Омин –деган азизлар “шундай бўлсин” деган маънони англатади.Бизга Исо Масиҳ «Бизнинг осмондаги Отамиз» деб ибодат қилишни бу ибратли ибодатда айтди. Биз ибодат қиладиган Худо ягонадир.

Биз, Унинг фарзандлари, ўзимизнинг муҳтожликларимиз ҳақида У билан суҳбатлашамиз. Биз ҳурмат билан Унинг исми улуғлансин деб, ибодат қиламиз. Бу биз ва бошқалар Унинг исмини улуғласин дегани.

Бу ибодатда сизни ҳаётингизнинг ҳар бир вазиятида Худонинг иродаси бажо бўлиши тўғрисидаги жуда муҳим бир илтижога эгамиз, чунки сиз учун нима афзал эканини Худо билади.

Агар биз ибодатимизда Унга тўлиқ ишонсак, У ҳаммасидан ҳам кўра айнан бизга кераклиги тўғрисида ибодат қилишга хоҳиш уйғотади. Шундай тарзда биз ибодатда Раббий билан ҳамкорлик қиламиз ва У Муқаддас Руҳ орқали биз билан биргаликда ва бизнинг ичимизда бизнинг эҳтиёжларимиз, оила эҳтиёжлари, бизнинг халқимиз эҳтиёжлари, Масиҳ жамоати эҳтиёжлари ҳақида ибодат қилади.

Осмондаги Отамиз бизни севади ва ҳар кунлик барча заруратни бизнинг тақводорлигимиз ва ҳаётимиз учун керакли ҳаммасини ишни, саломатликни, оқилликни, бошпанани, кийим-кечакни ва ўз яқинларимиз ҳамда Раббий билан тўғри муносабатни беришни хоҳлайди.

У бизга ҳар нима ҳақида сўрашни маслаҳат беради. Ибодатимизда биз Раббийдан ҳамма қилган айб-гуноҳларимизни, жами Унинг иродасига қарши қилганларимизни, агар яқинларимизга нисбатан ёмон ҳиссиётларда бўлган бўлсак, уларни ҳам қўшиб кечирим сўраймиз.

Биз Худодан ҳар қандай айб-гуноҳимиз устидан ғалаба қилишимизга ёрдам беришни сўраймиз. Биз Раббийдан ҳаётимизни Унинг режаси бўйича йўналтиришини, васвасалар устидан ғалаба қозонишга куч беришини сўраймиз.

Биз шайтоннинг таъсиридан, ҳар қандай зиёндан, бизнинг жонларимизни душманларидан: шубҳалардан, қўрқувдан, гуноҳли туйғулардан, касалликлардан, кўнгил қолишлардан ва кўп иллатлардан, нимаики инсонни Худодан, Унинг иродасини бажаришдан айирадигандан, бизни асрашни сўраймиз.

Биз ўз-ўзимизга ҳаммаси Худо назоратида эканлигини эслатиш билан ибодатимизни тугаллаймиз. У эса бизга ғалаба беради. Унинг қудрати бизнинг ҳамма муҳтожлигимизга етарлидир. Хайр салломат бўлинг азиз биродарлар.

Баъзида одамлар тиз чўкиб ибодат қилиб, бу билан Худонинг олдида ўзларининг итоаткорлигини тасдиқлаётганини ва Унга бўлган ҳурматни, Унинг иродасини бажаришни хоҳлаётганликларини Муқаддас Китобда ўқиймиз.

Ҳамду-саночи Довуд унинг саноларидан кўринганидек, кечаси ётган ўрнида, баъзида эса, ҳатто «Худонинг олдида ўтириб» ибодат қилган. Муқаддас Руҳ, Қуддусда Эллигинчи кунда йиғилган 120 ҳаворийга келиб тушганда, улар ўша онда ўтирган эдилар ва уларни кучга тўлдирди.

