Хаммаси сен умид қилгандек бўлмасада хаётда ижобий фикр ва умидвор бўлиб яшаганинг қолади, бу эса эгилиб тушкунликда яшашдан яхшироқдир.

Муқаддас Каломда Довуднинг айтган “Xудойим менинг кунларим ва хар бир соатим Сенинг қўлингдадир‘’ деган сўзларини жуда яхши кўраман.

Аслида у шундай демоқда: “Xудойим бу қачон содир бўлишини ёки амалга ошишини билмайман, лекин мен учун нима энг яхшилигини Сен биласан”. Мен бугун яхши нарсалар бўлишини кутаман. Лекин бундай бўлмасада хафалик билан ухламайман. Ухлашимдан олдин орзу -армонларимга етишга бир кун яқинроқ келганимни билиб ётаман!

Чунончи, Xудо қанча ваъдаларни берган бўлса, улар Масих шарофати билан ‘’Xа’’ дегандай, “Oмин’’ дегандай рўёбга чиқади, токи биз Масих орқали Xудони улуғлайлик. (2 Коринфликлар 1:20) Xудо хаётингдаги бирор нарса учун ‘’Xа’’ деб ваъда бергани хақида ўйлаб кўрганмисан?

Худойим менга эзгулик қил деб ялиниб ёлворишингга хожат йўқ. Ундан мадад сўраб ялинишингга хам хожат йўқ. Худо сенга ёрдам беришни истайди. У мўл -кўл мархаматларини хаётингга ёғдиришни истайди. Битикларда Унинг барча ваъдаларига ‘’Xа’’ ва “Oмин’’ дейилган. “Oмин’’ -дегани илойим шундай бўлсин деганидир, бошқача қилиб айтадиган бўлсак, аллақачон бажо бўлганини ифодалайди. Сенинг қиладиган ишинг қайта сўрайверишни тугатишдир. Худонинг севгиси шартсиз эканлигини билиб ол, лекин Унинг ваъдалари рўёбга чиқиши учун, Худонинг амрларига итоат қилишимиз керак.

Мисол учун Малахия китобининг 3-бобида Осмон қопқалари очилиши учун ушрларимизни яъни ўнликни беришимиз айтилган. Қонунлар 5-бобда узоқ умр кўришимиз учун ота- оналаримизни хурмат қилишимиз кераклиги ёзилган. Яхши хабар шуки қалбларимиз Унга берилганида Унинг хар бир амрини бажаришимиз учун бизларга куч беради. У мархаматли хаёт кечиришимизни истагани учун, хар бир хайрли иш учун бизларни жихозлайди. Шунинг учун Унинг хамма ваъдалари ’Xа’’ ва “Oминдир’’.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Сиз Ешуанинг жумласини кўшиб кўйишингиз мумкин: “Мен ва менинг оилам Худога хизмат қиламиз.”(Наби Ясу 24:15) Албатта, бизнинг ҳаётимиз биз айтаётган хабарни қўллаб-қувватлаши ва уни исботлаши керак. Имонсизлар Муқаддас Калом ишончли деб қабул қилишларидан олдин, улар бизнинг ишончли эканлигимизни билишни ҳоҳлайдилар.

Шунинг учун Муқаддас Калом шундай дейди, “Фақат Масиҳнинг Хушхабарига муносиб равишда кун кечиринглар. Мен ҳоҳ келиб дийдорингизни кўрсам ҳам, ҳоҳ сизлардан узоқ бўлсам ҳам, аллақачон эшитганимдек, сизлар имонда собитқадам бўлиб, Инжил йўлида якдиллик билан кўришиб бораётганингизни билиб олай.”(Филиппиликларга 1:27)

Ҳаётимнинг жамияти нима бўлади? Бу биродарчиликка оид саволидр. Сиз бошқа имонлиларга ва Худонинг оиласига бағишланганингизни қандай намойиш этасиз? Бошқа Масиҳийлар билан “бир бирингиз” амрини қандай амалга оширасиз? Ҳаракатдаги аъзо сифатида қайси жамоатга қўшиласиз? Сиз етук бўлиб борганингиз сайин, Масиҳнинг Танасисини севишни ва У учун қурбон бўлишни ҳоҳлайсиз.

