Худо сизга бўлишиш учун Ҳаёт Хабарини берган. Сиз имонли бўлганингизда Худонинг хабарчиси ҳам бўлдингиз. Худо дунёга сиз орқали гаплашишни ҳоҳлайди. Павлус шундай деган, “Худонинг кўзи олдида соф кўнгилдан воизлик қилмоқдамиз.”(2 Коринфликларга 2:17) Сиз бўлишиш учун ўзингизда ҳеч нарса йўқ деб ўйлаётган бўлишингиз мумкин, аммо бу сизни тинч тутиш учун Иблиснинг ёлғонидир. Сизда бошқаларни Худога олиб келиш учун йиғилган тажрибалар бор. Муқаддас Каломда шундай ёзилган, “Ким Худонинг Ўғлига эга бўлса, ҳаётга эгадир.”

Ҳаёт хабарингиз гувоҳлигингизни ўз ичига олади. Гувоҳлигингиз Масиҳ ҳаётингизда қандай ўзгартириш қилгани ҳақидаги хабардир. Бутрус биз Худо томонидан танланганимизни айтади, “… сизлар Унинг фазл-камолотидан хабар бериш учун танлангансизлар.”(1 Бутрус 2:9) Бу шоҳидликнинг моҳияти – Худованд йўлидаги ҳаёт тажрибангизни оддийгина бўлишишдир. Суд залида гувоҳ кўрилаётган масала бўйича тортишмайди, ҳақиқатни исботламайди ёки қарор чиқармайди; бу оқловчининг ишидир. Гувоҳлар шунчаки уларга нима бўлгани ва нима кўрганлари ҳақида гапириб берадилар.

Исо “Сизлар Мени оқловчиларим бўласизлар” демади, балки “Менинг шоҳидларим бўласизлар” деди. У сиздан ҳикоянгизни бошқалар билан бўлишишингизни ҳоҳлайди.

Гувоҳлигингизни бўлишишингиз сизнинг ердаги топшириғингизнинг муҳим қисмидир, чунки бу ягонадир. Сизнинг ҳикоянгизга ўхшаш бошқа ҳикоя йўқ, шунинг учун фақатгина сиз уни бўлиша оласиз. Сиз Каломий олим бўлмаслигингиз мумкин, аммо сиз ҳаётингиздаги ҳокимсиз ва шахсий тажрибалар билан тортишиш оғирдир. Аслида шахсий гувоҳлигингиз ваъздан кўра таъсирлидир, чунки имонсизлар чўпонни моҳир сотувчи сифатида кўрсалар, сизни “рози харидор” сифатида кўрадилар, шунинг учун ҳам улар сизга кўпроқ ишонадилар.

Шахсий ҳикояларни айтиш қоидалардан кўра осондир ва кишилар буни эшитишни яхши кўрадилар. Улар бизни диққатимизни тортади ва биз уларни узоқ эслаймиз. Агар сиз диншунослар ҳақида гапиришни бошласангиз имонсизлар қизиқишни йўқотадилар, аммо улар ҳеч қачон эшитмаган шахсий тажрибаларга табиатан қизиқадилар. Бўлишилган ҳикоялар Исонинг юриши учун сизнинг қалбингиздан кишилар қалбига кўприк қуради.

Гувоҳлигингизнинг яна бир қадри шундаки бу ақлий ҳимоялардан ўтиб кета олади. Муқаддас Каломни қабул қилмайдиган кўпгина кишилар камтарона ва шахсий ҳикояларни тинглашади. Шунинг учун ҳам олти хил турли вазиятларда Павлус Каломдан гапириш ўрнига ўз гувоҳлигини айтди.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Narrator 2 Болалар улғайгани сари уларда аҳлоқий кўрсатгичлар йўқлигини англадик. Хотиним иккаламиз, бу болаларни қандай ўзгартириш ва тўғри йўлга солиш ҳақида жуда кўп бош қотирдик ва турли чораларни қўллаб кўрдик. Бироқ ҳеч бири фойда бермади. Кейин яна аёлим билан бирга дунё динларини ўрганиб чиқдик. Мен олим бўлганим учун биз танлайдиган дин археологик ва тарихий жиҳатдан ишонса бўладиган ва чалкаш бўлмаслиги керак эди. Кейин эса кичик ўғлимизни боғчага бериш ҳақида ўйладик. Ўйлаб-ўйлаб бир жамоат ичидаги болалар боғчасига беришга қарор қилдик. Борганимизда жамоат чўпони ҳам ўша ерда экан. Биз Масиҳийлик ҳақида у билан гаплашдик. У эса мен билан аёлимга бир нечта китобларни ўқиб чиқишни тавсия қилди. Мен у тавсия қилган китоблардан бирини ўқидим. У ерда Муқаддас Каломдаги Масиҳ ҳақидаги далиллар билан бирга ишонарли ва кучли археологик далиллар ҳам келтирилган эди.

