Бизлар юқорида ўқиган «Тўлдириб ташламоқчи» сўзи хайрон қолиб эришиш деган маъносини хам ифодалайди. Самодаги Отанг сенга қанчалар яхши эканлигини билдиришни истайди- У сени хайратлантириб буни кўрсатмоқчи! У сенинг орзу-армонларингни амалга ошишига ва тўсиқларни енгиб ўтишингга ёрдам бермоқчи. У сени эзгулиги ва рахм-шавқати билан хайрон қолдирмоқчи. Биз хар тонгда уйғонганимизда „Бугун Xудо нималар қилар экан-а!“- деган фикр билан туришимиз керак.

Бугун Xудо қалбингда ва фикрингда Ўз ишларини қилишига изн бер. Имонни сақлаб кутишда давом этавер. Шундай қилганингда Унинг хайратларини кўрасан. Унинг мархаматли қўллари сени тўлдириб тошдирганини ва хаётингнинг хамма томонларида сени янги даражага чиқарганини кўрасан!

Онанг қорнида сенга шакл бермасимдан олдин сени билган эдим, Туғилмасингдан олдин сени Ўзим учун ажратиб олган эдим. Халқларга сени пайғамбар этиб тайинлаган эдим. (Еремиё 1:5)

Xудо тyғилмасингдан олдиноқ сен хақингда ўйлаганини биласанми? Онанг қорнига тушмасингдан олдин У сен хақингда хамма нарсани билганди. У сени мақсад билан мақсади учун яратди. У сенинг ким бўлишингни, сочларинг, кўзларинг ва терингнинг рангларини қандай бўлиши хақида хам ўйлаб, махорат билан яратди. У Ўз Номининг улуғланиши учун сенга инъомлар, иктидорлар, талантлар берган. У сенга бир қараб „ Яхши бўлди“ деди.

Ер юзида кимнингдир мехрини қозона олмасангда ёки бугун ўзингни қандай хис қилишингдан қатъий назар қодир Xудо сени севишини ва У сени қабул қилганини бил. Сен буни ўзгартириш ёки бунга эришиш учун хеч нарса қила олмайсан. Сен ўзингча „Мен жуда кўп хатога йўл қўйдим энди қандай қилиб Xудо мени қабул қиларкин ёки мендан рози бўларкин “- деб ўйлаётгандирсан. Битта нарсани яхшилаб англаб ол:Xудо сени кўрганда У сенинг хатти- харакатларингни бир томонга суриб қўяди. У сени хамма хатти ғхаракатларингни ёқламасада сенинг ўсишингга ва тўғри қарорлар қабул қилишингга ёрдам беришни истайди.

Бугун Унинг севгисини ва сендан розилигини қабул қил. Хаётингда ишлашига изн бер. Умринг бўйи ғалаба қозониб яшашинг учун Унинг мухаббати сени қувватлаши ва кучлантиришига изн бер чунки сен қабул қилиндинг ва жихозлантирилдинг!

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Ўзини бошқариш ҳиссиётини тарбиялаш – бу ривожланишнинг энг муҳим қисми. Бола ўзиникини қила олмаса, тепиши, қичқириши мумкин, лекин сиз бундай қилишга ўргатилмагансиз.

Ўзини тута билиш – бу бахтли никоҳнинг таркибидир. Худо амалда ҳар бир инсонга, ёш вақтида ўзининг ҳиссиётларини тута билишни ривожлантиришга имкон беради.

Унинг Сўзи вазмин, таълим беришга қобилиятли, адабли бўлишни маслаҳат беради. Одатда иблис ёшларни жинсий алоқа орқали васвасага солади. Ёш йигитлар жинсий алоқа хоҳишини кучли сезишади.

Ривожланаётган танада бу сезимлар табиий, лекин булар назорат остида бўлиши лозим. Ўз хоҳишларимни бошқаролмайман деманг. Худо сизга, сизни ҳайвондан ажратиб турадиган руҳни берди.

