-чувда нарсалар билан ўралашиб, гохида тинчлигимиз ва шодлигимизни йўқотиб қўямиз. Балки баъзи нарсалар сен ўйлагандек бўлмади ёки кимдир сенга бирор нарса деб кўнглингни ранжитди. Агар йўл қўйиб берсак хаттоки светафор хам бизнинг ғашимизга тегиши ва у кўзимизга балодек кўриниб назаримизни бошқа томонга қаратиши мумкин. Лекин берилган хар бир кунимиз инъом эканлигини унутмайлик. Агар фақат нотўғри нарсаларга қарайверсак, хар бир кундаги гўзал нарсаларни йўқотиб қўямиз.

Бугун мен сенга далда бермоқчиман: хаётнинг бебахо онларини ўтказиб юборма. Одамларга бўлган ғамхўрлигингни кўрсатиш учун таътилларни ёки туғилган кунларни кутиб ўтирма. Хар бир кун ягона ва асло қайтиб келмаслигини, самодан келган инъом эканини эсингдан чиқарма.

Сен учун вақт берилган: сен бу вақтни бехуда ёки фойдали қилиб ўтказишинг мумкин. Сенга берилган соатларни ишлатишинг ёки зоя қилишинг мумкин. Шу сабабдан Забурчи бу хакида Xудога ибодат қилди,’’ Умримиз

кунларини санашни бизга ўргатгин,‘’ У шундай демоқчи: Xар бир дақиқанинг қадрига етишимизга ёрдам бер, токи бизлар,Сенга манзур келадиган умр кечирайлик.

Қани, омборхонага ушрни беками–кўст қилиб олиб келинглар. Хонадонимга озуқа келтиринглар. Шу йўл билан Мени синаб кўринглар, — дейди Сарвари Олам. — Шунда кўрасизлар, Мен осмон қопқаларини очаман. Сизларга марҳаматимни сероб қилиб ёғдираман. Уларни сиғдира олмай қоласизлар, қўйишга жой топа олмай қоласизлар. (Maлаки 3:10)

Xудо бугун ва йилнинг хар бир кунида осмон қопқаларини очиб баракаларини қуймоқчи. Юқоридаги оятга диққат билан қарасанг , бундан олдин биз қилишимиз керак бўлган биринчи иш бор- бу имон қадамини босиб, ўнликларимизни Унга беришдир. Бошқача қилиб айтганда биз финансда Xудога итоат қилишимиз керак.

Биз Xудо берган бойликлар устидан хўжайин эканимизни унутмаслигииз керак. Яхши ва содиқ хўжайин бўлсак, Xудо бизга кўпроғини ишониб топширади. У осмон қопқаларини очиб юборади. Ёғилган баракалар кўплигидан жой тополмай қоларканмиз, бу қандай барака бўлиши мумкинлиги хақида хеч ўйлаб кўрдингми? Буни ақлга сиғдириш қийин лекин Xудонинг Каломи -шундай ваъда қилади. У Ўз мархаматларини мўл -кўл, сероб қилиб ёғдиради, бизларни Ўз баракаларига кўмиб ташлайди!

Бугун сенга берувчи бўлишга ундайман. Ўнликни қолдирмасдан берувчи бўл. Унинг баракаларини қабул қилувчи бўл. Унинг содиқлиги учун шукрона айтишни бошла, Унга миннатдорчилик айт. Кўзларингни Унга тик. Оятда айтилганидек Уни синаб кўр ва сен учун қудратини қандай ишга солишини томоша қил!

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Кимнинг гапига ишонасан? Инсонлар айтаётган сўзларгами ёки Xудонинг хабаригами?

