэмия 6:3)

Агар сиз Исога ўхшаб хизмат қилмоқчи бўлсангиз, албатта танқидга учрайсиз. Дунё Худо қадрлайдиган нарсани тушунмайди. Исога кўрсатилаётган энг гўзал севги ҳам шогирдлар томонидан танқид қилинган. Марям ўзида бўлган ва энг қимматли атирни Исога суртди. Унинг бу хизмати шогирдлар томонидан исроф деб аталган, аммо Исо буни муҳим деб атади ва бу танқидга учради. Сизнинг Исога кўрсатаётган хизматингиз бошқалар нима дейишидан қатъий назар ҳеч қачон исроф бўлмайди. Хизматкорлар ўзларининг шахсиятларини Исога асослантирадилар. Улар севилиб ва иноят билан қабул қилинганликлари учун хизматкорлар ўзларининг қадрларини исботламайдилар. Улар бошқалар томонидан паст деб аталган ишларни ҳам бажарадилар. Ўзидан келиб чиқиб қилинган энг ажойиб хизматга яққол мисол Исонинг ўн икки шогирднинг оёғини ювишидир. Оёқни ювиш хизматкорга хос бўлган иш бўлиб, мавқега тўғри келмасди. Исо Ўзининг кимлигини биларди, шунинг учун ҳам хизмат Уни ташвишлантирмади. Муқаддас Каломда шундай ёзилган, “Исо бўлса, Отаси ҳамма нарсани Унинг қўлига берганини билар эди, Ўзи Худо ҳузуридан чиқиб, яна Худо ҳузурига қайтаётганини ҳам билар эди.” (Юҳанно 13:3-4)

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.