Балким сен ичингда мен комил инсон эмасман. Қандай қилиб тўғри юришим мумкин деб ўйларсан? Энг яхши хабар Исони қалбингга Нажоткорим ва Раббим деб қабул қилганингда сен янги ва беайб хаётга эга бўлдинг. Ха Исони қабул қилганингда ўз -ўзидан шундай бўлиб қолди. Ўтмишинг Xудонинг назарида ўчиб кетди.

Албатта вақт ўтиб сен қандайдир хатога йўл қўйгандирсан, лекин “Борди–ю, гуноҳларимизни эътироф этсак, содиқ ва адолатли бўлган Худо

гуноҳларимизни кечириб, бизни ҳар қандай ёмонликдан фориғ қилади”. Агар қилган гунохларингни тан олиб товба қилсанг У сени кечиради ва ёмонликлардан фориғ қилади.

Бугун Xудо хаётингга илтифотини ва хурматини ёғдирмоқчи эканини тушиниб ол. Агар хаётинга қандайдир нарсадан тозаланишинг кераклигини ёки қандайдир гунох учун тобва қилишинг кераклигини хис қилсанг Отанинг олдига бор ва хаммасини эътироф эт. У сени янгиласин ўшанда У сен учун тайёрлаб қўйган неъматини қабул қила оласан!

…Унинг муруввати сени тавбага етаклашини билмайсанми?! (Римликлар 2:4)

Дунёда ким биландир жанжаллашиб қолсак ўша киши билан юзма-юз гаплашишдан четлашиш ёки ўша кишини рад этиш осонроқ. Кишилар Xудо билан хам худди шундай йўл тутиши хайрон қолдиради. Сен кимдандир: агар жамоатга борсам хамма ер алғов -далғов бўлиб кетади деганини эшитганмисан? Улар қилган ишлари учун жамоатдан узоқда юришим керак деб ўйлашади. Хақиқатдан хеч нарса узоқлаша олмайди!

Худо сендан хафа эмас; У сени чексиз -ўлчовсиз севади! У қучоқларини очиб, сени кутиб турибди. Сен ким эканлигинг ёки нима иш қилиб қўйганинг ахамиятсиз; Унинг муруввати яъни эзгулиги сени Ўзига жалб этаётганини билиб ол.

Бугун махкумлик яъни айблаш сени Худодан четлатмасин. Унинг яхшилигига ишон. Унинг эзгулигини татиб кўришингни ва хаётингда тажрибада ўтказишингни истайди. У сенга Ўзининг содиқлигини кўрсатмоқчи. У сени асло ташлаб кетмаслигини ва қолдирмаслигини ваъда қилган. Бугун Унга юз бургин, У сенга содиқ севгисини қуйсин, ха умр бўйи ғалаба билан яшашинг учун қувватлантирсин!

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

У хамма оғриқ ва жарохатларингни шифоламокчи. У қалбингнинг орзу-истакларини кўриб турибди, шу сабабдан У сен учун хаммасини сенинг фойданг учун яхшиликка айлантириб беришини билиб, хотиржам бўлишинг мумкин! Бугун сен У учун қанчалар азиз ва қадрли эканингни билиб ол. Унинг қалби доим сенга интилади. У сени тиклаб, хотиржам қилмоқчи. Айнимасдан ўз жойингда туравер, ишонишда ва тўғри ишларни қилишда давом этавер, чунки кўз ёшларингни шишасига солиб, йиғиб қўйувчи хаётингдаги эзилган ва синиқ томонларингнинг хаммасини тиклайди!

Самодаги Ота менга мехр қўйганинг учун рахмат. Менинг қасосимни олувчи бўлганинг учун рахмат. Мен хамма оғриқ ва озоблардан халос бўлишни танладим чунки Сен хаммасини Ўз вақтида янги қилиб яратясан. Исо Номидан, омин.

