Замонавий хаётнинг ташвишлари фикрларимиз ва хиссиётларимизга қаттиқ зарба бериши мумкин. Биз осонликча чарчаб холдан тоямиз, тўйиб кетамиз ва бошқа чидай олмайдиган даражага келиб қоламиз.

Мана шундай вазиятларда чиқарган қарорларимиздан таъсирланамиз. Инсоннинг заифлигини ва қобилиятларимиз чекланганини англаб оламиз. Бундай холатлар рухий қаршиликлар орқали хам юзага келиши мумкин.

Шундай бўлишига қарамай Xудо хаётий тажрибаларимиз орқали бизга сабоқ ўргатиши мумкин. У хаётимизда Ўз ишини қилмоқда, қийин ва синовли онлардан ўтишимизга йўл қўйиб, бизларни тозалаши ва чиниқтираётган бўлиши мумкин.

Бошингдан нималарни кечираётан бўлсангда Аюбнинг хаётини эсла; у хамма нарсани йўқотган, хеч вақоси қолмагандек кўринди: у мол- мулки, оиласи ва иззат-хурматдан жудо бўлганди. Лекин синов вақти тугагандан сўнг Xyдо хамма нарсасини тиклаб берди. Охирида, унга “олдингидан икки баравар кўп барака берди”.

Агар синов вақтидан ўтаётган бўлсанг ёки кўтара олмайдиган даражада қийинчиликка учраганман деб сезаётган бўлсанг, Xудо сени тарк этмаганини унутмагин. Хар бир вазиятда У сенга нимани айтса ўшани қилиб, Унга содиқ қол. Унинг Каломидаги ваъдаларда мустахкам тур.

Бошингга қандай кун тушишидан қатъий назар хафа бўлма ва қалбингда шубха қилма. Бўшашмагин. Муқаддас Китобдаги хокимиятда биноан Xудо сени умутмаганига амин бўл. Содиқ қолишда давом этавер, Унинг Шохлигига уруғлар экавер ва хосил ўриб олишни кут.

Ўзингга берилган мархаматларни яхши ишлатувчиси бўл. Унга хизмат қилишда давом эт, сенга берилган топшириқни тугалла. У сени мархаматлашига ишон. Сен йўқотган хамма нарсани тиклайди ва сенинг содиқлигингни мукофатлайди.

Ота Сенга ишонаман. Сен менга берган чақириқни адо этишимга ва содиқ қолишимга ёрдам бер. Менга Ўз кучингни, илтифотингни ва мархаматингни бер. Хаётимни Сенга бағишлайман. Исо Номидан омин.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Исо бу ерда «Кимки Xудога бу тоғ хақида айтса,» — демаган. У бизга нима хохлашимизни тўппа-тўғри тоққа қараб айтишни буюрган. Дунёвий кўз қараш билан қарайдиган бўлсак бу ўта ахмоқлик. Лекин 1 Коринфликлар китобининг 1-боб, 27-оятда Xудо доноларни шарманда қилиш учун дунёда ақлсиз деб хисобланганларни танлагани ёзилган.

Агар Масихийлар Xудо ваъда қилганларини рўбга чиққандек гапирса айниқса ўша ваъдалар табиат қонунларига зид бўлса улар учун бу нарсалар ахмоқлик бўлади. Агар душманни мағлуб қилиб яшамоқчи бўлсанг, сен хам худди шундай гапиришинг керак.

Mуқаддас Каломда Xудонинг Ўзи худди шундай гапиришини айтади!

Римликларга мактубнинг 4-бобида » У мавжуд бўлмаган нарсаларни вужудга келтиради. У йўқ нарсаларни худди бордек гапиради.» – деб айтилган. Xудо вазиятлар ўзгарсин кейин айтаман демайди, ха У гапиришидан олдин вазиятлар ўзгаришини кутиб ўтирмайди.

У хаммасини жой-жойига қўйиб ўзгартиради, бунга сабаб Унинг гапирганидир. Агар Унинг Каломи билан келишиб яъни рози бўлиб гапирсанг сен хам шундай қила оласан, буни сен ишонч билан айт.

