Бундай кишиларни “Қўшимча Иноятга Муҳтож” кишилар деб аташингиз мумкин.

Худо бундай кишиларни уларнинг ва бизларнинг манфаатимиз учун қўйган. Улар ўсишимиз ва биродарчилик синовидан ўтишимиз учун имкониятдир: Биз уларни ака-ука ва опа-сингилларимиз каби қабул қилиб уларга эҳтиром кўрсатамизми? Оилада қабул бўлиш бизнинг зеҳнли ёки чиройли ёки кўп нарсани билишимизга боғлиқ эмас. Бу бизнинг бир-биримизга тегишли эканлигимиз далилига асосланади. Биз оилани ҳимоя қиламиз ва қўриқлаймиз. Оиламиз аъзоси бироз енгилтак бўлиши мумкин, лекин биз уни қўриқлаймиз. Худди шундай, Муқаддас Калом айтади: “Бир-бирингизни биродарларча, самимий муҳаббат билан севинглар. Бир-бирингизни иззат-ҳурмат қилишга ўзишгандай ҳаракат қилинглар.” (Римликларга 12:10)

Ҳақиқат шуки, ҳаммамизда ҳам номуносиб хусусиятлар ва фазилатлар мавжуд. Аммо жамоага муносиб бўлишингиз учун жамоа ҳеч нарса қилолмайди. Биродарчилигимизнинг асоси Худо билан муносабатимиздир: Биз оиламиз. Эҳтиром кўрсатишнинг йўлларидан бири ҳар биримиз қаердан келганимизни тушунишимиздир. Уларнинг тарихини ўрганиб чиқинг. Уларнинг қандай тарихга эга эканлигини тушунишингиз уларни яхшироқ тушунишга ёрдам беради. Улар яна қанча юришлари мумкинлигини ўйлаш ўрнига, қийинчиликларга қарамасдан улар қанча йўл юриб келганликларини ўйланг. Эҳтиромнинг яна бир қисми бу кишиларнинг шубҳаларини пастга урмасликдир. Сиз бирор нарсадан қўрқмаслигингиз ҳиссиётни ногирон қилолмайди. Ҳақиқий жамоа кишилар қўрқувлари ва шубҳаларини айтганларида ҳукм қилинмасликларни билганларида содир бўлади. Фақатгина илиқ муносабатлар ва бир-бирига ишонч бўлган жойда кишилар ўзларининг хатолари, жароҳатлари ва муҳтожликларини очиқ айта оладилар.

Бир бирига ишонч бу бирор биродар гуноҳ қилаётганда жим туриш эмас. Бу сизнинг гуруҳингизда бўлишилган гап шу гуруҳи-нгизда қолиши керак. Гуруҳингиз бу муаммони бошқаларга ғийбат қилмасдан у билан шуғулланиши керак. Худо ғийбатни айниқса бу “ибодат муҳтожлиги” каби айтилганда ёмон кўради. Худо шундай деган, “Ғийбат фосиқ кишилар томонидан тарқатилади; улар кулфат келтирадилар ва дўстликни бузадилар.” (Сулаймон Ҳикматлари 16:28). Ғийбат доимо жароҳат ва бўлинишни келтириб чиқаради ҳамда биродарчиликни вайрон қилади, шунинг учун Худо Масиҳийлар ўртасида бўлиниш келтириб чиқарадиган кишиларга қарши туришимизни айтади. Улар аччиқланиб сизнинг гуруҳингизни тарк этишлари мумкин. Аммо жамоатнинг биргалиги ҳар бир кишидан кўра муҳимроқдир. Бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Бу дегани биз Хушхабар етмаган жойлар билан қизиқиб қолишимиз мумкин. Биз ўша жойларга Хушхабар етиб боришига ёрдам берар эканмиз, ўша жойда биз ишлашимиз кераклигини Худованд истаётганини юрагимиздан сезамиз.