Narrator 1 Бу китобни ўқишни бошлашим билан мендаги атеистик руҳ пасая бошлади. Бир куни бошқа бир давлатга археолог олимлар учун уюштирилган семинарга боришимга тўғри келди. У ерда бир нечта қизиқарли одамлар билан учрашиб, касбга оид фикрлар алмашдик. Қайтаётганимда улардан бири қўлимдаги чўпон берган китобни кўриб, “Нима, сен Масиҳиймисан?”, деб сўради ҳайрат ва совуққонлик билан. Мен қандай жавоб беришни билмай, бироз тараддудланиб турдим-да, сўнг Бутруснинг хатосини такрорламаслик мақсадида, “Ҳа, масиҳийман, нимайди”, дедим ўшандай совуққонлик билан. Кейин у кулиб юборди. Билсам, у ҳам масиҳий экан. Уйга қайтиб Муқаддас Каломни ўқиб чиқдим. Худога яқинлашдим ва охир-оқибат Масиҳни юрагимга қабул қилдим. Аёлим менинг масиҳий бўлганимни эшитиб хурсанд бўлди. Биз иккимиз ўғилларимиз учун ибодат қила бошладик.

Narrator 2 Уларни Худованд тўғри йўлга бошламаса, биз бунга ожиз эдик. Аста-секин улар билан муносабатимизни яхшилаб, Муқаддас Каломдан парчалар ўқиб берадиган бўлдик. Худога шукур, У бизнинг илтижоларимизни эшитди. Иккинчи ўғлимиз атрофида бир-иккита масиҳий дўстлар пайдо бўлиб, улар биргаликда жамоатга қатнай бошладилар. Бир куни ўғлим олдимга келиб, дада сиз Муқаддас Китобдан парчалар ўқиб берасиз. Бизнинг яхши инсон бўлишимизни истайсиз, аммо бу йўл тўғри эканини мен ўзим ишонч ҳосил қилишни истайман. Шунинг учун баъзи дўстларим билан якшанба кунлари жамоатга бораяпман, деди. Бу менга умид бағишлади. Кейин эса бошқа фарзандларим ҳам аста-секин Худога яқинлашдилар. Оилада ота-онанинг руҳий ахволи фарзандларнинг тарбиясига ва уларнинг руҳий оламига ҳам қаттиқ таъсир қилишини ҳаётимда бўлиб ўтган ҳодисалардан билиб олдим. Энди эътиқодим ҳақида сўраган исталган одамга гувоҳлигимни бўлишишга тайёрман. Менинг Худойим тирик ва эшитадиган Худо.

Narrator 2 Шунинг учун Америкада ўқишга хужжат топширдим. Мени қабул қилишди. 1993 йилнинг кузида ўқишимни Америкада давом эттирдим. Оилам ва дўстларимдан узоқда ўзимнинг кимлигим ҳақида ўйлашга кўпроқ вақт бўлди. Қизиғи шундаки, менинг хонадошим масиҳий экан. У мендан нимага ишонишим ҳақида сўраб қолди. Мен эса унга “Мусулмонман”, деб жавоб бердим. У мендан ислом дини ҳақида сўради, мен эса унга тўлиқлигича ва кўп маълумот беролмаганимдан уялдим. Шундан сўнг Ислом дини ҳақида кўпроқ ўрганишга қарор қилдим. Бир куни институт биноси ёнида сайр қилиб юрсам, Ислом дини ҳақида дарс бўлиши ҳақида ёзилган эълонни кўриб қолдим. Мен ўша дарсга ёзилдим. Ўрганганларимдан мамнун бўлдим. Кейин эса ташкилотчи талаба билан гаплашиб ҳақиқий мусулмон бўлишим учун нималар қилишим кераклигини сўрадим. У менга Саловот айтиш, Қуръон ўқиш ва жума номозини адо этиш кераклигини айтди.

Narrator 1 Мен ҳақиқий мусулмон бўлиш учун астойдил ҳаракат қилдим. Бошқаларга ҳам Ислом дини ҳақида айтадиган бўлдим. Масиҳийлар билан гаплашиб, уларнинг саволларига осонгина жавоб берар ва улар нотўғри йўлдан кетаётганларига ишончим комил эди. Бироқ Масиҳийларнинг Исо Масиҳнинг ўлими ва тирилиши ҳақидаги саволига жавоб беролмас эдим. Қуръонда ёзилишига кўра, Исо Масиҳ хочда ўлмаган фақат унга ўхшатиб қўйилган. Уларнинг китоби ўзгартирилганлигини танмай таъкидлар эдим. Аммо Масиҳийлик ҳақида кўпроқ билганим сайин, Уларнинг имон асоси Учбирлик эмас, Масиҳнинг хочдаги ўлими эканлигини билиб олдим. Масиҳийлар Исо Масиҳ бошқа одамлар гуноҳдан ҳоли бўлиб жаннатга эришишлари учун ўз ўлими билан гуноҳнинг тўловини тўлаганига ишонишларини билиб олдим. Бундан ҳайрон қолдим, чунки Ислом дини масиҳийларнинг бу ишончини рад этарди.

