Азизлар соч турларининг, кўз шаклининг ва тери рангининг хилма-хиллиги ҳақида ўйлаб кўринг. Биз ҳар томонлама бир-биримиздан фарқ қилиб турамиз. Фикрларимиз ҳар хил; ҳар турли овқатларни ёқтирамиз.

Худо ҳар биримизни ўзига хос қилиб яратгани ажойиб эмасми? Ҳатто оилада ҳам баъзида болалар бир-бирига ўхшамайди. Баъзилари озғин ва баъзилари оғир бўлишади.

Баъзиларининг сочи қора, баъзилариники сариқ бўлади. Агар ота-она фарзандларини севса бундай фарқларга қарамайди. Ота-она учун энг муҳим нарса бу фарзандларининг уларга тегишли эканлигидир.

Асосий ҳақиқат шуки биз кўриб турган турли-туманликни Худо режалаштирган. У бизнинг ҳар хил, ўзига хос бўлишимизни режалаштирган. Бу Унинг режалари ҳақидаги ажойиб нарсалардан бири холос.

Биз баъзида ҳеч ким айнан ўзимизга ўхшамаслигини ҳис қилсак, бу эса айни ҳақиқат!Дўстларингиздан бири билан қай йўсинда фарқ қилишингизни ўйлаб кўрганмисиз?

Ҳар бир ғиштнинг бир хил бўлиши муҳим эмас. Улар турли ўлчамда ва ҳар хил шаклда бўлиши мумкин. Уларнинг бирга туриши муҳимдир. Уларнинг ҳаммаси фойдали қилиб ясалиши керак.

Бу уларнинг ҳар бири қурувчининг дизайнига мувофиқ шаклга эга бўлиши керак деганидир. Шундай қилиб биз ҳам Худонинг дизайнига биноан шаклланишимиз керак, бу дизайн ўлчов ва намунадан иборат.

Эфесликларга мактубининг 4 боби 13 оятидаайтилганидек, бизга ҳаётимиз учун кўрсатаётган ўлчов “Масиҳнинг камолига эришган”ликдир. Бу Худо Ўз Сўзини ўрганишимиз орқали бизни етаклайдиган мақсадидир.

Унга бизнинг устимизда ишлашга имкон берсак, У бизни Ўз Ўғлининг ўлчови ва намунасига биноан ўзгартиради. Ахир, биз Унинг фарзандларимиз-ку. Биз Унга ўхшаш бўлишни орзу қилишимиз даркор.

Бу бизнинг шахс сифатида ўсиб-улғайишдан тўхташимиз керак дегани эмас. Худованд бизни Масиҳнинг эгизаги эмас, балки “биродар”и бўлишимизни истайди. Фарзандлар улғайишгач ўз ота-онасига ўхшаб етилади ва ҳатто улардан ҳам кўпроқ билишади. Шунинг билан азиз биродарлар, мавзумиз ўз поёнига етиб қолди. Хайр саломат бўлинг.

Ўша тўсиқларни енгиб ўтишнинг иложи бор. Янги босқичларга чиқишнинг иложи бор. Тақдирингга етишнинг хам имкони бор. Сен буларнинг хаммаси қандай бажо бўлишини билмаслигинг мумкин. Бу сенинг режангда бўлмасада , билишинг керак бўлган нарса Xудо қила оласан деб айтган сўзи. Худо қила оласан деган бўлса демак қила оласан, фақат шуни бил. Бугун оддийгина эълон қилиш сўзи билан тақдиринг учун имконларни оч. “ Мени қўллаб- қувватлаётган Исо Масихнинг мадади билан хар нарсани қила оламан. ” Кўчада кетаётганингда светафорнинг қизил чироғи ёниб қолганда ёки бирор нарса олмоқчи бўлиб новбатингни кутиб турганингда ёки исталган бўш вақтингда шу оятни такрорлаб айт. Бу оят қалбингга чуқур сингиб кетсин. Шундай қилганингда Унинг Каломи сени ўзгартиради. Қалбингда имон тошиб У сен учун мухайё қилиб қўйган мархаматларни эгаллайсан!

