Биз Исо билан шунчалик яқинмизки, Унга ишонган ҳар биримиз Масиҳдамиз ва У бизда. У ток биз эса новдамиз. «Мен ток, сизлар эса новдасизлар. Ким Мен билан алоқада бўлиб, Мен у билан алоқада бўлсам, у кўп ҳосил беради. Менсиз ҳеч нарса қилолмайсизлар» Юҳанн мактуби 15 боби 5 ояти.

Павлус бизнинг Масиҳ билан бирлигимизни, Унинг тирик танаси аъзолари каби эканлигимизни ёзади. Унинг жамоати, Унинг танасидир. Исо эса Бошидир. Гуноҳсиз Худо Ўғлининг барча ҳуқуқлари ва имтиёзлари, Унинг шон-шуҳрати, Унинг бутун севгиси ва Отаси билан Ўғилнинг ўртасидаги алоқаси, худди биз Унинг танаси аъзолари каби бизга ҳам тегишли бўлди!

“Унинг Ўзи эса ҳамма нарсадан аввал мавжуд эди. Борлиқ мавжудот Унинг соясида мавжуддир. У Ўз бадани, яъни умматининг бошидир. У ўликлар ичидан биринчи бўлиб тирилгани учун, ҳамманинг илғори ва бошидир”-деб айтилади Колосаликларга мактубининг 1боби 17ва 18 очтларида.

«Худо дунё халқлари учун сақлаган ушбу сирнинг нақадар бой ва улуғворлигини Ўз азизларига очиб беришга рози бўлди, чунончи улуғвор умидимизнинг мағзи сизнинг ичингиздаги Масиҳ.

Шунга кўра, биз Масиҳга ишонган ҳар бир одамни мукаммал ҳолда Худога тақдим этмоқчимиз. Ҳар бир одамга ақл ўргатиб, бутун донолик билан таълимтарбия бериб, Масиҳни тарғиб қилмоқдамиз»-деб айтилган Колосаликларг мактубининг 1боби 27ва28 оятларида.

Бутун оламда, Исо ягона. Унга ўхшаш ҳеч ким йўқ. У Худо ва шунингдек Инсон ҳамдир. Бу Муқаддас Китоб таълимотидир. Лекин нимага Исо инсон бўлгиси келди? Бой одамлар қатори яшашни ва Ўзининг ҳашаматли саройини ташлаб, ачинарли қашшоқ аҳволида бўлишга, Уни нима мажбур қилган эди.

Лекин У қудратли шоҳ бўла туриб, Ўзини ҳурмат қилган ва бўйсунганларни қолдириб, Ўзини ҳақоратларга қўйган кишига ўхшарди. Ҳа, Исо буни қилди, ҳатто кўпроғини ҳам.

У Ўзининг илоҳий жойини Ота Худо билан бирга Ўз хоҳиши билан қолдирди. У Ўз хоҳиши билан инсон қиёфасини олди. У инсон қиёфасини хурсандчилик билан олди. Фақат Исогина «Инсон Ўғли» унвони билан аталган. Исо Ўзи ҳақида гапирганда шу номни тез-тез ишлатган. Бу ном эсаХушхабарда етмиш тўққиз марта такрорланган. Шунинг билан азизлар мавзумиз ўз поёнига етди. Хайр саломат бўлинг.

Улар бизни Худо суратида яралганимизни ва Худонинг болалари Унинг севгисини, бизга тайёрлаган роҳат-фароғатини ҳис қилиб ва У билан бирга баҳам кўриб, келажакда бахтли яшашимизни кўрди.

Лекин Худо бундан ташқари яна бошқа нарсаларни ҳам кўрди. У инсоннинг Ўзига бўйсунмасдан, Ундан юз ўгиришини ва ўзларига ўлим ва гуноҳ йўлини танлашларини кўрди.