Narrator 2 Бу ҳақида Қуръонда берилган тушунтиришлар ноаниқ эди. Бундан ташқари Ислом дини масиҳийлик ҳақида ўрганмоқчи бўлган одамни огоҳлантиради ва унинг йўлига тўсиқлар қўяди. Ўрганиш жараёнида Эски Аҳдда пайғамбарлар томонидан Масиҳнинг келиши, Унинг Довуд Ўғли деб аталиши ва инсоният гуноҳлари учун азоб чекиши ва уни “Эммануэл (Худо биз билан)”, деб атаганларини билиб олдим. Бир куни қизиқишларим сабаб хонадошим мени жамоатга таклиф қилди. Мен ҳам бордим. Орқада уларни кузатиб ўтирар эканман, Худованд менинг кўз олдимга бир манзарани қўйди. Саҳрода Худони қидириб юрган эканман, кейин эса баланд девор билан ўралган қалъани кўрдим. У қалъадан ўз билимим билан ўтмоқчи, бўлар аммо уринишларим бекор эди. Кейин эса ўтириб йиғлаётганимни, Худодан ёрдам сўраганимни кўрдим. Ўша заҳоти қалбим илиқликка тўлди. Кўзимдан ёшлар қуйилди. Худо мен билан бирга эди. Ўша кунни ўзида Масиҳни Нажоткорим деб қабул қилдим.

Narrator 2 Мен бу китобни ўрганиб бўлиб, оиламдагиларга Марк хушхабарини сотиб олганимни айтдим. Айтишим биланоқ онам менга ғазабини сочди. Бир неча кунлар ўтиб, ота-онамга Масиҳийликка ишонишимни айтишга журъат қилдим. Бу менга анчагина қийинчилик туғдирди. Улар бу ишончдан воз кечишим учун анчагина қийинчиликларни бошимга солишди. Ота-онам масиҳийлик ҳақида яхши биладиган бир танишини чақиртириб мен билан гаплашиб қўйишни сўрадилар. У ҳам келиб мен билан масиҳийликнинг юқоридан берилмаган бир дин экани, инсониятга берилган ягона дин Ислом дини экани ҳақида узоқ суҳбатлашди. Унга Масиҳийликнинг келиб чиқиши ҳақида савол берганимда у бунда Павлус деган бир ярамас одамни айблади. Унинг ҳатти-ҳаракати билан Масиҳийлик дунёга тарқалгани ҳақида гапирди. Аммо мен унга Қуръонда унинг гапларини тасдиқлайдиган бирорта оят йўқ, деб қарши чиқдим.

Narrator 1 Охирида эса столга Қуръонни ва Марк хушхабарини қўйиб шундай дедим, “Қуръон Марк хушхабаридан қалинроқ бўлгани учун яхшироқ ҳисобланадими?”. Ўшанда хато қилганимни англадим. Биринчидан, бу билан у мантиқан жавоблар бера олмаётганига ишора қилган бўлсам, иккинчидан, Қуръон чиндан ҳам қалинроқ эди, чунки унда воқеалар қайта-қайта ёзилган. Отам бу гапимни эшитиб ғазабга минди. У бу ёши катта одамга нисбатан ҳурматсизлик қилганим ва сурбетлик қилгани учун калтаклади. Агар масиҳийликни ёқлайдиган бўлсам, уйдан ҳайдалишимни айтишди. Ёш бўлганим учун кўз ёшлари ичида мусулмон динини бошқа танқид қилмасликка ва Масиҳийлик ҳақида унутишга ваъда бердим. Мен ота-онамга шундай деб айтган бўлсам ҳам Масиҳийликдан воз кечмаган эдим. Онам операцияга рози бўлган пайтда касалхонага бир қариндошимиз келди. У руҳлар билан гаплашадиган қобилиятга эга эди.