Чорлов Худовандни қидираётган имонлилар сифатида келиши мумкин. Ҳаворийлар китобининг 13 боби 2 оятда биз Муқаддас Руҳ Антиохия шаҳридаги жамоатга, “Барнабо билан Шоулни Мен сайлаган иш учун Менга ажратиб беринглар!” — деб гапирганини ўқиймиз.

Худованд битта иш учун ҳаммани чақиравермайди. Масалан, у ерда ваъз ҳам қила олмайдиган ёки ўқитишни ҳам билмайдиган бизнесмен бўлиши мумкин. У Худовандни севади ва Унинг ишини қилишни истайди.

Худованд уни ўз бизнеси билан югуриб юрганида Масиҳ ҳақида гувоҳлик беришга чақириши мумкин. Аёл киши уйида ўтириб, уйида ишлаши мумкин. Худованд уни ўз уйида ва жамиятда художўй аёл бўлиб, Ўз Каломини ваъз қиладиганлар ва ўқитадиганлар учун ибодат қилишга, ҳамда қўни-қўшниларга ва танишган одамларига гувоҳлик бериш учун чорлаши мумкин.

Ҳеч бир киши Худованднинг чорловисиз қолмайди. Одамлар бир-бирларидан бутунлай фарқ қилганликлари каби, хизматлар ҳам турличадир. Худованд масиҳий хизматчи сифатида бизга муҳтож.

Азиз дўстим, Муқаддас Руҳ юрагингизга гапирганини сезганингизда, эътиборсиз бўлманг. Тасаввур қилинг, бир дўстингиз сиздан Худованд Ўз ишини қилиши учун инсонларни қандай чорлашини сўраб қолди.

Дафтарингизга дўстингизга жавоб бериш учун Худованд чорлаши мумкин бўлган учта йўлни ёзиб чиқинг. Худованд Ўз ишини қилиши учун хизматчиларни қандай таъминлашини кўрсатувчи оятларни аниқланг.

Инсон уни Худованд қандайдир хизматга чорлаганини ҳис қилганда, у ўша чорловга итоат қила олади, чунки Худованд Ўз хизматчиларига ўша ишни қила олиши учун инъом беради. Биз бу инъомлар ҳақида аввалги мавзуларимизда ҳам айтиб ўтган эдик.

Эллигинчи куни Муқаддас Руҳ масиҳийларга инъом берди. Мана шу биринчи инъом эди. Биз инсонлар кўп ишлар қила оламиз, бироқ руҳий ишларни қилиш учун Муқаддас Руҳнинг мададига муҳтожмиз. Инъомга эса, албатта, биз ўз кучимиз билан эриша олмаймиз. Шунинг билан азизлар, мавзумиз ўз поёнига етди. Бизнинг электрон почтамиз манзили: dilkash@najot.com хайр саломат бўлинг.

Бизнинг душманимиз Худованднинг иши барбод бўлаётганини кўришни истайдиган шайтондир. Лекин хеч қачон Худованднинг иши барбод бўлмайди. Албатта биз ёлғиз ўзимиз уни енга олмаймиз.

Агар масиҳий хизматчи йиқилса, Худованднинг ишига зарар етади. Шунинг учун шайтон масиҳий хизматчиларга ҳужум қилади. Биз Ҳакамлар китобининг16-бобда ёзилган Самсоннинг воқеасини яхши биламиз.

Самсоннинг узун сочлари уни Худованднинг махсус иши учун тайинланганлигининг белгиси эди. Бироқ у Худованднинг овозига эътиборсизлик қилди. У ухлаб қолганида, Далила унинг сочларини қирқиб ташлайди.

У уйғонган пайтида худди олдингидек ҳар қандай душманни ҳам ер тишлата оламан деб ўйлади. Бироқ Самсоннинг кучи йўқолганди. У Худованднинг ёрдамидан маҳрум бўлди, ўз душманларини енгиш учун хар қандай куч-қудратсиз қолди.

Бизнинг вазифамиз буюк бўлгани ва душманимиз жуда кучли бўлгани учун ҳам, Худованд Унга хизмат қилишимиз учун бизга махсус ёрдам беради. Раббимиз Исо Ўз шогирдларига буюк вазифани топширди.