Биз узоқ вақт ибодат қилишни мўлжаллаганимизда, сизнинг бирор жойингиз оғриб, тиззаларингиз толиқиши тўғрисида ўйламаслик учун ўнғай, чарчатмайдиган ҳолатни эгаллаш жуда муҳимлигини тушуниш ва рози бўлиб келишиш керак.

Баъзида, ибодатни тўхтатмай, оёқларга енгиллик бериш учун тиззада туриб юриш фойдали бўлади.Баъзи одамлар бутун диққатни Раббийда мужассамлаштириш ва ибодатда ҳеч бир нима эътиборни жалб этмаслиги учун кўзларини юмиб ибодат қиладилар.

Баъзилар ибодат қилаётганида Исо Масиҳ Самовий Отага ибодат қилганидек, кўзларини осмонга тикадилар. Баъзида биз бошимизни қуйи солиб, тиловатдагидек кафтларимизни бириктиришимиз мумкин бу сажда қилиш ва жиддий ёлвориш муносабатидир.

Баъзида биз бирор аниқ нарса ёки шахс ҳақида ибодат қилишга келишиб, ёнимиздаги шеригимизнинг қўлини ушлаймиз. Гоҳида айрим имонлилар Муқаддас Китоб давридагидек, ибодатда қўлларини кўтарадилар, Ундан ибодатларига жавоб кутган ҳолда қўлларини олдинга чўзадилар.

Биз киши учун Исо Масиҳ номи билан Худога илтижо қилаётганимизда, унга қўлимизни қўйиб, уни тинчлантириб ёки уни касалликларидан фориғ қилишга бизнинг қўлимиздан Худо фойдаланишига ишонч бағишлашимиз

Забур китобининг 94 боби 6оятида «Келинглар, Унга юз тубан сажда қилайлик, Парвардигоримиз олдида тиз чўкайлик!»-деб ёзилган. Бундан ташқари Забур китобининг 133 боби 2 оятида «Унинг муқаддас маконига томон қўлларингизни юқорига чўзинг-да, Ҳамду сано айтинглар Худовандга!» -деб ёзилганини ўқишимиз мумкин.

“ Салтанат, куч-қудрат ва шон-шуҳрат то абад Сеникидир. Омин”. Мана шу йўлда Худонинг кимлигини билиш билан биз ўзимизнинг ибодатимизни бошлаймиз ва якунлаймиз. Хайр саломат бўлинг.

Бугун қўлингда нима бўлса ўшани имон билан Xудога бағишла. Бошқаларга мархамат улашувчи бўлишинг учун қаерга уруғ экишинг кераклигини Xудодан сўра. Шундай қилганингда У баракаларини устингга мўл- кўл қилиб ёғдиради ва умринг мобайнида хамма нарсадан бахраманд бўлиб, кўнглинг тўқ бўлиб яшайсан.

Агар менда жуда катта идишда сув бўлсаю, сенинг қўлингда пиёла бўлса сен мен бермоқчи бўлганни қабул қила олмайсан. Бу ерда таъминот муаммо эмас, сенинг қабул қила олмаслигингда. Сен кичик идишнинг ўрнига каттароқ идиш олиб келсанг сенга кўпроғини бера олардим. Худо билан хам худди шундай. Бизлар ўзимизча „Экономика пасайиб кетди. Энди хеч қачон ўзим истаган уйни сотиб ола олмайман. Энди тижоратим хам яхши бўлмайди. Пул олдингидек келмайди. Мени суяб турадиган одамлар хам қолмаган“- деб ўйлашимиз мумкин. Асло бундай эмас, сен қўлингдаги идишчани ташлаб юбор. Исо сенга океанни бермокчи бўлса-ю, қўлингга пиёла ушлаб келганинг нимаси?