Башорат белгиланган вақтда амалга ошади. Ўша вақт ҳадемай етиб келади, башорат рўёбга чиқади. Борди–ю, у кечикадиган бўлса, сабр қилгин. У албатта бажо бўлади, кеч қолмайди. (Хабаққуқ 2:3) Қалбингдаги вахий, туш ва орзулар Xудонинг тайинлаб қўйган вақтида амалга ошади. Вақт чўзилиб ёки шунча харакат қилиб, бирор натижага эриша олмаган бўлсангда энди улар амалга ошмайди дегани эмас. Ўша вахийларда махкам тур, шалпайиб қолма. Худо қалбингга солиб қўйган нарсаларга лоқайдлик қилма. Бизнинг Xудовандимиз садоқатли Xудодир. Қанча вақт ўтиб кетгани ёки вазиятларнинг қанчалик иложсиз бўлиб кўрингани хеч қандай ахамиятга эга эмас, имон билан кутиб турсанг сен учун тайинланган вақт келади ха, сенинг вақтинг келмоқда.

Ёдингда бўлсин , қалбингдаги хар бир орзуни ва илдиз отган ваъдани Xудонинг Ўзи сенга жойлаб қўйган. Фақатгина бу эмас уларнинг хар бирини рўёбга чиқаришни У ният қилиб қўйибди. Бугун қуйидагиларни эълон қилиш орқали ўша вахийларда махкам тур,» Менинг вақти -соатим келяпти.

Худонинг Ўзи менга билдирмасдан сездирмасдан амалга оширмоқда. Мен тақдиримдагиларни амалга ошираман!». Ўша вахийларда махкам тураркансан уларнинг устидан хаёт сўзларини айт, ўшанда уларнинг шаклланаётганини кўрасан. Имонинг ўсиб, умидинг кучайганини кўрасан ва Xудо сен учун тайёрлаб қўйган тақдир томон қадам босаётганингни кўрасан!

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Албатта, бундай ўзгариш қийин, чунки биз табиатан ўзимиз ҳақимизда ўйлаймиз ва барча рекламалар бизга ўзимиз ҳақимизда ўйлашимизга далда беради. Бу намунани ўзгартиришнинг ўзгартиришнинг бирдан-бир йўли вақт ўтгани сайин Худога тобе бўлиб боришингиздир. Бахтимизга У бизни ўз ҳолимизга ташлаб қўйгани йўқ. “Бизлар эса дунёнинг руҳини олмадик, балки Худо бизга ато қилган бойликларни билиб олишимиз учун, Худодан чиққан Руҳни қабул қилдик.” (1 Коринфликларга 2:12) Имонсизлар билан гаплашганингизда Муқаддас Руҳдан уларнинг руҳий муҳтожликлари ҳақида ўйлашга ёрдам беришини сўрашни бошланг. Машқ қилиш орқали сиз кишиларни учратганингизда улар учун “нафас ибодатини” айтишни одат қилишингиз мумкин.

“Ота, бу инсонни сени билишига нима тўсқинлик қилаётганини тушунишимга ёрдам бергин” деб айтинг. Сизнинг мақсадингиз бошқалар руҳий саёҳатларида қаерда эканликларини аниқлаш ва уларни Масиҳга янада яқинроқ келтириш учун қўлингиздан келганини қилишингиз мумкин. Сиз буни Павлуснинг фикрлашини қабул қилиш орқали эришишингиз мумкин. У шундай деган эди, “Мен ҳам ўз манфаатимни эмас, кўпларнинг манфаатини кўзлайман, улар нажот топсин деб, турли йўл билан ҳамманинг кўнглини топмоқчиман.” Тор доирада фикрлашдан кенг доирада фикрлашга ўзгаринг. Худо кенг миқёсдаги Худодир. У доимо бутун дунё учун ғамхўрлик қилиб келган. “Зеро Худо оламни шунчалик севдики, Ўзининг ягона Ўғлини берди, токи Унга ишонга ҳар бир киши ҳалок бўлмасин, балки абадий ҳаётга эга бўлсин.” (Юҳанно 3:16)

Азалдан У ҳар бир халқдан оила аъзоларни танлашни ҳоҳлади. Муқаддас Каломда шундай ёзилган, “Худо барча одамзодни бир одамдан яратиб, ер юзига тарқалиб яшашига йўл қўйган. Инсониятнинг белгили даврларини, турли истиқомат жойларини Худо тайин этган. У ҳар биримизга жуда яқин бўлиб, пайпаслаб-пайпаслаб бўлса-да, Мени қидириб топинглар, деб буюрмоқда.”(Ҳаворийлар 17:26-27)