«Лекин айтган захотинг хеч нарса бўлмаса нима бўлади?» -деб сўрашинг мумкин. «Агар вазиятлар тезда ўзгармаса, бирданига бўлмасачи?» -дейишинг хам мумкин. Исо анжир дарахтига гапирганда Maрк 11:14-да У бирор нарса бўлдимикин деб орқага текшириш учун боргани йўқ. Йўқ, У бир марта сўз айтди кейин хаммаси бажо бўлган деб хисоблади. Ундан намуна ол. Имонинг гапирсин.

Унинг Каломига мос гапир. Муқаддас Китобнинг хар бир сўзи билан келишиб яша!

Ибодат: Самодаги Ота мен хам Сеникига ўхшаш имонга эга бўлай ва худди Сендек гапиришимга ёрдам бер. Оғзимни, фикримни ва

қалбимни имон тўла хақиқатинг билан мойла. Менинг оғзим орқали Муқаддас Рух гапирсин ва Сенинг иродангни бажо қилсин. Мен хам вазиятларни Сен каби ўзгартиришимга ва йўқ нарсаларни бор қилишимга ёрдам бер. Исо Номидан омин.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Осмонда Худонинг иродаси ўз-ўзидан амалга ошаверади. У ерда қаршилик кўрсатувчи кучлар ёки Унинг иродасига қарши бирорта тўсқинлик йўқ. Ер юзида бизлар Исо Масихни Раббим ва Нажоткорим деб қабул қилганимиздан кейин, Унинг иродаси ишга тушишни бошлайди; ундан кейин хар куни фикрларимиз сўзларимиз ва хатти

-харакатларимизда Унинг иродаси бўлишини танлашимиз керак.

Ер юзида Унинг иродасига қарши бўлган зулмат кучларига, салбий ва мағлублик фикрларига қарши туришимиз керак бўлади. Бугун қалбингни Худонинг иродаси бўлган – Каломига оч. Эфесликларга 6-бобда айтилганидек У билан бирлашганингда қувватга тўласан. Унинг сен хақингда айтган сўзларини эълон қил ва қаршиликларни енгиш учун қувватга тўл. Имонда кучли бўл ва Худонинг иродаси худди осмондагидек ерда бажо бўлишини кўрасан!

Сен айтадиган хар бир сўз ахамиятга эгадир. Айтадиган баъзи сўзларинг сенга ахамиятсиз кўриниши мумкин, лекин мана шу сўзлар кимнингдир хаётини ўзгартириб юбориши мумкин. Сўзларингни кимнингдир рухини кўтариш учун ишлат, уларнинг хаётига вахий ва хаётбахш сўзларнини айтганингда уларнинг рухига абадий қоладиган уруғлар сепаётган бўласан.

Айниқса болаларингнинг хаётига вахийлар айтишинг мухим. Ота-она, буви ёки бува, хола, ўқитувчи ёки дўст бўлсанг атрофингдаги болалар сендан хаётлари хақида буюк ва ажойиб сўзларини эшитиши керак. Айниқса ота-оналарнинг болаларига айтган сўзи жуда кучли таъсир қилади, улар сен айтган сўзларни бир умр кўтариб юришади. Шунинг учун хеч қачон болани ерга урма, кўнглини чўктирма, улар сенинг сўзларингни хотирасида сақлаб юради ва бу сўзлар унутилмайди.

Хеч қачон уларга “Сен сустсан, қолоқсан, орқада қоласан, юта олмайсан, калланг ишламайди, товуқ миясан демагин. Синглингга ўхшаб яхши бахо олсанг бўлмайдими? Жиянингга ўхшаб гол урсанг бўлмайдими?”- демагин, чунки бу сўзларинг уруғдир.

Сўзларинг уруғ эканини англаб ол. Бу уруғлар илдиз отиб кейинчалик боланинг хаётига таъсир қилиши мумкин. Жуда кўп кишилар умидсиз бўлгани учун хаётда қоқилишади. Лекин буларнинг хаммаси бугун ўзгариши мумкин. Бугун ўзингнинг ва ёнингдагиларнинг хаётига вахий сўзларини айтишинг мумкин. Бугун ўзгалар хаётига буюклик уруғини экиб, Xудо берган инъомларни қўзғаб юборишинг мумкин. Бугун хаётбахш сўзларни айт, умид ва вахий сўзларни айт!