Бугун вазиятинг қандай оғир бўлмасин, қандай зиддиятга тушиб қолган бўлсангда бу 24 соат ичида уларни енгиб, муаммолар устидан ўтиб кетишинг мумкин! «Азиз биродарим, бунинг хеч иложи йўқ!»- дейишинг мумкин. 4 Шохлар китобининг 7- бобда Самарияликлар шундай ўйлашганди. Улар яшаб турган ерда оғир қахатчилик бўлаётганди. Экономикаси оғир холатда қилгани учун озиқ-овқат танқисликка учраганди. Оналар тирик қолиш учун фарзандларини еяётган эди.

Шундай вазиятнинг ўртасида Xудо пайғамбар Елишайга йигирма тўрт соатдан кейин хамма вазият бутунлай ўзгариб кетишини айтади. Буғдой ва арпанинг нархи жуда арзон бўлишини ва истемол қилиш учун озиқ- овқат мўл бўлишини айтади. Худо шу вазиятни ўзгартириш учун нимани ишлатди? Тўртта моховни! Тўртта мохов ўзларига ачиниб ўлишни кутиб ўтирмасдан душман қароргохига бориб имкониятдан фойдаланмоқчи бўлди ва ўрниларидан туриб, отланишди. Улар ўша манзилга етиб боришганларида мўл -кўлчиликни топишди. Хамма аскарлар Xудонинг фаришталаридан қўрқиб хом ашёларини ташлаб қочишганди. Улар ташлаб кетган озиқ овқат бутун Самарияга етарли эди! Баъзи пайтларда сен ва мен шу хикоядаги амалдорларга ўхшаймиз. Назаримизни Xудонинг Каломига қаратишнинг ўрнига муаммоларга қаратамиз. Дунёнинг гапларига қулоқ солиб қўйганимиздан ғалаба хақидаги вахийни хам унутиб қўямиз. Муаммоларга кўмилиб ғалабани ташқарига улоқтириб ташлаймиз. Шундай холат юз берса имон ва қудрат чекинади ва хар томонлама хаёт ташвишлари бизни сиқа бошлайди. Агар сенда шундай бўлаётган бўлса, йиғлашни бас қил. Муаммоларингга қараб ўзингга ачиниб ўтирма. Бу хеч нарсани ўзгартмайди ва хеч қандай фойда бермайди! Худди Елишайга ўхшаб Xудо сенга хам Сўз берган. У сенга ғалаба ваъда қилган. У сени ғолиб қилишга ваъда берган. Сен енгиб чиқувчисан. Шунинг учун бекорга ўлимни кутиб ўтираверма. Мағлуб бўлишган, енгилишдан воз кеч ва қабул қилма. Имон билан ўрнингдан тур. Худонинг Каломида тур ва хаётинг учун кураш. Шайтондан огох бўлиб уни хайдаб юбор. Касалликдан, қашшоқликдан ғазабланиб уларни чиқариб юбор ва беришни бошла. Ўрнингдан тур ва Раббий берган озодликни қабул қил!

Қувониб, хотиржам бўлишни бошлайсан, чунки Xудо сен учун хаммасини билдирмай рўёбча чиқараётганини биласан. Бугун сенга далда бермоқчиман, Xудонинг ваъдаларини қаттиқ ушлаб тур ва уларни йўқолишига йўл қўйма! Сен ўшаларни тасаввурингда кўра оласанми? Ўзингни аллақачон соғайиб кетганингни фикрингда кўра оласанми?

Охирги қарзларингни тўлаётганингничи? Оғирликлардан қутулганингничи? Оила аъзоларинг ёки хамкасбларинг билан Xушхабар бўлишаётганингничи? Келажагинг учун Xудодан вахий сўра. Қалбингни Унга оч ва Унинг фикрлари сенинг фикрларингга айлансин. Унинг ваъдаларини имон билан қабул қил ва юқоридаги оятдагидек Ибодат қилиб нима сўраган бўлсанг олганингга ишон эришасан!

Сўраганингга албатта эришасан! Шундай экан, яхшилик қилишдан чарчамайлик. Агар ҳолдан тойиб қолмасак, ўз вақтида бунинг ҳосилини ўриб оламиз. (Галатияликлар 6:9)

Сен бирор нарса учун ибодат қилаяпсанми ва шу сўраганинг сен ўйлаганингдан ёки кутганингдан хам узоққа чўзилиб кетдими? Худонинг ваъдаларидан қанча вақтдан бери турган бўлсангда бўшашма! Сенинг вақтинг келмоқда.

