Ичингдаги ўзинг билмаган ёки сенда бўлишини хам тасаввур қилмаган яширин қобилиятларингни юзага чиқариб юборади. Бу келажагингдан қувонадиган, завқланадиган вақтингдир! Умидларинг рўёбга чиқадига пайт, чунки сен Сарвари Коинотнинг яратувчиси томонидан танлангансан.

Сенинг тақдиринг мамлакатинг иқтисоди, қандай оиладан чиққанингга ёки маълумотингга боғлиқ эмас. Сенинг тақдиринг Қодир Xудодандир!

Бугун фикрларингни юқорига қаратишга чақираман. Баландроққа кўтариладиган, янги даражага чиқадиган вақтинг келди. Энг яхши хабар шуки,

Xудо сен учун аллақачон ғалаба тайёрлаб қўйибди. Мен эълон қиламан келаётган кунларда сен буларнинг хаммасини қўлга киритасан. Тайёрлан, чунки Xудо сени Ўзи тайрлаб қўйган мархаматли хаётга кўтаради!

Инсоннинг фикрлари — чуқур сув кабидир, фаҳмли одам ташқарига чиқара олади. (Маталлар 20:5) Xозир, хаётинг учун тузилган мақсад ва истакларни амалга ошириш учун зарур бўлган хамма нарса билан жихозланганингни биласанми? Сенга керакли бўлган хамма нарса -чуқур сувдек ичингда турибди. Худонинг олдида очиқ ва камтар бўлиб турганингда ичингдагиларни Ўзи юзага чиқаради ва сени Ўзи етаклайди.

Унинг Каломига риоя қилганингда шу нарсаларни юзага чиқара бошлайсан. Унинг хақитини хаётинг устидан эълон қилиш орқали уларни юзага чиқарасан. Сени фахмли қиладиган нарса айнан мана шудир-чунки сен Худонинг негизларини тушиниб хаётингда қўллаяпсан! Маталларда айтилишича фахмли киши доноликдан завқ олади.

Фахмли киши босиқ бўлади. Фахмли кишининг тезга жахли чиқмайди у доим хотиржам ва тарбияли бўлади. Маталлар 10:23 Аҳмоқ ёмонлик қилишдан, ақлли эса доноликдан завқланади.

Аҳмоқлик виждонсизга қувончдир, ақлли эса тўғри юради. Кам гапирган — доно, оғир, вазмин эса идроклидир. Юртда исён бўлганда бошлиқ кўпаяди, ақл–идрокли туфайли эса тинчлик бўлади.

Хаётда бехудага яшама. Фахмли ва идрокли киши бўл, Худо ичингга солиб қўйган бойликларни юзага чиқар. Худонинг Каломига қалбингни очиб, итоат қилиб яшайверсанг Унинг мақсадлари сенга очила бошлайди ва У сен учун тайёрлаб қўйган фаровон хаётда яшайсан. Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Сиз балки шундай кишиларни учратгандирсиз. Кечинмалардан бирор нарса ўрганганингиз доноликдир, аммо бошқаларнинг кечинмаларидан ўрганганингиз янада донороқдир. Ҳаётдаги ҳар бир нарсани синов ва хатолар орқали ўрганишингиз учун вақт етмайди. Биз бошқаларнинг ҳаётий дарсларидан ҳам ўрганишимиз керак. Муқаддас Каломда шундай ёзилган, “Дононинг танбеҳи тинглаган қулоққа тилла сирға ва олтин безакдайдир.” (Сулаймон Ҳикматлари 25:12)

Сиз ўрганган ҳаёт дарсларингизни уларни бошқалар билан бўлишиш учун ёзиб чиқинг. Сулаймон ушбу ишни қилгани учун миннатдор бўлишимиз керак, чунки у яшашдан ҳосил бўлган кечинмалар билан тўла Ҳикматлар ва Воизлик китобини бизга берди. Тасаввур қилинг агар биз бир-биримизнинг ҳаётий дарсларидан ўрганганимизда қанчалар кераксиз умидсизликларни олдини олган бўлардик.