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Муқаддас Каломда шундай ёзилган, “Раббингиз Масиҳга юракларингиздан муқаддас жой беринглар. Дилингиздаги умид ҳақида сиздан ҳар бир сўраган кишига жавоб беришга доимо тайёр бўлинглар. Лекин буни мулойимлик ва эҳтиром билан бажо қилинглар, виждонингизни тоза тутинглар.”(1 Бутрус 3:15-16) “Тайёр бўлиш”нинг энг осон йўли гувоҳлигингизни ёзиб чиқиш ва унинг асосий жойларини ёд олишдир. Уни тўрт қисмга бўлинг:

1. Исони учратмасдан олдин ҳаётим қандай эди

2. Исога муҳтожлигимни қандай фаҳмладим

3. Қандай қилиб ҳаётимни Исога топширдим

4. Исо ҳаётимда қандай ўзгартириш қилди

Албатта, сизда нажотингиздан ташқари бир қанча бошқа гувоҳликлар бўлиши мумкин. Сизда ҳар бир кечинмангиз учун Худо ёрдам бергани тўғрисида ҳикоя бор. Сиз Худо сизни олиб ўтган ҳар қандай муаммолар, вазиятлар ва инқирозларни рўйхат қилиб чиқишингиз мумкин. Кейинчалик эътиборли бўлиб, имонсиз ўртоғингиз бошқа киши билан бўлиши учун сиз у билан бўлишинг. Турли вазиятлар турли гувоҳликларни талаб қилади.

Сизнинг Ҳаёт Хабарингиз ҳаётингиздаги дарсларни ўз ичига олади. Ҳаёт мақсадингизнинг иккинчи қисми Худо сизга У билан кечинмаларингиз орқали ўргатган дарсларидир. Булар сиз Худо, муносабатлар, муаммолар, васвасалар ва ҳаётнинг бошқа қирралари ҳақида ўрганган дарсларингиздир. Довуд шундай ибодат қилганди, “Эй Худованд, Қонун-қоидаларингни йўлини менга ўргатгин, Уларни охиригача тутиб амалга оширайин!”(Забур 118:33) Афсуски, бизга содир бўлганлардан кўп нарса ўрганолмаймиз. Исроилликлар ҳақида Муқаддас Калом шундай дейди, “Кўп марталаб Худованд уларни қутқарарди, Улар эса ўз қайсарликлари ила Уни аччиқлантирар, Ўз ёмонликлари туфайли хазон ҳам бўлардилар.” (Забур 105:43) Сиз балки шундай кишиларни учратгандирсиз.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Ҳаворийлар ким буюклиги ҳақида баҳслашган эдилар ва 2000 йилдан кейин, яъни ҳозир ҳам баъзи жамоатларда мансаб ва ҳокимиятга эга бўлиш учун рақобат кучлидир.

Етакчиликка оид минглаб китоблар ёзилган, аммо хизматкорлик ҳақида жуда кам китоб бор. Ҳамма бошқаришни ҳоҳлайди; ҳеч ким хизматкор бўлишни истамайди. Ҳаттоки Масиҳийлар ҳам оддий хизматкор эмас, балки “хизматкор-етакловчи” бўлишни исташади. Лекин Исодек бўлиш хизматкор бўлиш демакдир.

У ўзини шундай атаган. Шаклингизни билишингиз Худога хизмат қилишингиз учун муҳим бўлгани каби, хизматкор қалбига эга бўлиш янада муҳимдир. Ёдингизда бўлсинки, Худо сизни ўзингиз ҳақингизда ўйловчи эмас, балки хизмат қилиш учун шакллантирган. Хизматкор қалбига эга бўлмай туриб, сиз шаклингизни шахсий эҳтиёжларингиз учун ишлатасиз. Шу билан бирга сиз буни баъзи эҳтиёжларингизни қондирилмаслиги учун ҳам узр сифатида ишлатасиз.

Худо бизга биз шакллантирилмаган йўлларда хизмат қилишни сўраши орқали қалбимизни синаб кўради. Агар бирор кишини чуқурликка тушиб кетганини кўрсангиз, унга “Менга хизмат қилиш ва шафқат кўрсатиш инъоми йўқ” дейишингиз ўрнига, Худо сиздан унга ёрдам беришингизни истайди. Сиз бирор вазифа учун инъомланмаган бўлсангиз ҳам агар бу вазифани бажариш бошқа инъомли киши бўлмаса, сиз буни бажаришга чақирилишингиз мумкин. Сизнинг асосий хизматингиз шаклингиз ичида бўлиши мумкин, аммо иккинчи даражали хизматингиз эса ўша вақтда чақирилганда бажаришингиз мумкин бўлган хизматингиздир. Сизнинг шаклингиз сизнинг хизматингизни очиб берса, сиздаги хизматкорлик қалби эса сизнинг етуклигингизни очиб беради. Йиғилишдан сўнг ахлатларни йиғиштириб олиш ва стулларни жой-жойига қўйиш учун бирор махсус қобилият керак эмас. Ҳар бир киши ҳам хизматкор бўла олади. Керак бўладиган нарса бу характердир.