Дўстим, биз илохий Xудога хизмат қиламиз! Биз чиқиб кетиш ёки қутилиш йўлини кўра олмасакда Xудо хам хеч нарса қила олмайди дегани эмас. Худо сенинг қутилиб кетишинг учун битта имкон яратиб бериши ва шу билан сени янги даражага чиқариб қўйиши мумкин. У сени қарзларингдан қутилиб форовонликка эришишинг учун улкан барокалар тайёрлаб қўйибди. » Сен мен тузалиб кетишимга кўзим етмайди, мана бу докторлар қўйган диагнозни кўр»- дейишинг мумкин. Бу медицина фан олами учун тўғри бўлиши мумкин лекин яна бошқа хабар сенга » сен яшайсан, ўлмайсан.

Xудо сенга шифо беряпти»- дейди. Инсонга бу иложсиз бўлиши мумкин лекин Xудога хамма нарса мумкин. Бугун Xудонинг хабарига ишонишни танла, Унинг айтганига ишон. Вазиятинг қандай бўлишидан қатъий назар кучли бўл. У сени хаётда хар доим ғалаба сари етаклашини бил! Хар қандай шароитда хам Xyдога шукр қилинглар. Бу Xyдонинг иродаси, чунки сизлар Исо Масих умматисизлар. (1 Салоника. 5:18).

Сен хамма вазиятларда хам шукр қиласанми? Агар қийналиб турган бўлсанг бу сўз сенга ёқмаслиги мумкин. Агар бу сўзга диққат билан қарасанг хамма нарса учун деб айтмаган хар қандай шароитда дейилган. Бошқача қилиб айтадиган бўлсак, нима юз беришидан қатъий назар шукр қиладиган бирор нарсани топда ўша учун рахмат айтишни бошла.

Хаётингда бўлаётган ёмон вазиятга қарайвермасдан Xудо хаётингда нима қила олиши хақида фикр қилиб назарингни ўша томонга қарат. Шукр қилувчи бўлсанг, яъни рахмат айтишни бошласанг бу шукронанг Xудо хаётингда иш қилиши учун йўл очиб беради. Шу сабабдан »Бу Xyдонинг иродаси» — дейилган. У шукр қилиш орқали Ўзига яқин бўлишингни ва Ундан куч-қудрат олишингни истайди. Шунинг учун бизларда »Xyдойим нима содир бўлишидан қатъий назар Мен Сенга шукр қиламан. Сенга шукр қилувчи бўлишни танладим. Мен касал бўлсамда Сенга шукрона айтаман, чунки Сен Ўзинг менинг шифоловчимсан. Менга берган яхши дўстлар ва оилам учун Сенга шукр қиламан» ёки хозир никохимда қийналиб турган бўлсамда Сенга шукр қиламан чунки тикловчим Ўзингсан. Менга берган бошқа ёруғ кун учун Сенга рахмат айтаман».

Cен хамма нарса учун шукр қилсанг Xудонинг қудратли қўли сенинг устингда турганини ва сенинг ишларингни хал қилаётганини кўрасан. Ўша қийин вазиятдан илгарига қараганда яхшироқ кучлироқ ва доно бўлиб чиқиб кетасан.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Хамма нарса ўз жойига тушиб, мукаммал бўлсин, кейин Xудонинг қилмоқчи бўлган ишларини нишонлайман деб кутиб ўтирма. Хамду–сано имонинг самараларини кўришга сабаб бўлади . Қайғули ва оғир дамларда ғалабангни кимлар билан нишонлашинг хақида ўйла, байрамга таклиф қиладиган кишилар рўйхатини туз.

Агар касалхонада бўлсанг бу ердан соғайиб чиққанингдан сўнг нима қилишинг хақида режа туз. Бозорда нарх-наволар пасайиб кетгани учун қарзга ботиб қолган бўлсанг, қарзларингдан қутилган кунни нишонлашни ният қил. Биз яшаб турган табиий оламда ишларинг юришмай орқага кетса ва ахволинг яхши бўлмаётган бўлса биз хизмат қиладиган Xудо илохий эканлигини унутма. Худо сени ғалаба сари етаклар экан хамиша кўпайишни ва кенгайишни режа қилавер. Хамиша тикланишни режа қилишинг мумкин. Хамиша олдинги холатингга қайтиб ғалаба қилишни режалаштиравер, чунки У сени Исонинг Номи билан етаклаб хамрохлик қилмоқда!