Етук кишилар ҳар кунги кечинмалардан дарслар олиш одатини шакллантирадилар. Мен сизни ҳаёт дарсларингиз рўйхатини тузиб чиқишингизга ундайман. Сиз уларни ёзиб чиқмасангиз улар ҳақида ўйлай олмайсиз. Бу ерда сизнинг хотирангизга тегадиган ва бошлашингиз учун бир неча саволлар бор:

• Худо муваффақиятсизликдан нима ўргатди?

• Худо пулсизлигимдан нима ўргатди?

• Худо оғриқ ёки қайғу ёки тушкунликдан нима ўргатди?

• Худо кутишдан нима ўргатди?

• Худо касалликдан нима ўргатди?

• Худо кутганингиз содир бўлмаганидан нима ўргатди?

• Мен оилам, жамоатим, муносабатларим, кичик гуруҳим ва танқидчилардан нима ўргандим?

Ҳаёт Хабарингиз художўй эҳтиросларингизни бўлишишни ўз ичига олади. Худо эҳтиросли Худодир. У баъзи нарсаларни эҳтирос билан яхши кўради ва баъзиларини эҳтирос билан ёмон кўради. Сиз Унга яқинроқ бўлиб борганингиз сайин, У сизга У учун гапирувчи бўлишингиз учун Ўзи ғамхўрлик қиладиган нарса учун эҳтирос беради.Бу бирор муаммо, мақсад, қоида ёки бир гуруҳ кишилар ҳақидаги эҳтирос бўлиши мумкин. Нима бўлишидан қатъий назар сиз бу ҳақда гапиришга чорланасиз ва ўзгартириш қилиш учун қўлингиздан келганини қиласиз.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Янги Аҳддаги буюк гувоҳликлар биз соғлом яшашимиз учун нима қилишимиз кераклигини тасвирлайди. Биринчиси, Исога “Сен барҳаёт Худонинг Ўғлисан”(Матто 16:16) деган Бутруснинг гувоҳлигидир. Иккинчиси бутун оломонга қарата, “Эрлар, нима учун бу ишларни қиляпсизлар? Биз ҳам сизларга ўхшаган инсонмиз! Сизлар бу сохта тангриларга топинишдан қайтиб, ер, осмон, денгиз ва ундаги ҳамма нарсани яратган барҳаёт Худога илтижо қилинглар. Мана биз сизларга етказаётган Хушхабаримиз шу” (Ҳаворийлар 14:15) деган Павлуснинг сўзлари эди. Агар сиз Худодан сизни ишлатишини ҳоҳласангиз, сиз Худо ким эканлигини ва ўзингиз ким эканлигингизни билишингиз керак. Кўпгина масиҳийлар, айниқса етакчилар, иккинчи ҳақиқатни унутадилар:

Биз фақатгина инсонлармиз! Агар сиз буни тан олсангиз, Худо сизни ишлатади, чунки У сизни севади. Ожизлигингизга қаноат қилинг. Павлус шундай деган, “Масиҳнинг қудрати менда амал қилсин деб, янада кўпроқ, бажонидил ўз заифликларим билан мақтанаман. Шу сабабдан Масиҳ учун заифликларга, озорларга, муҳтожликларга, таъқиб ва сиқувларга йўлиққанимда, қаноат ҳосил қиламан.” (2 Коринфликларга 12:9-10) Бир қарашда бу бирор маъно билдирмайди. Биз ожизлигимизга қаноат ҳосил қилмасдан, улардан озод бўлишни ҳоҳлаймиз. Аммо қаноат қилишимиз Худонинг яхшилигига бўлган имонимизнинг тасдиғидир. Бунинг маъноси шундай, “Худо, Сен мени севасан ва мен учун энг яхши нарса нима эканлигини биласан.”