Ўз ҳиссиётларингизнинг қулига айланмаслигингиз лозим. Ўзингизни бошқаришга ёрдам бериш учун Худо сизга кўп нарса берди: Нима қилишни билишингиз учун – онг Сизга қўлланма бўлиши учун – Калом, Сизга гапириши учун виждон Нима қилишни танлашингиз учун эрк ва куч энг яхшиси, агарда илтимос қилсангиз Худонинг Ўзи сизларга ўз хоҳишларингизни жиловлашда ёрдам беради.

«Ёшлик эҳтиросларидан қоч. Соф қалбдан Раббимиз Исо исмини чақирган ҳамма одамлар билан бирга солиҳлик, имон, севги ва тинчлик пайидан бўлинглар» деб айтади 2-Тимўтийга мактубининг 2 боби 22 оятида.

Нотўғри нарсани қилиш хоҳиши бизнинг фикримиздан келиб чиқади. Бизни васвасага солувчи нарсани ўйлаганимиз сари ўша нарсани кучлироқ хоҳлаймиз. Шунинг учун фикримизни назорат қилишимиз керак.

«Лекин ҳар ким ўзининг эҳтиросига берилиб, алданиб васвасага дучор бўлади. Кейин эҳтирос ҳомиладор бўлиб гуноҳни туғади, гуноҳ эса етилиб, ўлимга сабаб бўлади» Кўпчилик фикримиз эшитган нарсаларимиздан келиб чиқади. Шунинг учун ифлос ҳодисаларни эшитманглар ва сизни ахлоқсиз ҳаётга тортадиган суҳбатларда иштирок этманглар:

«Сизнинг орангизда ҳеч қандай зиногарлик, ифлослик ёки тамагирлик ҳатто тилга олинмасин. Булар муқаддас кишиларга муносиб эмас» Шунингдек кўрганларимиз орқали ҳам васваса келади. Иблис Одам Ато билан Момо Ҳавони ман қилинган мевани ейиш учун васвасага солди.

У Момо Ҳавони ўша мевага қарашга, унинг яхши эканини ўйлашга ва уни татиб кўриб Одам Атога ҳам беришга ундади. Кейин эса улар итоатсизликлари учун Худодан жазо олди. Шунинг билан азизлар мавзумиз ўз поёнига етди. Бизнинг электрон почтамиз манзили: dilkash@najot.com хайр саломат бўлинг.

У боланинг танасига, ўз вақтида етилишиш жавобгарлигига тайёрлайдиган ривожланиш жараёнини қурди. Ўғил ва қиз болалар болаликдан ёшлик даврига ўтиш вақтида, уларнинг баданларида анча ўзгаришлар содир бўлади.

Бу жисмоний ўзгаришлар орқали, уларнинг ҳаётига янги қизиқишлар, ҳислар ва хоҳишлар ҳам кириб келади. Ўғил болада қиз болага нисбатан қизиқиш пайдо бўлади.

Қизларни эса ўғил болалар ўзига жалб этади. Бунда ҳеч қандай нотўғри нарса йўқ. Бу шунчаки Худонинг ёшларни никоҳга тайёрлашдаги режасининг бир қисми: «… уларни эркак ва хотин қилиб яратди».

Шундай бўлса-да, уларнинг никоҳдан олдинги хатти-ҳаракатлари учун Худонинг ўлчовлари мавжудлигини ёшлар тушуниши керак. Агарда келажакда бахтли ҳаёт кечиришни хоҳласа, улар амал қилиши керак бўлган қонунлар мавжуд.

Сиз Худога тегишли бўлган кунингиздан бошлаб, Худо яшайдиган Унинг маъбади бўласиз. Бу демак, Муқаддас Руҳ сизда яшаши учун, тананинг пок сақланишига сиз жавобгарсиз.

Масиҳий сифатида бошқа жавобгарликка ҳам эга бўлсангиз, оилангизга, ўзингизга ёки шахсий соғлигингиз доирасига нисбатан сизнинг шахсий жавобгарлигингиз – бу ўзингизни пок ва тоза сақлашингиз ва у ерда Худо яшай олиши учун яроқли идиш бўлишингиздир.