Худо бизнинг гуноҳ натижасида қийналаётганимизни ва абадий ўлимга маҳкум бўлаётган ҳолда кўрди. Унга бўйсунмаган ва ношукур бўлсак ҳам Худо бизларни ҳақиқий севгиси билан севди.

Ота, Ўғил ва Муқаддас Руҳ биз қутқарилишимиз учун режа тузди. Агарда, Худонинг Ўғли бизни издошлари бўлишга танламаганида, биз ҳали ҳам гуноҳкор бўлиб юраверган бўлар эдик.

У бизнинг гуноҳларимизни кўрди ва бизнинг устимиздаги ўлимга берилган ҳукмни Ўзига олди. У бизнинг кучимизни ҳам кўрди. У ўзига келган ҳар бир кишига, гуноҳнинг қуллигидан озодлик ўрнатади.

«Ўз ҳузурида муқаддас ва бенуқсон бўлиш учун, У Масиҳ ҳақи бизга муҳаббат кўрсатиб, бизни дунё яратилишидан аввал танлади. Бизни мурувватига сазовор билиб, Исо Масиҳ орқали Ўзига ўғил қилиб олишга азалдан қарор қилди» -деб айтилган Эфесликларга мактубининг 1боби 4ва 5 оятларида.

Исо бу номларни, ер юзида юрган пайтида, Ўзининг изидан эргашган ҳаммага Ўз севгисини кўрсата туриб издошларига ишлатган. У уларга Ўзининг кичкина болаларига, Худонинг ўғилларига, оламнинг нурига, ернинг тузига, Ўзининг келинига, кичкина қўйлар подасига, танлаганига, Ўзининг жамоатига, Ўзининг ака-укаларига, узум новдаси каби Ўзининг бир аъзосига қиёслаб мурожаат қиларди.

Сиз Исони Раббим ва Нажоткорим деб қабул қила оласизми? Агар шундай бўлса, У ҳам сизни Ўзиники қилиб олади. «Кимда-ким инсонлар олдида Мени тан олса, Мен ҳам осмондаги Отамнинг олдида уни тан оламан.

Бироқ, ким инсонлар олдида Мени инкор этса, Мен ҳам Осмондаги Отамнинг олдида уни инкор этаман»-деб ёзиб қўйилган Матто Хушхабар китобининг 10 боби 32 ва 33 оятларида.

«Уни қабул қилганларга эса, барча Унинг номига имон келтирганларга У Худонинг фарзанди бўлиш иқтидорини берди». Хайр саломат бўлинг.

Иккинчиси эса Уй фикрингда Унга жой бериш орқали, яъни У хақида фикр юритмоғинг лозим. Келажагингда қандайдир буюк, улкан нарса борлигига ишонишинг керак. Унинг ваъдаларини хаётингда эълон қилишинг керак. Худонинг нима ишлар қила олишини имон кўзлари билан кўра олишинг керак. Кел, бугун Худога қўйган хамма чегараларни олиб ташла ва „Худойим булар табиий оламда, хаётимда қандай юз беришини билмайман лекин мен Сенинг илохий Худо эканлигингни биламан. Аллақачон менинг номимга ёзилган мархаматлар борлигига ишонаман. Худойим хаддан зиёд қилган илтифотинг учун Сендан миннатдорман“. Агар сен шундай хаёт кечирсанг Худо сени эзгулиги билан хайрон қолдиришини кўрасан ва сен учун яшириб қўйган эхсонлар хазинасини кўрасан!

Адолатга ташна бўлганлар бахтлидир, Чунки Худо уларни қондиради. (Матто 5:6)

Сен оч қолганингда ёки ташналигингни нима қондиришини билмасанг нима қиласан? Сен нима ейиш хақида ўйлаб кўришинг мумкину, лекин айнан нима сени қондиришини билмаслигинг мумкин. Бу танавий томондан оч қолиш. Рухий ташналик ёки очлик хам худди шундай бўлади. Сен ўзингни безовта ёки бирор нарса етишмаётгандек сезишинг лекин ташналигингни нима қондиришини билмаслигинг мумкин.