Бироқ шу билан бирга У шогирдларига бу вазифани бажаришлари Унинг шоҳидлари бўлишлари учун қувват беришга ваъда беради. Биз ҳам бугун Муқаддас Руҳ қувватини олишимиз мумкин.

Худованд бутун дунёнинг нажот топишини истайди. У хизматчиларни ишлатади, лекин улар ёрдамга муҳтож эканликларини ҳам билади, шунинг учун У муҳтож бўлганларга ёрдамчи бўлиши учун Муқаддас Руҳини беради. Худованд қувват билан таъминлайди, биз эса шу қувватдан фойдаланиб У учун хизмат қиламиз.

Худованд ҳамма нарсани билади. У бажарилиши керак бўлган ишни кўради ва хизмат қиладиган хизматчини ҳам кўради. У Ўз донолиги билан қайси хизматчини қайси иш учун қўйишни аниқлай олади.

Шунинг учун У бизни Ўзи учун ишлашга чорлайди. Баъзида бу чорлов Муқаддас Китобни ўқиётганимизда келиши мумкин. Муқаддас Руҳ Худованднинг илҳомланган Сўзидан фойдаланиши ва бу биз учун Худованднинг овози бўлиши мумкин.

Бу хизмат қилиш юрагимиздаги чорлов бўлиб қолади. Шунинг билан азиз биродарлар, бугунги мвзумиз ўз поёнига етди. Бизнинг интернет сайтимиз манзили: www.dilkashradio.com хайр саломат бўлинг.

У қандай қилиб Худованд учун ишлашга қобилиятли бўлиш мумкинлигини ҳам билишни истарди. Шу билан бирга у хизмат қилиши учун Худованд унга қандай инъом берганлиги тўғрисида ҳам билишни истайди.

Бу инъомларни Худованддан қандай олиш мумкинлиги хаммани албатта қизиқтириб келган. Азиз биродарлар, тасаввур қилинг, сиз ҳам айнан мана шу мавзулар бўйича бошингиз қотиб ўтирибсиз!

Балки сиз яқинда имонга келгансиз, кўп бўлмаган, лекин сизда мен қиладиган ҳеч қандай иш йўқ деган фикр бўлиши мумкин. Бироқ унутманг, Худовандда сиз учун ҳам хизмат бор.

Биз 1-Коринфликларга мактубининг 12 боби 7 оятида: “Муқаддас Руҳ умумий манфаат учун ҳар кимда алоҳида фаолият кўрсатади,” — деб ёзилганини ўқиймиз. Мана шу мавзудаги ҳақиқатлар, сизга Масиҳнинг танасида қандай махсус хизмат қилишингиз мумкинлигини топишингизда йўл кўрсатишига тилакдошман.

Нима учун масиҳий хизматчилар Худованднинг махсус ёрдамига муҳтожлигини тушунтиришга, Худованднинг бизни хизматимиз учун инъом беришда иштирок этишини тасвирлашга Хизмат учун зарур бўлган инъомларни олишда ўзимиз қандай иштирок этишимизни айтишга ёрдам беради.

“Шунинг учун бориб, барча халқлардан шогирд орттиринглар, Мен сизларга буюрган ҳамма нарсага амал қилишни уларга ўргатинглар,”- деб айтди Исо Масих Матто Хушхабар китобининг 28 боби 19 ва 20 оятларида.

Мана шулар бизнинг вазифамиз: шогирд орттириш ва уларни ўқитиш. Дунёдаги халқларнинг кўпчилиги нажот топмаган. Масиҳий хизматчиларнинг Хушхабарни эшитмаган одамларга Хушхабарни айтиш вазифаси бор.

Биз бу вазифага эътиборсизлик қила олмаймиз. Исо бу буйруқни Ўз издошлари итоат қилишлари учун берди. Бу буюк вазифа. Буни бажаришда биз Худованднинг махсус ёрдамига муҳтожмиз.