Павлус бизга ожизлигимизга қаноат қилишимиз учун бир қанча сабабларни айтиб ўтади. Биринчидан, улар бизни Худога таянишимизга ёрдам беради. Худо унинг камчилигини олиб ташлашни рад қилганига ишора қилиб, Павлус шундай деган, “Шу сабабдан Масиҳ учун заифликларга, озорларга, муҳтожликларга, таъқиб ва сиқувларга йўлиққанимда, қаноат ҳосил қиламан. Чунки заиф бўлсам, қудратим ошар экан.” (2 Коринфликларга 12:9-10) Қачонки сиз ожиз ҳис қилсангиз, Худо сизга Унга таянишингизга ишора қиляпти. Бизнинг ожизлигимиз манманликдан сақлайди.

Улар бизни камтарин қилади. Павлус шундай деган, “Менга келган одатдан ташқари ажойиб ваҳийлардан ўзимни ҳаммадан юқори тутмаслигим ва кибрланиб кетмаслигим учун, менинг баданимда бир ниш, мени ниқталайверадиган бир шайтон элчиси берилди.” (2 Коринфликларга 12:7) Худо кўпинча бизнинг кучимизга бизнинг ожизлигимизни ҳам шерик қилиб қўйиш орқали ўзлигимизни текшириб туради. Чегараланиш бизни тез юриш ва Худодан олдин юришимиздан сақлайди.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Худо сизда ўз қобилиятларингизни жамоатда ишлатиб янада порлашингиз ва ўзгариш қилишингиз учун мақсад бор. Ушбу ўринни топиш ўзингизга боғлиқ.

Худо баъзи кишиларга кўп пул ишлаб топиш иқтидорини беради. Мусо Исроилликларга қарата шундай деган эди, “Раббингиз Худовандни эсланглар, чунки У сизнинг бойишингиз учун қобилият беради.” (Қонунлар 8:18) Бундай қобилиятли кишилар бизнес барпо қилиш, сотиш ишлари билан шуғулланиш ва фойда олишда қобилиятлидирлар. Агар сизда шундай бизнес қилиш иқтидори бўлса, уни Худо учун ишлатинг. Қандай қилиб? Биринчидан, билингки бу қобилиятингиз Худодан келган.

Иккинчидан, бизнесингизни бошқаларнинг ҳам эҳтиёжини қондириш учун ишлатинг ва имонинингизни бўлишинг. Учинчидан, олган даромадингизни Худо учун 10 фоизини тўлаб боринг. Охири, мақсадингизни Бойлик қурувчи эмас, балки Шоҳлик қурувчи қилиб белгиланг. Мен нимани бажара олсам, Худо мендан шуни бажаришни ҳоҳлайди. Сиз қобилиятларингизни ишлата олиши мумкин бўлган ягона кишисиз. Бошқа ҳеч ким сизнинг ролингизни ўйнай олмайди, чунки уларда Худо сизни ягона қилиб яратган хусусиятлар йўқ. Муқаддас Калом Худо сизни “Унинг иродасини бажо келтириш учун керакли нарсалар билан таъминлаши”ни айтиб ўтган. Ҳаётингиз учун Худонинг иродасини аниқлашингиз учун жиддий равишда нимани яхши бажара оласиз ва нимани бажара олмайсиз, буларни аниқлаб олинг.

Агар Худо сизга тонда куйлаш қобилиятини ато қилмаган бўлса, У сиздан ҳеч қачон опера қўшиқчиси бўлишни кутмайди. Худо ҳеч қачон сиздан қобилиятингиз бўлмаган нарсани сўрамайди. Аксинча, сизнинг қобилиятингиз бўлган нарсалар Худо сиздан бажаришингизни ҳоҳлайдиган нарсалардир. Улар сиз Худонинг иродасини билишингиз учун кўрсатмалардир. Агар сиз дизайн, чизиш ва ташкиллаштиришда қобилиятли бўлсангиз, Худонинг сизнинг ҳаётингиздаги мақсади шубҳасиз шу маҳоратларни ўз ичига олади. Худо қобилиятларни бекорга кетишини истамайди; У бизнинг қобилиятларимиз ва чақирилишимизни бир-бирига мослайди.