Сен бу очликни бошқа нарсалар — овқат, хар хил тобе бўлиб қолган нарсалар — тамаки, нос… инсонлар-билан қондиришига интилсангда фақатгина Худо бу ташналикни, етишмай турган битта нарсани қондира олади. Бугунги оятда адолатга ташна бўлганларнинг тўқ бўлиши айтилган.

Қачонки адолатга оч ва ташна бўлсанг бунда хамма нарсани Xудонинг йўллари билан, Унга маъқул келадиган харакатлар билан қилишинг назарда тутилади ўшанда рухий қондириласан, яъни тўқ бўласан. Таббий оламда овқат ейиш учун вақт ажратасан худди шундай Худонинг адолати учун хам вақт ажратишинг керак.

У хар куни сен учун дастурхонни тўлдириб кутиб туради. Ибодат қилиб Уни

улуғлаганингда Унинг Каломини ўқиганингда сен Унинг адолатига хамкорлик қилган бўласан. Жонингни тўйдираётган бўласан. У билан қандай кўп вақт ўтказсанг У сени шунча кўп тўйдиради. Умринг мобайнидаги ташналикни қондириб боради!

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Ўрганишинг керак бўлган энг мухим сабоқ -орзуларингга етишинг учун бошқаларнинг ишончи мухим эмас. Улар ишонмай қўяверсин. Ўзгалар хаётингга чегара қўя олмайди буни фақат ўзинг қиласан. Xаворий Павлус шундай деган: “Ўзгалар ишонмаса хам бунинг ахамияти йўқ-уларнинг ишончсизлиги менинг орзуларимни тўхтата олмайди, орзуларимни сўндира олмайди”. Худонинг қалбингга солиб қўйган ваъдасининг амалга ошиши бошқаларга эмас сенга боғлиқдир!

Хамма сени ёқлаши ёки қўллаб-қувватлаши керак эмас. Ўзинг Худонинг oвозига қулоқ солишинг ва қадамларингни бошқаришига изн беришинг керак. Худо ичингда турган яширин хазиналарни кўриб турганини унутмагин. У шу хазиналарни юзага чиқариб орзуларингга етишингни истайди!

Эски ва мағлублик фикрларини ташлаб юбориб Худонинг сен хақингда айтган сўзларини қалбингга жойлагин. Чегараларни хам ёриб Худо сен учун тайёрлаб қўйган фаровон хаётга эриш! Солиҳнинг йўли тонгга ўхшайди, тонг кун чиққунча ёришаверади. (Маталлар 4:19) Бугун қоронғуда қолиб қийналиб турибсанми?

Xар қандай вазиятда Худонинг хақиқатини ва солихлигини қидирувчининг йўллари тонг отганга ўхшаб ёришиб боради, чунки имонлиларга Худо шундай ваъда берган.

Солихлик нима дегани? Солихлик- Худонинг олдида oқланган, хақ, тўғри бўлиб туриш деганидир. Унга манзур бўлиб хаётини Унга тўлиқ бағишлаш ва бўйсиндириш демакдир.

Унинг амрларига бўйсиниш ва хар кунлик нарсаларда хам Унинг режасини қидиришдир. Уни қидирганингда Xудо Каломининг зиёси дуч келган вазиятларда қарор чиқаришингга ёрдам беради ва сени етаклайди.

Бугун қандай вазиятда бўлишингдан қатъий назар Xудодан нурини устингга порлатишни сўра. Сен учун тузиб қўйган режасини тасдиқлашини сўрагин. Унинг хақиқати ва солихлиги пайидан бўлиб, Каломини хаётингда биринчи ўринга қўяр экансан Унинг мархаматлари сенда кўпая бошлайди. Сен учун тузиб қўйган режалар сари олға борсанг кунларинг ёришиб оппоқ бўлиб бораверади!