Ўзингизни пок сақланг.Муқаддас Китоб ёшларни фоҳишалар ёки енгил табиатли аёллар билан боғланишига қарши огоҳлантиради. Муқаддас Китоб никоҳдан ташқари бўлган жинсий алоқаларни, баччабозликларни ва шунга ўхшаш жинсий бузуқликларни ман қилади.

1-Коринфликларга мактубининг 6 боби 15ва17 хамда19 оятларини диққат билан ўқинг.Маънавий ва ахлоқий тозаликни писанд қилмаганликнинг бир нечта натижасини белгиланг.

Биринчидан ахлоқсиз ҳаёт кечирганлар таносил касаллигига дучор бўлган. Бу соғликни йўқотиш ва шармандалик билан тугаши камдек, яна фарзандларига ҳам касалликни юқтириши орқали бир умрлик шикаст олиб келади масалан:

кўр бўлиб қолиш, ақли заифлашиш ва бошқа жиддий жисмоний камчиликлар. Иккинчидан, ёш аёл никоҳсиз жинсий алоқалар орқали ҳомилали бўлиши натижасида, эрнинг ҳимоясисиз, никоҳда эга бўлиши мумкин бўлган насалардан маҳрум бўлган ҳолда фарзандини қийинчиликлар билан ўстиради. Азизлар хамма нарса Худонинг розилиги ила бўлиши лозим. Хайр саломат бўлинг.

Тинч яшашга ўрганган, бахтли оиладан чиққанлар, бошқалар билан тез чиқишишга ёрдам беришининг гувоҳи бўлишади. Ҳурмат-эҳтиромли жамият – иззатли ва мустаҳкам оилалардан ташкил топган бўлади.

Яхши оилалар яхши жамиятни ташкил қилади, яхши жамият эса яхши халқни. Ҳар бир оила Худонинг ўлчовларини қабул қилиб, Унинг қонунига бўйсуниши, оилани бузадиган нарсадан сақланиш ва Худо бизнинг уйимиз ва оиламиз ҳақида нима деяётганини ўрганишимиз нақадар муҳим!

Унинг қонунини ўрганаётганингизда ва ўрганганингизни амалда қўллашингизда Худо сизларни баракаласин! Ўз ўғил қизларимизни баркамол ҳаётда яшашга тўғри ва нотўғри қобилиятли қилиб ўстириш учун Худонинг олдиндан белгилаган мезонлари мавжуд.

1-Коринфликларга мактубининг 9 боби 24ва27 оятлари бизга, чопқир ўзининг жисмоний беллашувга қобилиятли бўлиши учун ўзини қатъий тартибга тортишини эслатади.

У совға олишга чопаётганлиги учун, вақтинчалик лаззатдан воз кечади, чунки совғани тез орада олмаса ҳам, лекин жуда каттасини олади. Эркак ва аёлнинг ўзаро муносабатларининг ўртасидаги Худо мезонлари – бу мутлақо лаззатланишдан воз кечиши дегани эмас, аксинча улар юксакроқ лаззатга йўл топишга ёрдам беради.

Худо инсонни табиий иштаҳалари билан яратди, улардан баъзилари жинсий иттифоқда ўз ифодасини топади, лекин Худонинг сўзи, бу самимий дақиқаларнинг никоҳ учун сақланиши лозимлигини тасдиқлайди.

Кўпинча ҳаётлари тартибли ва беғараз деб таърифланаётган бу эркак ва аёл, тўйдан олдин шу хатти-ҳаракат намунасини қабул қилишди. Бошқалари эса, эр-хотин бўлишидан олдин бир лаҳзалик лаззат учун, ҳеч қачон тузалмаслиги мумкин бўлган чандиқлар қолдириб маънавий ва руҳий бойликлар зарарига йўл қўйиб беришади.