Сизнинг қобилиятларингиз фақатгина уларни яшаш учун ишлатишингиз учун берилмаган; Худо сизга уларни хизмат учун ҳам берди. Бутрус шундай деган, “Худо сизларга ҳар турли қобилият берган. Ҳар бирингиз шу қобилиятингизни ишга солиб, бир-бирингизга хизмат қилинглар. Худонинг бой эҳсонларини парвариш қилувчилар каби кун кечиринглар.”(1 Бутрус 4:10) Раббимиз инояти барчангизга ёр бўлсин азизлар. Хайр, омон бўлинг.

Ҳар бир муаммо характер шакллантириш учун имкониятдир ва у қанчалик қийин бўлса, руҳий мускул ва ахлоқий таянч қуриш шунчалик буюк бўлади. Павлус шундай деган, “Бунинг устига, қайғулар билан ҳам фахрланмоқдамиз, чунки қайғу сабр-қаноатни ҳосил қилишини биламиз. Сабр-қаноат эса тажрибакорликни, тажрибакорлик эса умидни ҳосил қилади.” (Римликларга 5:3-4) Ташқаридан ҳаётингизда нималар содир бўлиши, ичингизда нималар содир бўлаётганидек муҳим эмас.

Вазиятлар вақтинчалик, аммо характерингиз эса абадий қолади. Муқаддас Калом синовларни кўпинча камчиликларни куйдириб ташлайдиган темирчининг оловига ўхшатади. Бутрус шундай деган, “Бу васвасалар имонингизни синаш учун фойдали эканлигини билинглар. Ҳатто фоний олтин ҳам оловда тобланиб, синалади.” (1 Бутрус 1:7) Заргардан шундай сўрабдилар, “Кумушни софлигини қаердан биласиз?” У шундай жавоб берибди, “Агар мен унда ўз аксимни кўрсам.” Агар сиз синовлар орқали тобланган бўлсангиз, кишилар сизда Исонинг аксини кўрадилар.

Ёқуб шундай деган, “Шуни билингларки, имонингизнинг синалишидан сабр-тоқат ҳосил бўлади.” (Ёқуб 1:3) Худо сизни Исога ўхшашингизни ҳоҳлар экан, У сизни Исо ўтган йўллардан ўтказади. У ёлғизлик, васваса, стресс, танқид, рад этилиш ва бир қанча бошқа муаммолар. Муқаддас Калом Исо “бўйсунишни қийинчилик орқали ўрганди” ва “қийинчилик орқали мукаммал бўлди” дейди. Нима учун Худо бизни Ўзининг Ўғли юрган йўллардан озод қилиши керак экан? Павлус шундай деган, “Агар биз Масиҳнинг азоб-уқубатларига шерик бўлсак, албатта, Унинг улуғ шон-шарафига ҳам шерик бўлажакмиз.”(Римликларга 8:17)

Муаммолар шунчаки Худо ҳоҳлаган нарсани яратмайди. Кўп инсонлар яхшироқ ўзгаришдан кўра ғамгин бўладилар ва ҳеч қачон ўсолмайдилар. Сиз уларга худди Исо жавоб берганидек жавоб беришингиз керак. Худо сиз учун нима энг яхши эканлигини ва қалбингизда қандай энг яхши қизиқишларингиз борлигини билади. Худо Еремиёга шундай деган, “Менинг сен учун режаларим сенга зарар келтириш учун эмас, балки сени гуллаб яшнатиб, сенга умид ва келажак бериши учундир.” (Йеремия 29:11) Юсуф уни қулликка сотиб юборган биродарларига сўзлаганида бу ҳақиқатни аллақачон тушунганди, “Сизлар менга ёмонлик ният қилган эдингизлар, лекин Худо буни яхши ниятга айлантириб юборди.” (Ибтидо 50:20) Ҳезекиё ҳам ҳаёти хавф остида бўлганида айнан шу ҳақиқатни англаганди, “Менинг қийин кунларни бошимдан кечирганим менинг яхшилигим учун содир бўлди.” (Ишайъё 38:17) Агар Худо сизнинг енгиллик учун қилаётган илтижоларингизни эшитмаётган бўлса, шуни билингки, “Худо эса Ўзининг муқаддаслигидан баҳраманд бўлишимиз учун, манфаатимиз учун танбеҳ қиляпти.” (Ибронийларга 12:10)