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

-устун қилиб бошқа томонга буриб юборади.

Худо қудрати билан сенга бир марта тегса бутунлай шифоланиб қоласан. Унинг битта илтифоти сенга тегса сен юксалиб кетасан. У эзгулиги билан сенга бир марта тегинса хамма муаммоларинг хал бўлиб кетади. Қодир Xудо сенга бир марта тегинса тўсатдан хаётинг бутунлай ўзгариб кетади.

Бугун сенга далда бермоқчиман, ишончда давом этавер, ўз жойингда силжимай умид қилавер. Душман сенга фикрлар бериб хафа қилмасин чунки Xудо сенга билинтирмай сездирмай сирли равишда Ўз ишини қилмоқда. Сенинг вақти-соатинг келмоқда ва ёриб чиқишинг тўсатдан келишини эълон қилавер! Xаётингда Муқаддас Рух қиладиган ишнинг бир бўлаги меросингни ва Ота сенга берган нарсаларни очиб беришдир. Сенга қандай мерос берилганини хаммадан яхши биладигани фақат Удир. Бу рухий баракалар нима эканлигини фақат Муқаддас Рух орқалигина била оласан! Рухий баракаларни қандай тасвирлаб бера оласан? Улар қандай бўлиши мумкин? Улар нима бўлиши мумкин? Улар билан нима қила оласан? Уларни нимага қиёслай оласан? Уларнинг Xудодан ёки Ундан эмаслигини қандай билиш мумкин? Бу фақат Муқаддас Рух орқалигина бўлади!

Бу рухий баракалар рух тилида, бизни илхомлантираётган Муқаддас Рух ёрдамида намоён бўлади. Мисол учун сен мен қайтадан туғилдим десанг кимдир хаётингда янги

босқич бошланганини ёки иш тарзингни ўзгартирганингни тушиниши мумкин, аслида бу ундан хам чуқурроқ маънони ифодалайди! Бу сенинг янги ижод бўлганингни Xудо билан бир бўлиб илохий табиатдан бахраманд бўлганингни билдиради. Бу фақатгина маълимот ёки ахборот эмас, Муқаддас Рух орқали рухингга очиб берилган вахий рухидир.

Худога санолар бўлсин! Фаровон, хотиржам, солих, илохий шифо, соғлик, гуллаб -яшнаш ва кечирим билан тўла хаёт Улғвор Ота ва Унинг Ўғли билан мулоқат қилувчиларда мужассамдир ва бизларга улуғвор баракалар рохатланиб яшашимиз учун берилган. Муқаддас Рух бу баракаларни фақат номоён қилиш учун эмас хушхабардаги мархаматларга тўлиқ эришишни хам ўргатиш учун келган. Хаётингда Унинг хизматини англаб ол ва У сени Масихдаги ғайритаббий хаёт сари етаклайди.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Аксинча, дунё талабига жавоб берадиган Масиҳий эса бошқаларга хизмат қилиш ва топшириқ учун қутқарилганликларини биладилар. Улар шахсан тайинланишларини қабул қилишга шай турадилар ва Худо томонидан ишлатилиш имтиёзидан хурсандирлар. Бундай Масиҳийлар ер юзидаги тўлиқ тирик Масиҳийлардир. Уларнинг шодлиги, ишончлари ва қизиқишлари тез тарқалади чунки улар ўзгартириш қилишларини биладилар. Улар ҳар эрталаб уйғонганларида Худодан улар орқали янги йўл билан ишлатилишларини кутадилар. Сиз қандай Масиҳий бўлмоқчисиз?