Шу дарсда Худонинг қонунларига енгил қараганлар, Худонинг улар учун тайёрлаб қўйган буюк лаззати ва совғасини рад этишини ўрганамиз. Никоҳдан олдинги эркак ва аёл учун Худонинг маънавий мезонлари деганимиз нима эканини тушунтиришга бу мезонга амал қилмаганларнинг ҳаётидаги баъзи бир оғир аҳволларни аташга Муқаддас Ёзувга асосланган ҳолда, ўзини пок сақлашнинг йўлларини аниқлашга ёрдам беради.

Худо Ўзининг шахсий режасига кўра, эркак ва аёлни яратди. Инсоннинг оилавий ҳаётига нима керак бўлса ҳаммасини таъминлади. Шунинг билан азизлар мавзумиз ўз поёнига етди. Бизнинг электрон почтамиз манзили: dilkash@najot.com хозирча хайр саломат бўлинг.

Лекин ҳамма нарсани билувчи Худо Одамга битта хотинни берди. Бу Худонинг режаси эди; бу Худонинг никоҳ учун энг юксак мақсади эди. Шунинг учун Худо ўрнатган беками-кўст никоҳ учун битта эркак ва битта аёл бўлиши шарт эди.

«Эр киши ота-онасини қолдириб, ўз хотинига ёпишиб қолади ва иккови бир тан бўлади. Шунга кўра улар энди икки эмас, балки бир тан ҳисобланадилар. Худо бирга қўшганини бандаси ажратмасин», Исо – эркак ва аёл бир бутун бўлади деб айтган.

Анъаналардан фарқли ҳолда Муқаддас Китоб таълими шундай. Дунёнинг баъзи бурчакларининг анъаналари эркакка биттадан кўп хотин олишга рухсат беради. Мамлакатлардан бирида аёлга биттадан кўп эр орттиришга рухсат берилган.

Бошқа ерларда эса бир оиланинг ҳамма ўғиллари ўша битта хотинга уйланишади. Шундай халқлар борки аёлларини савдога қўяди. Халқлар орасида уйланиб, ажрашиб яна «қайтадан» уйланиш одатлари ҳам мавжуд.

Баъзи бир жуфтлар шунчаки никоҳсиз бирга яшаб юраверишади. Кўриб турганингиздек, одатлар, анъаналар сизга тўғри никоҳ ҳақида ҳеч қанақа амалий қўлланма беролмайди.

Бошқача айтганда сиз Худонинг Каломига мурожаат қилишингиз зарур. Исо, никоҳни ҳеч нарса бузмаслиги лозимлигини ўргатди. Мусога берилган Ўнта Қонунда Худо, никоҳни бузиши мумкин бўлган гуноҳларни ҳам киритди:

«Зино қилма, … бошқанинг аёлига шаҳват билан қарама…». Агарда эр ёки аёл яна бошқа одам билан жинсий алоқада бўлса, зино қилган ва Худонинг қонунини бузган бўлади. Бу ахлоқсизлик бўлади.

Ҳатто бировнинг эрини ёки аёлини хоҳлаш – бу гуноҳ: «Лекин Мен сизга айтаман: ким бир аёлга шаҳват билан қараса ҳам, аллақачон кўнглида у билан зино қилган бўлади» -деб ёзади Матто Хушхабар китобининг 5боби 28 оятида.

Янги Аҳд ҳам ахлоқсизликка қарши Худонинг огоҳлантиришини қувватлайди. Никоҳда барча аёллар ва эрлар бир-бирларига содиқ бўлишлари лозим. Худо ахлоқсиз ва зинокорларни ҳукм қилади.