Бугун қийинчиликларга дуч келиб, вазиятлардан кўнглинг ғаш бўлиб турибдими? Эхтимол ташқи томондан содир бўлаётганлари Худо қалбингга солиб қўйганларига мос келмаётгандир. Бунинг калити: Ўзингга ачиниб тушкин холатда хафа бўлиб юрма. Ташқарига чиқиб хеч ким халақит бермайдиган жой топ ва Қодир Худо билан мулоқат қил. Парк ёки боққа бориб қуёш ботишини томоша қил. Осмондаги юлдузларга қараб Унинг эзгулиги хақида фикр қил. Сени ташвишга соладиган ёки банд қиладиган нарсалардан бир оз ўзингни четга ол. Сени илхомлантирадиган ва Муқаддас Каломнинг мағзини чақадиган хилват жой топиб имонингни кучайтир.

Муқаддас Каломга асосланган яхши жамоат топ, бу жамоат сени барбод қилиб яксон қиладиган эмас обод қиладиган бўлсин. Бу жамоат сени юқори даражага чиқишингга интилтирадиган ва Xудо сен учун тайёрлаганларининг хаммасига эриштирадиган бўлсин.

Мен хар куни ишдан уйига қайтиб кечаси кўнгилни хафа қиладиган дастурларни телевизорда кўрадиган кишиларни биламан. Сен шундай кишилар каби бўлмагин! Агар кенгроқ вахийга эга бўлмоқчи бўлсанг тор фикрли кишилардан ўзингни четга олишинг лозим. Худо сенга мухайё қилиб қўйган нарсаларни эгаллашинг учун олға юр, ғалаба ва омадлар бўлан тўлган мухитга кир. Худо келажагимиз учун вақт белгилаб қўйганини ваъда қилган, лекин У қачон амалга ошишини айтмайди. Сен учун тайинлаб қўйилган вақт балки эртага соат 9:47 дир. Сен кутиб турган телефон жиринглаб қолар.

Бугун имонинг ва ишончинг Унда бўлсин. Унинг фароғатига кир, ором ол. Унинг эзгулигига ва сен билан бирга эканлигига ишон! Сен учун мақбул вақт, илтифот вақти келаётганига ва остонангда турганига ишон!

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Худо ҳаётингизнинг марказида эканлигини қаердан биласиз? Агар Худо ҳаётингизнинг марказида бўлса, сиз Уни улуғлайсиз. Агар шундай бўлмаса, сиз ташвишланасиз. Ташвиш Худонинг четга чиқиб қолганига ишорадир. Агар сиз Уни яна марказга қўйсангиз, сизда яна тинчлик бўлади. Муқаддас Каломда шундай ёзилган, “Шунда инсон хаёлига сиғмайдиган, Худо берган тинчлик сизнинг кўнглингиз ва фикр-хаёлингизни хотиржам қилади.”(Филиппиликларга 4:7) Ҳаётимнинг характери қандай бўлади? Бу шогирдлик саволидир. Сиз қандай киши бўлиб етишасиз? Худо сиз нима қилишингиздан кўра ким бўлиб етишишингизга кўпроқ эътибор беради. Ёдингизда бўлсин, сиз мансабингизни эмас, балки характерингизни абадиятга олиб кетасиз. Улар устида ишлаш учун характерлар рўйхатини тузиб чиқинг ва уларни ҳаётингизда ривожлантиринг.

Сиз Муқаддас Руҳ мевалари ёки Гўзалликларидан бошлашингиз мумкин.