Худо сизни тарихдаги энг катта, кенг, турлича ва энг муҳим бўлган шоҳлик – Ўзининг Шоҳлигида қатнашишингизга таклиф қилади. Тарих Унинг ҳикоясидир. У оиласини абадият учун барпо қиляпти. Ҳеч нарса муҳим эмас ва ҳеч нарса узоқ давом этмайди. Ваҳий китобидан бизга маълумки Худонинг байналминал топшириғи якунланади. Бир кун Буюк Топшириқ Буюк Якунга айланади. Жаннатда “ҳар бир ирқ, элат, миллат ва тилдан” инсонлар тўдаси Исо Масиҳ олдида Уни улуғлаш учун турадилар. Дунё талабига жавоб берадиган Масиҳий бўлиш билан шуғулланиш олдиндан жаннат қандай бўлишини бироз татиб кўришингиз мумкин. Исо Масиҳ шогирдларига “дунёдаги ҳамма жойларга бориш ва Хушхабарни ҳар бир кишига айтишни” буюрганида камбағал ва Яқин Шарқдаги шогирдлар тушкунликка тушишган. Улар юриб боришлари керакми ёки қандайдир ҳайвонга миниб олишлари керакми? Улар сафарга чиқишлари учун шугина бор эди, холос. Уларда океанни кесиб ўтиш учун кемалар йўқ эди, шунинг учун уларда бутун дунёга бора олиш учун жисмоний тўсиқлар мавжуд эди.

Ҳозирги кунда бизда самолётлар, кемалар, поездлар, автобуслар ва автомобиллар бор. Бу кичик дунё ва кун сайин кичикроқ бўлиб бормоқда. Сиз уйингизда бўлишингиз керак бўлса бир неча соатда океанни кесиб ўта оласиз. Масиҳийлар учун халқаро топшириқларда қатнашиш тўғри маънода чексиздир. Агар саёҳат агентликларидан сўрасангиз сиз учун дунёнинг ҳар бир бурчагига бориш имконияти бор. Бизда Хушхабарни ёймаслик учун бирор узр йўқ. Ҳозир Интернет орқали дунё янада кичрайиб бормоқда. Телефон ва факсларга қўшимча равишда, ҳар бир имонли дунёдаги ҳар бир давлатдаги киши билан боғлана олиши мумкин. Бутун дунё сизнинг бармоғингиз учидадир. Чекка қишлоқларда ҳам электрон почталар етиб бораяпти, шунинг учун ҳам уйингиздан чиқмасдан туриб ҳам улар билан хушхабарни бўлишишингиз мумкин.

Тарихда бирор марта ҳам Топшириқни бажариш бунчалик осон бўлмаган. Масофа, нарх ва саёҳат энди катта тўсиқ эмас. Тўсиқ фақатгина бизнинг ўйлашимиздадир. Дунё талабига мос Масиҳий бўлишингиз учун сиз онгингизга бирор ўзгартириш киритишингиз керак. Сизнинг келажакка нигоҳингиз ва муносабатингиз ўзгариши керак. Раббимиз инояти барчангизга ёр бўлсин!

(Юҳанно 17:18) Салом азизлар. Худо дунёда ишлаяпти ва У сизни бунга қўшилишингизни ҳоҳлайди. Бу чақириқ сизнинг топшириғингиз деб номланади. Худо сиздан Унинг Танасида хизмат қилишингизни ҳамда дунёдаги топшириғингизни бажаришингизни ҳоҳлайди. Сизнинг хизматингиз имонлиларга хизмат ҳамда сизнинг топшириғингиз имонсизларга хизмат деб номланади.

Дунёдаги топшириғингизни бажаришингиз Худонинг ҳаётингиздаги бешинчи мақсади ҳисобланади. Сизнинг ҳаётий топшириғингиз ҳам бўлишилган ҳам аниқдир. Бунинг бир қисми бошқа Масиҳий билан бўлишиш бўлса, бошқа қисми эса сиз учун ягона бўлган тайинланишдир. Кейинги дастурларда иккала қисмни ҳам кўриб чиқамиз.