Барокатларингнинг хосили йўлда келяпди. Бу бугун бўлиши мумкин, ёки эртага, бўлмаса кейинги хафта , кейинги ой, ё бўлмаса янаги йил. Лекин битта нарсани унутма, ўз вақида сенга ёриб чиқиш келади.

Бугун кўнглинг кўтарилсин, чунки Худо Сўзига содиқ ва Унинг хамма ваъдалари хақиқат. Ваъдаларда туришда давом этавер, умид қилиб, ишонавер! Яхшилик қилавер ва хаётингга Унинг ваъдаларини эълон қилавер. Сенга далда берадиган қалбингни ва фикрингни Худонинг Каломи билан тўлдирадиган кишилар атрофида бўл. Оғзингдан хамду -сано қўшиқлари тушмасин. Имонда кучли бўл ва ғолиблар фикри билан яша.

Яхши ва тўғри иш қилишдан чарчама, чунки мархаматларинг хосили йўлда келяпди!

Ибодат; Самодаги Ота, хаётимдаги эзгулигинг ва садоқатинг учун рахмат. Қалбимни янгилаб ўзгартирганинг учун рахмат. Тинчлигинг билан мени тўлдир. Мени кучга тўлдир. Хосилим етиб келгунча яхшилик қилишда давом этай ва мустахкам турай. Исо Масих Номидан омин.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Муқаддас Китобдан Xудованд фаришталар орқали гапириши мумкинлигини кўрдик. Фаришталар ким? Фаришталар чиндан хам мавжудми? Агар исминг Марям бўлганда бу саволга ха, улар чиндан мавжуд деб айтган бўлардинг. Исминг Закариё бўлганда бу саволга ха деб жавоб айтган бўлардинг. Фаришталар чиндан хам мавжуд.

Фаришталар илохий мавжудот бўлиб, Xудонинг хокимияти остида хизмат қилишади. Улар жамоат ва сен учун хам қўйилган. Бош фаришта, Жаброил Марямга Xудонинг уруғи унинг қорнида бўлиши хақида хабар етказди. Фаришталарни кўриш учун Марям бўлишинг шарт эмас. Кўп одамлар ва хатто ўзим хам фаришталарни кўрганман. Улар Xудо томонидан бизга хабаp етказиш хизматини ўташ учун тайинланган.

Фаришталарнинг хаммаси хам қанотли эмас. Мен касал бўлиб ётган бир аёлнинг гувохлигини эслаб тураман. Бир киши у ётган уйнинг эшигини таққилатади, ўша аёл эшикни тақиллатганда кираверишни айтади. У киши келиб, аёл ётган хонани йиғиштириб, бузилиб ётган уй жизохларини созлай бошлайди. Ўша киши нимага тегинса ўша нарсалар Xудонинг хузуридаги нурдек порлаб кетаpди.

У ётган хонанинг атмосфераси бутунлай ўзгариб кетди. Унинг уйини тозалаб, овқат тайёрлаб берди. У аёлга қараб яна бошқа нарса керакми деб сўрaди. Аёл ўша кишининг бошқача эканлигини пайқаб қолди. Унинг овозидан Xудонинг сокинлигини сезиб турарди. Унинг овозида ғамхўрлик ва қудрат сезиларди. У киши кетгандан сўнг ётоқхонасига кирдида уйқуга кетди ва жуда яхши дам олди.

У махалласидаги хонадонларга ёрдам бериш ташкилотига телефон қилди ва ёрдам бериш учун киши юборганига рахмат айтди, лекин улар хеч кимни юборишмаганини айтишди. У мўъжизавий йўл билан шифоланганди, чунки Xудо унга хизмат қилиш учун фариштасини юборган эди. (Ибронийлар 13:2). Меҳмондўстликни унутманглар.

Зеро, меҳмондўст бўлган баъзи одамлар ўзлари билмаган ҳолда фаришталарни меҳмон қилишган. Келинглар фаришталар хизматига очиқ бўлайлик. Улар Xудо томондан бизга хизмат қилиш учун гапирадилар.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Худо бизга ички хис орқали гапиради ва бу Унинг гапириш йўлларидан биридир. Бу хақида оятларда аниқ қилиб ёритилган. Ички хис — хеч қандай маълумотсиз бирданига тушиниб олиш қобилиятидир. Бу Муқаддас Китобда ички гувохлик деб аталади.