Бутрус шундай деган, “Буларни назарда тутиб, имонингизни бут қилишга жон куйдиринглар. Шундай қилиб, имонингиз устига фазл-камолотга эга бўлинглар. Фазл-камолотингиз устига онг-билимга эга бўлинглар.”(2 Бутрус 1:5) Агар қоқилиб кетсангиз таслим бўлиб ташлаб кетманг. Масиҳга ўхшаш характерни ўзлаштириш бутун умр давом этади. Павлус Тимўтийга шундай деган, “Ўзингга ва таълимотингга эҳтиёт бўл, фаолиятингни астойидил давом эттир. Бу билан ўзингни ҳам, тингловчиларингни ҳам қутқарасан.”(1 Тимўтийга 4:16)

Ҳаётимнинг ҳиссаси нима бўлади? Бу хизмат саволидир. Масиҳнинг танасидаги хизматингиз нима бўлади? Руҳий инъомларингиз, қалбингиз, қобилиятингиз, шахсиятингиз ва тажрибаларингизни билганингиздан кейин Худонинг оиласидаги ролингиз нима бўлади? Сиз қандай ўзгартириш қиласиз? Танада мен хизмат қилишим учун шаклланган махсус бирор гуруҳ борми? Павлус хизматингизни адо этишингизнинг ажойиб афзалликларини айтиб ўтди: “Бу муқаддас бурчнинг ижро бўлиши билан нафақат Худо азизларининг камчиликлари бўлдирилади, балки кўпчилик одамлар ҳам Худога кўпдан-кўп ташаккур айтишга сабаб топади.” (2 Коринфликларга 9:12)

Сиз бошқалар учун хизмат қилиш учун шакллантирилган бўлсангиз ҳам, ҳаттоки Исо ҳам ердаги барча кишиларнинг муҳтожликларини қондирмади. Сиз шаклингизга қараб кимга энг яхши ёрдам бера олишингизни танлашингиз керак. Сиз “Мен кимга кўпроқ ёрдам бермоқчиман?” деб сўрашингиз керак. Исо шундай деган, “Сизлар Мени эмас, Мен сизларни танладим. Бориб ҳосил беринглар ва ҳосилингиз боқий бўлсин, деб сизларни танладим.”(Юҳанно 15:16) Ҳар биримиз турли меваларни етиштирамиз.

Раббимиз инояти барчангизга ёр бўлсин азизлар. Хайр, омон бўлинг.

У шундай дейди, “Менинг ўйларим ва йўлларим сеникидан буюкроқдир.”(Ишаё 55:9) Шунинг учун ҳам Худо кўпинча биз кутганимиздан бошқача тарзда ишлайди. Биз Худо бизнинг кучимизни Ўзининг улуғворлиги учун ишлатади деб ўйлаймиз, аммо Худо бизнинг ожизлигимизни ҳам ишлатишни ҳоҳлайди. Муқаддас Каломда шундай ёзилган, “Лекин Худо доноларни шарманда қилиш учун дунёдаги ақлсиз деб ҳисобланганларни танлади. Қудратлиларни шарманда қилиш учун У дунёдаги заиф дейилганларни танлади.” (1 Коринфликларга 1:27) Сизнинг ожизлигингиз тасодиф эмас. Худо уларни айнан сизнинг ҳаётингизга Ўзининг қудратини бунда намойиш қилиш учун ҳам қўйиб берган. Худо ҳеч қачон қудратдан таъсирланмаган.

Аслида, У ожиз кишиларга қудрат кўрсатишни ҳоҳлайди. Исо бизнинг бундай муҳтожлигимизни Ўзининг “руҳан камбағал” деган сўзида таъкидлаб ўтган. У марҳаматлаши керак бўлган биринчи марҳамат. Муқаддас Калом Худо ғайритабиий иш қилиши учун оддий ва ожиз кишиларни уларнинг ожизликларига қарамасдан қандай ишлатиши ҳақидаги мисолларга тўла. Агар Худо фақат комил инсонни ишлатганда, ҳеч бир иш қилинмасди. Чунки биз ҳаммамиз ҳам ожизмиз. Худо нуқсонли кишиларни ишлатиши биз учун далда берувчи хабардир. Ожизлик, ёки Павлуc айтганидек “тикан”, худди ҳаддан ташқари ейиш ёки сабрсизлик каби гуноҳ ёки характердаги камчилик эмас. Ожизлик сиз эга бўлган ва ўзгартиришга кучингиз етмайдиган чегараланишдир. Бу хроник касаллик, табиий кам қувватлилик ёки мажруҳлик каби жисмоний нуқсон, бўлиши мумкин. Бу жароҳат, аччиқ хотира, шахсиятга боғлиқ камчилик ёки ирсиятли характер каби руҳий чегараланганлик бўлиши мумкин.