Бутун умр жамоатда хизмат қилиб хизматкор қалбига эга бўлмаслик мумкиндир. Сизда хизматкор қалби бўлиши керак. Сизда хизматкор қалби борлигини қандай билсангиз бўлади? Исо шундай деган, “Уларни меваларидан билиб оласизлар. Тиканакдан узум, ёки янтоқдан анжир теришармокан?” (Матто 7:16) Хизматкорлар ўз вақтларини бошқа нарсаларни излаш билан ўтказмасдан, хизмат қилиш учун тайёр бўладилар. Улар хизматга чақирилганда сакраб ўринларидан туриб, унга тайёр бўладилар. Худди аскарга ўхшаб, хизматкорлар ҳам хизматга тайёр туриши керак: “Ҳарбий хизматдаги аскар қўмондонимни мамнун қилай, деб тирикчилик ишлари билан банд бўлмайди.” (2 Тимўтийга 2:4) Агар сиз фақат сизга қулай бўлган вақтда хизмат қилсангиз, сиз ҳақиқий хизматкор эмассиз. Ҳақиқий хизматкорлар керак бўлган вазифани ҳаттоки у ноқулай бўлган вақтда ҳам бажарадилар. Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Муқаддас Каломнинг бирор жойида “васвасага қарши туринг” деб айтилмагани сизни ҳайратга солиши мумкин. Бизга “иблисга қарши туринг” деб айтилган, аммо бу бошқа нарса, мен буни кейинроқ тушунтириб ўтаман. Унинг ўрнига, бизга диққатимизни бошқа нарсага жалб қилиш айтилган, чунки фикрга ҳеч қачон қарши туролмаймиз. Бу бизнинг диққатимизни ўша нотўғри нарсага янада кескин қаратиши ва унинг таъсирини кучайтириши мумкин. Келинг тушунтириб берай: Қачонки онгингиздаги бирор фикрни тўсмоқчи бўлсангиз, уни хотирангизда янада чуқурлаштирасиз.

Унга қарши чиқиб, уни янада мустаҳкамлайсиз. Бу васваса учун ҳам тўғри келади. Сиз ҳеч қачон васвасани ҳиссиётга қарши курашиш билан енголмайсиз. Ҳиссиётга қанчалик қарши курашсангиз, у сизни шунчалик қамраб олади ва бошқаради. Сиз ҳар бир ўйлаган вақтингизда уни кучайтирасиз. Васваса ҳар доим бирор фикрдан бошлангани учун ҳам, унинг жозибасидан қутулишнинг йўлларидан бири диққатингизни бошқа нарсага қаратишингиздир. Фикрга қарши курашманг, фақатгина диққатингизни йўналтирувчи оқим йўлини ўзгартиринг ва бошқа фикрга қизиқишга ҳаракат қилинг.

Гуноҳ учун жанг сизнинг онгизда ғалаба қозонилиши ёки енгилиши мумкин. Сизнинг диққатингизни тортган нарса сизни ўзига тортади. Шунинг учун ҳам Аюб шундай деган, “Мен ёш жувонга эҳтирос билан қарамаслик учун кўзим билан аҳд туздим.” Ва Довуд шундай ибодат қилган, “Беҳуда иш-ҳаракатларга қаратма кўзим, Ўз йўлларингда мени тирик тутгин!”(Забур 118:37) Сиз бирор марта телевизорда егуликни реклама қилаётган вақтда оч қолганингизни ҳис қилганмисиз? Ёки бирор марта бирор кишини йўталганини эшитиб томоғингизни тозалашга ҳаракат қилганмисиз? Ёки бирор кишини эснашини кўриб ўзингиз ҳам эснаганмисиз? Сиз бу ҳақда тинглаётганда ҳам эснашингиз мумкин! Бу тахминнинг кучидир. Биз табиатан диққатимизни қаратган нарсага қараб ҳаракатланамиз. Қанчалик бирор нарса ҳақида эсласангиз, шунчалик у нарсага киришиб кетасиз. Шунинг учун ҳам “Мен кўп ейишни… ёки чекишни… ёки эҳтиросга берилишни тўхтатишим керак” деб такрорлайвериш ўз-ўзини енгишдир.