Худонинг бундай йўл орқали гапириши жуда хам ажойиб. Сен бирор нарсани қилганингда ўшани олдин хам қилгандек сезганмисан? Жисмоний оламда бирор нарсани ўрганмоқчи бўлсанг уни қайта қайта қилиб ўрганишингга тўғри келади, агар такрорлашни бас қилсанг ўргана олмайсан.

Сен ўрганмасдан туриб бирданига ўз-ўзидан қилиб кетавермайсан. Xудодан бўлган ички хис туйғу эса инстинктдан фарқ қилади. Худонинг овозини таниб олишда давом этаверсанг ички хисларга сезгир бўласан. Сен ички хисларингга ишонишни бошлайсан, чунки бу хақида сен тажрибага эга бўлдинг ва сенга у исботини кўрсатган.

Ички хис орқали тушинишга, фахмлашга эга бўласан. Мисол учун қудуқ ёнидаги аёл Исонинг айтиб берган сўзлари орқали Унинг пайғамбар эканлигини пайқаб олди. Бошқача қилиб айтганда у Xудонинг овозини таниб қолди. (Юханно 4:16- 19). Бориб, эрингни бу ерга чақириб кел, — деди Исо. — Менинг эрим йўқ, — деди аёл. — Эрим йўқ, деб сен тўғрисини айтдинг, — деди Исо. — Сенинг беш нафар эринг бўлган, ҳозиргиси ҳам эринг эмас. Сен тўғрисини айтдинг! — Ҳазрат, Сиз пайғамбар эканингизни кўриб турибман, — деди аёл.

Павлус ваъз қилаётганида туғма майиб кишининг соғайишига имони борлигини пайқаб қолди. (Хаворийлар 14:9) »Листра шаҳрида бир одам бўлиб, оёқларини қимирлата олмасдан ўтирарди. У туғма майиб бўлиб, ҳеч қачон юрмаган эди. Павлус гапираётганда, у қулоқ солиб ўтирган эди. Павлус унга тикилиб қаради. У одамнинг шифо топишига ишончи борлигини кўриб, унга баланд овозда деди— Ўрнингдан тур! У одам сакраб ўрнидан турди–да, юра бошлади.» Бу ерда ички хис пайқаш билан бирга ишлаганини кўрдик. Худонинг овозини эшитсанг уни бажаришдан юз ўгирма. Душман Xудо берган сўзни мана шундай қилиб ўғирлаб кетади. Ички xисни ақл билан ўрганиб бўлмайди. Cен уни ақлинг билан ўрганишингга хожат йўқ. Сен уни илохий равишда биласан. Xудо айтганига ишон ва уни амалда қил.

Ибодат.

Oта, овозингга, ички гувохликка сезгир бўлишим учун ёрдам беришингни сўрайман. Xаётимда ишлаётганингни пайқаб олишим учун овозингни тушиниб олай, буни қилишим учун Ўзинг менга ёрдам бер. Исо Номидан, омин.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Худо бизга Ўзига хос маслахат орқали хам гапириши мумкин. Худо баъзан сенга бошқалар орқали хам гапириши мумкин. Хаётимизда бизга очилмаган, биз хали нима қилишни билмай юрадиган пайтлар хам бўлади. Маслахат бизларга хар томонда ётган паззл бўлакчаларининг умумий кўринишини кўришга ёрдам беради.

Маслахатдан мақсад нима? Маслахат мақсадларни рўёбга чиқаради. Маслахатсиз қилинган ишнинг охири вой бўлади. Кўп кишиларнинг жуда кўп мақсадлари бор, лекин улар бемаслахат иш юритишади, шунинг учун хаётда уларнинг кўнгли хеч хам ёришмайди. Агар сен хокимиятга эга бўлиб , кўпчиликка маслахат берадиган маъсулиятга эга бўлсанг атрофингда маслахатчилар кўпроқ бўлишига ахамият бер.

Маслахатчиларинг кўп бўлса ишларинг яхши кетади. Ташкилотда хам кенгашчилар маслахати бўлмаса унинг тараққиёти сўниб қолишини хаётда хам кўрганмиз. Маслахатга қулоқ солмаган ўз билганидан қолмайди. Худо исён ичида бўлмайди. Ундай кишиларни бўсаға оғзида омадсизлик кутиб туради. Призидентни нима собит қилиб туради?