Биз хизмат қиладиган Xудо жуда хам буюкдир! Унинг битмас -туганмас таъминоти бор. Исо „Ceн ишонгандек бўлсин“- деган. Худо ишонгандек ёки хохлагандек эмас сен ишонгандек бўлсин дейилган. Хамма қуч қудрат ва хамма бойликлар Худоникидир. Бу бизларнинг ишончимизга боғлиқдир. Исо у ердан жўнаб кетаётганда, икки кўр Унинг орқасидан эргашганча дод солиб: -эй Довуд ўғли Исо, бизларга рахм қил!- деб фарёд чекишарди. Исо уйга қайтганида, кўрлар Унинг ёнига келишди. Исо улардан сўради: -Мен хохишингизни бажо қилишга кучим борлигига ишонасизларми?

-Ишонамиз, Xазрат! -деб жавоб беришди улар. Шунда Исо уларнинг кўзларига тегиб: -сизнинг ишончингизга яраша бўлсин,-деди. Шу билан уларнинг кўзлари очилиб кетди….Матто 9;27-30) Бугун қабул қилиш даражасини ёки миқдорини ошир. Худо Каломининг мағзини чақиб фикрларингни кенгайдир. Унга шукроналар айтиб Номини улуғла, чунки Худога хамма нарса мумкиндир ва У чексиз таъминотга эгадир!

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Хушхабар бу биз Исо орқали Худонинг инояти билан нажот топишимиз, гуноҳимиз кечирилиши, яшашдан мақсадга эга бўлишимиз ва келажакда жаннатда ваъда қилинган уйимизга эга бўлишимиз. Хушхабарни бўлишиш учун бир қанча буюк китоблар бор.

Аммо токи сиз ўтган дастурда айтиб ўтилган саккиз сабабни ўзлаштириб олмас экансиз, бирор тайёргарлик ҳам сизни Хушхабарни тарғиб қилишга етаклай олмайди. Энг муҳими сиз йўқолган кишиларни, уларни худди Худо севганидек севишингиздир.

Худо Ўзи севмаган бирорта ҳам кишини яратмаган. Ҳар бир киши У учун муҳимдир. Исо хочда қўллари ёйилган ҳолда турганида ҳам, У “Мен сизларни шунчалик севаман!” деяётганди. Муқаддас Каломда шундай ёзилган, “Ахир, Масиҳнинг севгиси бизни қамраб оляпти-ку! Агар ҳамма одамлар учун Биттаси ўлган бўлса, бу ҳаммаси ўзгани демак, деган хулосага келдик.”(2 Коринфликларга 5:14)

Агар сизда дунёдаги топшириғингиз учун қизиқиш бўлмаса, Исо сиз учун хочда нима қилгани ҳақида ўйлаб кўриш учун вақт сарфланг. Биз имонсизлар учун ғамхўрлик қилишимиз керак, чунки Худо шундай қилади. Севги ҳеч қандай танлов қолдирмайди.

Муқаддас Каломда шундай ёзилган, “Севгида қўрқув йўқ, аксинча, комил севги қўрқувни қувиб чиқаради.”(1 Юҳанно 4:18) Ота-она ёнаётган бинога боласини қутқариш учун кириб боради, чунки уларнинг боласига бўлган севгиси қўрқувдан кучлидир.

Агар сиз атрофингиздаги кишиларга Хушхабарни бўлишишга қўрқаётган бўлсангиз, Худодан қалбингизни уларни севиш учун тўлдиришини сўранг. Муқаддас Каломда шундай ёзилган, “Баъзилар ўйлагандай, Раббимиз берган ваъдасини амалга оширишга имилламаяпти. Аксинча, У ҳеч кимнинг ҳалок бўлишини истамай, ҳамма тавба қилсин, деб сабр-тоқат билан кутиб турибди.”(2 Бутрус 3:9)

Агар сиз Масиҳни танимайдиган бирор кишини кўрсангиз, сиз у учун ибодат қилишингиз, унга хизмат қилишингиз ва Хушхабарни бўлишишингиз керак.