Бу сизни ўзингиз ҳоҳламаган нарсага диққатингизни жалб қилиш демакдир. Бу гўёки “Мен ҳеч қачон ойим қилган ишни қилмайман” деб эълон қилишдир. Сиз ўзингизни буни такрорлашга ўргатасиз. Васваса диққатингизни ўзига қаратиб бошланади. Диққатингизни қаратган нарса ҳис-туйғунгизни уйғотади. Кейин ҳис-туйғунгиз ҳатти-ҳаракатингизни келтириб чиқаради ва сиз ҳиссиётингизга кўра ҳаракат қиласиз. Қанчалик “Мен буни қилмаслигим керак!” деб ўзингизга такрорлашингиз сизни баттар тўрга қараб тортади.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Азиз дўстлар, шундай қилиб, сиз ўз ваъзларингиз учун шундай кенг кўламли материалга эгасизки, бу энг илоҳий руҳланганликдан, доим тирик ва янги бўлган Худонинг Каломидан сиз учун ҳар сония, ҳар дақиқа униб чиқади ва бу худди ердан бинафшалар ва наврўзгуллар кўкариб чиққанга ёки мумкатакдан оқиб чиқаётган асалга ўхшайди.

Сиз нимаики ваъз қилсангиз, ҳақиқатдан ҳам ибратли ва инсон ҳаётида маънога эга бўлиши учун ҳаракат қилинг. Қурилишингизни ёғочдан, сомон ва хашакдан эмас, балки олтин ва кумуш, қимматбаҳо тошлардан қуринг.

Сизни минбарни янада қўпроқ камситишдан огоҳлантириш шарт эмас, деб ўйлайман, акс ҳолда, бу ерда машҳур ваъзхонларнингнинг мисолини келтириш мумкин бўлган бўлар эди.

Бу лақма саргузашт изловчи одатдагидек ҳафта давомида бўлган воқеаларни минбарда айтадиган ўзининг ҳазиломуз қилиқларининг мавзуси қилиб танлаган ва якшанба кунлари ҳам худди шу тарзда ўзининг тингловчиларига турли илоҳий мавзуларда гапирган воизхонлардир.

Уларнинг «шон-шуҳратини» унинг бемаъни, ўткир ҳазиллари, шунингдек, гапириш оҳанги ва имо-ишоралари ташкил қилар эди. Бир сатирик улар ҳақида шундай деган эди. «Маъносиз гаплар оқими уларнинг оғзидан тўхтатиб бўлмайдиган даражада отилиб чиқмоқда».

Жаноблар, агар бирор киши биз ҳақимизда ҳам шунга ўхшаш фикрни айтганида эди, биз умуман туғилмаганимиз яхшироқ бўлар эди; ҳеч бўлмаганда абадий бахтиёрликни йўқотишдан қўрқиб, биз дунёвийлик ҳақида эмас, абадийликнинг буюк ҳақиқатлари ҳақидагина минбарда гапиришимиз шарт.

Бу қурилишларни сомон ва хашакдан қуришнинг яна кўп бошқа қизиқ йўллари бор, лекин биз унга алданмаслигимиз керак. Бу танбеҳ айниқса дабдабали иборалар ва лотинча цитаталарни фикрнинг ҳақиқий теранлиги билан аралаштириб юборадиган жаноблар учун муҳимдир.

Гомилетика бўйича айрим ўқитувчилар сўзлар билан бўлмаса, ўзларининг мисолида айнан шундай иборалар ва дабдабали жаранглайдиган сўзларнинг қўллашни тавсия қиладилар.

Бу ўқитувчилар ёш ваъзхонлар учун жуда хавфлидир. Чунки ўсиб келаётган ёш воизхонларни биз эски авлод яхши тарбиялай олишимиз зарур. Токи улар биз қилган хатоларни такрорламасин. Шунинг билан азизлар мавзумиз ўз поёнига етди. Бизнинг электрон почтамиз манзили: dilkash@najot.com хайр саломат бўлинг.