Ушбу сабоқни кўриб чиқиб, никоҳ – бутун инсоният учун Худо режасининг бир қисми эканлигининг гувоҳи бўласиз. Биз Худонинг таълимига ва никоҳ намунасига амал қилганимизда, оиламиз бахтли бўлади. Оилада бошдан кечирганларимиз, бизга кўп руҳий ҳақиқатларни тушунишга ёрдам беради. Худонинг мақсади – оилада эр ва хотин, ота-она ва фарзандлар севги, дўстлик ва бир-бирига ғамхўрликни топишидир. Шунинг билан азизлар мавзумиз ўз поёнига етди. Бизнинг интернет сайтимиз манзили: www.dilkashradio.com хайр саломат бўлинг.

Бу Худонинг Каломида кўрсатилган намунага бутунлай қарама-қарши нарса. У сизнинг никоҳингизда, Унинг сизга бўлган севгисини ифодаловчи ўзаро муносабатлар бўлишини истайди. Бу фақат қачон сиз Уни ҳурмат қилиб, Унинг бошқарувини қидирганингизда ва Унинг намунасига амал қила бошлаганингизда содир бўлади.

Муқаддас Китоб бизга никоҳ ва оила ҳақида чуқур билим беради. Азизлар ушбу мавзуни ўқиётганлардан баъзилар ҳали оила қурмаган бўлиши мумкин. Худо сизни никоҳ борасида тўғри йўлига бошласин.

Оилалиларга эса никоҳдаги ўзаро муносабатларингиз аъло бўлишига ва оилани бахтли қилишингизга ёрдам беради Худонинг сиз учун режалаштирган никоҳи – бу севгининг, ҳурматнинг, бирликнинг ва Масиҳ билан Унинг жамоати ўртасидаги ҳамкорликнинг тасвиридир.

Эски Аҳдда Худо Ўзини Ўз халқининг эри деб атаган. Янги Аҳдда эса жамоат Масиҳнинг келини деб аталган. «Киши ота-онасини қолдириб, ўз хотинига ёпишиб қолади ва иккови бир тан бўлади, деб ёзилган.

Бу сир буюк ва мен буни Масиҳ ҳамда имонлилар жамоатига ўхшатиб айтяпман. Хулласи калом, ҳар бир эр ўз хотинини ўзини ўзи севгандай севсин. Хотин ҳам эрини ҳурмат қилсин» Никоҳ – бу эркак билан аёлнинг қонуний йўл билан биргаликда яшаш учун икки кишининг маънавий боғлиқлиги ва бошқалар билан яқин муносабатлардан мустасно равишдаги иттифоқидир.

Бундай ҳолда оила сақланади ва мустаҳкамланади. Эркак ва аёл никоҳ ришталари билан боғланганида, улар бир бутун бўлишади. Худо, инсон ёлғиз яшаши яхши эмас деди. У эркакнинг ўртоқликдаги ва ҳамкорликдаги муҳтожлигини қониқтириш учун унинг танасидан суякни олди ва аёлни яратди.

Матто Хенрининг ёзишича, Худо суякни, Одам Ато аёлни оёқ ости қилмаслиги учун оёғидан олмади, аёли эрини бошқармаслиги учун бошидан олмади. Одам аёлини севиши ва ҳимоя қилиши, ҳамиша ёнида бўлиши учун ён тарафидан, юрагига яқин жойдан қовурғасидан олди.

Никоҳнинг саодатли бўлиши эр-хотиннинг бир-бирига бўлган севгисига ва ҳамкорликдаги муносабатларига боғлиқ. Момо Ҳаво Одам Атонинг бир қисми. Эр ва хотин бир-бирининг қисмига айланади.

Уларнинг ҳаётлари битта ҳаётга қўшилиб келади ва алоҳида яшай олмайдилар. Эфесликларга мактубининг 5 боби 28 оятида шундай дейди: «Шундай қилиб, эркаклар ўз хотинларини ўз таналарини севгандай севишлари керак». Шу билан азизлар мавзумиз ўз поёнига етди. Бизнинг электрон почтамиз манзили: dilkash@najot.com хайр саломат бўлинг.