Агар сизнинг жамиятингизда Худонинг оиласига тегишли бирор киши бўлса, жамоатингиз унги эришишда давом этиши керак. Ўсишни ҳоҳламайдиган жамоат худди дунёга, “Сиз дўзахга боришингиз мумкин” деяётганга ўхшайди.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Садоқат доимо ноёб сифатдир. Кўпгина кишилар бағишланиш нималигини билмайдилар. Улар бирор нарсага юзаки бағишланадилар ва оддий сабаб билан ҳеч қандай иккиланмасдан, пушаймон ва афсус қилмасдан бундан воз кечадилар. Ҳар ҳафтада баъзи жамоатлар ва бошқа ташкилотлар хизматни бошқача ўтказишларига тўғри келади, чунки хизматкорлар тайёргарлик кўрмаганлар ёки келолмасликлари ҳақида телефон қилиб қўймаганлар. Бошқалар сизга ишонишлари мумкинми? Сизда бажаришингиз керак бўлган бирор ваъда, қасам ёки бағишланиш мавжудми? Бу синовдир.

Худо сизнинг содиқлигингизни синайди. Агар сиз имтиҳондан яхши ўтсангиз бу жуда яхши бўларди: Иброҳим, Мусо, Шомуил, Довуд, Дониёр, Тимўтий ва Павлус Худонинг содиқ хизматкорлари деб аталганлар. Сиз ҳам булар қаторига қўшилишингиз мумкин. Бундан яхшироғи сиз содиқлигингиз учун абадий мукофотланасиз. Тасаввур қилинг бир кун Худо сизга шундай дейди: “Баракалла, яхши ва содиқ хизматкор экансан. Сен кичик бир ишда ҳам содиқ бўлганинг учун, энди сени катта ишларга муносиб кўраман. Хўжайинингнинг шодлигини баҳам кўр.” (Матто 25:23)

Айтганча, содиқ хизматкорлар ҳеч қачон нафақага чиқмайдилар. Улар токи тирик эканлар содиқлик билан хизмат қиладилар. Сиз ишингиздан нафақага чиқишингиз мумкин, аммо Худога хизмат қилишдан нафақага чиқмайсиз. Ҳақиқий хизматкорларнинг назарлари паст бўлади. Хизматкорлар юксалишга интилмайдилар ва ўзларига диққатни жалб қилмайдилар. Таассурот уйғотиш учун ҳаракат қилишлари ва муваффақият қозонишлари учун кийинишлари ўрнига улар “бир-бирларига юмшоқ муомалада бўладилар..”(1 Бутрус 5:5) Агар хизматлари орқали танилган бўлсалар, улар буни камтарлик билан қабул қиладилар, аммо ёмон ном билан танилиш уларни ишларидан чалғита олмайди. Павлус кўринишидан руҳий хизматга ўхшаш, аммо моҳиятан диққатни жалб қилиш учун кийилган, кўрсатилган ва ҳаракат қилингандир. У буни “кўз хизмати” деб атаб, қандай руҳий эканлигини кишиларга кўрсатиш учун қилинган хизматдир.

Бу фарзийларнинг ҳам гуноҳи эди. Улар бошқаларга ёрдам бериш ва ибодатни фақат кўриниш учун қилар эдилар. Исо бундай муносабатни ёмон кўрган ва шундай огоҳлантирган, “Эҳтиёт бўлинглар, савобли ишингизни одамларга кўриниш учун ҳамманинг кўз ўнгида қилманглар. Акс ҳолда осмондаги Отангиздан мукофот ололмайсизлар.”(Матто 6:1) Ўзини юксалтириш ва хизматкорлик ҳеч қачон бир-бирига қўшилмайди. Ҳақиқий хизматкорлар ҳеч қачон яхши деб қабул бўлиш ёки олқиш учун хизмат қилмайдилар. Улар фақат Бир Кишининг учун яшайдилар. Павлус айтганидек, “Энди мен инсонлардан мақтов излаяпманми, ёки Худоданми?” (Галатияликларга 1:10)

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Агар бошқалар ўзларининг инъомларини қўлламасалар, сиз алданасиз ва агар сиз инъомингизни ишлатмасангиз бошқалар алданади. Шунинг учун ҳам бизга руҳий инъомларимизни аниқлаш ва ривожлантириш буюрилган. Сиз бирор марта инъомингизни аниқлаш учун вақт сарфлаганмисиз? Очилмаган инъом фойдасиздир.