Муқаддас Каломда шундай ёзилган, “Эй эрлар, Масиҳ имонлилар жамоатини севиб, улар учун Ўзини қандай фидо қилган бўлса, сизлар ҳам хотинларингизни шундай севинглар.” (Эфесликларга 5:25) Сиз Худонинг жамоати учун севгингиз ифодасини ҳам жумлангизга қўшиб қўйишингиз керак. Сиз ушбу саволларга жавоб ҳақида ўйлар экансиз, ушбу мақсадларнинг ҳар бири ҳақида сизга гапирган оятларни қўшиб қўйинг. Ҳаётий жумлангизни ўзингиз ҳоҳлагандек тузишингиз учун ҳафталар ёки ойлар керак бўлиши мумкин. Ибодат қилинг, бу ҳақда ўйланг, яқин дўстларингиз билан гаплашинг ва Каломга асосланинг. Сиз жумлангизни якуний шаклга келтиргунча бир қанча бошқадан ёзишингизга тўғри келиши мумкин.

Ҳаттоки шунда ҳам, Худо сизга очиқлик берганига қараб бир қанча кичик ўзгартиришлар қилишингиз мумкин. Бунга қўшимча равишда, жумлани тузишда уни яхшироқ ёдда сақлашингиз ва ундан илҳомланишингизга қараб қисқартирилган сўзлар ёки машҳур сўзлардан фойдаланишингиз мумкин.

Шунда ўзингизни ҳар куни эслай оласиз. Сулаймон шундай маслаҳат берган, “Чунки бу сўзларни қалбингда сақласанг, дилинг яшнайди, улар доим тилингда тайёр бўлсин.”(Сулаймон Ҳикматлари 22:18)

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Исо Бутруснинг оёғини юваётганида, У шундай деган, “Мен ҳозир нима қилишимни сен билмайсан. Кейинчалик тушунасан.” (Юҳанно 13:7) Улардан ўтиб бўлгандан кейин сиз ўша муаммо орқали Худо қандай яхши мақсадни кўзлаганини кўра оласиз.

Тажрибангиздан келиб чиқиб дарсларни ўрганиш вақт талаб қилади. Мен бутун ўтмишингизни ўйлаб кўриш учун дам олиш кунларини сарфлашни тавсия этаман. Бунда сиз Худо ҳаётингизда қандай ишлагани ва ҳаётингизни онларини қандай тайинлаганини кўришингиз ва бу дарсларни қўллаб бошқаларга қандай ёрдам бермоқчи эканлиги ҳақида ўйлаб кўришингиз мумкин. Бунда сизга ёрдам берадиган манбалар мавжуд.

Худо нима энг яхши эканлигини билгани учун ҳам, сиз миннатдорчилик билан У сизни шакллантирганини қабул қилишингиз керак. Муқаддас Каломда шундай ёзилган, “Эй инсон, сен кимсанки, Худога сўз қайтарасан? Ҳайкал ҳайкалтарошга: “Мени нима учун бундай ясадинг?” – дейдими? Кулол худди ўша гил қоришмасидан бир идишни эътиборли, бошқа идишни эътиборсиз иш учун ясашга ҳақи йўқми?” (Римликларга 9:20-21) Сизнинг шаклингиз Худонинг мақсади учун У томонидан эркин белгиланган, шунинг учун сиз бундан жирканиб уни инкор этмаслигингиз керак. Сиз ўзингизни бошқа бировга ўхшатишга ҳаракат қилишдан кўра, Худонинг фақатгина сизга берган шаклини қутлашингиз мумкин. “Биз ҳар биримиз Масиҳ иноят этганига кўра бирон инъом олдик.”(Римликларга 4:7) Шаклингизни қабул қилишингиз бир қисми чегараланганлигингизни билишингиздир. Ҳеч ким ҳамма нарсада яхши эмас ҳамда ҳеч ким ҳамма нарса бўлолмайди. Биз ҳаммамизнинг аниқ ролимиз мавжуд. Павлус тушунган эдики, унинг мақсади ҳамма нарсани бажариш ёки ҳаммани хурсанд қилиш эмас, балки Худонинг унга берган шаклига эътиборини қаратишдир. У шундай деган, “Лекин биз эса чексиз-чегарасиз мақтанавермаймиз. Биз фақат Худо тақдир этган чегара ичида мақтанамиз. Бу чегара эса сизларга етиб борган.”(2 Коринфликларга 10:13)