Азизлар, ушбу хизматни мажбуран эмас, сидқидилдан, Худованд учун амалга оширайлик. Шундагина ҳар бир қилган хизматимизда барака бўлади ва Худованд ҳар биримиздан миннатдор бўлади. Шунинг билан азиз биродарлар, бугунги мавзумиз ўз поёнига етди. Бизнинг интернет сайтимиз манзили: www.dilkashradio.com хайр саломат бўлинг.

Исо Масиҳ осмонга кўтарилишидан аввал, У Муқаддас Руҳни юборишга ваъда беради. Эллигинчилар кунида Муқаддас Руҳни беради, бу хақида Ҳаворийлар китобининг 1 боби 2 оятидан ўқиб кўришингиз мумкин.

Жамоатнинг аъзолари сифатида, Худованд ҳар биримизнинг Муқаддас Руҳ берадиган инъомларни олишимизни истайди. Жамоат тананинг боши бўлган Масиҳ билан алоқа қилиши лозим, шу орқали Масиҳ нима қилишларини истаётганини билиб олишади.

Биз жамоатнинг аъзолари сифатида ибодат қилсак, Муқаддас Руҳ бизга Масиҳ нима қилишимизни истаётганини тушунишимизга ёрдам беради. Исо Масиҳ Ўз танаси яъни жамоат орқали дунёда Ўз ишини давом эттиради.

Худованд мана шу иш бажарилиши учун тананинг аъзоларига турли хил инъомлар ва хизматлар берган. Мана шу инъомлар ва хизматлар танани мустаҳкам қилади ва ёвузликка қарши курашишига ёрдам беради.

Ҳар бир аъзо Муқаддас Руҳга тўлиши билан, Масиҳнинг ҳаёти улар орқали оқиб келишига имкон беради, жамоат эса унинг барча ишларида куч бағишлайди. Келинг мана шу инъомлар ва хизматларни доимо ўрганиб боришга ҳаракат қилайлик.

Улар Раббимизнинг ишини бажаришимизга кўмаклашадиган қурол-аслаҳаларимиздир. Улардан баъзилари ҳақида Эфесликларга мактубининг 4 боби 11 оятида, баъзилари эса Римликларга мактубининг 12 боби 6 ва 8 оятларида ва кўпчилиги 1-Коринфликларга мактубининг 12 боби 8 ва 10 оятларида айтиб ўтилган.

Ўша парчаларнинг ҳар бирини диққат билан ўқиб чиқишингизни сўраган бўлардим. Мана шу инъомлар имонлилар орасида фаол ҳаракат қилса, танани Худованд марҳаматлайди ва кучайтиради, шу билан бирга Худованднинг иши бажарилади.

Ким ҳозир жамоат ҳақида ва унинг аъзоларига Худованд хизматлар берганлиги тўғрисида кўп нарсаларни тушунади. У жамоатга назар солар экан, ҳар бир аъзосининг хизмати бир хил эмаслигини кўради.

У ерда кимдир ваъз қилади ва ўқитади, кимдир доно сўзлар айтади ва билим беради, яна кимдир эса хизмат қилади ва бўлишади. Ким бу ерда Масиҳдаги биродарларимиз ва опаларимизга ёрдам берадиган йўллар жуда кўплигини англади. Шунинг билан азиз биродарлар, мавзумиз ўз поёнига етди. Бизнинг электрон почтамиз манзили: dilkash@najot.com хайр саломат бўлинг.

Инсон танасининг ўз-ўзини шифолаш ва касаллик ёки бахтсиз ҳодисага дучор бўлганда ўзини тиклаш қобилиятига эга эканлигини барчамиз яхши биламиз. Масиҳнинг танаси, жамоат ҳам худди шундай қобилиятга эга.

Муаммолар келганда у ўзини Муқаддас Руҳ ёрдами билан шифолай олади. Агар ҳар бир аъзо бўлса ва ишлаётган бўлса у жуда фаол ишлайди. Худованд жамоатни ҳамма аъзолари ўз ўрнида бўлган соғлом танага ўхшаш бўлишини истайди.