Агар биз инъомлар ҳақидаги умумий ҳақиқатларни унутсак, бу жамоатда ташвишни келтириб чиқаради. Икки асосий муаммо “инъом рашки” ва “инъом баҳоланиши”дир. Биринчи муаммо агар биз инъомимизни бошқаларнинг инъоми билан таққослаганда, Худо бизга берганидан қониқмаганимизда, аччиқланганимизда ёки Худо бошқаларни қандай ишлатаётганидан ҳасад қилган вақтда юзага келади. Иккинчи муаммо биз бошқалардан биздаги инъомни кутиб, худди биз бажараётганимиз каби улардан ҳам шуни кутишдир. Муқаддас Каломда шундай ёзилган, “Хизматлар ҳар хилдир, Раббимиз эса биттадир.” (1 Коринфликларга 12:5)

Баъзида руҳий инъомлар Худо сизни хизматга тайёрлаши учун шакллантирилади. Сизнинг инъомларингиз хизматингиз учун Худонинг иродасини аниқлашда муҳим рол ўйнайди. Муқаддас Калом қалб деган тушунчани бир қанча ҳоҳиш ва истаклар, умидлар, қизиқишлар, орзулар, ҳаёллар ва интилишларни тасвирлаш учун ишлатади. Сизнинг қалбингиз барча интилишларингизни тасвирлайди: сиз нимани севишингиз ва нимага кўпроқ меҳрибонлик кўрсатасиз. Ҳаттоки бугунги кунда ҳам биз “Мен сени чин қалбимдан севаман” деганда шу нарсани назарда тутамиз.

Муқаддас Каломда шундай ёзилган, “Сув инсоннинг юзини акс эттиргани каби юраги ҳам унинг кўзгусидир.” (Сулаймон Ҳикматлари 27:19) Сизнинг қалбингиз ҳақиқий кимлигингизни кўрсатади – сиз чиндан қандайсиз, бошқалар сиз ҳақида нима ўйлаши ёки атроф муҳит сизни мажбур қилгани эмас. Сизнинг қалбингиз сиз ишлатаётган сўзларни нима учун ишлатаётганингизни аниқлайди, нима учун шундай ҳис қилаётганингизни ва нима учун шундай ҳаракат қилаётганингизни кўрсатади.

Жисмоний жиҳатдан ҳар биримизда ягона юрак уриши мавжуд. Худди бизда турли хил бармоқ изи, кўз нусхаси ва овоз намунаси бўлгани каби, ҳар биримизда турлича юрак уриши бор. Шуниси ажабнарларлики, сиздан илгари яшаган ва ҳозир ҳам яшаётган кишиларнинг бирортасида ҳам сизникига ўхшаган юрак уриши бўлмаган. Худди шундай, Худо бизга ҳис-туйғули юрак уриши берганки, биз бирор мавзу, ҳаракат ёки вазиятлар ҳақида ўйлаганимизда бу жумбушга келади. Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Васваса қачонки Шайтон сизни ўша ҳоҳишга берилишингизни кутганида ёки табиий ҳоҳишингизни нотўғри йўл билан қондиришга ҳаракат қилишингизни кутганида юзага келади. Қисқа йўллардан доимо сақланинг. Улар доимо васвасалардир. Шайтон “Сен бунга лойиқсан! Сен буни ҳозир қилишинг керак! Бу ажойиб… енгиллик беради… ўзингни яхши ҳис қиласан!” деб пичирлайди. Биз кўпинча васваса бизнинг атрофимизда юради деб ўйлаймиз, аммо Худо буни бизнинг ичимиздан келиб чиқишини айтади. Агар сизда ички ҳоҳиш бўлмаса, васваса сизни ўзига жалб қилолмайди. Васваса вазиятларда эмас, доимо онгингизда юз беради. Исо шундай деган, “Чунки ичдан, яъни инсон қалбидан ёмон фикрлар, фаҳшу зино, қотиллик, ўғрилик, тамагирлик, бадниятлик, маккорлик, нафсга берилганлик, ғайрилик, куфр, манманлик ва нодонлик чиқади. Ана шу ёмонликларнинг ҳаммаси инсоннинг ичидан чиқиб, уни ҳаром қилади.”(Марк 7:22-23)