Инглиз тилидаги “миссия” сўзи Лотинчадан “юбориш” сўзидан келиб чиққан. Масиҳий бўлиш дунёга Масиҳнинг вакили сифатида юборилишни билдиради. Исо шундай деган, “Сизларга тинчлик бўлсин! Отам Мени қандай юборган бўлса, Мен ҳам сизларни шундай юборяпман.”(Юҳанно 20:21)

Исо ердаги Ўзининг ҳаётий мақсадини аниқ тушунганди. Ўн икки ёшида У шундай деганди, “Мени қидиришингизнинг нима кераги бор эди? Ёки Отамнинг ишлари билан машғул бўлишим кераклигини билмас эдингизми?” (Луқо 2:49) ва йигирма бир йилдан кейин хочда ўлаётганида У шундай деди, “Амалга ошди! – деди-ю, бошини эгиб жон берди.”(Юҳанно 19:30)

Худди китоб хотимасига ўхшаб бу икки гап яхши яшалган ва мақсадли йўналтирилган ҳаётни билдиради. Исо Отаси берган топшириқни якунлади. Исода бўлган топшириқ ҳозирги кунда бизнинг топшириғимиздир, чунки биз Масиҳ Танасимиз. У Ўзининг жисмоний танасида қилган ишини биз Унинг руҳий танаси, яъни жамоатда амалга оширишимиз керак. Бу топшириқ нима ўзи? Кишиларга Худони танитиш! Муқаддас Каломда шундай ёзилган, “Буларнинг ҳаммасига Худо сабаб бўлди. У Масиҳ орқали бизни Ўзи билан яраштирди ҳамда одамларни Худо билан яраштириш хизматини бизга берди.”(2 Коринфликларга 5:18)

Худо инсонларни Шайтондан қутқаришни ва Ўзи билан яраштиришни ва шу орқали ҳаётимиздаги беш мақсадни амалга оширишни ҳоҳлайди: Уни севишни, Унинг оиласининг бир қисмига айланишни, У каби бўлишни, Унга хизмат қилишни ва бошқаларга У ҳақда айтишни. Биз Уники бўлганимиздан кейин Худо биздан бошқаларга ўргатишимизни ҳоҳлайди. У бизни қутқаради ва кейин юборади. Муқаддас Каломда шундай ёзилган, “Шундай қилиб, биз Масиҳ учун элчилик қиляпмиз, Худо биз орқали инсонларга мурожаат этяпти.”(2 Коринфликларга 5:20) Биз дунёга Худо севгиси ва Унинг мақсадининг хабарчиларимиз.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Рўйхат тузинг. Бошқа кишилардан уларнинг самимий фикрларини сўранг. Уларга мақтов эшитиш учун эмас, балки ҳақиқатни қидираётганингизни айтинг. Руҳий инъомлар ва табиий қобилиятлар доимо бошқа кишилар томонидан тасдиқланади. Агар сиз ўзингизни ўқитувчи бўлиш ёки қўшиқчи бўлишга инъомингиз бор деб ўйласангиз ва бошқалар бунга қўшилишмаса, нима дейсиз? Агар сизда раҳбарлик қобилияти борлигини билмоқчи бўлсангиз, атрофга қаранг. Агар ҳеч ким сизга эргашмаётган бўлса, сиз раҳбар эмассиз. Шундай саволлар сўранг: Мен ҳаётимда кўрган қайси мевани бошқалар тасдиқлашган? Мен қаерда аллақачон муваффақиятли бўлганман?

Руҳий инъомларни аниқлаш учун синовлар ва қобилиятларни кашф қилиш жуда фойдалидир, аммо улар чегаралангандир. Биринчи навбатда улар стандартлаштирилган, шунинг учун ҳам улар сизнинг ягоналигингизни инобатга олмайди. Иккинчидан, Муқаддас Каломда руҳий инъомларнинг тарифи келтирилмаган, шунинг учун уларни баҳолаш субъектив бўлиб баъзан бирор гуруҳ манфаатларидан келиб чиқиши мумкин.