Келинг азиз биродарлар, Масиҳнинг танаси қандай ишлашини кўриб чиқамиз. Муқаддас Китобда инсон танасини имонлиларнинг Масиҳ билан бирга ишлашини кўрсатиш учун мисол келтиришган.

Инсон танаси агар бошсиз бўлса ҳеч нарса эмас. Бош жуда муҳим. Жамоатнинг боши Исо Масиҳдир. Инсон танасида бош танани бошқаради; бош барча аъзоларни биргаликда бир мақсад учун ҳаракат қилишига сабаб бўлади.

Бош тананинг фаолиятини бошқаради. Агар танага нимадир зарур бўлса, бош буни билади. Масиҳнинг, бошнинг иши ҳам худди шундай, у тананинг ҳар бир аъзосини биргаликда ишлаши учун бошқаради ва бир-бирига ёрдамлашади.

Қайсидир биродар қийинчиликка учраган ва ёрдамга муҳтож бўлиши мумкин. Тананинг боши сифатида Масиҳ бошқа аъзоларга тананинг касал аъзоси учун ибодат қилишлари кераклигини айтади.

Агар ўқитувчи Муқаддас Китобни ўргатиш учун тайёрланаётган бўлса, у ибодат қилади ва Масиҳ унга йўл-йўриқ кўрсатади. Унга ўргатишда ёрдам берадиган фикрлар келади.

Мана бу тананинг боши сифатида Масиҳнинг ишидир. Кўпинча Исо Масиҳ бизга йўл-йўриқлар кўрсатади, бироқ биз Унинг айтганларини бажаришни истамаймиз. Агар шу тарзда давом этаверса, жамоатнинг иши бажарилмай тураверади.

Бир камбағал оилага пул бериш керак деб ўйлаган аёл тўғрисида бир ҳикоя бор. У итоат қилишга қарор қилди, лекин ҳар доим уй ишлари билан банд бўлди. У аёлга уч кундан кейин кимдир пулни берди.

Аёл кўзларига ёш олиб шундай деди: “О, раҳмат, раҳмат. Биз уч кундан буён ҳеч нарсасиз ўтирибмиз, мана Худо бугун ибодатимизга жавоб берди,” — деб жавоб берди. Азизлар, шу ҳақида сизнинг фикрингизни билмоқчи эдик. Бизнинг электрон почтамиз манзили: dilkash@najot.com Фикрларингизни ушбу манзилга ёзиб юборинг. Хайр саломат бўлинг.

У самога элтувчи йўлни кўрсатади. Кўп одамлар Исони қабул қилишни исташмайди. Улар ўз йўлларининг зулматида юришади. Лекин Исони шахсий Нажоткорим деб қабул қилган одамларга Худонинг фарзанди бўлиш ҳуқуқи берилган.

Бизни Худованд яратганига қарамасдан, Унинг фарзандлари бўлолмаймиз. Биз ҳаммамиз нотўғри ишлар қиламиз ва табиатан гуноҳкормиз. Гуноҳларимиз бизни Худодан ажратиб туради.

Лекин Исони Нажоткорим деб қабул қилганимизда, У барча гуноҳларимизни олади ва янги табиат беради. У бизни нотўғри иш қилолмайдиган қилиб ўзгартиради. Ўзимиздаги бу буюк ўзгаришни юқоридан туғилиш деб атаймиз.

Шу туфайли Худованд бизнинг Отамиз, биз эса Унинг фарзандлари бўламиз.Биз ўзимизча қилган бирон иш орқали эмас, Худованддан туғилишимиз орқали Унинг фарзандлари бўлдик.

Биз табиатан туғилишимиз билан Худованднинг фарзандлари бўла олмаймиз. Сиз: «Мен масиҳий бўлиб туғилганман. Отам билан онам масиҳий бўлишган» – деб айтишингиз мумкин.

