“Илоҳий Руҳнинг самараси эса – муҳаббат, севинч, хотиржамлик, сабр-тоқат, лутфкорлик, хайрихоҳлик, садоқат, мулойимлик ва ибодир.” (Галатияликларга 5:22-23)

Бу тўққиз сифатлар Буюк Топшириқнинг кенгайтирилган шаклидир ва Исо Масиҳнинг гўзал тасвирланган суратидир. Исо бир инсонда мужассамлашган мукаммал севги, шодлик, тинчлик, сабр-тоқат ва бошқа мевалар намоёндасидир.

Унда қандай қилиб Муқаддас Руҳ ҳаётингизда бу тўққиз меваларни етиштириши мумкин? У буларни дарҳол яратадими? Сиз бирор кун уйқудан турганингизда ушбу фазилатларга эга бўласизми? Йўқ. Мева доимо секин етилади ва пишади. Кейинги жумла сиз руҳий ҳаётда ўрганишингиз керак бўлган энг муҳим ҳақиқатдир: Худо сизда Муқаддас Руҳ меваларини сиз тескарисини амалга ошириш учун васвасага тушишингиз мумкин бўлган вазиятлар орқали амалга оширади. Характерни ривожлантириш доимо танловни қабул қилади ва васваса ушбу имкониятни таъминлайди. Масалан, Худо бизга севишни атрофимизга баъзи нафратланадиган инсонларни қўйиш орқали ўргатади. Агар атрофимиздаги инсонлар севимли ва ёқимли бўлсалар, биз севишни ўрганолмаймиз. Худо бизга ҳақиқий шодликни қайғули вақтларда Унга қайтганимизда ўргатади. Хурсандчилик ташқи вазиятларга боғлиқдир, аммо шодлик Худо билан муносабатингизга боғлиқдир.

Худо бизда ҳақиқий тинчликни ҳамма нарса биз режалаштирганимиздек амалга ошганда эмас, балки бизни чалкашликлар ва тўполонларга йўл қўйиб берганида ривожлантиради. Ҳар бир киши қуёшнинг гўзал ботиши ва таътилда ҳордиқ чиқарганда тинч бўлади. Биз ҳақиқий тинчликни ташвишланишимиз ва қўрқиш учун васвасага тушган вазиятда Худога ишонганимизда ўрганамиз. Худди шундай, сабр-тоқат биз кутиш ўрнига жаҳлимиз чиқиб қизишиб кетиш учун васвасага тушганда ривожланади. Худо ҳар бир меванинг тескарисини қилиш учун бизга танлов беришни қўллайди. Сизга токи ёмон бўлиш учун имконият берилмас экан, яхши бўлишга давогар бўлолмайсиз. Сизга токи садоқатсиз бўлиш учун имконият берилмас экан, садоқатли бўлишга давогар бўлолмайсиз. Самимийлик қачонки носамимий бўлиш учун васвасага тушиб уни енганимизда келади; камтарлик қачонки ман-ман бўлишни рад қилганимизда юзага келади; ва чидам қачонки ташлаб кетиш учун васвасага тушиб уни енгганимизда юзага келади. Ҳар қачон васвасани енгсангиз, сиз кўпроқ Исога ўхшаб бораверасиз.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Азизлар, бундан ташқари чекувчилар ҳам бор. Бундай инсонларни даволаш учун эса, дорихоналарда турли хил сақичлар ва турли хилдаги инсон танасига ёпишадиган пластирлар мавжуд. Бундай даволаш усуллари ҳам ўзига яраша самарали натижаларни беради.

Азизлар, энди эса мавзумизнинг энг асосий қисми: айрим инсонларни порнографиядан қандай даволаш мумкин? Албатта, бунга яраша ҳали ҳеч қандай махсус дори воситалари ишлаб чиқарилмаган ва шунинг учун ҳам омма орасида ва айниқса ёшлар орасида порнографияга қизиқиш кун сайин ортиб бормоқда.