Дунёнинг кўп қисми кенг кўламда фикрлайди. Энг катта бизнес корхоналари кўп миллатлидир. Модалар, мусиқа, спорт ва овқатларни бўлишимиз орқали бизнинг ҳаётимиз борган сари бошқа миллатлар билан жипслашиб кетмоқда. Балки сиз кийган кийим ёки ейдиган овқатларингизнинг кўп қисми бошқа давлатларда ишлаб чиқарилгандир. Биз тасаввур қилганимиздан кўра кўпроқ боғланганмиз.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Сиз ҳамма вақт ҳам Худо учун тайёрмисиз? У сиз ранжитмасдан туриб сизнинг режаларингизни вайрон қилиши мумкинми? Хизматкор сифатида, сиз қачон ва қаерда хизмат қилишингизни танлай олмайсиз. Хизматкор сифатида сиз режаларингиз устидан бошқаришни ўзингиз эмас, балки Худога топширасиз.

Агар сиз кун бошланишини Худога хизматкорман дейиш билан бошласангиз, режаларингизнинг амалга ошмаслиги сизни ранжитмайди, чунки ҳамма нарса Худонинг истагани бўйича кетаверади. Хизматкорлар режалар тўхталишини хизмат қилиш учун белги сифатида қабул қилиб ва хизмат қилиш имконияти борлигидан хурсанд бўладилар.

Ҳақиқий хизматкор муҳтожликларга эътибор беради. Хизматкорлар доимо бошқаларга ёрдам бериш пайидан бўлишади. Улар қачонки бирор муҳтожликни кўрсалар, худди Муқаддас Каломда айтилгани каби уни қондиришга ҳаракат қиладилар: “Фурсатимиз бор экан, ҳаммага айниқса, ўзимизнинг аҳли мўминга яхшилик қилаверайлик.” (Галатияликларга 6:10) Агар Худо сизнинг олдингизга бирор муҳтожни қўйса, У сизга хизмат қилишингиз ва ўсишингиз учун имконият беряпти. Худо сизга жамоат эҳтиёжларини қондиришингиз учун бу эҳтиёжни рўйхатингизга киритишни эмас, балки уни биринчи даражали вазифа сифатида кўришингизни ҳоҳлайди.

Биз бир неча марта хизмат қилиш имкониятларини қўлдан чиқарамиз, чунки биз етарлича сезгир ва тайёр бўлмаймиз. Хизмат қилиш учун улкан имкониятлар ҳеч қачон узоқ давом этмайди. Улар тезда ўтиб кетади ва баъзан умуман қайтиб келмайди. Сиз ўша кишига охирги марта хизмат қилиш имкониятига эга бўлаётган, бўлишингиз мумкин, шунинг учун буни қўлдан чиқарманг. “Ўзингда бор бўлса, қўшнингга “кечроқ кел”, “эртага бераман”, деб айтма.” (Сулаймон Ҳикматлари 3:28)

“Қўлингдан келганича, иложи борича кўпроқ шароитларда, имкон қадар барча йўлларда, мумкин бўлган ҳар бир жойда, ҳар қандай вақтда, кўлингиздан келганча кўп инсонларга яхшилик қилинг.” Бу буюкликдир. Сиз бошқалар истамайдиган кичкина ишларни қилиш орқали буни бошлашингиз мумкин. Бу кичкина ишларни худди катта ишларни бажараётгандек қилинг, чунки Худо қараб турибди. Ҳақиқий хизматкорлар бирор ишни қўлларидан келганича ўзларида бор нарса орқали бажарадилар. Хизматкорлар узрли бўлмайдилар, ҳоҳишсиз ва яхши вазиятни кутиб турмайдилар. Хизматкорлар ҳеч қачон “Шу кунларнинг бирида” ёки “Қачонки яхши вақт бўлса” деб айтмайдилар. Улар фақат қилиниши керак бўлган ишни қиладилар. Муқаддас Каломда шундай ёзилган, “Агар сиз энг яхши вақтни кутаверсангиз, бирор нарсани амалга ошира олмайсизлар”(Воиз 11:4) Худо сиздан ўзингизда бори билан, қаерда бўлсангиз ҳам қўлингиздан келадиган ишни қилишни кутади. Мукаммалликдан камроқ хизмат энг яхши тилаклардан кўра яхшироқдир.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Муқаддас Каломда шундай ёзилган, “Биз Худонинг ижодимиз. Худо бизни Исо Масиҳ орқали хайрли ишлар қилишимиз учун яратди, бу ишларни эса биз учун азалданоқ тайёр қилиб қўйди.” (Эфесликларга 2:10) Инглиз тилидаги “шеър” сўзи Юнон тилидан “ҳунар” сўзидан келиб чиққан. Сиз қаторма-қатор яратилмагансиз, балки тўлиқлигингизча яратилгансиз. Сиз махсус шакллантирилган, ягона ва юксак санъат асарисиз.