Ота-онангиз масиҳий бўлса ҳам сизни масиҳий қила олишмайди. Сиз қачонки Худодан туғилсангиз, шунда масиҳий бўла оласиз. Худованднинг инсон қиёфасига кириши – дунё тарихида содир бўлган энг буюк ҳодиса.

У бизни шунчалик севдики, бизнинг жазоимизни олиш ва гуноҳларимиз учун ўлиш мақсадида келди.Лекин Худо абадий бўлгани каби, Исо ҳам ўлмади. У бизнинг ўрнимизга ўлиш учун инсон қиёфасида келиши керак эди. Шунинг учун Исо Байтлаҳмда чақалоқ бўлиб туғилди.

Худонинг Ўғли инсонларни Худонинг ўғиллари қилиш учун инсон бўлиб келди. Худо бизга нима қилишимиз кераклигини билдириш учун Мусога қонун берди. Биз Худованднинг қонунларини бажара олмадик.

Қонун бизга Нажоткорга муҳтож эканлигимизни кўрсатди. Ўша Нажоткор Исодир. У орқали биз Худонинг иноятига: гуноҳларимиз учун Худованднинг кечиримига ва Худонинг фарзандлари сифатидаги марҳаматга тўла янги ҳаётга эришамиз. Яҳёнинг ваъзини эшитиш учун кўплаб одамлар унинг орқасидан эргашиб юришган эди. Баъзилар уни Худо юборишга ваъда берган Қутқарувчи яъни Масиҳ бўлиши мумкин деб ўйлашган. Яҳё эса уларга ўзининг фақатгина Худованднинг элчиси эканлигини айтган. У Масиҳни қабул қилишлари учун инсонларни тайёрлаши керак бўлган. Шунинг билан азизлар мавзумиз ўз нихоясига етди. Бизнинг электрон почтамиз манзили: dilkash@najot.com хайр саломат бўлинг.

Сизда экинларингиз учун ёмғир ёғмаган, ўзингиз ва молларингиз учун сув бўлмаган пайтлар бўлган бўлиши мумкин. Балки сиз ер остидаги сувни топиш учун чуқур қазиган бўлишингиз мумкин.

Худди сув каби муҳим бир нарсага муҳтож бўлсангиз, унга эришиш учун жон-жаҳдингиз билан ҳаракат қиласиз. Агар Худонинг донолигига ва билимига эришиш учун Худонинг Сўзини ўргансангиз, худди сув қидиргандек Муқаддас Ёзувни чуқур ковлаб, жон-жаҳдингиз билан ҳаракат қилишингиз керак.

Муқаддас Китобни ўрганиш учун меҳнат қилсангиз, ҳаёт бахш этувчи сувни топасиз. Исо ҳаётимизда Масиҳга бўлган муҳтожлигимизни тасвирлаш учун сувни мисол қилиб келтирган.

У шундай деган:“Лекин Мен берадиган сувдан ким ичса, абадий чанқамайди. Мен берадиган сувдан ичганнинг вужудида булоқ пайдо бўлиб, абадий ҳаёт сари жўшиб оқаверади” Юҳанно мактубининг 4боби 14 ояти. Ҳаёт сувидан баҳра олиш учун киши ҳар куни Муқаддас Китобни ўрганиши керак.

Агарда сиз бирор кимсани севсангиз, у билан бирга бўлишни истайсиз. У ҳақидаги ҳамма нарсани билишни хоҳлайсиз. Унинг фикрларини тушунишни ва туйғуларини ҳис қилишни хоҳлайсиз. Қисқаси унга ёқишни истайсиз. Яқин алоқа натижасида ўша кимсага бўлган севгингиз ўсиб борар экан, сиз янада комилроқ, кўпроқ завқланадиган бўласиз ва борган сайин сизда ўзгаришлар кўпаяди.

Худонинг иродаси шундан иборатки, биз ҳамма нарсадан ҳам кўпроқ Уни севишимизни хоҳлайди. Агар Худовандни ҳақиқатдан севсак, Уни билиш учун кўпроқ вақт ажратишга ҳаракат қиламиз.