Азизлар, бу қандай жирканчли эканлигини ҳали кўплаб инсонлар тушуниб етишмаган. Айниқса Худованднинг олдида бу жуда катта гуноҳдир. Ҳаттоки буни зинокорлик билан ҳам тенглаштириш мумкин, деб ҳисоблайман. Чунки ушбу ҳаёсиз фильмларни кўраётган инсон ҳаёлан уша ерда бўлади. Бевосита ғойибона иштирок этади. Бундай инсонларга ёрдам бериш учун ва уларни даволаш учун, аввало ушбу муаммонинг илдизини топиш жуда муҳим. Азизлар, ўйлайманки, бу тўғридан тўғри инсонинг руҳий ҳолати билан боғлиқ деб ҳисоблайман.

Айниқса Худованд билан яқин муносабатда бўлган инсон шундай ҳолатга тушиб қолса бу жуда ачинарли ҳолат. Чунки шу орқали у Худовандни қанчалик хафа қилганини тушунмаса керак. Ҳар бир содир этилаётган гуноҳнинг ўзига яраша жазоси муқаррар.

Инсон гуноҳ содир этаётган пайида, бу ҳақида ўйламайди. Жазо олган пайитда эса жуда қаттиқ афсусланади. Бундай инсонлар Муқаддас Руҳнинг овозини эшита олмайдилар, чунки улар қулоғигача ботқоқликка ботиб қолган инсонлар саналади. Улар бошқаларнинг ёрдамисиз ушбу ботқоқликдан чиқа олмайдилар. Энг ачинарлиси, кўпинча хизматчиларнинг орасида ҳам ушбу ҳолатга тушуб қолганлар ҳам йўқ эмас. Айрим хизматчилар гуёки ҳеч нарса бўлмагандай, ўз хизматларни давом эттираверишлари мумкин, лекин хизматнинг баракаси бўлармикан. Азизлар, бундай инсонлар учун ибодатда бўлишимиз керак. Азиз биродарлар, энг аввало ҳаёсиз фильмлар ва фикрлар ҳақида ўйлашни бас қилиш керак. Бунинг ўрнига ҳаёлимизда доимо Худованднинг каломи бўлиши лозим. Кимдадир ушбу муаммо бўлса аввалом бор Худованднинг олдида кечирим сўраб, барча гуноҳлари учун товба қилиши лозим. Худованддан ўзини ушбу жирқанчлиликдан ҳимоя қилишини сўраши керак.

Азизлар, ўйлайманки, агар ушбу муаммо кимдадир бўлса, ўзингиз ишонган биродар билан муаммонгиз ҳақида бўлишишингиз мумкин. Бу ҳам яхши натижа беради. Азизлар, Худованд барчамизни ушбу ҳолатдан ҳимоя қилсин. Шунинг билан мавзумиз ўз поёнига етди. Бизнинг интернет сайтимизнинг манзили: www.dilkashradio.com хайр саломат бўлинг.

Содир этилган гуноҳнинг эвази кўпчиликка таъсири бор. Бундай инсонларга тушунтириб бера олишимиз керак, зинокорлик аввало Худовандга ва Унинг амрларига қарши боришдир.

Муқаддас китобнинг Чиқиш китобида аниқ ва тиниқ шундай деб ёзиб қўйилган: “Зино қилманг”. Худованднинг амрларини бузиш бу катта гуноҳ саналади. Азиз биродарлар, агар ёдингизда бўлса, Довуд шоҳ ҳам Ботшева билан зино қилгандан кейин ўзининг ибодатларида Худовандга шундай сўзларни айтган эди:

“Сенга, ёлғиз Сенга қарши гунох қилганман, Сенинг олдингда қабихликларга қўл урганман, Шу боис ҳукм қилганингда Сен бархақсан, Айбимни фош этганингда доимо тўғри бўлиб чиқасан”.

Азиз биродарлар, кимки зино қилган бўлса, аввало Худованднинг қаршисида тиз чўкиб тавба қилиши лозим. Худованд раҳмдил ва албатта кечиради. Ана шундан сўнг, ушбу гуноҳнинг таъсири кимга ёки кимларга тегишли бўлса, барчасидан кечирим сўраб уларнинг олдида ҳам тавба қилиш лозим.

Азиз биродар, агар ўзингизда куч топа олсангиз, бутун жамоат олдида тавба қилиш ҳам мумкин. Чунки зинонинг зарарли таъсири жамоатда ҳам сезилади. У шундай сезилиши мумкинки, зинокорлик гуёки юқумли касалликка ўхшайди.