Ёқуб бизга айтганки, “Орангизда жанжал ва тўқнашувлар қаердан келиб чиқади? Танангизнинг узвларида ўзаро жанг қилаётган нафсу эҳтиросларингиздан эмасми?” (Ёқуб 4:1) Иккинчи қадам, бу шубҳадир. Худо гуноҳ ҳақида айтганларини шайтон васваса қилади: Бу ҳақиқатан ҳам нотўғрими? Худо ҳақиқатан ҳам буни қилма дедими? Худо буни бошқа киши учун ёки бошқа вақт учун айтгандир? Худо мени хурсанд бўлишимни ҳоҳламайдими? Инжил шундай огоҳлантиради: “Эй биродарлар, ҳеч бирингизда барҳаёт Худодан қайтган ёмон, имонсиз бир юрак бўлмаслигига диққат этинглар.” (Ибронийларга 3:12) Учинчи босқич алданишдир. Шайтон ҳақиқатни айтолмайди ва шунинг учун ҳам “ёлғонларнинг Отаси” деб аталган. У сизга айтадиган ҳар қандай нарса ёлғон ёки ярим ёлғон ҳисобланади. Худо Каломида айтган ҳар қандай нарсани Шайтон ёлғонга ўгириш учун ишлатади. Шайтон айтади, “Сен ўлмайсан. Сен Худога ўхшаш донороқ бўласан. Сен бундан ўта оласан. Ҳеч ким пайқамайди. Бу сенинг муаммоинги ҳал қилади. Бундай ташқари, бошқалар ҳам буни қиляпти. Бу фақатгина кичкинагина гуноҳ.” Аммо кичкина гуноҳ кичгинагина ҳомиладор бўлишдир: Кейинчалик бу ўзини кўрсатади. Тўртинчи қадам бўйсунмасликдир. Сиз охири хаёлингизда ўйнаётган ўйинчоққа берилиб кетасиз. Фикр сифатида бошланган нарса ҳаракатга айланиб кетади. Сиз ҳаёлингизни тортган ҳар қандай нарсага берилиб кетасиз. Сиз Шайтоннинг ҳийлаларига берилиб кетасиз ва Ёқуб огоҳлантирган қопқонга тушиб қоласиз: “Лекин ҳар ким ўзининг эҳтиросларига берилиб, алданиб васвасага дучор бўлади. Кейин эҳтирос ҳомиладор бўлиб гуноҳни туғади, гуноҳ эса етилиб, ўлимга сабаб бўлади. Эй севикли биродарларим, алдангманглар!” (Ёқуб 1:14-16)

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Ассалому алайкум азиз ака-ука ва опа-сингиллар. Масиҳийнинг йўли деб номланган дастуримизга хуш келибсизлар. Хаётда шундай пайтлар бўладики , қаерга борсанг ўша ердан қийинчиликлар келаверади. Шундай вазиятларни назорат хам қила олмайсан. Бошингга тушганларни тушинмай, хангу-манг бўлиб қолганда хокимиятингни ишлата олмайсан. Хокимиятни ишлатишинг керак бўлса донолик сенга буни билдиради. Xудонинг бу турдаги қудрати номоён бўлганда хамма нарсани, барча ғам ташвишларни Унга топшириш вақти эканлигини бил. Xудо бизларсиз Ўзи хам мустақил қила олади.