Унинг қайси маслахатчига қулоқ солгани бошқалардан алохида ажратиб туради. Биз хамма нарсани билмаймиз, агар ўзингни хамма нарсани биладиган қилиб тутадиган бўлсанг, аллақачон йиқилган бўласан. Хар бир омадли тижорат ортидан маслахатчилар туради. Оқсоқоллар кенгаши яъни маслахатчилари кўп бўлган жамоат омадли бўлади.

Xaётда хам маслахатга қулоқ солганлар омаднинг юқори чўққиларида юришади.

Ташкилотда эса Xудо бир ўзингга эмас кўпроқ маслахат орқали гапиради. Maслахатчилар йиғилганда ғоя яхшироқ бўлиши учун мухокама қилиниб, хар томонлама кўриб чиқилади. Маслахат мақсадни обод қилгани учун кишилар хаётига осойишталик келтиради. Маталлар 15:22 Маслаҳат бўлмаган жойда иш юришмайди, маслаҳатчи кўп бўлса, муваффақиятли бўлади. Худонинг маслахатларини тушиниб олсанг мақсадларинг амалга ошади.

Ибодат.

Oтажон, тақводор маслахатлар учун рахмат айтаман. Маслахатларни таъбирлай олиш учун ибодат қиламан. Хаётим учун қўйилган кишиларнинг маслахатларини танқид қилиб қўймайин. Исо Номидан, омин.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Худо бизга фикрларимиз орқали хам гапириши мумкин. Фикрлар Xудоники эканлигини қандай билсак бўлади? Инсон ақл-бовар қилмас нарсалар бўлади. Шундай пайтлар бўладики Xудо фикрингга қандайдир ғояни солиб қўяди.

Фикрларинг орасида Xудонинг овози нима қилади? Инсонлap, қандайдир жой ёки нарсалар хақида фикрларимизни бошқа томонга буради. Фикpларимизни тўғрилаши ёки бутунлай яксон қилиб ташлаши мумкин. Худо оддий фикрлар бериб тижорат ишларини бошлаб юбориши мумкин.

Худо оддий фикрлар орқали инсонлар хаётида мўъжизалар қилиб юборганини эшитганман. Худонинг фикрлари таъсирида қандай ишларни қилиб юборишинг мумкин? Улар сени Xудо каби фикрлашга ва Xудо билан хамкорликда фикр юритишингга қувватлаши мумкин. Худонинг фикрлари орқали хеч қачон билмаган сенга бутунлай номаълум бўлган нарсаларни англай бошлашинг мумкин.

(1- Коринфликлар 2:9) Биз Муқаддас Битикларда ёзилган сирли режа ҳақида гапиряпмиз: “Ҳеч бир кўз кўрмаган, ҳеч бир қулоқ эшитмаган, Инсон ақли бовар қилмаган ажойиботларни, Худо Ўзини севганлар учун тайёрлаб қўйган.” Xудо фикрлари орқали Ўз Йўлларини очиб беради. Унинг Шохлиги хаётингга мана шундай келади.

Худонинг фикрлари ўйларингда хокимлик қилади. Биз бу фикрлар Xудодан эканлигини биламиз чунки улар йўқ бўлиб кетмайди. Худо Ўз фикрлари орқали хаётинг учун ечимлар бериши мумкин.

Ибодат.

Отажоним мени Ўз фикрларингдан огох қилиб турганинг учун рахмат. Фикрларим орқали хаётимни ўзгартираётганинг учун хам рахмат айтаман. Мен хаётим учун нима қилишни ва нима деб гапиришим кераклигини биламан. Сен менга уларни очиб берганинг учун менга хаммаси аёндир. Исо Номидан, омин.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Худонинг вахийлари бешта туйғуларингдан хам устунроқдир. Туйғуларинг сенга халақит қилади ва сен жисмонан кўра олмайдиган нарсаларни фахмлай бошлайсан. Муқаддас Китоб вахийлар билан тўлган. Каломда бунга далиллар жуда кўп, чунки биз кўриб турганларимизни пайғамбарлар олдиндан кўришган эди.

Дониёр Рим Имериясининг қулашини ва Масихнинг қайтиб келишини содир бўлишидан минг йил олдин кўрган эди. Валийлар ва вахий кўрувчилар вақтдан олдин, яъни содир бўлишидан олдин кўришади. Уларни хамма хам тушинавермайди.