У Ўз сўзи орқали никоҳни мустаҳкамлади. Жалиладаги Кана шаҳрида, никоҳ тўйига Масиҳнинг ташрифи буни тасдиқлайди.Шу дарсда, илоҳий асосда қурилаётган ҳар бир никоҳда Масиҳнинг Жамоат билан ўзаро муносабати акс этади.

Кимдир никоҳни комплект «бир бутунни ташкил қилган нарсаларнинг тўлиқ тўплами»га қиёслайди. Бу жараён қўпол ишланган жойларини тозалашни, баъзи жойларини елимлаш, озгина текислаш, чанг босган жойларини артиш, мум билан ишлаб чиқиш ва жило беришни талаб қилади.

Лекин бунинг натижаси ажойиб мукофотдир. Бу турдаги никоҳ – Худонинг Каломига ва намунасига мувофиқ қурилаётган никоҳ. Никоҳ – бугунги кунда Худо томонидан ўрнатилган, ер юзига гуноҳ кириб келишидан олдин бошланган ягона нарса.

Бу ҳақида биз Худонинг Каломи Муқаддас Китобдан ўқиймиз.«Яна Худованди Карим: «Одамнинг ёлғиз бўлиши яхши эмас, энди унга муносиб мададкор яратаман», – деди. Шунда Худованди Карим одамни қаттиқ уйқуга мубтало қилди.

Одам ухлаб қолгач, унинг қовурғаларидан биттасини олди ва ўрнини эт билан қоплади. Одамнинг қовурғасидан Худованди Карим бир хотин барпо қилиб, уни одамнинг олдига олиб келди». Кўриб турганимиздек Момо Ҳавони Одамга умр йўлдош қилиб дунёга гуноҳ кириб келишидан олдин яратган.

Энди биз биламизки Худонинг Ўзи эркак ва аёлга Ўзининг мукаммал режасининг бир қисми сифатида никоҳ муносабатларини берди. Худонинг никоҳни баркамол шароитга киритиши сабабли У Эрам боғи билан ҳам таъминлади.

Биз никоҳни ҳамма вақтда ҳамма одамлар учун намуна сифатида қабул қиламиз. Худо инсонларнинг никоҳга киришини хоҳлайди, лекин Унинг никоҳ учун мезонлари мавжуд. У Ўз халқининг мана шу ўлчовларга амал қилишини кутади.

Афсуски, гуноҳ Эрам боғига кириб келди. Ўша вақтдан бошлаб Худонинг инсонга берган баракалари бузилишга гирифтор бўлди. Гуноҳ миллионлаб оилаларни қуритди. Агарда оилангиз Худо инсонга лаззатланиш учун берган ажойиб тотувликда бўлишини хоҳласангиз, У Ўз Каломида бизга тақдим этган намунасига эргашинг.Бугунда оила ва никоҳ ўрнатувига аввал ҳеч қачон бўлмаган ҳужумлар бўляпти. Кўпчилик никоҳдан бутунлай қутулиш ва ҳеч қандай расмий никоҳсиз вақтинча бирга яшаш шартномасини тузишни хоҳлашади.

Бу шартнома хоҳлаган пайтда, икковидан бирининг хоҳиши билан бузилиши мумкин. Бу эса албатта гунох саналади. Шунинг билан азизлар мавзумиз ўз поёнига етди. Бизнинг интернет сайтимизнинг манзили: www.dilkashradio.com хайр саломат бўлинг.

Narrator 2 Таркибидаги кофеин туфайли у кишига тетиклаштирувчи куч бағишлайди. Бу ичимлик инсон миясининг тиниқ ишлашига ижобий таъсир кўрсатади. Кунига 1-2 финжон қаҳва кундалик меъёр ҳисобланади. Шу меъёрдан ошмаса меҳнат қобилиятини кучайтиради, хотира ва диққат-эътиборни теранлаштиради. Қон босими тушишидан пайдо бўлган бош оғриғида ва тумовда, шамоллашдаги ҳолсизликларни енгишга ёрдам беради. Кунига 1 финжон қаҳва ичган кишиларда депрессия хавфи 80 фоизга камаяди. Шунингдек Альцгеймер, Паркинсон касалликлари ва кексаликдаги ақлий ноқисликдан сақлайди. Тез-тез пешоб ҳайдаши туфайли буйракни фаол ишлашга ундайди, шу тариқа танадаги шишларни камайтиради. Қаҳва жинсий фаолликни оширади, умуман простата бези билан боғлиқ муаммолардан сақлайди. Мева ва сабзавотларни кам ейдиган одамлар антиоксидантларни қаҳвадан олиши мумкин.