Жамоатдаги бошқа биродарларга ҳам юқиши мумкин. Мана шунинг учун ҳам жамоат олдида тавба қилиш муҳим саналади. Озгина хамиртуруш бир тоғора хамирни ачитиши мумкинлигини яхши биламиз.

Бу дегани тавба қилиб яна гунох қилишда давом этаверинг деганимас. Бу дегани, барча гуноҳларни тўхтатиб ҳаётингизни бошқаришни Худога беринг дегани. Шундан сўнг Худованд сизнинг юрагингизда ишлашни бошлайди.

Ҳар доим кўнгил гуноҳ қилишни истаганида, Муқаддас Руҳ юрагингизда сизга гапиради. Сизни йўлдан қайтариш пайида бўлади. Гуноҳда давом этасизми ёки Худовандга қулоқ тутасизми, эндиликда ўзингиз ҳал қиласиз.

Албатта, Худовандга қулоқ тутиб, Унинг марҳамати остида яшаш қанчалик ёқимли эканини, У билан бирга яшаган инсонгина ҳис қила олади. Азиз дўстим, ҳар қандай гуноҳга жиддий муносабатда бўлишингизни хоҳлардим.

Сабаби ҳар қандай гуноҳ бу мохов касаллигига ўхшайди. Инсонни руҳий ҳаётини аста-секин емириб боради. Хар қандай гуноҳ аввало инсоннинг ҳаёлида содир бўлади. Азизлар, ҳаёлга бузуқ фикрлар келган вақтда тезда Худовандни ёрдамга чақиришни ўрганишимиз керак.

Ҳаёлларимизни тоза сақлаш ва бузуқ фикрлар кирмаслиги учун ҳар куни калом ўқиб ибодатда бўлишимиз керак. Шу билан азизлар, мавзумиз ўз поёнига етди. Бизнинг электрон почтамиз манзили: dilkash@najot.com хайр саломат бўлинг.

Лекин, бугунги келажак мавзуси тақдирга тан бериш ҳақида эмас, аксинча, дангасалигимиз ёки саводсизлигимиз оқибатида ўз шаҳсиятимизнинг порлоқ келажагига тўсқинлиқ қилишимиз ҳақидадир. Хўш, нима учун кўпчилик, бордию иши юришмаса ёки бирон бир қийин ахволга тушиб қолса, “Бу тақдир токазоси” ёки “Бу Худонинг иши” дейди? Чиндан ҳам шундаймикан? Чиндан ҳам, Худо бизни омадсиз бўлишимизни истайдими? Ёки бўлмаса, ишларимизни юришмаслигини хохлайдими? Ёки бутун умр саводсиз ўтиб кетишимизни истайдими? Сиз қандай фикрдасиз? Бу масалани жиддий олиб қарайдиган бўлсак, Худо бизни ажойиб қилиб яратган. Яратгандан ташқари, Худо бизни севди ва нажотни ҳам берди. Кўкда учувчи қушларга қаранглар: улар на экади, на ўради, на омборга дон йиғади. Шунга қарамай, самовий Отангиз уларнинг ризқини беради. Сиз эса улардан анча аълороқ эмасмисиз? Худойимиз, бизни шу қадар севдики, бизга кўп инъомлар, қобилиятлар ва яна кўпгина имкониятлар бериб келади.