Narrator 2 У менга қараб, “Сени Масиҳийлик жини урибди”, деди. Унинг гаплари менга қаттиқ таъсир қилди ва уйга келиб аччиқ-аччиқ йиғлаб Худодан, “Менга тўғри йўлни кўрсат”, деб сўрадим. Онам касалхонадан чиққач, бирга китоб дўконига борган амакиваччам билан бирга қариндошимизнинг туғилган кунига бордик. Қайтишда жамоат биноси ёнидан ўтиб кетаётиб эшиги очиқлигини кўрдик. Кейин эса иккаламиз ҳам у ерга киришга қарор қилдик. Ўша куни ичкарида эшитганларимдан Масиҳ ҳақида кўп қимматли нарсаларни билиб олдим. Кейинги куни эшигим олдида турганимда бир қари аёл ўтиб кетаётиб менга қараб , “Сен Масиҳнинг тарафдорисан”, деди. Бу ҳам менга Худо томонидан берилган бир белги деб ўйладим. Шундан кейин ўша жамоатга бориб Масиҳга бутунлай юз бурмоқчи эканимни айтдим. Ўша кундан бошлаб мен қийинчиликларни Худонинг қудрати билан енгиб келаётган масиҳийман.

Narrator 2 Мен дарсдан ташқари Қуръондаги оятларни, пайғамбарлар ҳақидаги ҳикояларни тинглашни ёқтирардим. Менга айниқса, Исо Масиҳнинг ҳикояси жуда ёқар эди. Менинг Исо Масиҳга юз буришим бирданига содир бўлмаган, Исо Масиҳни Нажоткорим деб тан олишим ҳам силлиқ кетмаган. Бунинг учун жуда кўп синовлар ва қийинчиликларни бошимдан кечирганман. Мен Исога келишимдан олдин қийинчиликлар пайтида кўп марта Исо Масиҳнинг Ўзи менга гапирган ва турли йўллар билан мўъжизалар қилган. Қуръон ўқиганимда, унинг 19 сурасини ўқишни ёқтирардим. У ерда Исо Масиҳ ҳақида ёзилган эди. Бу сурани деярли ҳар куни ўқирдим. Яқинларимга масиҳийлик ҳақида саволлар берардим, аммо ҳеч биридан тайинли жавоб ололмасдим. Ҳаммаси бир гапни такрорлашарди, “Масиҳийликни ўрганишдан фойда йўқ, ҳамма ҳақиқатлар Қуръонда ёзилган”. Қуръонни мустақил ўқиб ўрганишни бошладим.

Narrator 1 Уни ўқиганим сари дилимда саволлар кўпая бошлади. Қуръондаги иккита катта сура Исо Масиҳнинг ҳаёти ҳақида ёзилган бўлса ҳам, ҳеч бирида, нима учун хоч Масиҳийлар учун бунчалик аҳамиятли экани ҳақида тушунтирмасди. Кейинроқ катта синфга ўтганимизда дастуримизга дин ҳақидаги дарслик қўшилди. Унда мусулмон дини инсониятга берилган биринчи ва ягона дин эканлиги, ҳамма пайғамбарлар ислом динини ваъз қилгани ва охирги пайғамбар Муҳаммад эса уни ўрнатиш учун келгани ҳақида ўргатишди. Устозимдан, Худонинг бошқа китобларини ҳам ўқишни сўраганимда у, “Бунинг иложи йўқ, чунки бу китобларнинг бари Муҳаммад келгунича ўзгартириб бўлинган”, деб жавоб берди. Мен Масиҳийликни мустақил ўрганишга қарор қилдим. Қуръонда Исо Масиҳга бошқа пайғамбарлардан кўпроқ эътибор берилган. Қуръонда Унинг қилган мўжизалари ҳақида ҳам ёзилган.

Narrator 2 Исломий қарашларга кўра, Худованд Ўзи ҳақида баён этиш учун пайғамбарларини юборган, аммо ёвуз кишилар уларни ўлдиргач, Худонинг баёнотлари унутилган. Шунинг учун ҳам Муҳаммад Ислом динини бутун дунёга ёйишга астойдил ҳаракат қилган. Аммо Масиҳийлик бундай демайди. Унга кўра Худованд бошиданоқ тузган режасини охиригача, Исо Масиҳнинг ўлими ва тирилишигача давом эттирган. Бир куни амакиваччаларимдан бири мендан лойиҳасига ёрдамлашиб юбориш учун ёрдам сўради. Иккимиз эски китоблар дўконига бордик. Китоб растасида эски, жуда ҳам юпқа бир китобни кўрдим. У Марк хушхабари эди. Жуда ҳам хурсанд бўлдим. Уни сотиб олиб уйга учдим. Ўша куни бу хушхабарни уч марта ўқиб чиқдим. Аммо у ердаги “Худонинг Ўғли” деган сўзга тушунмадим. Ўша бетнинг пастида эса бу ибора, жисмоний эмас руҳий маънода қўлланилгани тушунтирилган эди. Бу ҳақида опамга айтдим. У эса эшитишни ҳам истамади. Унинг айтишича, Қуръондан бошқа ҳеч бир китоб ҳақиқий эмасмиш.