Narrator 1 Аччиқ қаҳва қон босимини оширади. Гипотонияда фойда, аммо гипертонияда уни меъёридан кўп истеъмол қилиш ярамайди. Оч қоринга ичилган қаҳванинг организмга фойдаси йўқ. Соғлом одам учун кофеиннинг кундалик дозаси – 300-500 мг. Бир стакан ичимликда 120-150 мг кофеин мавжуд. Агар шоколад ва бошқа кофеин сақловчи маҳсулотлар истеъмол қилмасангиз, кунига 2 чашка қаҳва меъёр ҳисобланади. Қаҳва учун энг маъқул вақт соат 9.00-10.00 оралиғи ҳисобланади. Кечки пайт ичилган қаҳва уйқуни қочиради. Бир финжон қаҳва организм учун зарур бўлган кундалик В2 витаминининг 11 фоизини, В5 витаминининг 6 фоизини, калийнинг 3 фоизини ҳамда магнийнинг 2 фоизини беради. Қаҳвахўр хонимларда ортиқча вазн бўлмайди. Чунки бу ичимлик организмда моддалар алмашинувини 3 фоиздан 11 фоизгача тезлаштиради. Жисмоний машқларни бошлашдан аввал бир финжон қаҳва ичиб олсангиз, организмда адреналин миқдори ортиб, ёғ тўқималаридаги ёғ кислоталари тозаланади.

Narrator 2 Тетиклашиш учун қора оз шакарли қаҳва, шунчаки мазали ичимлик ўрнида эса сутли қаҳва маъқул. АҚШнинг Лома-Линда университети шифокорлари таркибида кўп миқдорда какао бўлган қора шоколадни истеъмол қилиш иммунитетни ва мия фаоллигини оширишини аниқлашди. Бу ҳақда «Korrespondent.net» хабар қилмоқда. Тадқиқотда асосий урғу какаонинг инсон организмига таъсири қандай эканига берилди. Аниқланишича, таркибида какао миқдори 70 фоиздан кам бўлмаган шоколад истеъмол қилиш инсон иммунитетига ижобий таъсир кўрсатади. Шунингдек, таъкидланишича, таълим олиш ва эслаб қолиш қобилиятини яхшилаш учун бир кунда бор-йўғи 48 грамм шоколад ейиш кифоя экан.

Илмий иш муаллифлари 50 минг нафар киши томонидан тақдим этилган овқатланиш тўғрисидаги маълумотларни тақдим этишди.

Narrator 2 Олимларнинг хулосасига кўра, шакар, оқ нон ва гуручга ўхшаш маҳсулотлар қондаги шакар миқдорининг ошишига, бу эса ўз навбатида, уйқусизлик келтириб чиқаришга сабаб бўлар экан. “Агарда қондаги шакар миқдори кескин ошса, организмингиз бу ҳолатга реакция қилади. Яъни, у инсулин ишлаб чиқаради. Бу ўз навбатида, уйқу меъёрини бузадиган адреналин ва кортизолга ўхшаш гармонларнинг ошиб кетишига олиб келади”, — дейди мутахассислар. Олимларнинг тавсиясига кўра, овқатланиш рационига мева ва сабзавотларни киритган маъқул, чунки улар уйқуга ижобий таъсир кўрсатади. Кундузи ухлаш кечки уйқунинг сифатига таъсир қилишидан ташқари, саломатликка жиддий хавф солиши аниқланди. Хитойлик олимларнинг аниқлашларича, кундузги уйқу инсульт хавфини оширар экан. Тунги уйқунинг тўққиз ёки ундан ортиқ соатга чўзилиши ҳам худди ана шундай хатарни келтириб чиқариши айтилди.