Ёки бу заковатли ёки ақлий чегараланиш бўлиши мумкин. Биз ҳаммамиз ҳам супер қобилиятли кишилар эмасмиз. Агар сиз ҳаётингиздаги чегаралар ҳақида ўйласангиз, сиз “Худо мени ҳеч қачон ишлата олмайди” деган хулосага келиш учун васвасага учраган бўлишингиз мумкин. Лекин Худо ҳеч қачон бизнинг чегараланишларимиз билан чегараланмаган. Аслида, У Ўзининг буюк қудратини оддий идишларга қўйишни ҳоҳлайди. Муқаддас Каломда шундай ёзилган, “Бу улуғвор хазинани эса биз сопол идишларда олиб юрибмиз, токи бу олий қудрат бизга эмас, Худога мансуб эканлиги кўриниб турсин.” (2 Коринфликларга 4:7) Худди оддий кулолчиликдек, биз мулойим ва ожиз бўлиб дарров синамиз. Аммо агар биз Худога бизнинг камчиликларимиз орқали ишлашига йўл қўйсак, У бизни ишлатади.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Ички ундовларни тинглаш Худо сиздан ҳоҳлайдиган хизматни топишга ишора қилади.

Чин юракдан Худога хизмат қилаётганингизни қаердан биласиз? Биринчи нишона завқ-шавқ билан хизмат қилиш. Агар сиз ўзингиз яхши кўрган ишни қилсангиз, бирор киши сизни унга ундаши ёки сизни текшириб туриши керак эмас. Сиз буни бутун завқ билан қиласиз. Сиз мукофот, олқиш ёки тўловга муҳтож эмассиз, чунки сиз шундай хизмат қилишни яхши кўрасиз. Тескариси ҳам тўғридир: Агар сиз бирор ишни қилишга кўнглингиз бўлмаса, сиз тезда умидсизланишингиз мумкин.

Худога чин қалбдан хизмат қилишнинг иккинчи хусусияти самарадорликдир. Агар сиз Худо сизни севиб бажариш учун яратган ишини қилаётганингизда, сиз бунда муваффақият қозонасиз. Муҳаббат мукаммалликка етаклайди. Агар сиз вазифа ҳақида қайғурмасангиз, сиз бунда муваффақият қозонолмайсиз. Аксинча, бирор соҳада улкан муваффақиятларга эришган кишилар ишни вазифа ёки манфаат юзасидан эмас, балки чин қалбдан севиб бажарувчилардир.