Narrator 2 Кўпинча, масиҳий бўлган устозим бундай қилиш тўғри эмаслигини айтарди. У менга: “Худо ҳаворий Павлусни танлаганидек, сени ҳам танлаши мумкин”, деди. Мен эса устозимга: “Мен фақат Муҳаммадни биламан, Павлусни билмайман”, дедим. Бир куни Масиҳий синфдошларимни чақириб, бир-бирларимизнинг Муқаддас Китобларимизни ёқишни таклиф қилдим. “Сизлар Қуръонни ёқасизлар, мен эса Библияни ёқaман. Кимнинг Худоси ҳақиқий бўлса, Ўз китобини ҳимоя қилади.”, дедим. Масиҳий синфдошларим бу таклифимдан қўрқиб кетишди. Мусулмон давлатда яшаб туриб Қуръонни ёқиб юборганлари учун уларни жазога тортишлари мумкин эди-да. Мен эса, “Майли, бу ишни ҳам сизларнинг ўрнингизга ўзим қиламан”, дедим. Улар менинг ҳаракатларимни диққaт билан кузатиб туришарди. Аввалига уларнинг кўз олдиларида Қуръонни ёқдим. Кейин эса оловни кучайтириб унга Библияни ташлаётганимда Муқаддас Китоб кўкрагимга келиб урилди ва мен йиқилиб тушдим.

Narrator 1 Ҳамма жойимни тутун қоплади. Мен ёнардим. Бу олов оддий олов эмас эди, руҳий олов эди. Кейин эса бирданига сочлари тилладай ярқираётган бир одамни кўрдим. У нурга қопланган эди. У қўлини бошимга қўйиб, “Сен Менинг ўғлимсан, бугундан бошлаб сен ўз халқингга Хушхабар айтасан. Бор. Раббинг сен билан”, деди. Кейин эса ваҳий давом этди. Мен қабр тошини кўрдим. У ерда Магдалалик Марям Исонинг танасини боғбон олиб кетган деб ўйлаб, боғбонга гапираётган эди. Бу боғбоннинг ўзи Исо Масиҳ эди. У Марямнинг қўлидан ўпди ва мен уйғониб кетдим. Мен ўзимни шунчалик кучли ҳис қилдимки, биров урса ҳам ҳеч қаерим оғримайдигандек эди. Уйга борганимда ота-онамга кўрганларимни айтиб бердим, аммо улар менга ишонишмади. Улар масиҳийлар менга қандайдир илму-амал қилиб сеҳрлаб қўйишган, деб ўйлашди.

Narrator 2 Аммо мен уларга, ҳаммаси тетик ҳолимда кўз ўнгимда бўлганини ва бошқалар ҳам бу воқеани кузатиб турганларини айтиб бердим. Улар менга ишонмай, уйдан қувиб чиқаришди. Мени оқ қилишди. Шундан сўнг уйимизга энг яқин бўлган жамоатга бордим. Жамоат оқсоқолига кўрганларимнинг ҳаммасини айтиб бердим. Мен унга: “ Менга Муқаддас Китобни кўрсатинг”, дедим. У менга Муқаддас Китобни берди. Мен эса Китобдан ўзим кўрган воқеани — Исо Масиҳ Магдалалик Марям билан учрашган жойини топиб ўқидим. Ўша куни Исо Масиҳни Нажоткорим деб қабул қилдим. Оилам мендан воз кечди. Мен эса тақдирга тан бериб турли жамоатларга бориб Муқаддас Китобни ўргандим. Бир нечта Муқаддас Китобни ўргатадиган курсларга қатнадим ва хизматга кетдим. Ҳозир имонга келганимга 21 йил бўлди. Бу вақт давомида мен кўплаб одамларнинг Исо Масиҳни қувонч билан нажоткорлари деб қабул қилганларининг гувоҳи кўрдим.

Narrator 2 Қамоқхонадан ташқарида оддий одамлар Масиҳ ва масиҳийлар ҳақида ҳеч нарса билмайди, сабаби уларни масиҳийлиги учун эмас, коммунистик партияга қарши сиёсат олиб боргани учун, деб қамашарди. Ишга кираётганимда мени таниган билганлар дўстона маслаҳат бердилар. Қамоқхонада кўзинг кўр, қулоғинг кар бўлсин. Сенинг ишинг фақат зиммангдаги ишни бажариш ва партияга садоқат билан хизмат қилиш, дедилар. Мен ҳам уларнинг маслаҳатига амал қилиб ишлаб юрдим. Аста-секин бу қамоқхона ичида масиҳийлар деган маҳбуслар борлигини эшитдим. Уларни бошқа маҳбуслардан кўра қаттиқроқ ва аёвсиз азоблашарди. Уриб дўппослашар, товонларига резина таёқ билан уришарди. Бу жуда узоқ давом этадиган азобнинг тури эди. Баъзиларини ўзларининг бўйи билан тенг бўлган михлар қоқилган қутига тик турғизиб қўйишарди.