Худо сизни ва хизматингизни ягона қилиб шакллантирди. У айнан керак бўладиган ДНКангизни тузиб чиқди. Довуд Худони ушбу мукаммаллиги учун улуғлаб шундай деди: “Бутун ичларимни Сен бунёд этдинг, Онам қорнида мени ташкил этдинг.” (Забур 138:13) Худди Ител Уотерс айтганидек, “Худо кераксиз нарсани яратмади.”

Худо нафақат сизни туғилишингиздан илгари шакллантирди, балки умрингизнинг ҳар бир кунини Унинг шакллантириш жараёнига ёрдамчи қилиб режалади “Ҳамон пушт шаклида эканман, Кўзларинг кўрарди мени. Ҳали бир кун ҳам яшамаганимда, Сен кунларимни тайин қилиб, Ҳаммасини китобингга ёзган эдинг.” (Забур 138:16) Бу дегани ҳаётингизда содир бўладиган ҳар қандай воқеа ҳам аҳамиятлидир. Худо буни сизнинг бошқаларга хизматингиз учун ва Унга хизмат қилишингиз учун яратди. Худо ҳеч қачон бирор нарсани исроф қилмайди. Агар Унинг улуғворлиги учун ишлатилмаганингизда Худо сизга қобилият, қизиқишлар, маҳорат, инъомлар, шахсият ва тажрибани бермас эди. Буларни билиб олишингиз ва тушунишингиз учун сиз Худонинг ҳаётингиздаги иродасини топишингиз мумкин.

Муқаддас Калом сизни ажойиб тарзда мураккаб эканлигингизни айтади. Сиз бир қанча ва турли хилдаги омилларнинг қўшилмасисиз. Худо ҳар бир имонлига хизматда ишлатиш учун руҳий инъомлар беради. Булар Худо томонидан кучлантирилган бўлиб, Унга хизмат қилиш учун фақат имонлиларга берилади. Муқаддас Каломда шундай ёзилган, “Инсон ўзининг туғма ҳис-туйғулари билан Худо Руҳи ўргатган нарсаларни қабул қила олмайди. У буларни тушунмагани учун тентаклик ҳисоблайди. Зеро илоҳий ҳақиқатни Илоҳий Руҳ ёрдамида муҳокама қилиш мумкин.” (1 Коринфликларга 2:14)

Сиз ўзингизнинг руҳий инъомларингизга лойиқ эмассиз ва шунинг учун ҳам улар инъомлар деб номланган. Улар Худонинг сизга берган иноятининг ифодасидир. “Биз ҳар биримиз Масиҳ иноят этганига кўра бирон инъом олдик.” (Эфесликларга 4:7) Сиз қайси инъом кераклигини танлай олмайсиз; Худо буни аниқлайди. Павлус шундай тушунтиради, “Буларнинг ҳаммаси эса ўша битта Руҳ таъсирида содир бўлади, Руҳ Ўзи ҳоҳлагани бўйича, бу қобилиятларни ҳар кимга алоҳида тақсимлайди.” (1 Кор. 12:11) Раббимиз инояти барчангизга ёр бўлсин азизлар. Хайр, омон бўлинг.