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Агар биз биргаликда ожиз ипларимизни тўқисак, жуда қудратли арқон яратилади. Ванс Ҳавнер шундай деган эди: “Масиҳийлар дўлга ўхшаган тез синиб кетувчандир, аммо агар улар бирга бирлашишса, йўл ҳаракатини ҳам тўхтата оладилар.”

Кўпинча бизнинг ожизлигимиз бизнинг раҳм ва хизматимизни ошириш учун фойдалидир. Биз бошқаларнинг камчиликларини ўйлаш ва уларга раҳмдиллик қилишдан узоқ бўламиз.

Ерда Худо сиздан Масиҳга ўхшаган характерга эга бўлишингизни хоҳлайди. Бу дегани бошқа кишилар сизнинг яраларингиздан шифо топадилар. Сизнинг буюк ҳаёт хабарингиз ва энг самарали хизматингиз энг оғир оғриқларингиз орқали ҳосил бўлади.

Сиз орланадиган ва энг кўп уяладиган нарса Худо бошқаларни тузатиши учун энг самарали восита бўлиши мумкин. Энг буюк хушхабарчи Ҳадсон Тейлор шундай дейди: “Худонинг энг буюк кишилари ожиз кишилар бўлганлар.”

Мусонинг ожизлиги унинг тез қизишувчанлиги бўлган. Бу унинг тош отиши орқали бир Мисрликни ўлдириши ва Ўн Амрларни синдириб ташлашига олиб келган. Аммо Худо Мусони “ердаги энг камтар киши”га ўзгартирди.

Гидъўннинг ожизлиги унинг ўзини паст кўриши ва чуқур ишочсизлиги эди, аммо Худо уни “важоҳатли ва қудратли кишига”га ўзгартирди. Иброҳимнинг ожизлиги қўрқув эди.

Бир марта эмас, балки икки марта Иброҳим ўз хотинини синглиси деб айтган. Аммо Худо Иброҳимни “барча имонлиларнинг отаси”га ўзгартирди. Қизишувчан, иродасиз Бутрус “тош” бўлди, зинокор Довуд эса “Худонинг кўнглидаги киши” ва Юҳанно яъни мағрур “Момоқалдироқ Ўғли” “Севги Ҳаворийсига” ўзгарди.

Бу рўйхатни давом эттириш мумкин. “Яна нималар ҳақида гапирай? Яна Барақ, Шимъўн, Ифтаҳ, Довуд, Шомуил ва барча пайғамбарлар ҳақида ҳикоя қилиш учун вақтимиз етарли эмас.

Улар имон билан подшоҳликларни тўнтардилар, адолатни барқарор қилдилар, илоҳий ваъдаларга эришдилар, шерларнинг оғзини боғладилар. Ловуллаган оташни сўндирдилар, қилич тиғидан қочиб қутулдилар, ҳолдан тойган бўлиб қувватга кирдилар, жангда матонат кўрсатдилар, бегона қўшинларни енгиб даф қилдилар.” Худо ожизликни қудратга айлантиради. У сизнинг энг ожиз томонингизни ўзгартиришни хоҳлайди. Азизлар, шу ерда мавзумизга якун ясаб, сиз билан хайрлашамиз. Хайр саломат бўлинг.