Хозир шундай курашиш онларини бошингдан кечираётган бўлсанг, хаммасини Xудога топшир. Худога шундай деб айт: » Мана шу холат ёки вазият мендан хам каттароқ, Сен Ўз қудратингни намоён қил ва мен учун мўъжиза қилиб бер». Ёдингда бўлсин, Унинг қудрати бизга хамрохдир ва ичимиздадир. Энди ичимизда ишлаб турган, амал қилаётган Xудонинг қудратини кўришимиз керак. Хозир нима қилишни билмай қийналиб турибсанми? Ўша холатдан қандай қутилишни билмай турибсанми?

Бунга ечим ўзингнинг чегараланганингни, қўлларинг хамма ерга етмаслигини билиб, хаммасини Xyдога топшир, ўшанда мўъжиза кўрасан. Сенга ким қарши чиқишидан қатъий назар, Xудо сен билан ва У биз учун хаммасини қилиб беради. Агар Xудо биз томонда бўлса, иблиснинг пачағи чиқиб, дабдаласи чиқади. Биз учун хамма нарса яхшилик бўлиб хизмат қилади. Худо яраларингни юлдузга айлантиради. Сен учун баланд бўлган тепаликлар пасаяди. Қизил денгизларни бўлиб, сенга йўллар очади. Вазиятларингни Ўз олий хукмронлиги билан қамраб олади. Oжиз қолганингда Ўз қудрати билан озод қилади. Бизнинг қиладиган ишимиз фақат Унга хамду-санo айтиб, Унга топинишдир. Келинглар оғзимизни очиб, хаммасини Унинг қўлларига топширайлик. Исо Номидан, омин.

Бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

— Эй Довуд Ўғли Исо, менга раҳм қил! — деб бақира бошлади. Кўп одамлар эса унга: “Жим бўл!” деб жеркишди. Лекин у:

— Эй Довуд Ўғли, менга раҳм қил! — деб янада қаттиқроқ бақирди.

Исо тўхтаб: “Уни чақириб келинглар”, деди. Одамлар келиб, кўр одамга: “Дадил бўл, ўрнингдан тур. У сени чақиряпти”, деб айтишди.

Кўр тўнини ечиб ташлаб, ўрнидан сакраб турди–да, Исонинг ёнига келди. Исо ундан сўради: — Сен Мендан нима истайсан? — Устозим, кўзларим кўрсин! — деди кўр. Исо унга: — Боравер, ишончинг сени соғайтирди, — деди. Ўша заҳоти у кўра бошлади. Сўнг Исонинг ортидан эргашиб кетди. (Mарк 10:46-52)

Муқаддас Каломда Бартимей исмли киши хақида ёзилган, у кўр бўлиб туғилган эди. У фақатгина қоронғулик оламини биларди, холос. Ўша пайтларда кўр ва чўлоқ кишилар Маъбадга кира олмас эди. Унинг ахволи оғир эди. Хаётда нималардан махрумсан? Нимадан бебахра қолгансан? Хамманинг ахволи бир хил эмас. Кунларнинг бирида Унинг у яшаб турган қишлоққа Исо келди. У Исо хақида эшитган эди, шунинг учун бақира бошлади. Одамлар унга жим бўлишни айтишди, лекин у баттар бақира бошлади.

Бизлар бақирмасак Раббимиз ёнимиздан ўтиб кетадими? Бартимей кўра олмас эди, лекин у ўша ерга Исо келганини эшитди ва бақира бошлади. Исонинг хузурини англаб фахмлаб, таниб ол, ана ундан кейин сенда ўзгариш бошланади. Одамлар сени жим бўл деб жерккани учун Xудога бақиришни тўхтатиб қўйдингми? Бу сенинг фурсатинг, уни билиб ол, фурсатни бой берма, темирни қизиганда босиб қол. Бертимей яшаб туран ерга Исонинг яна қайтиб келиши гумон эди.