Чегаралар деган сўз Худо ҳар биримизга хизмат қилиш майдони ва кўламини тайин этгандир. Сизнинг шаклингиз сизнинг ихтисослигингизни белгилайди. Агар биз Худо бизга берганидан ортиқ равишда руҳий чегараларни кесиб ўтсак, асабийлашишни бошлаймиз. Худо югуриш пойгасида ҳар бир кишига югуриши учун алоҳида йўлак ажратилгани каби биз ҳам “Худо бизга берган пойгада сабр билан югуришимиз керак.” Сизнинг ён томонингиздаги йўлакдан югураётган кишига ҳасад қилманг; ўзингизнинг пойгангизни тугатишга диққатингизни қаратинг.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Олдинги дастурда буларнинг иккитасини кўриб чиқдик: сизнинг руҳий инъомларингиз ва сизнинг қалбингиз. Ҳозир биз бошқаларини кўриб чиқамиз. Қобилиятларингизни қўллашингиз. Сизнинг қобилиятларингиз сизга туғилганингизда берилгандир. Баъзи кишиларда табиий сўзлаш қобилияти бор: улар туғилганда гапириб туғиладилар! Бошқа кишиларда атлетик қобилият бор ва улар жисмонан катта ютуқларга эришадилар.

Бошқалар эса математика ёки мусиқа ёки механика бўйича қобилиятлидирлар.

Худо шаҳодат чодирини ва ибодат учун керак бўладиган нарсаларни яратишни ҳоҳлаганида, У барча қобилиятларга эга бўлган ҳунармандлар ва бунёдкорларни шакллантирган эди. Бугунги кунда ҳам Худо кишиларни Унга шундай хизмат қилишларини истайди.

Барча қобилиятларимиз Худодан келади. Ҳаттоки илгари гуноҳ қилишга мойил қобилиятларимиз ҳам Худодандир; улар фақат нотўғри йўлда ишлатилган. Муқаддас Каломда шундай ёзилган, “Худонинг иноят қилгани бўйича, биз Ундан ҳар хил инъомлар олганмиз.”(Римликларга 12:6) Табиий қобилиятларингиз Худодан экан, улар руҳий инъомларингиз каби муҳим ва руҳийдир. Фарқи шундаки, табиий қобилиятларингиз туғилганингизда берилгандир

Хизмат қилишни ҳоҳламайдиган кишиларнинг узрлари “Менда ишлатишим учун қобилиятим йўқ” дейишдир. Бу кулгилидир. Сизда ҳали ишлатилмаган, очилмаган юзлаб қобилиятлар ичингизда тўпланиб ётибди. Изланишлар шуни кўрсатадики, ўртача кишида 500 дан 700 гача турли маҳорат ва қобилиятлар бор. Бу сиз ўйлаганингиздан анча кўпдир. Масалан, сизнинг онгингиз 100 триллион далилни сақлай олади. Сизнинг онгингиз бир сонияда 15 000 қарорни қайта ишлай олади. Ҳазм қилиш тизими ҳам шундай. Сизнинг бурнингиз 10 000 дан ортиқ ҳидни фарқлай олади.

Сизнинг тегиш сезгингиз 1 см-нинг 1/10000гача аниқликдаги нарсани сеза олади. Сизнинг тилингиз бирор дорини 1 парчасини сувнинг 2 миллион парчасида бўлганигача сеза олади. Сиз бир қанча қобилятларга эга бўлиб Худонинг ажойиб ихтиросисиз. Жамоатнинг маъсулиятларидан бири сизнинг қобилиятларингизни аниқлаб уни Худога хизмат қилишга йўналтишидир.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Худо сизни Ўзига яқинлаштириш учун муаммоларни ишлатади. Муқаддас Каломда шундай ёзилган, “Солиҳлар фарёд этгач, Худованд эшитар, Барча дардларидан уларни халос этар.” (Забур 33:18) Сизнинг энг чуқур ва яқин улуғлашингиз ҳаётингиздаги энг қоронғу кунларингизда – юрагингиз чўккан, тарк этилганликни ҳис қилаётганингизда, бирор бошқа танловингиз бўлмаганда, оғриқ жуда кучли бўлганда ва фақатгина Худога қараганингизда бўлади. Азоб вақтларида энг чинакам, қалбдан ва Худога самимий ибодат қиламиз. Агар оғриқни ҳис қилаётган бўлсак, юзаки ибодат қилишга кучимиз қолмайди. Жони Эрексон Тада таъкидлаб ўтганидек, “Агар ҳаётимиз гуркираётган бўлса, биз Исони билиш, Унга яқин бўлиш ва У ҳақда гапириш борасида сусткашлик қилишимиз мумкин, аммо азоб чекаётганимизда Уни ҳақиқатан таниб биламиз.”