Шу сабабдан Масиҳ учун заифликларга, озорларга, муҳтожликларга, таъқиб ва сиқувларга йўлиққанимда, қаноат ҳосил қиламан.” 2 Коринфликларга мактубининг 12 боби 9 ва 10 оятлари.

Албатта бир қарашда бу бирор маъно билдирмайди. Биз ожизлигимизга қаноат ҳосил қилмасдан, улардан озод бўлишни хоҳлаймиз. Аммо қаноат қилишимиз Худонинг яхшилигига бўлган имонимизнинг тасдиғидир.

Бунинг маъноси шундай: “Худо, Сен мени севасан ва мен учун энг яхши нарса нима эканлигини биласан.” Павлус бизга ожизлигимизга қаноат қилишимиз учун бир қанча сабабларни айтиб ўтади.

Биринчидан, улар бизни Худога таянишимизга ёрдам беради. Худо унинг камчилигини олиб ташлашни рад қилганига ишора қилиб, Павлус шундай деган: “Шу сабабдан Масиҳ учун заифликларга, озорларга, муҳтожликларга, таъқиб ва сиқувларга йўлиққанимда, қаноат ҳосил қиламан.

Чунки заиф бўлсам, қудратим ошар экан.” 2 Коринфликларга мактубининг 12 боби 9 ва 10 оятлари. Азизлар, қачонки сиз ўзингизни ожиз ҳис қилсангиз, Худо сизга Унга таянишингизга ишора қиляпти.

Бизнинг ожизлигимиз манманликдан сақлайди. Улар бизни камтарин қилади. Павлус шундай деган: “Менга келган одатдан ташқари ажойиб ваҳийлардан ўзимни ҳаммадан юқори тутмаслигим ва кибрланиб кетмаслигим учун, менинг баданимда бир ниш, мени ниқталайверадиган бир шайтон элчиси берилди.”

Худо кўпинча бизнинг кучимизга бизнинг ожизлигимизни ҳам шерик қилиб қўйиш орқали ўзлигимизни текшириб туради. Чегараланиш бизни тез юриш ва Худодан олдин юришимиздан сақлайди.

Гидъўн Мидияликларга қарши курашиш учун 32 000 кишилик армия тўплаганида, Худо улардан 300 кишинигина, 450 тадан бирини танлади ва улар 135 000 кишилик душман армиясига қарши курашдилар.

Бу фалокат учун аниқ белги бўлиши мумкин эди, аммо Худо бу орқали Исроил халқига уларнинг эмас, балки Ўзининг буюклигини кўрсатишни хоҳлади. Бизнинг ожизликларимиз ҳам имонлилар ўртасидаги биродарчилигимизга доимо далда бўлади. Шунинг билан азизлар, мавзумиз ўз поёнига етди. Бизнинг электрон почтамиз манзили: dilkash@najot.com хайр саломат бўлинг.

Албатта ҳар бир кишининг ожиз томонлари бор. Аслида, сизда бир қанча нуқсонлар ва камчиликлар бор; жисмоний, ҳис-туйғули, ақлий ва руҳий. Шу билан бирга сизда молиявий ва муносабатларга доир вазиятлар борки, улар сизни ожиз қилиб қўяди.

Муҳими, сиз булар билан қандай кураш олиб боришингиздир. Одатда биз камчиликларимизни рад қиламиз, уларни ҳимоя қиламиз, узрли қабул қиламиз, ва улардан жирканамиз.

Бу Худонинг У хоҳлаган ишига тўсқинлик қилади. Сизнинг камчиликларингизга нисбатан Худонинг бошқача қараши бор. У шундай дейди: “Менинг ўйларим ва йўлларим сеникидан буюкроқдир.” Ишаъё китобининг 55 боби 9 ояти.

Шунинг учун ҳам Худо кўпинча биз кутганимиздан бошқача тарзда ишлайди. Биз Худо бизнинг кучимизни Ўзининг улуғворлиги учун ишлатади деб ўйлаймиз, аммо Худо бизнинг ожизлигимизни ҳам ишлатишни хоҳлайди.