Лекин, минг афсус, кўпчилигимиз Худонинг бундай ажойиб тухфалари ҳақида билмаймиз ва шунинг сабаби билан улардан фойдаланмаймиз. Бизга берилган шунча имконият ва вақтдан фойдаланишни ўрганмаганмиз ва ўрганишни ҳам истамаймиз. Порлоқ келажак қуришимиз учун, Худо бизга аллақачон керакли нарсаларни бериб қўйган. Махатма ганди бир пайтлар, “Тўлиқ ҳаёт кечириш учун, ҳақиқат севарлик ва мехнаткашликнинг ўзи кифоя” деган эди. Чиндан ҳам, порлоқ келажак, бу мехнатдир. Порлоқ келажак худди иморат солишга ўхшаш иш жараёнидир. Кундан-кунга ғишт терилиб девор ва уйнинг қолган қисмлари кўтарилади. Лекин, бу нарса амалга ошиши учун аввалам бор мехнат қилиш керак. Порлоқ келажак ҳам худди шундай тарзда қурилади. Порлоқ келажагингизни сиз ҳар куни қуришингиз керак, Худони берган куни тер тўкиб мақсад ила харакат қилишингиз керак. Афсус, порлоқ келажак дўконларда сотилмайди, уни қўшни бозордан ҳам топа олмайсиз. Келажакни одам ўз қўли билан қуради, буни фақат сиз ва оилангиз ёрдами билан амалга оширишингиз мумкин. Ундан ташқари, бир нарсани ёдингизда тутинг. Агар, ниятингиз яхши бўлса, унда Худонинг ўзи сизга кўмакдош бўлади. Худонинг ёрдами билан қилинган ишларингиз, эришган мақсадларингиз сизнинг порлоқ келажагингизни таъминлаши аниқ. Худо яхши ниятли одамларга доим ёрдам бериб, қўллаб – қувватлайди. Шунинг учун, вақтингизни бекор кетказманг, порлоқ келажагингиз учун бел боғлаб, мехнат қилишга киришинг. Чунки, ҳар бир кун муҳимдир, ҳар бир кун сизни порлоқ келажагингизга яқинлаштириши мумкин. Омон бўлинг, Раббимиз инояти барчангизга ёр бўлсин.

Исо Масиҳ жамоати дунёни қайта қуриш учун чақирувга жавоб бера оладими? Дунёга таъсир ўтказиш қобилиятимиз унга ўхшамаслигимизга боғлиқ. Бошқача бўлиб кўринишга эҳтиёж йўқ ёки бу далилни кўз кўз қилишга ҳам. Биз аллачон бошқачамиз. Бизга фақат бир нарса — бу фарқдан уялмаслик зарур.

Агар бизнинг ҳаёт тарзимиз атрофдагиларнинг ҳаётидан аҳлоқий равишда ажралиб турмаса биз дунёнинг тузи бўла олмаймиз. Агар ҳаётимиз Масиҳ шуҳратининг нурлари билан ёритилмаса, биз Унга одамларни бошлай олмаймиз. Исо Юҳанно Хушхабардаги Ўз ибодатида айнан шу ҳақида айтади (17:15–19). Жамоат одамларни ва ўз ҳаёт тарзи билан дунёдан ажраб турувчиларни нажоти учун уларни Худога жалб қилиш мақсадида, ўз ҳамдардлиги билан дунёга таъсир ўтказишга чақирилган.

Масалан, Индонезияда босқинчилар тўдаси масиҳийларга тегишли бўлган жамоатлар ва дўконларни ўмариб, таҳқирлар ва вайрон қилишарди. Бундай гуруҳлардан бири жамоат биносини бузиш учун йиғилди. Лекин уни ёқмасликни сўраб ёлвораётган қўшни бўлиб яшовчи мусулмонлар ўраб олганидан жуда ҳайрон қолишди.

Ҳайратда босқинчилар аҳолидан сўрай бошлади: “Нимага бундай қиляпсизлар? Бу масиҳий жамоатику, жамиятимизда унга ўрин йўқ!”

Бироқ қўшнилар жавоб қилишди: “Ҳа, бу масиҳийлар жамоати, лекин бу масиҳийлар бошқача одамлар. Улар яхши. Улар бизни ҳурмат қилади ва жамиятимиз учун кўп яхшиликлар қилган. Биз улар биносини ёқишингизга ва уларни хафа қилишингизга йўл қўймаймиз”. Бу гапларни эшитган босқинчилар бирданига ғойиб бўлди. Сизни ўраб турган жамиятга севги билан, солиҳ ҳаёт тарзи билан таъсир ўтказсангиз, одамларнинг ҳурматига сазовор бўласиз ва ҳатто ҳукуматнинг ҳам. Бундай гувоҳлик одамларни Масиҳга жалб қилади.

Азизлар, афсус, бугунги дастуримиз ўз ниҳоясига етди. Бордию сизда ҳам, бирон бир қизиқарли хикоя бўлса, бизнинг www.najot.com сайтига кириб “Гувоҳликлар” бўлимида ҳабар қолдиринг ёки dilkash@najot.com электрон манзилига хабар йўлланг. Хайир, омон бўлинг. Раббимиз севгиси барчангизга ёр бўлсин.