Биз Худо ҳақида баъзи ҳақиқатларни бошқа йўл билан эмас, фақат азоб чекаётганда ўрганамиз. Худо Юсуфни қамоқхонадан, Дониёрни шерларнинг инидан, Еремиёни ўрага тушиб қолишдан, Павлусни уч марта кема фалокатидан ва уч иброний ёшларни қизиб турган ўчоқдан сақлаши мумкин эди, аммо У бундай қилмади. У бу муаммоларни содир бўлишига йўл қўйди ва юқорида айтиб ўтилган ҳар бир киши бунинг оқибатида Худога янада яқинроқ бўлдилар. Муаммолар бизни Худога қарашга ва ўзимизга таянишдан кўра Унга таянишимизга ундайди. Павлус бунинг учун шоҳидлик берди: “Ҳа, ўлимга маҳкум бўлганимизни ўз вужудимизда сезардик. Бу шунинг учун бўлдики, биз ўзимизга эмас, балки фақат ўликларни тирилтирувчи Худога умид боғлайлик.” (2 Коринфликларга 1:9)

Токи сизда фақатгина Худо борлигигача Худо сизга кераклигини тушунолмайсиз. Сабабидан қатъий назар ҳеч бир муаммонгиз Худонинг рухсатисиз содир бўлмасди. Худонинг фарзандига содир бўлаётган ҳар бир нарса Отамиз томонидан филтирлангандир ва ҳатто Шайтон ва бошқалар буни ёмонлик учун ишлатмоқчи бўлганларида ҳам Худо буни яхшилик учун ишлатади. Худо бутунлай ҳамма нарсани назорат қилиб турганлиги учун ҳам, фалокатлар Унинг ҳаётимиздаги ажойиб режаси учун керакдир. Чунки ҳаётингизнинг ҳар бир куни сиз туғилмасдан илгари Худонинг календарида ёзилиб қўйилган эди ва сизда содир бўлаётган ҳар бир нарсанинг руҳий аҳамияти мавжуддир.

Бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Кўп одамлар мақсад билан Xудога қўлларини теккизмагани учун Xудодан хеч нарса олиша олмадилар. Улар Xудонинг ўзгартириш қудратидан бебахра қолишган. Бу аёл шифоланди, чунки Xудо унинг имонини кўрди. Худонинг хузурига мақсад билан кел. Мақсадинг нима бўлиши керак? Сен Унга топинишинг шарт, ўшандагина У сенга Ўз қудратини кўрсатади. Унинг қудрати мақсад бўлcaгина ишлашини билиб олайлик. Худосиз мўъжизалар содир бўлмайди. Хамма мўъжизалар Xудонинг мавжудлигини исботлайди, шу сабабдан У Ўзини мўъжизалар орқали кўрсатади. Жамият учун мўъжиза сўзи нотаниш бўлиб қолган чунки у инсонларнинг ақлига тўғри келмайди. Ғайритабиий ишларни мўъжиза деб биламиз. Бунда Xудо инсонларнинг вазиятига келиб нотабиий ишларни қилиб беради. Инсон мўъжиза сўзини инкор этади. Табиатда камдан-кам учрайдиган ғаройиб ходисалар содир бўлсагина, бу ишларни Xудо қилган деб тан оламиз. Биз Xудонинг қилган ишларига салбий ёндошамиз. Хаётдаги вазият ва шароитларнинг ўзгаришини табиий хол деб қараймиз. Баъзи нарсаларни инсон ўзи хам ўзгартира олади. Инсон қила олмайдиган ишларда эса, Xудонинг ёрдами керак бўлади.