Буни Унинг Каломини ўқиш ва ўрганиш орқали қиламиз. Шунда севгимиз ошади.Худо билан алоқамиз Унинг амрларига қандай бўйсунишимизга боғлиқ. Унга бўйсунишимизнинг ягона йўли Унинг амрлари нима эканлигини билишдир.

Муқаддас Китоб бизга Худонинг Сўзини тушунишимиз учун диққат билан ёндашишимиз кераклигини ва уларни бошқаларга ҳам ўргата олишимиз кераклигини айтмоқда 2-Тимутий китобининг 2 боби15 оятида.

Исо бизга Худонинг Сўзини билишнинг муҳимлигини айтиб ўтган. У: “Инсон фақат нон билан эмас, балки Худо айтган ҳар бир сўз билан ҳам тирикдир” деган Матто Хушхабар китобининг 4 боби 4 оятида. Шунинг билан азизлар мавзумизга якун ясаймиз. Бизнинг интернет сайтимизнинг манзили: www.dilkashradio.com хайр саломат бўлинг.

У юлдузлар учун ҳам режа тузди ва чақмоқни яратди. Худованд ҳатто ҳайвонларнинг туғилиши учун ҳам режа тузди! У ҳўкизга куч берди, отга эса савлат бахш этди. У бургутни шундай яратдики, у юксак тоғларгача учиб бора олади. Худо ҳамма нарса учун режа тузди, инсон эса У тузган режаларнинг охирги қисми бўлган. У инсон учун тузган режага махсус эътибор қаратди, чунки уларда махсус мақсади бор эди. У инсонни ҳайвонларга эмас, кўпроқ Ўзига ўхшаш қилиб яратди.

Унки Худованд айнан инсонлар билан алоқа қилишни истарди; У бизни У билан алоқа қилиб завқланишимиз учун яратди. Худованд ўйлайди ва режа тузади; У бизни ҳам ўйлайдиган ва режа тузадиган қилиб яратди. Худованд севади; шунинг учун бизни ҳам севадиган қилиб яратди.

Худонинг танлаш имкони бор; шунинг учун бизни танлай оладиган қилиб яратди.Худонинг инсоният учун режаси бор, лекин ҳар бир инсон Худо режа қилган ишни бажариш учун танланмаган.

Чиндан ҳам, Муқаддас Китоб айтадики, ҳар бир инсон ўзи истаган ишни қилиш учун танланган.Лекин ҳатто бу ҳам Худонинг режасини ўзгартира олмади! Сиз ўз тажрибаларингиздан шуни ўргандингизки, Худо Ўзи берадиган нажот орқали сизга ва барча инсонларга Унинг буюк режасининг бир қисми бўлиш имконини берган.

Биз У билан алоқа қила оламиз ва бир кун келиб Унга ўхшаб ўзгарамиз. Мисрда пирамида деб аталган улкан обидалар бор. Улар жуда катта ва минглаб йиллардан буён мустаҳкам турибди. Уларнинг ғиштлари бир-бирига шунчалик маҳкам ўрнатилганки, баъзида уларни ушлаб туриш учун цемент қоришмаси ҳам зарур бўлмайди.

Улар фақат тошларни устма-уст қўйиб қурилганми? Йўқ, биз уларнинг бундай қурилмаганини биламиз.Қаердадир шундай қурувчи уста бор эканки, ҳайкални ясамасдан олдин у битганда қандай кўринишда бўлишини билар экан. У унинг суратини чизган. У режалаштирган, зарур материаллар тайёрлигига ишончи комил бўлган, кейин ҳар бири ўз вазифасини яхши бажаришлари учун минглаб одамларни бошқарган. Улар биргаликда ишлашаётган пайтда кўп муаммолар чиққанига шубҳа қилмаса ҳам бўлади. Баъзилари ишни ташлаб кетишган; баъзилари ўз вазифасини бажармаган. Бироқ бош уста пирамидалар битгунича тинчимаган.