Муқаддас Калом Раббимиз Исо Масиҳнинг ўн икки ҳаворийни танлаганини ёзади. Улар Исо Масиҳ билан бирга юриб нима қилдилар?

Нарратор 2 Шогирдлар Исо Масиҳнинг қилаётган ишлари, мўъжизалари ва бераётган таълимотини кузатдилар. Кеча-ю кундуз Устоз билан бирга бўлдилар. Унинг қандай овқатни яхши кўриши, қандай ухлаши, нимани ёқтиришигача яхши билганлар. Аслида «Ҳаворийлар» сўзи «юбориладиган» деган маънони англатади. Устоз ўн иккита шогирдини ҳаворий қилиб танлаб, уларни қаерга юбормоқчи эди? Буни шогирдлар ҳали тушунмасди. У шогирдларига айтган сўзларининг, маталларнинг маъносини тушунтириб берарди. Шогирдларини тушунмасдан қолишларини истамасди. Ундан ташқари яна бир иш қилди. Келинг, бунинг нималигини Каломдан ўқиб билиб оламиз: «Исо ўн икки шогирдини ёнига чақириб, уларга бутун жинлар устидан ҳокимлик қилиш ва касалларни соғайтириш қудратини берди.» (Лука 9:1-2) Устоз ҳали тириклигидаёқ уларга жинлар устидан ҳокимлик қилиш ва касалларни соғайтириш қудратини берди.

Нарратор 1 Уларни шаҳарларга иккита-иккитадан юбориб, Худо шоҳлиги ҳақидаги хушхабарни айтишни тайинлади. Уларни биринчи марта ёлғиз юбораётган эди. Шогирдлар ўшанда ўзларини қандай ҳис қилганикин?! Қудрат ва ҳокимликни олганда-чи?! Афсуски бу ҳақида ёзилмаган. Биринчи хизматдан қайтган шогирдлар хурсандлигидан ўзларини қўйгани жой топишолмасди. Худо улар орқали ишлагани, уларни узоқ қишлоқларда ҳам ёлғиз қўймаганидан ҳайратда эдилар. Буюк Устоз шу билан шогирдларига таълим беришни тўхтатгани йўқ. У ҳаворийларга сабоқ беришда давом этди. Ҳали осмонга олинмасидан олдин, шогирдларига Устозсиз қандай ҳаёт кечириш кераклигини ўргатди. Уларни келажакда Устозсиз хизмат қилишларини, қаерга борса ҳам Худо албатта улар билан бирга бўлишини англашларига ёрдам берди.

Нарратор 2 Менимча ўшанда, шогирдлар бир кун келиб Устозларисиз ҳаракат қилишларига тўғри келишини билмаган бўлса керак. Шогирдлар биринчи тажрибалари муваффақиятли ўтганларидан хурсанд эди. Бундай ҳолатда биз бўлсак нима қилган бўлардик? Жинлар бизга бўйсунаётганидан, касалларни шифолай олаётганимиздан руҳланиб, Исо Масиҳни қолдириб, бутунлай мана шу ишга шўнғиб кетган бўлардик балки. Бугунги кунда кўпчилик имонлилар мана шундай қилишмоқда. Худо У биз учун тайинлаган ишга эмас, Худонинг Ўзига шўнғиб кетишимизни, доимо ишимизни ҳам ўзимизни ҳам Унга беришимизни истайди. Шогирдлар шундай хатога йўл қўйишдими? Йўқ. Улар қайтиб келгач, руҳланиб, яна Устозларидан ўрганишда давом этишди. Қадрли тингловчилар яхши устоз бўлишни истасангиз, бизнинг www.najot.com ва dilkash@najot.com сайтларимиз сизга бажонудил ёрдам беради.

Кўплаб масиҳий биродарларимиз бир нарсада афсусланишади, яъни улар ўз ҳаётларини аввалроқ Масиҳга топширмаганлари учун. Масалан, Муқаддас Китобда кўплаб инсонларнинг ёшлигидан Худовандга эргашганлиги тўғрисида гувоҳликлар мавжуд. Забур китобининг 70 боби, 5 оятида Довуд шундай деб айтганлиги ёзиб қўйилган: “Менинг умидим Сенсан-ку, ё Раббий, ёшлигимдан бери ишончимсан, эй Худованд”.