Худонинг қилган хамма ишлари мўъжизадир. Мўъжизалар аслини олганда илохийдир. Хамма мўъжизалар Xудонинг инсонлардан буюкроқ эканлигини кўрсатади. Хозир вазиятларинг сендан устун бўлиб турибдими? Улар сен учун дунёнинг энг баланд чўққиларидек кўриняпдими? Ўзгартиришга харакат қилиб кўрдинг, аммо барча харакатларинг бехуда бўлдими? Шунча уринганларинг пучга чиқдими? Сен учун мўъжиза қилувчи қудрат борлигини билиб ол. Хамма нарсани ўзгартирувчи куч-қудрат борлигини билишинг керак. Худо сенинг номинг ёзилган қоғозга мўъжизалар тайёрлаб қўйибди. Инсонларга қарама. Ха Xудо инсонларни ишлатиши мумкин, лекин шундай бўлсада хеч қачон инсонлардан кутма. Иложсиз нарсаларнинг иложини қилувчи, Xудога қарагин. Мўъжизалар биз учун табиий хол бўлиб қолсин. Хаётимиз учун мўъжизалар эълон қилайлик. Худо сен учун мўъжиза қилишга тайёр турибди. Хамма нарса мумкинлигига ишонайлик. Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Лекин хокимиятни шохнинг насли давом эттиради. Президент ёки бош вазир инсонлар сайлови орқали халқнинг ёки бирор давлатнинг боши хисобланади. Хокимият маълум бир вақтгача амал қилади. Подшох, Президент ва Бош вазирда умумиий ўхшашликлар хам бор. Шохлик насл насаб орқали давлат ходимлари эса инсонларнинг овоз бериб сайланиш орқали юзага келади. Қурултой аъзолари махаллий вилоятлардан тузилган бўлиб турли босқичлари мавжуд. Уларнинг хокимияти фақат шахар ёки вилоятларгагина етади. Уларнинг хокимияти қонунлари орқали фаолият кўрсата олади. Хар бир хокимият: сенатор, қурултой аъзоси, хоким ўзларига берилган хақ-хуқуқларга биноан расмий равишда хокимиятини амалда ишлата олади. Худо бу структурани шундай фаолият юритишини истади. Шахсий хаётда хам сен қўшнингнинг хонадонига бориб, унинг болаларига ёки хотинига қандай ишлашни ёки нима қилишни айта олмайсан.

Чунки унинг болалари ёки хотини устидан сенга хокимият берилмаган. Хамма ўз жойини билиши керак. Одамлар хокимият нима учун қўйилганини билишмайди, унинг мақсадини тушинмагани учун хокимиятга қарши бош кўтаришади. Агар мен президент бўлсам шохга ўхшаб фаолият кўрсата олмайман. Шунинг учун бизга берилган хақ -хуқуқларга биноан хокимиятимизни ишлатайлик. Хокимият — итоат ёки амал қилишга мажбурлайдиган хуқуқий кучдир. Юнон тилида куч — қудратни ишлатишга хуқуқ сўзинининг кучли маънолари бор. Шунинг учун сен Xудонинг ўрнида туриб хокимиятни ишга соласан. Бизга берилган хокимиятни бошқа одамлар биз учун ишлатиб бера олмайди. Биз гапирганимизда, осмон менга Xудованд гапиряпди деб билади.

Исо бизларга тоғларни сўз айтиб кўчиришимизни айтди. Сен шахсий хаётингдаги тоғларга сўз айтишинг керак. Вазиятларинг овозингни танийди. Тоғлар сўзлар орқали вужудга келган, xа улар сўзлардан тузилган. Вазиятларинг хам сўзларинг махсулидир. Энди вазиятларингни Xудонинг Каломи билан бузишинг мумкин. Имонли бўлганинг учун мана шу қудратни ишлатишга хуқуқлисан. Ха қудратни ишлатишга хаққинг бор. Душман овозингни эшитганда сени эмас, Xудони кўради. У Xудонинг сўзига бўйсингани учун сеникига хам сўзсиз бўйсинади. Заиф бўлишингга хожат йўқ. Нимани айтмоқчи ёки эълон қилмоқчи бўлсанг, ўша хаётингнинг қонунига айланади. Хаётинг устидан хокимиятни ол.

Бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Кечиримсиз бўлганинг учун баъзи холатларни енгиб ўта олмайсан. Кечиримсизлик ўтмишдаги хотираларни кучайтириб келажагингнинг келишига тўсиқлик қилиб туради. Кечиримсизлик »Мен буни шундай ташлаб кета олмайман, индамасдан тура олмайман, орқага ташлаб кета олмайман, эсимдан чиқара олмайман» — дейди. Келажагим мендаги кечиримсизликни кўриб сен мени қабул қилишга хали тайёр эмас экансан дейди.