Сиз ўзингиз Исо характерини ўзингизда шакллантира олмайсиз. Янги Йил аҳдномалари, ирода ва ажойиб тилаклар етарли эмас. Фақатгина Муқаддас Руҳда бизнинг ҳаётимизни Худо ҳоҳлаганидек ўзгартириш учун қудрат бор. Муқаддас Каломда шундай ёзилган, “Зотан Худонинг Ўзи сизларнинг вужудингизда амал қилади, У Ўз мурод-мақсадини адо этишингиз учун сизларда ҳоҳишни ҳам, ҳаракатни ҳам туғдиради.”(Филиппи. 2:13)

“Муқаддас Руҳнинг кучини” эслатсангиз кўпгина кишилар мўжизавий ишлар ва кескин ҳиссиётлар ҳақида ўйлайдилар. Лекин кўпгина ҳолатларда Муқаддас Руҳнинг кучи ҳаётингизда сиз ҳис қилолмайдиган ва билолмайдиган сокин, кутилмаган йўллар билан содир бўлади. У кўпинча бизга “мулойим шипирлаш” орқали гапиради.

Масиҳга ўхшашлик тақлид қилиш орқали эмас, балки У айтганидек яшаш орқали содир бўлади. Биз Масиҳга биз орқали ишлашига имкон берамиз. “Худо дунё халқлари учун сақлаган ушбу сирнинг нақадар бой ва улуғворлигини Ўз азизларига очиб беришга рози бўлди, чунончи улуғвор умидимизнинг мағзи – сизнинг ичингиздаги Масиҳ.” (Кол 1:27)

Бу ҳаётда қандай содир бўлади? Бизнинг танловларимиз орқали. Биз тўғри ишни қилишни танлаймиз ва Худонинг Руҳига буни бажариш учун бизга куч, севги, имон ва донолик беришига ишонамиз. Худо Руҳи бизнинг ичимизда яшаётган экан, биз буларни сўраганимизда бизга берилади.

Биз Муқаддас Руҳнинг ишига шериклик қилишимиз керак. Муқаддас Каломда биз бир муҳим ҳақиқатни қайта-қайта тасвирланишини кўрамиз. Муқаддас Руҳ сиз имон билан бир қадам ташлаган вақтда Ўзининг кучини сизда намоён қилади. Йошуа ўтиб бўлмайдиган тўсиққа дуч келганида, Иордан дарёсининг суви улар бўйсинувчанлик ва имон билан тез оқаётган сувга кирганларидан сўнг пасайган.

Бўйсуниш Худо қудратини очади. Худо сизни биринчи ҳаракат қилишингизни кутади. Ўзингизни кучли ва ишончли ҳис қилгунгача кутиб ўтирманг. Кучсиз бўлганингизда, қўрқув ва ҳиссиётларингиздан қатъий назар тўғри ишни қилиш орқали қадам қўйинг. Бу сизнинг Муқаддас Руҳнинг ишига шериклик қилишингизни билдиради ва сизда характерни шакллантиради. Муқаддас Калом руҳий ўсишни уруғга, бинога ва бола ўстиришга ўхшатади. Инжилда камида етти марта Масиҳга ўхшашда ўсиб бориш учун “куч-ғайрат билан” ҳаракат қилиш айтилган. Сиз фақатгина ўтириб олиб унинг содир бўлишини кутолмайсиз.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Худо сизда Масиҳнинг айтган ажойиб сўзларидагидек, Руҳнинг меваларидагидек, Павлуснинг севги бобида тасвирланганидек ва Бутруснинг самарали ҳаёт кечириш ҳақидаги сўзларидагидек характер бўлишини истайди. Агар бу характер Худо сизни ҳаётингиздаги мақсади эканлигини унутсангиз, ҳар вазиятда кўнглингиз тушаверади.

Сиз, “Нега менда бунақа бўляпти? Нима учун шундай қийин вақт кечиряпман?” деб ҳайрон бўлаверасиз. Биргина жавоб шуки ҳаёт қийин бўлиши кутилгандир. Бу бизни ўстиради. Ёдингизда бўлсин, ер жаннат эмас. Кўпгина масиҳийлар Масиҳнинг “мўл-кўл ҳаёт” деган гапини, кучли соғлиқ, шинам ҳаёт, узлуксиз шодлик, орзуларингизнинг амалга ошиши ва ибодат ва имон орқали муаммолардан доимо юпанч олиш деб тушунадилар. Биргина сўз билан айтганда, улар масиҳий ҳаётни осон деб тасаввур қиладилар. Улар ерда жаннатни кутадилар.