Улкан тошлар билан бино қураётган минглаб одамларни бир тасаввур қилиб кўринг. Нимани режасиз қилиш мумкин? Довуд Худонинг халқининг бошлиқларидан бири бўлган. У Муқаддас Китобдаги кўп Забур саноларини ёзган. У 138-санода Худо унинг фикрларини ҳам, ҳаракатларини ҳам кўриб туришини айтган. Худо ҳатто у айтмасидан олдин нима демоқчилигини билган. Худо Довудни яратди. У уни онасининг қорнида шакллантирган. Хайр саломат бўлинг.

Жамоат учун Худованднинг режаси қандайлигини билишни истайсизми? Сиз мана шу режага қандай кира оласиз? Сиз жамоатда хизмат қилишингиз учун Худованд сизни қандай таъминлайди?Шу саволларга жавоб топишингизда сизларга ёрдам бериш бу менинг олий истагим. Мен Худованднинг жамоат учун тузган режаси ҳақида Муқаддас Китоб ўргатган билимларни сизлар билан биргаликда ўрганишни хоҳлайман.

Шу билан бирга хизмат қилишимиз учун зарур бўлган инъомларни топишингизда ҳам ёрдам бермоқчиман. Менинг энг асосий мақсадим сизнинг қандай қилиб Худованд учун хизматчи бўла олишингизни англашингизга ёрдам беришдир. Азизлар албатта ушбу мавзу Худованд жамоатни Ўз режаси ва мақсадига кўра қандай қилиб ташкил этганини ўргатади. Бу мавзу жамоатда нима учун турли хизматчилар борлигини тушунтиради.

Бу масиҳий хизматчи бўла оладиган одамни тасвирлаб беради. Яна қўшимча сифатида, ўз инъомларингизни топишда ва ривожлантиришда ёрдамлашадиган амалий таклифларни ҳам беради.

Бу сизга бошлиқлар билан ишлашга ва атрофингиздаги инсонларга хизмат қилишингизни тушунишга ёрдам беради. Мустақил ўрганишнинг замонавий усуллари қўлланилган, бу усуллар орқали сиз принципларни осон ўрганасиз ва уларни тезда ҳаётга татбиқ қилишингизга кўмаклашади.

Азизлар сизда бор бўдган ўқув қўлланмангиз Масиҳий хизматчилар китоби ўзингиз билан олиб юрадиган ва истаган жойингизда ўрганишингизга мўлжалланган чўнтакбоп китобчадир.

Бу китобни ҳар куни ўқиш учун вақт ажратишга ҳаракат қилинг. Кузатиш сўзи бу ерда ўқиш мобайнида ундан нимани ўрганишингизни билишга ёрдам беради. Бу кузатиш мақсад ёки диққатингизни жалб қилиш керак бўлган нарсадир. Агар кузатишларни яхши эслаб қолсангиз ўрганишингиз осон бўлади. Азизлар диққат билан ўқишга ва ўрганишга ҳаракат қилинг. Худованд еру-кўкдаги барча мавжудотларни яратган бўлса ҳам, фақат инсонгина ўз Яратувчиси билан алоқа қилишга қодир. Худованд инсон зоти билан алоқа қилишни истади; У Ўзини Ўз ижоди билан бўлишишни хоҳлади. У оиласи бўлишини хоҳлади.

Шунга қарамасдан Одам Ато билан Момо Ҳавонинг гуноҳи (Ибтидо 3:1-24) туфайли инсоннинг Яратувчи билан алоқаси тез орада бузилди, Худованд эса Ўз оиласини сақлашни давом эттирди. У Ўзига итоат қиладиганлар билан алоқа қилишни давом эттирди. Азиз дўстлар шунинг билан бугунги мавзуларимиз ўз якунига етди. Бизнинг электрон почтамиз манзили: dilkash@najot.com яна дастурларимиз орқали учрашгунча хайр саломат бўлинг.