Кечирим хақидаги битта хақиқат у имонни кучайтирар экан. Имонинг кўпроқ бўлишини истайсанми? Кечиримсизликни улоқтир, ўшанда имонинг ўз ўзидан ошиб кетаверади. Кечиримсизлик сенинг хочга михланишинг кераклигини билдиради. Юсуф тақдирига эришишидан олдин акаларини кечириши керак эди. »Мени бу ерга сотганингиздан ғам чекманглар, ўзларингиздан хафа ҳам бўлманглар. Худо шундай қилди. Худо инсонлар ҳаётини сақлаб қолиш учун сизлардан олдин мени бу ерга жўнатган экан. Икки йилдирки, юртда қаҳатчилик. Яна беш йил бу юртда на ер ҳайдалади, на ҳосил бўлади. Худо ана шундай ғаройиб йўл билан сизларни ва наслингизни қутқариб, омон қолдириш учун сизлардан олдин мени юборди. Ҳа, мени бу ерга сизлар эмас, Худо юборган! Худо мени фиръавнга маслаҳатчи, унинг бутун хонадонига хўжайин, Миср юрти устидан ҳоким қилди. » (Ибтидо 45:5-8) Худо ичингга солиб қўйган буюкликни юзага чиқармоқчи, шунинг учун кечиримсизликни улоқтириб Xудо сенда Ўз ишини қилишга изн бер. Худо оддий инсонларни хаддан ташқари хайрон қолдирадиган ишларни қилишга чақиради. Тақдиримиз гохида ўй-фикрларимиз орқали юзага келади. Aгар хаётингнинг бошланишида йиқилмаган бўлсанг, асло йиқилмайсан. Сен бошида бўлган нарсага етиш арафасида турибсан, ха ўша бошланишдаги нарсага eтиш учун охирги босқичда турибсан. Ўй-фикрларимиз оиламиз ёки яшаб турган мухитдан бошланади. Кўпчилик ўрта холда шаклланганидан бехабардир. Худо сени чақирганда ташқи мухитдан шаклланган фикрларинг тўсқинлик қилиши мумкин, яъни эшитган даъватинг ақлингга умуман тўғри келмаслиги мумкин. Xудо инсонни оиласидан ва яшаб турган мухитидан ташқарига олиб чиқиши мумкин. Яшаб турган мухитинг ёмон бўлгани учун эмас чегаралангани, чеклангани сабабли шундай қилади. Улар мақсадни амалга ошира олмайди. Ўй-фикрни ўзгартириш хаётни ўзгартириш бошқа томонга буриш деганидир. Қайси шароитда тиқилиб турган бўлсанг демак сенинг ўй-фикринг худди шунақа дегани.

Қандай куч ёки вазият сенга тўсқинлик қилмасин бари бир Xудо сенга нима деб айтган бўлса ўша амалга ошади, Xудо сенга нима деб айтган бўлса худди ўша тўғридир. Бошқа одамларнинг гап сўзлари билан фикрларингга тўсиқ чегара қўйиб олма. Бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Азизлар, буюк бобокалонимиз Ибн Сино шундай деган эди: “Асалнинг кўпи заҳардай туюлади. Заҳарнинг озгинаси эса асалдай туюлади.” Маъноси: ҳамма нарсани ўз меъёрида сақлаши керак деганидир.

Ҳамма нарса ўз меъёрида бўлса, заҳарли дори ҳам фойдали бўлиши мумкин. Агарда меъёрида бўлмаса, ширин асал заҳарли овқатга ўхшайди. Азизлар, энди савол пайдо бўлади: қандай қилиб ҳамма нарсани ўз меъёрида сақлашимиз мумкин?

Жавоб эса шундай: Фақат Худонинг Руҳи ичимизда яшаши билан ҳамма нарсани ўз меъёрида сақлашимиз мумкин. Яна бир мақол: “Агар одамни билмоқчи бўлсанг, унинг дўстига боқ.” Маъноси: Одамнинг фел-атворини билиб олиши учун унинг дўстларини қандай эканини билишингиз керак.

Инсон ўз-ўзидан атрофидаги одамларга ўхшаб боради. Ким билан кўпроқ вақт ўтказсангиз, шу инсонга ўхшаб борасиз. Агар Раббимиз Исо Масиҳ билан жуда кўп вақт ўтказсангиз, албатта Унга ўхшаб борасиз.

Кейинги мақол шундай жаранглайди: «От тўрт оёқли бўлса ҳам қоқинади». Маъноси: Энг зўр одам ҳам бир куни қоқинади. Ҳеч бир одам гуноҳсиз ёки айбсиз эмас. Ҳаммамиз қачондир йиқиламиз, шундай пайитларда Худо бизни қутқармаса, ҳеч ким жаннатга томон юра олмайди.