Муқаддас Каломда шундай ёзилган: “Лекин Худо доноларни шарманда қилиш учун дунёдаги ақлсиз деб ҳисобланганларни танлади. Қудратлиларни шарманда қилиш учун У дунёдаги заиф дейилганларни танлади.” 1 Коринфликларга мактубининг 1 боби 27 ояти.

Албатта сизнинг ожизлигингиз тасодиф эмас. Худо уларни айнан сизнинг ҳаётингизга Ўзининг қудратини бунда намойиш қилиш учун ҳам қўйиб берган. Худо ҳеч қачон қудратдан таъсирланмаган.

Аслида, У ожиз кишиларга қудрат кўрсатишни хоҳлайди. Исо бизнинг бундай муҳтожлигимизни Ўзининг “руҳан камбағал” деган сўзида таъкидлаб ўтган. У марҳаматлаши керак бўлган биринчи марҳаматдир.

Муқаддас Калом Худо ғайритабиий иш қилиши учун оддий ва ожиз кишиларни уларнинг ожизликларига қарамасдан қандай ишлатиши ҳақидаги мисолларга тўла. Агар Худо фақат комил инсонни ишлатганида эди, ҳеч бир иш қилинмасди.

Чунки биз ҳаммамиз ҳам ожизмиз. Худо нуқсонли кишиларни ишлатиши биз учун далда берувчи хабардир. Ожизлик, ёки Павлус айтганидек “тикан”, худди ҳаддан ташқари ейиш ёки сабрсизлик каби гуноҳ ёки характердаги камчилик эмас.

Ожизлик сиз эга бўлган ва ўзгартиришга кучингиз етмайдиган чегараланишдир. Шунинг билан азизлар, мавзумиз ўз поёнига етди. Бизнинг электрон почтамиз манзили: dilkash@najot.com хайр саломат бўлинг.

Улар бошқа хизматчилар билан ўзларини таққосламайдилар, рақобат қилмайдилар ва уларни танқид қилмайдилар. Улар Худо уларга берган иши билан жуда банддирлар.

Худонинг хизматчилари ўртасидаги рақобат бир неча сабабларга кўра маъносиздир: Биз ҳаммамиз бир командадамиз; бизнинг мақсадимиз ўзимизни эмас, балки Худони чиройли қилиб кўрсатишдир; бизлар турли ишларга тайинланганмиз; ва биз ягона тарзда шакллантирилганмиз.

Павлус шундай деган: “Шуҳратпараст бўлмайлик, бир-биримиздан рашк қўзғамайлик, бахиллик қилмайлик.” Галатияликларга мактубининг 5 боби 26 ояти. Азизлар, хизматчилар ўртасида ҳасад бўлмаслиги керак.

Агар сиз хизмат қилиш билан банд бўлсангиз, танқид қилишга вақт тополмайсиз. Сиз танқид қилмоқчи бўлган вақтингиз сизнинг хизмат қилишингиз мумкин бўлган вақтингиздир.

Марта Исога Мария хизмат қилмаётганлигидан шикоят қилаётганида у хизматкор қалбини йўқотган эди. Ҳақиқий хизматкорлар адолатсизлик учун шикоят қилмайдилар ва хизмат қилмаётганлардан ранжимайдилар.

Улар фақат Худога ишонадилар ва хизмат қилишда давом этадилар. Устознинг бошқа хизматчиларини баҳолаш бизнинг ишимиз эмас. Муқаддас Каломда шундай ёзилган: “Сен ким бўлибсанки, бошқа кишининг малайини тергайсан?

У ўз хўжайини олдида ё туради, ё йиқилади. Раббимиз эса уни турғазишга қодир, шунинг учун у туради.” Римликларга мактубининг 14 боби 4 ояти. Ва танқидга қарши ҳимояланишимиз ҳам бизнинг ишимиз эмас.