Бундан ташқари яна Юсуф, Исҳоқ ва бошқалар ҳам болалигидан Худовандга эргашган эдилар. Шунинг учун ҳам, ҳурматли биродарлар, болаларнинг ҳаётини хали улар ёш бўлган пайтларидаёқ қадрлашга ўргатайлик. Юқорида номини тилга олган Муқаддас Китоб қаҳрамонлари каби улар ҳам болалагидан ўз ҳаётларини Худовандга топширсалар, ўйлайманки, замонамиз янада гузалроқ бўлади. Чунки Худовандга эргашган инсон ҳеч қачон ёмонликни бировга ҳам ўргатмайди, ўзи ҳам ўрганмайди.

Азизлар, мен ўз бошимдан ўтган бир воқеани сизларга сўзлаб беришни истар эдим. Тахминан бундан ўн беш йиллар илгари жамоатимиздаги бир аёл мендан илтимос қилди: “Мени болам отасиз ўсяпти, мен эса аёл бўлганим учун уни тарбия қилишда бироз ожизлик қиляпман”, деб айтди. Мен унга ёрдам беришга рози бўлдим. Шу аёлнинг ўғлини шогирдликка олдим. Ўша пайтда у бола тахминан етти ёшлар эди. Кейинчалик у боланинг ўртоғи ва икки ёш катта опаси ҳам бизнинг гуруҳга қўшилишди.

Мен ҳар ҳафта улар билан учрашиб, Худованд ҳақида турли мавзуларда дарслар ўрганар эдик. Мен тахминан улар билан ўн икки ёшгача шуғулланиб келдим ва уларни жамоатга боришга кўндирдим. Улар жамоатга қатнай бошлаганларидан кейин бизда улар билан алоқа ўзилди. Кейинчалик улар бошқа қўшни мамлакатга кўчиб кетганлиги ҳақида эшитиб қолдим. Лекин бир нарсани тан олишим лозим, мен доимо улар учун ибодатда бўлардим.

Мана, орадан ўн йилдан кўпроқ вақт ўтиб, бир куни кечқурун эшигимиз қўнғироғи жиринглаб қолди. Бориб очиб, не кўз билан қарамай, шу бола онаси ва ўзининг аёли билан турибди. У бола ҳозирги кунда имонда мустаҳкам ва жамоат хизматчиси бўлиб етишибди. Унинг дўсти ва опаси ҳам ҳозирги кунга қадар Худованд билан бирга экан. Тўғриси, Худованд учун қилган хизматимнинг ҳосилини кўриб, хурсандлигимдан кўзларимга ёш келди. Азизлар, ушбу воқеадан кейин Худованд учун қилган хизматимиз ҳар доим ҳосил келтиришига яна бир бор менда ишонч пайдо бўлди. Азизлар, яна радио орқали кўришгунча хайр саломат бўлинглар.

Одатда ўсмирлар ва йигит қизларнинг ҳиссиётлари ниҳоятда ўткир, барча ўй-фикрлари ниҳоятда шиддатли ва кучли бўлади. уларнинг ақли ҳис туйғуларини назорат қилолмай қолади. Ўсмирнинг организмида кескин психологик ва гармонал ўзгаришлар содир бўлади. шу сабабли улар организмининг қаршилик кўрсатиш кучи суст бўлиб, алкоголизмга осонликча берилади. Шунинг учун ҳам фарзандларни бу ёшда ҳам руҳан ҳам жисмонан спиртли ичимликлардан узоқроқ олиб юриш керак бўлади. Жуда кўп ўсмирлар бир хўплам ичиб кўрганларидан сўнг, унинг нақадар сассиқ ва жирканчли эканини ҳис қиладилар. Аммо ўша пайтда уларнинг ота ёки қариндош эркаклар: “Сен ҳам эркак бўласан. Ичиб ўрганишинг керак. Ичмаган эркак, эркакми.”, — каби гаплар билан уларинг миясини заҳарласа бундай ўсмир албатта энг пиёниста одамга айланади. Болангизнинг ичкиликка бўлган салбий қарашини оширмоқчи бўлсангиз энг аввало ўзингиз намуна бўлишингиз керак. Агар оилада болага: “Ичкилик ичиш яхши эмас. Ароқ жуда ёмон нарса. Ҳеч қачон ичмагин.”, — деб ўзингиз спиртли ичимликларни истеъмол қилсангиз, болангиз ҳеч қачон сизнинг гапингизга қулоқ солмайди. Аксинча у сизнинг қилаётган ишларингиздан ўрнак олади. Алкогол қанча кўп ичилса, организм шунча ўрганиб қолади. Баъзи ота-оналарнинг ўзлари тарбия кўрмаган, маънавий жихатдан носоғлом одамлардир. Бундай ота-оналар фарзандларига ҳеч қачон яхши тарбия беролмайдилар.