Одамлар гохида уларни тушина олишмайди. Вахийлар турли хил қатламларга эгадир. Келажак хам, ўтмиш хам ва хаттоки бугунги кун хам вахийда кўрсатилиши мумкин. Вахийлар ғайритабиий бўлгани учун вақт билан чегараланмайди. Уларнинг хаммаси ғайритабиийлик билан боғлиқдир. Вахийлар орқали содир бўладиган мўъжизалар хам бор. Oхирги пайтларда Xудо Ўз Рухини ёмғирдек қуйган вақтда туш ва вахийлар сабабли содир бўладиган воқеаларнинг гувохи бўламиз.

Ўзингни хеч қачон қадам босмаган жойда юрганингни кўрасан. Ўзингни хар доим олдиндан кўришинг ва ўша кўрганларинг томон харакатланишинг шарт. Мисол учун ўзингни хаётнинг қайси бир даражасида олдиндан кўра олмасанг унга етиша олмайсан. Ўзини қашшоқ деб билувчи киши хеч қачон гуллаб-яшнамайди. Кўрганларинг бажо бўлиши учун уларнинг устидан ишлашинг лозим.

Нимани кўрсанг ўшаларга эришасан. Биз кўриш асрида яшамоқдамиз. Тиббиёт ривожланиб кетгани учун биз инсоннинг тана аъзоларини хам кўзларимиз билан кўришимиз мумкин. Худо сенга қандай қараса сен хам ўзингга шундай қарашингга ишонаман. Ўзингни тижоратчи эканингни кўра ол. Соғайиб кетганингни кўр. Вахийни доим кўз ўнгингда кўр.

Ота, вахийлар учун Сенга рахмат айтаман. Мени қандай кўрсанг мен хам ўзимга шундай қарайман. Мени Ўзингга ўхшаш қилиб, Ўз сураътингда пайдо қилгансан. Мен ўзимни қадам босмаган ерларда юрганимни кўра оламан. Мен одатдан ташқари ишларни қилаётганимни кўраман. Энди Сен мен хақимда нима деб ўйлаган, айтган бўлсанг ўшаларга эришаман. Мен ўз чегарамдан чиқиб Cен кўриб турганларингни бажараман. Исо Номидан, омин.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Худо тушларимиз орқали гапириши хам мумкин. Энди, тушларга эътиборимизни қаратайлик. Тушлар ақл–идрок бошчилиги остида бўлмаган бир ўй–хаёллар тизимидир.

Хамма хам туш кўравермайди. Агар тез тез туш кўриб турсанг, унда Xудо сенга мана шу йўл орқали гапираётган бўлади. Туш кўриш учун уйқу керак бўлади ва ухлаётганингда Xудо билан бахслаша олмайсан. Сен дам олган холда кўрсатилажак нарсаларни кўрасан. Хамма тушлар хам Xудодан эмас. Хамма тушлар xaм Xудоники эмас. Сиқилиб ёки ташвишланиб юрган кишилар қўрқув остига тушиб қолгани учун ёмон хаёлларга боришади. Худо бундай тушларни бермайди. Xудо тушларни огохлантириш, йўл-йўриқ кўрсатиш ва бошқариш учун беради.

Хозирга ва келажакка тааллуқли бўлган тушлар бўлади. Худо баъзи нарсаларни сенга ибодат қилиб олдини олишинг учун тушлар беради. Тушда кўрсатилган нарсаларни ибодат орқали бузиб ташлашимиз ва олдини олишимиз мумкин. Кўпчилик кўрган тушлари билан нима қилишни билмай юради. Сўраладиган савол кўрган тушларинг амалга ошиб бўлдими ёки энди бўладими? Худо ибодат қилишинг учун сенга бу нарсаларни кўришингга йўл қўйди. Биз қандай ибодат қилишни билишимиз учун, Худо хозирги пайтда тушларни кўпайтириб юборди. Муқаддас Калом даврида Xудо туш орқали инсонлар хаётини сақлаб қолган. Мисол учун Исонинг хаёти хам туш орқали огохлантирилган эди. Тушлар тақдирга таъсирини ўтказади. Яна бир томони туш кўриш учун имонли бўлиш шарт эмас. Эски Ахдда Фиръавн туш кўрган, лекин унинг таъбирини била олмаган эди.