Буни Устозга қўйиб беринг. Мусонинг мисол қилиб олсак, у қаршиликда ҳам ҳақиқий камтарликни кўрсатди, Наҳимиёнинг ҳам танқидчиларга жавоби: “Менинг ишим жуда ҳам муҳимдир ва уни сиз билан учрашиш сабабли тўхтатолмайман”- деган эди Наҳимиё китобининг 6 боби 3 оятида.

Азиз биродар, агар сиз Исога ўхшаб хизмат қилмоқчи бўлсангиз, албатта танқидга учрайсиз. Дунё Худо қадрлайдиган нарсани тушунмайди. Исога кўрсатилаётган энг гўзал севги ҳам шогирдлар томонидан танқид қилинган эди. Шунинг билан азизлар, мавзумиз ўз поёнига етди. Бизнинг электрон почтамиз манзили: dilkash@najot.com хайр саломат бўлинг.

Севгининг энг ҳоҳлаган нарсаси бу марварид ёки гуллар ёки шоколад эмас. Бу диққат эътибордир. Севги бошқа кишига шунчалик эътибор берадики, сиз ўзингизни ўша вақтда унутасиз. Эътибор шундай дейди, “Мен сенга энг қадрли бўлган мулким — вақтимни бермоқчиман.” Қачонки вақт ажратсангиз, сиз қурбонлик қилаётган бўласиз ва қурбонлик севгининг моҳиятидир. Исо буни шундай атаган: “Масиҳ сизларни жуда севгани учун, сизлар учун Ўзини фидо қилди ва шу йўсин Худога маъқул келадиган, хуш ҳидли қурбонлик келтирди. Сизлар ҳам худди шундай муҳаббат билан яшанглар.”(Эфесликларга 5:2)

Сиз севмасдан бера оласиз, аммо сиз бермасдан сева олмайсиз. “Зеро Худо оламни шунчалик севдики, Ўзининг ягона Ўғлини берди.” (Юҳанно 3:16) Севги бошқа киши учун қулайлик, мақсад, хавфсизлик, пул, энергия ёки вақтдан воз кечишни билдиради.

СЕВИШ УЧУН ЭНГ ЯХШИ ВАҚТ — ҲОЗИР. Баъзида кейинга қўйиш кераксиз вазифага нисбатан ҳаққоний муносабатдир. Севги муҳим бўлганлиги учун ҳам, бу энг юқори вазифадир. Муқаддас Калом бунга такрор такрор урғу беради. Унда шундай дейилади, “Фурсатимиз бор экан, ҳаммага, айниқса, ўзимизнинг аҳли мўминга яхшилик қилаверайлик.” (Галатияликларга 6:10)

“Фурсатни ғанимат билинглар, чунки биз яшаётган кунлар – ёмон кунлар.” (Эфесликларга 5:16) “Яхшилик қилиш қўлингдан келса,

муҳтожлардан ёрдамингни аяма.” (Сулаймон Ҳикматлари 3:27) Нима учун ҳозир севги намойиш қилиш учун энг яхши вақтдир? Чунки сиз яна қанча имкониятингиз борлигини билмайсиз. Вазиятлар ўзгаради. Инсонлар ўлади. Болалар ўсади. Сизга эртага бўлган кафолат йўқ. Агар сиз севги намойиш қилмоқчи бўлсангиз, уни ҳозир амалга оширганингиз маъқул.

Бир кун Худо олдида туришингизни билганингиздан кейин, ушбу саволлар ҳақида ўйлаб кўришингиз керак: Сизга ишлар ёки нарсалар одамлар устун турганини қандай тушунтирасиз? Сиз ким билан кўпроқ вақт сарфлашингиз керак? Буни амалга оширишингиз учун жадвалингиздан нимани юлиб олишингиз мумкин? Бунинг учун қандай қурбонликлар келтиришингиз керак? Бу ҳаётнинг энг яхши ишлатилиши севишдир. Севгининг энг яхши ифодаси вақтдир. Севиш учун энг яхши вақт ҳозирдир.

Бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.