Ваъзда турли-туманликни сақлашнинг энг яхши воситаси, бу ваъзхон ҳар бир танланган матннинг ички сир тутилган маъносига алоҳида эътибор беришидир. Маъноси жиҳатидан бир хил бўлган иккита матн мавжуд бўлиши мумкин эмас.

Улар бир-бирига сиртдан ўхшаш кўринса-да, уларнинг ҳар бирида ўзига хос ранги, тусининг алоҳида ўрни бор. Сиз ибодатингизда очилган йўлдан оғиб кетманг ва шунда сизда ҳеч қачон такрорлаш ёки материалда камчилик бўлмайди.

Ваъз худди Худонинг Ўз оғзидан чиқаётгандек бўлган пайтда, у Муқаддас Калом ҳақидаги маърузани эмас, балки Каломнинг ўзини ифодалаганда тингловчиларнинг виждонига кучли таъсир қилади.

Биз кўп нарсада Муқаддас Каломнинг илоҳий руҳланганлиги учун миннатдор бўлишимиз лозим ва мабодо бизлар бирор матнни ваъз қилишга киришсак, ўз фикрларимизга жой бўшатиш учун уни четга суриб қўймаслигимиз керак.

Агар сиз, биродарлар Муқаддас Каломнинг маъносига айнан амал қилишга кўниккан бўлсангиз, у ҳолда Муқаддас Руҳнинг Ўзи томонидан Каломда ишлатилган сўзларига ҳам амал қилишингизни тавсия қилган бўлардим.

Чунки кўпчилик ҳолатларда умумий насиҳат мавзуларига доир ваъзлар нафақат жоиздир, балки бутунлай ўринли ҳамдир, бироқ Муқаддас Каломнинг илоҳий руҳланган сўзлари баёнини ифодаловчи бундай ваъзлар фойдалироқ ва жамоатга келувчиларга кўпроқ ёқади.

Уларга айниқса энг муқаддас сўзларнинг айтиб берилиши ва тушунтирилиши ёқади. Одамлар Каломнинг баъзи ҳаммага маълум бўлган жойларидан ташқари, ҳар доим ҳам Каломнинг маъносини тушунишга, гўё ошкор қилинган ҳақиқатни кўриб чиқишга қодир эмаслар.

Муқаддас Каломнинг сўзлари тез-тез такрорланган ва тушунтирилганда, тингловчилар кўпроқ насиҳат оладилар ва эшитганлари тингловчиларнинг хотирасида яхшироқ сақланади.

Шунинг билан азиз биродарлар, бугунги мавзумиз ўз поёнига етиб бормоқда. Сиз азизлар билан хайирлашиб ўзимизнинг интернет сайтимиз манзилини айтиб ўтсам. www.dilkashradio.com хайр саломат бўлинг.

Биродарлар, агар сиз ҳақиқий илоҳиётчилар бўлмасангиз, у ҳолда сиз ваъзчи унвонида ҳеч ким эмассиз! Сиз яхши нотиқлар бўлишингиз мумкин ва ажойиб гаплар айтишингиз мумкин, бироқ Инжилни ҳақиқий билмасдан туриб ва бошқаларга ваъз қилиш қобилиятисиз сиз фақат «жарангловчи мис ёки жарангловчи мисдан ясалган мусиқа асбоби» бўласиз.

Сафсатабозлик кўпинча ваъзхоннинг илоҳиёт бўйича билимсизлигини яширувчи анжир барги бўлиб хизмат қилади. Соғлом ва ҳақиқий ибрат ўрнига баландпарвоз гаплар, кучли, бамаъни фикрлар ўрнига баланд риторик иборалар берилади.

Азиз биродарлар, бундай бўлмаслиги керак. Керагидан ортиқ бемаъни декламация ва руҳий озуқанинг етишмовчилиги ваъзхонлик минбарини баландпарвоз сафсатабозлик идишига айлантиради ва тингловчиларда ҳурмат ўрнига нафрат ўйғотади.

Агар биз, ваъзхонлар, жамоатимизга келаётганларга таълим бера олмасак, уларга ҳақиқий руҳий озуқа бера олмасак, у ҳолда биз кучимизни бошқа соҳада синаб кўрганимиз яхшироқдир.