Биз кишиларнинг шундай деганларини эшитганмиз, “Мен ёқтирмаган ишимни пул учун қилган эдим ва бир кун ундан воз кечиб ўзим ёқтирган машғулотим билан шуғулланишни бошладим.” Бу катта хатодир. Сиз вақтингизни ёқтирмаган ишингизга бекорга сарфлаяпсиз. Ёдингизда бўлсин, ҳаётдаги энг юксак нарсалар моддий нарсалар эмас. Маъно пулдан кўра катта аҳамиятга эгадир. Дунёдаги энг бой киши шундай деган, “Кўп бойликка эга бўлиб ваҳима билан яшагандан кўра, Эгамиздан қўрқиб озгина бойлик билан яшаш яхшироқ”(Сулаймон Ҳикматлари 15:16) “Яхши ҳаёт”га эришишни мақсад қилиб ҳаракат қилманг. Чунки “яхши ҳаёт” ўз-ўзида яхши эмас. Умумий олганда бу сизни қондиролмайди. Сиз яшай олишингиз учун кўп нарсага эга бўлишингиз мумкин, аммо нима учун яшашингиз учун ҳеч нарсага эга бўлмаслигингиз мумкин. “Яхшироқ ҳаёт”ни мақсад қилиш ўрнига ўзингиз севадиган машғулот орқали Худога хизмат қилиш ҳақида ўйланг. Нимани севишингизни — Худо сизга нимани бажариш учун қалб берганини аниқланг ва кейин буни Худо улуғворлиги учун бажаринг.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Руҳий маънода сизнинг онгингиз энг ҳимоясиз органдир. Васвасани камайтириш учун уни Худо Каломи ва бошқа эзгу фикрлар билан тўлдиринг. Сиз ёмон фикрларни яхши фикрларни ўйлаш орқали енгишингиз мумкин. Бу ўрин алмаштириш тамойилидир.

Сиз ёвузликни эзгулик билан енгасиз. Агар онгингиз бирор нарса билан машғул бўлса, Шайтон диққатингизни ўзига қаратолмайди. Шунинг учун Муқаддас Калом бизга онгимизни бирор нарсага қаратишимизни айтади: “Шундай экан, эй, самовий даъватдан баҳраманд бўлган муқаддас биродарларим, имонимизнинг Элчиси – Олий руҳониймиз Исога қаранглар!” (Ибронийларга 3:1) “Мен тарғиб қилаётган Хушхабарнинг моҳиятини эсда тут.” (2 Тимўтийга 2:8) “Хуллас, эй биродарлар, нима ҳақиқий, нима мўътабар, нима тўғри, нима соф, нима ёқимли, нима фахрли бўлса, қандайдир бир фазилат, қандайдир мақтанарли хислат бор бўлса, булар ҳақида фикр қилинглар.” (Филиппиликларга 4:8)

Агар сиз ҳақиқатан ҳам васвасани енгмоқчи бўлсангиз сиз онгингизни бошқариб муҳитни қабул қилишингизни ўзгартиришингиз керак. Шу вақтгача яшаган энг доно киши шундай деган, “Бор кучинг билан қалбингни асра, чунки у ҳаёт булоғидир.” (Сулаймон Ҳикматлари 4:23) Тартибсиз равишда ахлатни онгингизга кириб келишидан сақланинг. Танловчи бўлинг. Нима ҳақида фикрлашингизни эҳтиёткорлик билан танланг. Павлуснинг намунасини ўзлаштиринг: “Худо билимига қарши бош кўтарган ҳар қандай баланд иддаони қуритиб юборамиз. Ҳар қандай фикрни Масиҳга бўйсундириб асир қиламиз.” (2 Коринфликларга 10:5) Бу бутун ҳаёт давомида бажарилади, аммо Муқаддас Руҳ кучи ёрдамида сиз фикрлашингиз дастурини ўзгартиришингиз мумкин.

Ҳаракатларингизни бирор художўй дўстингиз ёки гуруҳга ошкор қилинг. Сиз буни бутун дунёга овоза қилишингиз шарт эмас, балки ўзингизнинг ҳақиқий курашаётган нарсангизни бир киши билан бўлишишингиз керак. Муқаддас Каломда шундай ёзилган, “Сиз ёлғиз бўлганингиздан кўра дўстингиз бўлгани яхши. Агар йиқилсангиз дўстингиз туришингизга ёрдам бериши мумкин. Аммо агар сиз олдингизда дўстингиз бўлмай туриб йиқилсангиз, сиз ҳақиқатан ҳам кулфатдасиз.” (Воиз 4:9-10)