Бундай қараш сизга Худони шахсий эҳтиёжларингиз учун сизга ёрдам берувчи жин каби тасвирлатади. Лекин Худо сизнинг хизматкорингиз эмас ва агар сиз ҳаёт енгил бўлади деган фикр билан юрган бўлсангиз, сиз жуда ҳам хаёлотга берилгансиз ва ҳақиқатни рад қилиб яшаяпсиз. Ҳеч қачон ёдингиздан чиқмасинки, ҳаёт сиз ҳақингизда эмас! Сиз Худонинг мақсади учун яшайсиз, аксинча эмас.

Нега Худо сиз учун абадий тайёрлаб қўйган жаннатни ерда таъмин қилиши керак? Худо бизга ердаги вақтимизни характеримизни жаннат учун тайёрлаш учун берган. Масиҳга ўхшаш характер яратиш бу Муқаддас Руҳнинг ишидир. Муқаддас Каломда шундай ёзилган, “Биз ҳаммамиз очиқ юзимиз билан, кўзгуга қарагандай, Раббимизнинг улуғворлигига қараб турибмиз. Улуғворликдан улуғворликка ўтганимиз сари, Раббимизнинг суратига томон ўзгармоқдамиз; бу эса Раббимизнинг Руҳи орқали содир бўлмоқда.”(2 Коринфликларга 3:18)

Бизни Исога ўхшатадиган бу жараён муқаддас бўлиш деб аталади ва бу ҳаётингиздаги учинчи мақсаддир. Сиз ўзингиз Исо характерини ўзингизда шакллантира олмайсиз. Янги Йил аҳдномалари, ирода ва ажойиб тилаклар етарли эмас. Фақатгина Муқаддас Руҳда бизнинг ҳаётимизни Худо ҳоҳлаганидек ўзгартириш учун қудрат бор. Муқаддас Каломда шундай ёзилган, “Зотан Худонинг Ўзи сизларнинг вужудингизда амал қилади, У Ўз мурод-мақсадини адо этишингиз учун сизларда ҳоҳишни ҳам, ҳаракатни ҳам туғдиради.”(Филиппиликларга 2:13)

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Бутун оламда фақат инсонларгина Худо суратида яратилгандир. Бу жуда катта имтиёз бўлиб, бизга шараф келтиради. Биз бу ифоданинг ҳамма қирраларини ҳам тушунолмаймиз, аммо бунинг баъзи қирраларини аниқ биламиз: биз Худога ўхшаган руҳий мавжудотлармиз – руҳимиз ҳеч қачон ўлмайди ва ердаги танамиздан ҳам ортиқроқ яшайди; биз ақлий кишилармиз – биз фикрлай оламиз ва муаммоларни ҳал қила оламиз; Худога ўхшаб биз ҳам нисбий бўлиб – севгини қабул қила оламиз ва бера оламиз; ва бизда ахлоқий сезги бор – биз яхшини ёмондан ажрата оламиз ва бу бизни Худо олдида жавоб беришимизни билдиради.

Муқаддас Калом фақатгина имонлилар эмас, балки барча инсонлар ҳам Худонинг суратида яратилган дейди; шунинг учун ҳам одам ўлдириш ва ҳомилани тушириш нотўғридир. Аммо Худо сурати гуноҳ натижасида бузилган. Шунинг учун ҳам Худо Масиҳни йўқотилган суратни қайтиб тиклаш учун юборди.

Худонинг тўлиқ “сурати ва ўхшашлиги” нима ўзи? Бу Исо Масиҳга ўхшайди! Муқаддас Калом Исо Масиҳни “Худованднинг аниқ сурати”, “кўринмас Худонинг кўриниб турган сурати” ва “Унинг суратининг аниқ ифодасидир” деб айтади. Кишилар кўпинча “ота каби, ўғил каби” деган ифодани оила ўхшашлигини айтиш учун ишлатадилар. Агар кишилар менинг болаларимда менга ўхшашликни кўрсалар, бу мени мамнун қилади. Худо ҳам Ўз фарзандларини Унинг суратини ва ўхшашлигини акс эттириб туришларини истайди. Муқаддас Каломда шундай ёзилган, “Худога муносиб суратда, ҳақиқий солиҳлик ва муқаддаслик билан яратилган янги табиатни ўзлаштиринглар.” (Эфес 4:24)