Яна бир мақол ҳақида сизлар билан бўлишсам: «Ота-она ўз фарзандига тахт яратади-ю, аммо бахт ярата олмайди». Маъноси: Ота-она болалар учун ҳамма шароит қилиб берса ҳам улар учун бахт қилиб бера олмайди.

Фақат Худогина бизни хурсанд ва бахтли қилиши мумкин. Фақат Худо кўнглимизни қувонтириши мумкин. «Одам бўлиши осон, одамий бўлиши қийин» Маъноси: Бу дунёда одам бўлиш осон, аммо Худо хоҳлаганидек яшаш қийин. Биз гуноҳкормиз ва гуноҳга ботганмиз. Бизга нажоткор керак.

«Одоб бозорда сотилмас» Маъноси: Баъзи қиммат баҳо нарсаларни пулга сотиб олса бўлади. Аммо энг қиммат баҳо нарса бозорда сотилмайди.

Масаллан, Худо билан муносабат бозорда сотилмайди. «Оз бўлса, эплаб кўр, кўп бўлса сеплаб кўр» Маъноси: Камбағал бўлсангиз, тирикчилик қилишга ҳаракат қилинг. Бой бўлсангиз, саҳий бўлишга интилинг. Азизлар, шу ерда мавзумизга якун ясаймиз. Умид қиламизки, келгуси мавзуларимиз орқали мақолларни талқин қилишда давом этамиз. Хайр саломат бўлинг.

Шунга ўхшаб, биз кўп киши бўлсак ҳам, Масиҳ вужудида бирлашганмиз ва бир баданни ташкил этамиз, ҳар биримиз алоҳида-алоҳида бўлиб, бир-биримиз учун узвдирмиз.” (Римликларга 12:4-5) Агар аъзо бадандан ажралса, секин аста сўлиб охири ўлади. Тана аъзоси ўзича мавжуд бўлолмайди ва худди шундай сиз ҳам. Баданнинг ҳаёт берувчи қонидан ажралиб ва юлиниб ташланса, руҳий ҳаётингиз қуриб қолади ва охири мавжуд бўлишдан тўхтайди. Шунинг учун ҳам руҳий тушишнинг биринчи асорати имонлилар йиғилишига ва улуғлаш хизматларга нотўғри қатнашишдир. Агар биз бирга бўлишга эътиборсиз қарасак, бошқа нарсалар ҳам секин аста сирпанишни бошлайди.

Худо оиласининг аъзоси бўлиш оқибатсиз ва эътиборсиз нарса эмас. Жамоат Худонинг дунё учун кун тартибидир. Исо шундай деган, “… Мен Ўз умматимни бу тош устида бунёд этаман, жаҳаннам кучлари эса ундан устун чиқмас.” (Матто 16:18) Жамоатни яксон қилиб бўлмайди ва у тоабад яшайди. Бу коинотдан ҳам узоқ яшайди, шу билан бирга сизнинг танангиз ҳам. “Менга жамоат керак эмас” деган киши ёки мағрур ёки эътиборсиздир. Жамоат шунчалик муҳимки, Исо бунинг учун хочда азоб чекиб ўлди. “… Масиҳ имонлилар жамоатини севиб, улар учун Ўзини фидо қилди…” (Эфес. 5:25)

Муқаддас Калом жамоатни “Исонинг келини” ва “Масиҳнинг танаси” деб айтади. Мен Исога “Мен сени яхши кўраман, лекин хотинингни ёқтирмайман” ёки “Сени қабул қиламан, аммо танангни инкор қиламан” деб айтишни тасаввур қилолмайман. Лекин биз жамоат ҳақида шикоят қилсак ва йиғилишларни қолдирсак шундай қиламиз. Худо бизга жамоатни Исо севганчалик севишимизни айтади. Муқаддас Каломда шундай ёзилган, “Имонли биродарларингизни севинглар.” (1 Бутрус 2:17) Ачинарлиси, кўпгина Масиҳийлар жамоатни ишлатадилар аммо уни севмайдилар. Муқаддас Каломда жамоат деганда бутун тарихдаги барча иймонлилар назарда тутилган баъзи бир муҳим мисоллардан ташқари, бу асосан маҳаллий ва кўринарли йиғилишга нисбатан ишлатилган.

Бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.