Очиқча айтганда: Агар сиз ёмон одат, боғланиб қолиш ёки васвасага қарши жангда мағлубиятга учраётган бўлсангиз ва яхши ният билан қилинган ҳаракат оқибатида мағлубият айбига тушиб қолаётган бўлсангиз, сиз ўзингизча яхши тарафга ўзгаролмайсиз! Сиз бошқа кишиларнинг ёрдамига муҳтож бўласиз. Баъзи васвасаларни сиз учун ибодат қилаётган кишининг ибодати, далда бериши ва сизга маъсул кишининг ёрдами орқали енгиш мумкин.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Агар Масиҳ тирилмаган бўлса, сизларнинг имонингиз беҳуда, сизлар ҳали ҳам гуноҳга ботганингизча юрибсизлар. Шундай бўлса, Масиҳга ишонган ҳолда ҳаётдан кўз юмганлар бутунлай ҳалок бўлиб кетибдилар–да! Агар биз ёлғиз бу ҳаёт учун Масиҳга умид боғлаган бўлсак, энг бахтсиз инсонлар эканмиз. (1 Коринфликлар 15)

Имонли ва Масихнинг гувохи бўлганлар учун мўъжизалар ёлғон эмас, уларнинг барчаси ростдир. Диндорлар мўъжизаларни ўтмишда бўлган деб ишонишади. Ўтмишни хеч ким инкор қила олмайди ва бўлмаган нарсалар деб бахс мунозара хам қила олмайди. Улар Масихнинг бокира қиздан туғилганига ва ўлганига ишонишади–ю, тирилишга эса суст назар билан қарашади. Исонинг тирилиши Уни хар қандай фалсафадан алохида ажратиб туради. Тирилишсиз имонимиз хам бефойда бўлиб қолади ва ишончимиз чекланиб қолади. Ўлик Масих мўъжизалар содир қила олмаслигини таъкидлаб ўтишимиз керак.

Тирилиш имонимизни юқори қадрлайди. Унинг тирилишининг маъноси ўлимни мағлуб қилганидир. Унинг тирилиши ўлим устидан ғалаба қилди. (1 Юханно 3:8) »Аммо Худонинг Ўғли иблиснинг ишларини барбод қилиш учун келди». Исо енгиб чиқмаган хеч бир нопок рух қолмаган. У иблиснинг хамма ишлари устидан ғалаба қилди. Масих берадиган хаёт устидан Шайтоннинг хеч қандай хақ-хуқуқи қолмаган. Бизнинг имонимиз қудратлидир, шу сабабдан Унинг тирилиши хақида ваъз қилишимиз шарт.

Исонинг тириклигини айтсак душман титраб дахшатга тушиб қолади. Исонинг тириклигини эълон қилсак Xудо мўъжизалар орқали Ўз Ўғлининг тириклигини тасдиқлайди. Тирилиш бу шу онда, хозир айтилиши керак бўлган хабардир, мўъжизалар содир бўлиши учун биз бу хақида ваъз қилишимиз керак. Унинг ўлими бизнинг гунохларимиз учун тўловдир. Унинг тирилиши Унинг ўлим устидан қилган ғалабасидир.

Сен хеч қайси дин билан бахс қилма. Фақатгина биз қилган эътиқодда Раббимиз тирик деб айта оламиз. Хар бир мўъжиза тирилишнинг исботидир. Имонли бўлганинг учун хамиша гувохлик бер. Исонинг тириклигини айтавер. Биз У тирик деб айтганимизда У қудрати билан буни тасдиқлайди.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Бунинг оқибатида Xудо ва инсонлар хақида бошқача фикр қила бошлаймиз. Xyдо сенда ташналикни уйғота бошлайди. Қалбингнинг тубидаги битта нарса »хали олишинг керак бўлган кўп нарса бор…..хали кўп» дея бошлайди ва » Xудо чексиз-чегарасиз… У шу билан чекланиб қолмаган…хали чиқиб кетишим керак бўлган кенгликдар бор», — дея ўйлашни бошлайсан. Исо очу-чанқоқ ёки ташналикни илохий эканлигини айтган. Мана шу чанқоқ ва ташналикни фақат Xудо қондира олади.