Narrator 1 Бир неча соатлаб тик туриш чарчатар, михларга суяниш эса азоб берарди. Ҳолдан тойган пайтда маҳбусларнинг боши айланарди. Яна бир азоб усулидан бири жинсий аъзоларига уриш эди. Хушдан кетиб қолмаслик учун ҳамширалар укол қилар, ўзига келтириб яна азоб берардилар. Бундай қийноқлардан масиҳий маҳбуслар матонат билан ўтар, баъзилари чалажон ҳолда камераларга судраб олиб кириб ташланса, бошқалари ўлар ҳолатга келиб қолардилар. Ўлиши яқин бўлган маҳбусларга эса охирги марта хотини ва оиласи билан кўришиш имконини берардилар. Бир куни менинг навбатим куни шундай бўлди. Мен ўладиган маҳбусни рафиқаси билан кўриштиргани олиб келиб, четда ўзим улардан кўз узмай турдим. Бу маҳбус азоблардан силласи қуриган, зўрға гапирар аммо бу имкониятдан миннатдорлиги сўзларидан билиниб турарди.

Narrator 2 У рафиқасига шундай деди: “Азизам, унутма. Мен мени азоблаб ўлдирганларга нисбатан севги билан Раббимнинг олдига кетяпман. Улар нима қилаётганларини билмайдилар. Сендан илтимос қиламан, сен ҳам улардан нафратланма. Сен билан самода учрашамиз.” Унинг сўзларидан шундай ҳайратландимки, узоқ вақтгача ўзимга келолмадим. Қандай қилиб бир одам ўзини азоблаганлар ва ўлдирганларга нисбатан севгини ҳис қилиши мумкин? Бу қандай ишонч бўлди? Уларни шундай гапиришга ва шундай иш тутишга нима мажбур қилади? Шу кундан бошлаб, масиҳийларни яхшироқ кузатадиган ва улардаги севги ва қудратнинг манбаини топишга ҳаракат қила бошладим. Улар ҳақида суриштира бошладим. Кўпроқ нарса билиб олгач, яширинча масиҳий чўпонлардан бири билан учрашиб, мен ҳам Масиҳни ҳаётимга киритмоқчи эканлигимни айтдим. Менинг масиҳий эканлигим маълум бўлгач, ишдан бўшатиб мени ҳам ўзим ишлаган қамоқхонага тиқдилар. Ўша ерда масиҳийлик учун ҳақиқий азоб қандай бўлишини татиб кўрдим. Ўша ерда Масиҳ биз учун қандай азоб чекканини ўз танамда ҳис қилдим.

Narrator 2 Онам эса жилмайиб қўйиб, мени эркалатди. Йиллар ўтди, ўсмир ёшига етганимизда энди Якшанба кунлари онам билан бирга ўтириб китоб ўқишни истамай қолдим. Аммо онам мажбур қилгани учун иложсиз ўтириб ўқирдик. Мени энди бу китобда ёзилганлари қизиқтирмасди. Дунёвий дўстларим билан жуда ҳам аҳиллашиб, улардек бўлиб қолган эдим. Кейин эса оиламизда қийинчиликлар бўлди. Шу қийинчиликлар пайтдида биз ишонган Худованд бизга ёрдам бермаётганидан жаҳлим чиқди. Онам билан гаплашганимда шу фикримни айтдим, у эса, “Ўғлим, биз Худонинг йўлида юрганимизда, қийинчиликлардан ўтишимиз табиий. Чунки У бизни шундай тоблайди ва бизни шу қийинчиликлар орқали ўзгартиради ”, деди. Мен онамнинг гапларига ишонмасдим. Худога қарши бўлишда давом этдим. Унга бўлган ғазабим, ота-онамга ҳам ўтди. Характерим ўзгариб кетди. Мен бераҳм, итоатсиз ва қўпол бўлиб қолдим.