Шундай имкониятлар бўладики улар хаётингда бир ёки икки марта келади. Агар ўшалардан фойдалана олмасанг тақдирингдагилардан қуруқ қоласан. Бахт қуши бошингга қўнганда ушлаб ол. Бартимейнинг тақдирида Исони кўриш бор эди, лекин у бунга ёриб чиқиш орқали эришди. Бугун сен хам Исога худди шундай мурожаат қил, худди У ёнингдан ўтиб кетаётгандек, Уни чақир.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Янги Аҳд бизга бой меросимизга катта урғу беради. У шундай дейди, “Эгамизнинг Ўзи сизларнинг ҳар қандай эҳтиёжингизни Исо Масиҳ орқали, Ўзининг улуғвор бойлиги билан қондиради.”(Филиппиликларга 4:7). Худо фарзандлари сифатида бизга оила бахти берилган. Ерда бизга “марҳаматлар… иноят… меҳрибонлик… сабр тоқат… улуғворлик… донолик… куч қудрат… ва раҳм шафқат…” берилган. Лекин абадиятда биз булардан буюк нарсаларга ворислик қиламиз.

Павлус шундай деган, “Унинг Ўзи сизларнинг кўнгил кўзларингизни ёруғ қилсин, токи У сизларни нақадар улуғ бир умидга чорлаганини билиб олинглар, Ўз азизларини қанчалик бой ва улуғвор бир меросга сазовор қилганини қадрланглар.” (Эфесликларга 1:18). Ушбу мерос нималарни ўз ичига олади? Биринчидан, биз Худо билан абадий бирга бўламиз. Иккинчидан, биз бутунлай Исога ўхшаймиз. Учинчидан, биз бутун оғриқ, ўлим ва қийноқлардан халос бўламиз. Тўртинчидан, биз хизмат қилиш учун янги ва бошқадан тайинланган лавозимларга эга бўламиз.

Бешинчидан, биз Исонинг улуғворлигида бўлишамиз. Қандай ажойиб мерос! Сиз тасаввур қилганингиздан кўра анча бойроқсиз. Муқаддас Каломда шундай ёзилган, “Самода сақланаётган беғубор, чиримас, сўлмас бир мерос сизларни кутмоқда.”(1 Бутрус 1:4). Бунинг маъноси, сизнинг абадий меросингиз қимматбаҳо, соф, абадий ва ҳимоялангандир. Ҳеч ким буни сиздан тортиб ололмайди; бу уруш, иқтисодий тақчиллик ёки табиий офат туфайли бузилиб кетмайди. Нафақага чиқиш учун эмас, ушбу абадий мерос учун сиз яшашингиз ва ишлашингиз керак. Павлус шундай дейди, “Қиладиган ҳар бир ишни инсонлар учун эмас, Раббингиз учун қилаётгандай, чин қалбдан бажаринглар.

Худодан абадий мукофот олишингизни ўйлаб, Эгангиз Масиҳга хизмат қилинглар.” (Колосаликларга 3:23-24) Нафақага чиқиш қисқа ўйланган мақсаддир. Сиз абадият нурида яшашингиз керак. Соғлом оилаларда оила ғурури бўлади; оиланинг аъзолари ушбу оиладан эканликларидан ор қилмайдилар. Ачинарлиси, мен кўпгина ишонувчиларни учратганманки, улар ҳеч қачон Исо буюрганидек ўзларини руҳий оилалари билан чўмдирилиш орқали оммавий белгиланмаганлар.

Чўмдирилиш кечга қолдириладиган ёки кутиб туриш мумкин бўлган урф одат эмас. Бу сизнинг Худо оиласига киришингизни белгилаб беради. Бу оммавий равишда дунёга, “Мен Худо оиласига кирганимдан ҳеч ор қилмайман” дейди. Сиз чўмдирилганмисиз? Исо ушбу ажойиб амрни бутун оиласи учун айтди, “Шунинг учун бориб, барча халқлардан шогирд орттиринглар. Уларни Ота, Ўғил ва Муқаддас Руҳ номи билан сувга чўмдириб, имонга киритинглар.”(Матто 28:19)

Бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.