Акс ҳолда биз Рим шаҳри ёнаётган вақтда мусиқа билан шуғулланаётган ва бутун халқ очликдан ўлаётган бир пайтда ўз театр саҳнаси учун қум олиб келишга Александрия шаҳрига кемаларни жўнатган император Неронга ўхшаб қоламиз.

Шунинг учун биз ҳар қандай ваъз бой ибратли мазмунга эга бўлишини; сўнгра бу тузилиш матнга мувофиқ келишини талаб қиламиз. Риторика қоидаларига кўра ваъзнинг мазмуни матндан келиб чиқиши лозим ва бу қанчалик аниқ бажарилса, шунчалик яхшидир; ҳар ҳолда у ҳеч бўлмаганда матнга яқинроқ муносабатда бўлиши керак.

Руҳий талқин учун катта жой қолдириш мумкин, лекин фақат бу эркинлик тартибсизлик томонга ўзгармаслиги керак ва ҳеч қачон ваъз ва матн ўртасидаги алоқаларни унутмаслик лозим.

Кўпчилик ваъзхонлар одатда матнни айтиши биланоқ у билан хайрлашадилар. Танланган жойни ўқишга ҳурмат бажо келтириб, улар у билан кейин нима қилишни билмайдилар. Улар мана шу қизиқ жойда шляпани кийиб яна янги, тоза дала ва яйловларни излаб кетадилар. Шунинг билан азизлар мавзумиз ўз нихоясига етди. Бизнинг электрон почтамиз манзили: dilkash@najot.com хайр саломат бўлинг.

Азизлар Каломнинг шу жойи ҳақида бир фикр айтиш мумкин: «Ваъзхонлар бунда Худованднинг ўзига тақлид қилишлари керак, имкони борича солиҳлик сирларида халққа насиҳат қилиши, имон билан яшашни унга ўргатиши ва шундан сўнггина у ўрганган нарсани ғайрат билан бажаришга, яъни уни алангалатишга ҳаракат қилиши керак.

Акс ҳолда сизнинг меҳнатингиз беҳуда бўлади. Бунга эътиборсизлик замонавий инсоният йўл қўяётган кўп хатоларнинг асосий сабабидир». Юқорида айтиб ўтганимга яна шуни қўшимча қилишим мумкинки, охирги сўзлар масиҳийлар орасида турли муаллимлар даҳшатли вайронагарчиликлар қилаётган бизнинг даврга кўпроқ тегишлидир.

Соғлом таълимот бизни турли томондан қисиб келаётган барча сохта таълимотларга қарши энг яхши ҳимоядир. Муқаддас Калом ҳақиқатларининг тўғри етказилиши, бу бизнинг тингловчиларимиз истаётган ва биздан олиши керак бўлган нарсадир.

Улар биздан Муқаддас Каломни тўғри тушунтириб берилишини кутишга ҳақи бор. Агар сиз Аюб китобининг 33 боби 23 оятида айтган «мингтадан битта мураббий фаришта» каби бўлсангиз, агар сиз Худонинг ҳақиқий элчилари бўлсангиз, у ҳолда сиз тингловчиларингизни тўлиқ қониқтирасиз.

Агар сизнинг ҳақиқатни тушунтиришингизда етарлича ибрат бўлмай қолса, у ҳолда бу жуда ёмон бўлади, шунчалик ёмон бўладики, гўё нонда умуман ун бўлмагандек бўлади.

Агар кўпгина ваъзларни ҳажм жиҳатидан эмас, уларнинг ички тузилиши пухталиги томонидан қаралса, улар фақат арзимаган сохта солиҳлик сўзамоллиги намуналарини ифодалайди.

Назаримда қуйидаги фикр жуда тўғри. Агар бирор киши астрономия ёки геология ҳақида маъруза эшитаётганда, у тез орада ўқиётган мураббийнинг тизими, дунёқараши ҳақида тўғри тушунчага эга бўлади.

Агар ваъзхонларнинг оддий турини тинглаганда, у ҳолда нафақат 12 ой мобайнида, балки ҳатто 12 йил мобайнида ҳам уларнинг илоҳиёт тизими ҳақидаги аниқ тасаввурини олмайсан.

Агар бу тўғри бўлса, у ҳолда албатта, бу афсусланиш лозим бўлган катта ёмонликдир. Шунинг билан азизлар мавзумиз ўз нихоясига етди. Бизнинг интернет сайтимиз манзили: www.dilkashradio.com хайр саломат бўлинг.