Келинг ҳаммасини очиқ айтай: Сиз ҳеч қачон Худо бўлолмайсиз. Бу кибр Шайтоннинг энг қадимги васвасасидир. Шайтон Одам Ато билан Момо Ҳавога “агар сизлар мевадан есангизлар Худога ўхшаб қоласизлар” деб ваъда берган. Шайтоннинг ана шу васвасасига берилган кўпгина динлар ва фалсафалар бизлар худо бўлишимиз мумкинлиги ҳақида айтади. Худо бўлишимизга бўлган ушбу истак бизларни доимо вазиятни, келажакни ва атрофимиздаги кишиларни бошқаришимизда яққол кўриниб туради. Лекин яратилган мавжудотлар сифатида биз ҳеч қачон Яратувчи бўлолмаймиз. Худо сизни худо бўлишингизни ҳоҳламайди; У сизни художўй бўлишингизни – Унинг қадр-қиммати, муносабатлари ва характери ҳақида гапиришингизни ҳоҳлайди.

Муқаддас Каломда шундай ёзилган, “Эски ўзлигингизни бир четга олиб қўйинглар; яъни илгариги турмушингизга оид, алдовчи эҳтирослар билан бузилиб бораётган эски, ёмон табиатингизни соқит қилинглар.” (Эфесликларга 4:22)

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Худо шундай дейди, “Шунинг учун энди бу одам ҳаддан ортиқ хафа бўлмаслиги учун, уни кечириб тасалли беришингиз маъқулдир.” (2 Коринфликларга 2:7) Сиз кечирим олмасдан туриб биродарчиликка эга бўлолмайсиз. Худо шундай огоҳлантиради, “Бир-бирингизга нисбатан чидамли ва кечиримли бўлинглар. Агар бир киши иккинчисидан хафа бўлса, Масиҳ сизларни кечиргани каби, сизлар ҳам бир-бирингизни кечиринглар.” (Колосаликларга 3:13) Чунки аччиқланиш ва нафратланиш доимо биродарчиликни вайрон қилади. Биз номукаммал ва гуноҳкор инсон бўлганимиз учун ҳам агар етарли вақт давомида биргаликда бўлсак, албатта бир-биримизни жароҳатлаймиз. Баъзида атайлаб шундай қиламиз ва баъзида билмай туриб қиламиз, барибир нима бўлган тақдирда ҳам биродарчиликни тиклаш ва янада мустаҳкамлаш учун жуда кўп шафқат ва иноятга муҳтожмиз. Муқаддас Каломда шундай ёзилган, “Агар бир киши иккинчисидан хафа бўлса, Масиҳ сизларни кечиргани каби, сизлар ҳам бир-бирингизни кечиринглар.” (Колосаликларга 3:13) Худонинг бизга кўрсатган шавқати бизнинг бошқаларга шафқат кўрсатишимиз учун далда берувчи куч бўлади.

Ёдингизда бўлсинки, ҳеч ким сиздан Худо сизни кечирганчалик ёрдам сўрамайди. Кимдир сизни ранжитса, сизда шундай ҳоҳиш бўлиши мумкин: Мен бор куч ғайратимни ва ҳис-туйғуларимни уни қайта тўлаш учунми ёки уни ҳал қилиш учун ишлатишим керакми? Иккаласини бир вақтда бажаролмайсиз. Кўпгина инсонлар шафқат кўрсатишни истамайдилар, чунки улар ишонч ва кечирим ўртасидаги фарқни тўлиқ тушунмайдилар. Кечирим ўтмишни унутиб юборишдир. Ишонч эса келажак билан боғлиқдир.

Кечирим сўралиши ёки сўралмаслигидан қатъий назар дарҳол кўрсатилиши керак. Ишонч эса вақт давомида секин-аста содир бўлади. Агар сизни бирор киши кетма-кет ранжитаверса, Худо сизга уни дарҳол кечиришингизни айтган, аммо унга дарҳол ишонишингиз ва сизни жароҳатлаши учун имкон беришингизни айтмаган. Улар ўзгарганларини вақт давомида кўрсатиб боришлари керак.