Табиийки спиртли ичимликлар ичишни ҳам ота-оналарни ўргатишади. Болаларининг спиртли ичимликлар ичишини қўллаб-қувватлайдиган оталар ўз фарзандларининг душманларидир. Бундай оталар жамиятга ва ўзларига жуда катта зарар етказади. Атрофимизда учраб турадиган жуда кўп пиёнисталарнинг кўпчилиги дастлабки ичкиликни 7-12 ёшлар атрофида ичганликларини тасдиқлайдилар. Бу ёшда эса болалар катталарга тақлид қиладиган бўлади. Агар фарзандларингизда шу ёшда ичкиликка салбий фикр уйғотолмасангиз, кейин қийин бўлади. Биз жуда кўп ота-оналарга бир нарсани яна таъкидлаб ўтмоқчимиз. Азиз ота-оналар фарзандларингизнинг келажакда пиёниста бўлиб қолишини хоҳламасангиз, ўзингиз ҳам спиртли ичимликларни истеъмол қилманг.

Кўпинча инсон ҳаётидаги хатоликлар ҳам, аксинча ҳаётнинг мазмуни ҳам ўсмирлик даврида бўлади. Ҳар доим болаларидан хурсанд бўлиб юрган ота ва оналар болалари ўсмир бўлганларида кўпроқ шикоят қилишлари мумкин. Агар болаларимиз имонда бўлсалар, уларнинг дўстлари ҳам имонли бўлишлари яхши бўлар эди.

Бу болаларимизнинг руҳан ўсишлари учун катта ёрдам бўлади. Шунинг учун азиз радио тингловчилар, уй гуруҳи ва жамоатлар ўзидаги ўсмирларни бошқа жамоат ўсмирлари билан таништириб турли учрашувлар ташкил қилишлари мумкин. Ҳаворий Павлус Тимутий Китобининг 2 мактуби 2 боби 22 оятида шундай деб айтади:

“Ёшлик эҳтиросларидан қоч, соф қалбдан Раббимиз Исо исмини чақирган ҳамма одамлар билан солиҳлик, имон, севги ва тинчлик пайидан бўлгин”. Ҳар бир жамоат ўз ўсмирларини айнан шу насиҳатга амал қилишларига етаклашлари зарур. Чунки ўсмирлик даврида кўпчилик тез ўзгариши мумкин.

Шу жумладан салбий тарафга ҳам. Агар жамоатда ўсмирлар сони бир нечта бўлса, улар учун маҳсус йғилишлар қилиш мумкин. Албатта бу йғилишлар уларнинг ёшига мос ва қизиқарли даражада бўлиши яхши натижа беради. Бундан ташқари хоҳловчилар учун хафта давомида бир кунлик ўқиш ҳам ташкил қилиш мумкин.

Керак бўлса ўсмирларни ҳам айрим хизматларга қўйсак бўлади. Масалан, ногиронлар уйига бориб уларга ёрдам бериш, боқувчиси йўқ қарияларга ёрдам бериш. Албатта шу орқали уларни руҳлантириш ўсмир хизматчиларнинг биринчи мақсади бўлиши керак. Умуман шунга ўхшаш хизмат турларини ўсмирларга ишониб бериш мумкин.

Бундан ташқари ёз фаслида кўплаб лагерлар бўлади, шу лагерларда ўсмирлар бошқа биродарларга ёрдамчи сифатида қатнашишлари мумкин. Хуллас,ўз гуруҳимиздаги ўсмирларни келажакдаги руҳий аҳволи қандай бўлишини ҳозирдан ўйлашимиз керак. Яна бир муҳим масала. Ўсмирлик даврида кўпчилик ўсмир болалар ва қизлар бир-бирларига севги исхор қилишади.