Иккинчи муаммо шуки, сиз қанчалик етук бўлиб борсангиз, сиз бир қанча инъомлар хусусиятларини ўзингизда намоён қилишингиз керак. Сиз руҳий инъомингизга боғлиқ бўлмаган ҳолда етукликдан келиб чиқиб хизмат қилаётган, ўқитаётган ёки сахийлик билан бераётган бўлишингиз мумкин. Инъомларингиз ва қобилиятларни аниқлаб олишнинг энг яхши йўли бир қанча хизмат жойларида ҳаракат қилиб кўришингиздир.

Мен ёшлигимда юзлаб инъом ва қобилият имтиҳонларини олганман, лекин ўқитиш инъомим борлигини уни амалда бажарганимдан кейингина тушунганман. Мен ўқитиш учун имкониятларни қабул қилганимдан кейингина натижани кўриб, бошқалардан бунинг тасдиғини эшитганман ва кейинчалик “Худо менга шу инъомни берган”лигини тушунганман.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Муқаддас Каломда шундай ёзилган, “Биз Худонинг ижодимиз. Худо бизни Исо Масиҳ орқали хайрли ишлар қилишимиз учун яратди, бу ишларни эса биз учун азалданоқ тайёр қилиб қўйди.” (Эфесликлар 2:10) Ушбу “хайрли ишлар” сизнинг хизматингиздир. Қачонки сиз бошқаларга қандайдир хизмат қилсангиз, сиз аслида Худога хизмат қиляпсиз ва мақсадингизнинг бирини бажо келтиряпсиз. Худо Еремиёга айтган гапи биз учун ҳам тўғри келади: “Мен сени онангнинг қорнида яратмасдан илгари танладим. Сен туғилмасдан илгари мен сени махсус иш учун ажратиб қўйдим.” Сиз ушбу сайёррада махсус тайинланиш учун қўйилгансиз.

Муқаддас Каломда шундай ёзилган, “Худо бизларни қутқарди ва муқаддас бир даъват билан чақирди. Бунга биз савоб ишларимиз туфайли эришмадик. Аксинча, Худо Ўз ҳоҳиши билан азалий вақтларданоқ Исо Масиҳ орқали бизга иноят қилишга қарор қилган эди.” (2 Тимўтийга 1:9) Худо сизни Унинг “муқаддас иши”ни бажо келтиришингиз учун қутқарди. Сиз хизмат орқали қутқарилмагансиз, балки хизмат учун қутқарилгансиз. Худонинг шоҳлигида, сизнинг бажо келтиришингиз учун жой, мақсад, рол ва вазифангиз мавжуд. Бу сизнинг ҳаётингизга буюк қадрят ва маъно беради.

Исо сизнинг нажотингизни сотиб олиш учун Ўзининг ҳаётини тўлади. Муқаддас Калом бизга шуни эслатади, “Қиммат баҳо билан сотиб олиндингизлар. Шунинг учун баданингиз ва руҳингиз билан Худони улуғланглар. Чунки сизлар Худога тегишлисиз.” (1 Коринфликларга 6:20) Биз Худога айб, қўрқув ёки вазифа юзасидан эмас, балки биз учун бажарган буюк миннатдорчилик юзасидан хизмат қиламиз. Нажот орқали бизнинг ўтмишимиз кечирилган, ҳозирга ҳаётимизга маъно берилган ва келажагимиз таъминланган. Ушбу ажойиб афзалликлар юзасидан Павлус хулоса қилганди, “Шундай қилиб, эй биродарларим, Худонинг марҳамати ҳақи сизларга ёлвораман: Худога оқилона хизмат қила олишингиз учун вужудингизни тирик, муқаддас, Худога манзур бўладиган қурбон қилиб бағишланглар.” (Римликлар 12:1)