Ишонч тикланадиган энг яхши жой далда берувчи ва маъсулдор кичик гуруҳларнинг ёрдамидир. Сиз кичик гуруҳда бўлишингизнинг яна бир неча афзалликлари мавжуд. Бу Масиҳий ҳаётингиз учун энг муҳимдир. 2000 йил мобайнида Масиҳийлар кичик гуруҳларда бирга йиғилишиб келганлар. Агар сиз шундай гуруҳларнинг бирортасига эга бўлмасангиз, сизга нима етишаётганлигини билолмайсиз. Кейинги дастурларда шундай кичик гуруҳларни барпо қилиш учун нима кераклиги ҳақида гаплашамиз. Сиз жамоа учун яратилгансиз.

Бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Агар бошқалар биз билан бирга юрса ва бизга далда берса, биз имонимизда мустаҳкамроқ бўламиз. Муқаддас Калом ўзаро маъсул бўлиш, ўзаро далда бериш, ўзаро хизмат қилиш ва ўзаро мақташ ҳақида гапиради. Янги Аҳдда бизга “бир-биримиз” ҳақимизда элликдан ортиқ амрлар берилган. Муқаддас Каломда шундай ёзилган, “Бир-бирингизни биродарларча, самимий муҳаббат билан севинглар. Бир-бирингизни иззат-ҳурмат қилишга ўзишгандай ҳаракат қилинглар.” (Римликларга 12:10)

Сиз Масиҳ Танасининг ҳар бир аъзоси учун маъсулиятли эмассиз, аммо уларга маъсулиятлисиз. Худо сиздан уларга қўлингиздан келганча ёрдам беришингизни кутади.

Ҳақиқий биродарчиликда кишилар раҳмдирлликни ҳис қиладилар. Раҳмдиллик маслаҳат бериш ёки тезда ёрдам бериш дегани эмас; раҳмдиллик ичкарига кириш ва бошқаларнинг оғриғига шерик бўлиш демакдир. Раҳмдиллик шундай дейди, “Мен сен бошингдан кечираётган нарсаларни тушунаман ва сенинг ҳис туйғунг ғалати ҳам эмас тентаклик ҳам эмас”. Ҳозирда кўпчилик буни “ачиниш” деб атайди, лекин каломий сўз “раҳмдилликдир”. Муқаддас Каломда шундай ёзилган, “Худо сизларни азизларим деб танлаган, сизлар муқаддассизлар. Шунга кўра раҳм-шафқат, кўнгилчанлик, камтарлик, мулойимлик ва сабр-тоқатни зеб-зийнат қилиб тақинглар.” (Колосаликларга 3:12)

Биродарчиликнинг бир қанча босқичлари бор ва ҳар бири турли вақтларда муносибдир. Биродарчиликнинг энг оддий даражаси бир-бири билан бўлишиш ва Худо Каломини биргаликда ўрганишдир. Чуқурроқ даража эса, саёҳатларда ва меҳрибончилик лойиҳаларида хизмат қилишдир. Энг олий ва чуқур даража эса, бир-биримизнинг дардларимизга шерик бўлиб ва бир-биримизнинг юкларимизни кўтариб, азоб чекиш биродарчилигидир. Ушбу даражани энг яхши тушунадиган Масиҳийлар қувғинга учраётган, хўрланаётган ва ҳаттоки имонлари учун ўлаётган кишилардир.

Муқаддас Калом шундай амр беради: “Бир-бирингизнинг оғриқларингизга ёрдамлашинглар, шундай қилиб Масиҳнинг Қонунини бажарган бўласизлар.” (Галатияликларга 6:2) Биз бир-биримизга оғир инқироз, қайғу ва шубҳа вақтларида жуда керакмиз. Имонимизни иккилантирадигани вазиятлар келганида, шунда энг яқин дўстларимизга муҳтож бўламиз. Биз Худога имонимиз учун ва бизларни етаклашлари учун кичик гуруҳдаги дўстларга муҳтожмиз. Кичик гуруҳларда ҳаттоки Худо узоқда туюлганда ҳам, Масиҳнинг Танаси ҳақиқий ва очиқ бўлади. Бу Аюб пайғамбар азоб чекаётганда жуда муҳтож бўлган нарса эди. У шундай деб бақирди, “Умидсизликка тушган киши, ҳаттоки Худодан қўрқув бўлмаган дўстидан ҳам ёрдам кутади.” (Аюб 6:14)

Бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.