Narrator 1 Уйга келишни истамасдим, кўчадаги дўстларим билан бемаъни вақт ўтказиб, ярим кечада уйга келадиган бўлдим. Келгунимча онам ухламай, мен учун ибодат қилиб чиқишини билардим. Шунда ҳам “Беҳудага, жавоб бермайдиган Худога ибодат қиляпти”, деб ўйлардим. Шундай номаъқул ҳулқим отамнинг ҳам жаҳлини чиқарди. У мени урди. Мен отам билан жанжаллашдим. Уйдан чиқиб кетишгача бордим, аммо онам мени мажбурлаб олиб қолди. Узоқ вақт отам билан гаплашмадим. Унинг қалбига жароҳат етказганимни билмасдим. “Улар мени тушунмайди”, деб ўйлардим. Кейин ўқишга кириб, уйдан кетишга қарор қилдим. Хужжатларимни топшириб бошқа давлатга ўқишга кетдим. Отам мендан ҳафа бўлса ҳам, “Машинамни сотиб бўлса ҳам сенинг ўқишингга пул қилиб бераман, аммо кейинги йил учун ўзинг пул топишинг керак”, деди. Мен учун катта қурбонлик қилди. Машинасини сотди. Мен кетдим.

Narrator 2 Узоқ мамлакатда оилам билан бирга кўрган қийинчиликларимдан ҳам кўпроқ қийинчилик кўрдим. Худованд қандай бетайин бола бўлиб, номақбул ишлар қилганимни аста-секин менга очиб берди. Ота-онамнинг мен учун қилган ишлари, меҳрибончилиги, отамнинг қаттиққўллиги остида яширинган севгисини англадим. Худованд қийинчиликлар орқали мени тиз чўктирди. Мен яна Худонинг олдига келиб тиз чўкдим. Унинг мўъжизасини, ҳаётимдаги баракасини кўрдим. Қилган ишларимнинг нотўғри эканини кўрсатди. Сўнг отамга телефон қилдим. Ундан аҳмоқликларим учун кечирим сўрадим. Отам билан орамиз яхшиланди. Нафақат яхши бўлди, биз аввалгидан ҳам қалин бўлиб қолдик. Худованд менинг юрагимни ўзгартирди. Бунга сабаб ота-онамнинг Худовандга мен учун қилган ибодатлари эди. Мен аввал Худодан ҳафа бўлиб, “У бизни эшитмайди”, деб фикр қилган бўлсам, энди ҳаётимдаги Худонинг иши сабаб, “У тирик ва бизни эшитадиган Худо”, деб ишонаман.

Narrator 2 Оғриқларга қарамай, қишин-ёзин таҳорат олиб, вақтида номозимни ўқирдим. Айниқса, қишда таҳорат олиш жуда қийин бўларди. Биз қишлоқда турамиз, шунинг учун газ ва свет биз учун муаммо. Шунга қарамай, Худонинг кўнглини топиш ва ўлсам жаннатга тушиш умидида, номозни ҳам савоб ишларни ҳам канда қилмасдим. Бўш вақтим бўлди дегунча ҳадислардан ва эскича исломий китоблардан ўқирдим. Албатта кўпчилигини яхши тушунмасдим, аммо ҳаммаси ҳам яхшиликка ундашини яхши англардим. Бир куни келиним ва ўғлим таътилга чиқиб, меникига меҳмонга келишди. Келиним билан кечки овқатга тайёргарлик кўраётган пайтимизда, у бирданига ғалати бир савол бериб қолди, “Ойижон, агар умрингиз тугаб, Худо билан юзлашиш пайти келган бўлса-ю, сиз жаннатга олиб борадиган йўлни айтмаганим учун мендан ҳафа бўлган бўлармидингиз?”. Мен ҳайрон бўлиб у нима экан, деб сўрадим.

Narrator 1 У эрим ҳақида кўрган тушини айтиб берди: “Ойижон, яқинда мен адажонимни тушимда кўрдим. У мендан ҳафа эди. Менга, “Сиз менга кеч қолдингиз, аммо унга айтишдан кеч қолманг”, деди. Мен адажоним нимани назарда тутаётганини билиб турардим. Энди сиз ҳам ўша адажоним эшитишни истаган хушхабарни эшитишни истайсизми?”, деб сўради. Мен “албатта”, деб жавоб бердим. У менга Худованд дунёнинг гуноҳини олиш учун юборган ягона Қурбонлик Қўзиси — Исо Масиҳ ҳақида айтиб берди. Аввалига, мен Исо Масиҳни яхшилик тилаб дунёга келган бир пайғамбар, деб қабул қилдим. Келиним, “Сиз Унга ишонасизми”, деб сўраганида, “Ҳа, албатта ишонаман”, деб жавоб бердим. Аммо, мен келиним айтган хушхабарни тўлиқ тушуниб етмаган эдим. Улар кетганларидан кейин бу суҳбат мени жуда кўп ўйлантирди. Номоз ўқишда давом этдим. Кейин эса қишда, янги йил арафасида яна келишди.