Ўтган кечаси мен туш кўрдим, — деб гап бошлади фиръавн Юсуфга. — Лекин ҳеч ким тушимни таъбир қилиб бера олмади. Эшитишимча, сен тушларни таъбирлай олар экансан. Шу сабабдан сени чақиртирган эдим. (Ибтидо 41:15)

Имонли билан имонсиз орасидаги асосий фарқ мана шу. Муқаддас Рух тушларнинг таъбирини беради. Фиръавн туш кўрган бўлсада уни таъбирлаш учун Юсуф керак бўлди. Тушни кўрсатган Xудо таъбирини хам беришидан огох бўлгин. Бошқа халқларда қуруқчилик бўлганида Миср туш орқали фаровонликда яшади. Бу туш воқеа содир бўлмасидан олдин берилган эди. Бу туш огохлантириш ва йўл-йўриқ кўрсатиш учун берилган эди. Худонинг туш орқали гапирган овозига бепарволик қилма. Шундай вақтлар бўладики, тушларнинг таъбири бирданига берилмайди, гохида тушлар амалга ошиши учун анча кутишга тўғри келади. Тушларни таъбирлай олишинг учун ибодат қил, агар ундан кейин хам тушунмасанг рухий маслахатчингдан ёки рахбарингдан сўра.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Мўъжизалар илохий табиатнинг бир бўлагидир. Бу энди сенинг иккинчи ривожланиши керак бўлган табиатинг эмас, бу аллақачон сенда бор бўлган табиатдир. Мўъжизалар аъзойи-баданинг учун хаво кабидир.

Тананг учун хаво қанчалик зарур бўлса энди ғайритабиийлик хам Xудо билан сурадиган умринг учун шунчалик зарурдир. Худонинг инояти туфайли сен Масихнинг ўлими тирилиши ва юксалишига шериксан. Ғайритабиийликда хам бизлар Xyдо истагандек яшашимиз мумкин.

Дунёда жуда кўп овозлар бор. Xудо ханузгача гапирадими? Унинг овозини қандай таний оламиз? У қандай гапиради? Худо жуда хам хайбатли , шу сабабдан У жуда кўп йўллар орқали бизга гапиради. Биз бу мавзу хақида чуқур ёндашамиз, ўшанда Унинг овозини билишда мохир бўласан ва таниб оласан. Исо бу хақида » Менинг қўйларим овозимни биладилар» –деган эди.

Сенинг Xудо билан муносабатинг борми? Менинг учта фарзандим ва жуда кўп рухий фарзандларим бор.Мен гапирганимда улар менинг кимлигимни билади, чунки менинг хузурим овозимдадир. Имонли бўлиб Раббийга эргашганингда Унинг овозини биласан. Худо бугун хам гапирадими? Ха, гапиради.

Унинг овозини қандай таниймиз? Муқаддас Китоб Xудонинг овозидир. Худо Ўзининг Каломига қарши гапирмайди. У хеч қачон Ўзига қарши бўлмайди. Айтилган хар бир сўзнинг мазмуни маъноси бор ва бугун хам шундайдир. Худонинг Каломига, Maсихнинг илохийлигига ва тугалланган ишга мос келмайгидан хар бир овоз сохта овоздир.

Матто Хушхабарининг 4-бобида ёзилганки: “Инсон фақат нон билан эмас, балки Худонинг оғзидан чиққан ҳар бир сўз билан яшайди.” Ёзилган Xудонинг Сўзи орқали эшитган хар бир овозингни текшира оласан.

У қандай гапиради? Худонинг баъзи гапириш услублари бизларга очиқ-ойдин бўлса баъзилари унчалик маълум эмас. Худонинг овози У билан бўлган мулоқатингга боғлиқ бўладиган пайтлар хам бўлади. Мисол учун Xудо сенга баланд овозда, Мусога гапиргандек гапириши хам мумкин лекин бу қоида ёки шарти эмас.

Баланд овозда гапиришига сабаб инсон рухий ўлик бўлганидир. Баъзан Xудо инсоннинг қулоқларини очиш учун баланд овозда гапиради. У кўп йўллар, услублар орқали бизларга гапириши мумкин. Унда ўсиб улғаяр экансан, У сенга қайси yслуб ёки йўллар орқали гапиришини хам ўрганиб борасан.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.