У сенда Ўзининг хузурига нисбатан кўпроқ ташналикни уйғотади, ха Ўз хузури учун сенга иштаха беради. Сенинг чанқоқлигинг хали сенда бўш жойнинг кўплигини ва Xудода хали олишинг керак бўлган нарсалар мўллигини билдиради. Ташналик — хали кўп деган маънони билдиради. Агар инсонда чанқоқлик бўлмаса Xудони изламай қўяди.

Унинг ортидан боришга интилмай қолади. Бу эса сохта кўникиш ёки қаноат хосил қилиш хисобланади. Хали Xудода кўрмаган жуда кўп тажрибалар бор. Худода кўришимиз керак бўлган нарсалар жуда хам кўп. У кўпроқ қабул қилишинг учун сенда интилиш уйғатмоқда. Муқаддас Рух оч ва ташна бўлганингда Ўз ишини қилади. Мен хаётингда Xудога бўлган ташналигинг ортиб боришини ибодатда сўраб қоламан.

Худо хаётингда қандайдир янги нарса қилганда ташналигинг сени нимага етаклаганини тушиниб, уни бахолашинг мумкин. У сени кўпроқ Ўзига ташна бўлишинг учун ўзгартирди. Ўзи учун сенга интилиш берди, Xудога нисбатан иштахангни очиб чанқоқ қилди. Исо шундай деди: »Ўғри фақат ўғирлаш, бўғизлаш, барбод қилиш учун келади. Мен эса уларга ҳаёт, фаровон ҳаёт бериш учун келганман.»

Исо бу ерда Муқаддас Рухни назарда тутган эди. У Муқаддас Рухнинг келиши ва кўпроқ фарофонликка эришишни айтган. Мана шундай! Фаровонлик учун тайёрмисан? Муқаддас Рухгачи? У тайёр ва сени кутиб турибди.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Исо нон билан балиқни кўпайтириб бергани хақида гаплашамиз.(Матто 6:30-44) У шогирдларига: »боринглар уларда нима борлигини сўранглар»-деди. Улар озгина балиқ билан нон топишди. Бошқача қилиб айтадиган бўлсак Исога, амалда иш қила олиши учун бирор нарса керак бўлди. Имонинг буюкми ёки тариқдекми фарқи йўқ… Худо хар доим имонинг билан ишлайди. Ишонганларингга эришиш учун У сендаги бор ишончни ишлатади. Нон ва балиқни Исонинг қўлларига берганида нон ва балиқ озгина эди. У нонни барокатлаб шогирдларига берди, улар тарқатишни бошлагандагина кўпая бошлади. Имон харакатни талаб қилади. Сен бирор нарсани қилсанг Xудо хам бирор нарсани номоён қилишни бошлайди. Биз хеч нарса қилмай қўлларимизни эгнимизга қўйиб ўтирганда кўп нарсалардан махрум қолдик. Қўллари шол бўлиб қолган кишига Исо қўлларингни узат деди. (Матто 12:10)

Хеч нарса ўз ўзидан ўзгариб қолмайди. Харакат қилсанг Xудо хам ўзгаришлар қилиб сенга мўъжиза қилиб беради. Мўъжизани бугун бошлашимиз мумкин. Cен нима бўлишини кутяпсан ёки нима бўлишига ишоняпсан? Буни гапир. Худонинг Каломида ёзилганини амалда қилишни бошла. Агар қўлларингда хасса ёки таёқ бўлса уларни ташлаб Исо Масих Номи билан юришни бошла. Хассага эмас имонга таян. Хассса таёқ билан эмас имон билан юр.

Беришни бошла, ўшанда сендаги хеч нарсадан, хамма нарса пайдо бўлиб фаровонликка эришасан. Имон доим харакатдадир, амалда қилувчидир. Хеч нарса қилмай, бирор нарса бўлиб қолар деб ўз-ўзингни алдаб ўтирма. Бугун вазиятларинга тикилиб турмай, имонингни амалда қўллашни бошла.

Бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.