Шунинг учун ҳам улар келажакда адашмасликлари учун ва ўзларига имонда бўлган турмуш ўртоқлар топишлари учун маҳсус дарслар ҳам ташкил қилиш мумкин. Бундай дарсларнинг барчаси фақат яхшилик ҳосилини келтиришига ишонамиз. Ҳурматли азиз биродарлар, сизлар билан хайрлашар эканмиз, ҳар бирингизга ўсмирларни тарбиялашда ва айниқса руҳий ўстиришда сабрли бўлишингизни тилаб қоламиз. Яна радио орқали учрашгунча хайр саломат бўлинглар.

Айниқса кимдир бизнес билан шуғилланадиган бўлса. Шундай пайтлар бўладики ёки ёлғон гапириш керак ёки пора бериш лозим. Шундай пайтларда нима қилишимиз лозим. Айтайлик ишхонади ким биландир сизнинг орангизда муаммо чиқиб қолди? Масалан:сиз қилишингиз керак бўлган ишни кимдир сизнинг йўқлигингиздан фойдаланиб, амалга оширди. Натижа эса ёмон тугади.

Албатта бошлиқ биринчи галда сизни чақириб хамма нарсани сиздан талаб қилади. Энди азиз биродар ,сиз хамкасбингиз билан тортишганингиз билан хеч нарса ўзгариб қолмайди. Бошқача айтадиган бўлсак бўлган ишни энди ортга қайтариб бўлмайди. Шунинг учун хамкасбингизга бошқа қайтармаслиги хақида жахил қилмасдан тушунтириб қўйишингиз мумкин. Қолгани билан эса ўйлайманки бошлиқ хал қилиши лозим.

Худди шунга ўхшаш мисолни болалар хаётидан хам келтириб ўтишимиз мумкин. Масалан болалар футбол ўйнашяпти. Рақиб команда майдон ташқарисига чиқиб кетган тўпни,қайтариб олиб сизнинг дарвозага йўллаб хисобни очди, ўйлайманки бақириб кимгадир ниманидир исботлаш фойдасиз. Шундай вазиятда хакам хамма нарсани хал қилиши лозим. Кимнидир алдоқчи деб айиблаб, жанжал қилиш ортиқча муаммоларни келтириб чиқариши мумкин.

Азиз тингловчи хаётимизда қандай муаммоларга дуч келмайлик доимо ўзимиз хақимизда хам ўйлаб кўрмоғимиз лозим.Балки қайсидир жойда бизнинг хам айбимиз бордир. Бу хар бир инсоннинг ўзини босиши учун оз бўлсада ёрдам беради. Юқорида айтиб ўтганимиздек ёлғон ишлатиш керак , бўладиган вақтлар хам хаётимизда тез тез содир бўлиб туради.

Азизлар шундай вақтда ёлғон гапиринг ёки гапирманг деб мен айта олмайман. Бир хаётий мисол орқали сиз азизларга шуни тушунтириб ўтишга харакат қиламан. Бир ибодатхона аъзолари, биродарларнинг уйида якшанбадаги хизматни ўтқазиш учун йиғилдилар. Орадан бир оз вақт ўтиб хуқуқ тартибот органи хизматчилари уларни ноқонуний йиғилиш ўтқазаётганликда айиблашади. Шунда хонадон эгаси яъни чўпон, уларга биз хеч қандай йғилиш қилмаяпмиз, бугун менинг уйимда марака бўляпти деб айтади.

Шунда орган ходимлари биродарларда хеч қандай айб топаолмай ортига қайтишади. Лекин муаммонинг энг каттаси энди бошланди. Яъни биродарлардан бири, чўпонга нима учун сиз ёлғон гапириб алдадингиз ахир биз бугун Худовандни олқишлаш учун йиғилган эдикку деб айтади. Азизлар шундай вазиятда нима қилиш лозим. Фақат биргина жавобни сиз азизларга айта олишимиз мумкин. У хам бўлса Худованддан сўранг. Фақатгина Отамиз хар биримизга тўғри йўлни кўрсата олади. Шунинг билан азизлар бугунги эшттиришимиз ўз якунига етди. Хайр омон бўлинг.