Ҳаворий Юҳанно бизнинг бошқаларга севгида бажо келтирган хизматимиз қутқарилганимизни кўрсатади. У шундай деган, “Биз ўлим ҳолатидан ҳаётга ўтганимизни биламиз, чунки биз биродарларимизни севамиз.” (1 Юҳанно 3:14) Агар мен бошқаларга севги кўрсатмасам, уларга хизмат қилиш истаги бўлмаса ва фақат ўзимнинг эҳтиёжларимни ўйласам, мен ўзимга савол беришим керакки, ҳақиқатан ҳам Масиҳ менинг қалбимда яшаяптими? Қутқарилган қалб хизмат қилишни ҳоҳлайдиган қалбдир.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Америкада помидорлар хом бўлганда узилади, шунда улар омборларга ташилаётганда эзилиб кетмайди. Кейин сотилишдан олдин қизариши учун уларга CO2 газидан сепилади. Газланган помидорларни ейиш мумкин, лекин улар секин етилиб пишган помидорлардек мазали бўлмайди. Биз қанчалик тез етукликка эришиш ҳақида ўйласак, Худо қанчалик кучли бўлиб етишишимиз ҳақида ўйлайди. Худо ҳаётимизга абадиятдан ва абадият учун қарайди, шунинг учун ҳам У ҳеч қачон шошмайди.

Лейн Адамс руҳий ўсишни Жанубий Тинч Океанидаги оролларни озод қилиш учун Иттифоқлар Иккинчи Жаҳон Урушида қўллаган стратегияга ўхшатади. Авваламбор, улар оролга яхши муомалада бўлиб, кемалардан душман қалъаларини бомбардимон қиладилар. Кейин эса, кичик сув флоти оролни эгаллаб олади ва оролнинг денгиз соҳилида уни бошқариш учун база ўрнатишади. База ўрнатилганидан кейин улар оролни озод қилиш учун узоқ муддатли жараённи бошлайдилар. Кейинчалик бутун орол назорат остига олинади. Лейн Адамс буни шундай қиёслайди: Масиҳ бизнинг ҳаётимизни тавба қилгунимизда эгаллаши учун, биз ҳал қилолмайдиган баъзи муаммолар орқали бизни юмшатиши керак. Баъзи кишилар Масиҳга қалб эшикларини биринчи таққиллатишда очиб берадилар, кўпчилигимиз қаршилик қиламиз ва ҳимояланамиз. Тавба қилишмиздан олдинги тажрибамиз Исонинг “Қаранг! Мен эшик олдида турибман ва бомба ёғдирмоқчиман” дейишидир.

Ҳаётингизни Масиҳга очганингиздан кейин, Худо сизнинг ҳаётингизда база қуради. Сиз ҳаётингизни ҳаммасини таслим қилганман деб ўйлашингиз мумкин, аммо ҳаётингизда сиз бехабар бўлган бир қанча қирралар бор. Сиз Худога фақатгина ўша вақтнинг ўзида сизга маълум бўлган нарсаларнигина бера олишингиз мумкин. Бу яхши. Масиҳ база ўрнатганидан кейин, У вақт ўтиши билан ҳаётингизнинг ҳамма қирраларини эгаллаб олишни бошлайди. Бир қанча қийинчиликлар ва урушлар бўлиб ўтиши мумкин, аммо натижа ҳеч қачон шубҳали бўлмайди. Худо шундай ваъда берган, “Худо сизларда бошлаган хайрли ишни то Исо Масиҳнинг келадиган кунигача тамом қилишига аминман.” (Филиппиликларга 1:6)

Шогирдлик ҳам Масиҳга ўхшаб бориш жараёнидир. Муқаддас Каломда шундай ёзилган, “Бунинг натижасида ҳаммамиз имонда якдил, Худо Ўғлини таниб-биладиган, Масиҳнинг камолига эришган етук одамлар бўламиз.” (Эфесликларга 4:13) Масиҳга ўхшашингиз сизнинг манзилингиздир, лекин сизнинг саёҳатингиз бутун умр давом этади.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.