Narrator 2 Уйим тўлиб, бошқа фарзандларимни ҳам меҳмонга чақирдим. Келиним билан иккимиз ёлғиз қолганимизда, кичик келинимда бўлаётган ўзгаришларни айтиб бердим. Охирги пайтларда кичик келинимнинг ҳатти-ҳаракатларидан руҳий ҳаста бўлиб қолди, деб ҳавотирда эдим. Иккинчи келиним эса ҳар қандай ёвуз руҳларга қарши чора бор. Исо Масиҳ ёвуз руҳлардан ҳам қудратлироқ ва Унинг номи билан жинларни ҳам қувиб чиқариш мумкин, деб, Инжилдан Исо Масиҳ қилган мўъжизаларни айтиб берди. Бу гаплар ҳам мени Худо ҳақида чуқур ўйлашимга сабаб бўлди. Кейин тасодифан бир аёлни учратдим. У билан бор-йўғи бир соатгина гаплашдик, аммо у ҳам келиним айтгандек, Исо Масиҳнинг нажот берувчи қурбонлиги ҳақида гапириб берди. У шундай ажойиб тушунтирдики, мен нима учун одамлар ҳали ҳам қўйни қурбонлик қилиб келаётганларини тушундим. Мен Исо Масиҳнинг гуноҳларим учун қилган қурбонлигини қабул қилдим.

Narrator 2 Акаларимнинг фарзандлари туғилганини, катта бўлаётганини кўрдик. Уларнинг бераётган тарбиясида ҳам фарқ катта эди. Иккинчи акам ва келинойимнинг фарзандлари бизникига меҳмонга келганида, ўзларини жуда муносиб тутишар, баъзи ёш болаларга ўхшаб худбинлик қилмас эди. Бу ҳам мени ажаблантирар эди. Яна ота-онамдан эшитганимга кўра уларнинг эътиқоди бошқача эди. Мен улғайиб, турмушга чиқиб, фарзандлар кўрмагунимча бу эътиқодга эътибор қилмадим. Бунга қизиқмадим. Аммо бир куни турмуш ўртоғим узоқ сафарга кетганда, ҳасталаниб ётиб қолдим. Кейин эса фарзандларимни онамникига қолдириб, ўзим касалхонага ётдим. Докторлар келиб текширди, аммо менга нима ташхис қўйишганини айтишмади. Фақат дориларни вақтида ичиб, пархезга жиддий риоя қилишимни айтишди. Ҳар куни қорнимдаги оғриқдан азоб чекардим. Ўшандай пайтларда келинойимнинг улар яшаётган шаҳарга бориб даволаниш таклифини қабул қилмаганимдан афсусланардим.

Narrator 1Акам ва келинойим тез-тез телефон қилиб, мендан хабар олиб туришар ва менга далда беришарди. Бир куни қаттиқ оғриқ пайтида келинойим телефон қилиб қолди. Мен у билан зўрға гаплашаётганимни сезди, шекилли, менга, “Роҳила, сиз учун Худога ибодат қилсам майлими?”, деб сўради. Мен ҳам “Майли”, деб жавоб бердим. У менга қўлимни оғриётгган жойга қўйишимни айтди. Мен у айтганидай қилдим. Кейин эса Худога худди ўз отасига мурожаат қилаётгандай, оддий ўзбекча сўзлар билан ибодат қила бошлади. “Яратувчимиз Худованд, Сен ўзинг бизларни яратгансан, биз учун азалданоқ режаларинг бор эди. Сен Роҳилани кўриб эшитиб турибсан…” Шу сўзлари ёдимда, қолганини эшитмадим. У ибодат қилаётган пайтда ич-ичимдан йиғи келиб, негалигини ўзим ҳам билмайман, кўзларимдан ёш қуйилиб келаверди. У ибодатини, “Исо Масиҳ номи билан сўрайман, омин”, деб тугатди.

Narrator 2 Шунда акам ва келинойим доим Исо Масиҳга ишонганларини англаб етдим. Ўша куни Худованд келинойимни эшитди. Мен биринчи марта қорнимда оғриқсиз уйқуга ётдим. Кейинги кунлари соғайишим, тезлашиб кетди. Тез орада уйимга қайтдим. Ўша кундан бери Худо, Сен қаердасан, деб мен ҳам оддий сўзлар билан йиғлаб ибодат қила бошладим. Яна бир куни акам ва келинойим фарзандлари билан бизникига янги уй қутлуғ бўлсинга келишди. Ўша куни ҳақиқий, тирик ва яратганлари учун ғамхўрлик қиладиган Худо ҳақида эшитдим. Мен ҳеч иккиланмай, Исо Масиҳни ҳаётимга ва юрагимга қабул қилдим. Мен тирик ва ғамхўр Худони топдим. Аниқроғи, У мени топди.