Narrator 1 Ухань фан ва технология университети мутахассислари тажриба ўтказишди. Олимлар олти йил мобайнида 31,7 минг кишини кузатиб боришди. Уларнинг 8 фоизи кундузи 1,5 соат, 24 фоизи тўққиз ва ундан ортиқ вақт мобайнида ухлаши маълум бўлди. Тадқиқот натижаларига кўра, кундузи 7-8 соатдан ортиқ ухлайдиганларнинг инсультга учрашлари хавфи 23 фоиз, 9 ва ундан ортиқ вақт давомида ухлайдиганларнинг ушбу дардга йўлиқиш ҳолати 85 фоиз бўлиши маълум бўлди. Онколог-шифокор, Лоуренс Ж. Эллисон номидаги Жанубий Калифорния университетининг Трансформатив тиббиёт институти асосчиси, ўз вақтида Aplle асосчиси Стив Жобснинг онкологи бўлган Дэвид Aгус соғлом бўлиш ва тиниқиб ухлашга ёрдам берадиган қоидаларни санаб ўтди. Мутахассис табиатда кўпроқ вақт сарфлашни, шунингдек, кўпроқ ҳаракат қилишни тавсия қилди.

Narrator 2 Унинг сўзларига кўра, аслида инсон мушакларнинг қисқариши туфайли яшайди. Шунинг учун саломатлик учун ҳаракат қилиш жуда зарур. Aгус шунингдек, дам олиш жуда муҳим эканлигини таъкидлади. У бир суткада камида ярим соат дам олишни маслаҳат берди. Шундай қилиб, унинг сўзларига кўра, ўқиш учун танаффус қилиш ёки деразадан ташқарига қараш – булар кун давомида тўпланган стресс даражасини пасайтириш учун зарур омиллардир. Катта шаҳарда яшаш принципларидан яна бири бу – режимга қатъий риоя қилишдир. У кунига уч марта овқатланишни тавсия қилди ва енгил тановул метаболизмни ўзгартириши мумкинлигини таъкидлади. Aгуснинг сўзларига кўра, натижада ортиқча вазн пайдо бўлади ва мия фаолияти сусаяди.

Ҳозирги пайтда трансёғларнинг келтирадиган зарари ҳақидаги маълумотлар илмий ва оммавий манбаъларда кенг муҳокама қилиниб кундалик истеъмол таомлардаги ёғларда уларнинг ҳиссаси 2 фоиздан ошмаслиги кишилар соғлигига сезиларли зарар келтирмайдиган меъёр деб қабул қилинган. Трансёғларнинг зарарли томонларини инобатга олган ҳолда уларни истеъмолда кескин чеклаш бўйича ташкилий ва амалий ишлар хозирги пайтда кўпгина давлатларда олиб борилмоқда. БМТ қошидаги Жаҳон соғлиқни сақлаш ташкилотининг эътироф этишича трансёғларнинг зарар келтирмайдиган даражада минимал қабул қилиш миқдори йўқ, уни яхшиси истеъмол қилмаслик керак, дейилмоқда. Ёғлар кундалик ҳаётда доимий равишда ишлатилиб туриладиган асосий озиқ-овқат турларидан бири бўлиб, уларсиз меъёрий ҳаётий жараёнлар амалга оширилмайди. Фақат бу борада ҳар кимнинг тегишли овқатланиш қоидаларига риоя қилиб ёғлардан қайсиларини ва қанча истеъмол қилишни билиш муҳим аҳамият касб этади. Маргарин ва у каби трансёғлардан эса иложи борича истеъмолда фойдаланмаслик соғлом овқатланиш борасидаги муҳим қадамлардан биридир.

Раббимиз сизни Ўз панохида асрасин. Соғ бўлинг.