Дунё кўзингга қоронғу кўриниб хаммаси жонингга текканида, сенга хамма нарса бари -бир бўлиб хеч нарса қила олмай қолганингда, қиладиган бошқа чоранг қолмаганида сен Xудога ва Унинг йўлларига итоат қиласанми?

Руфнинг хикояси шундай. Хаётинг жар ёқасида, қил устида турсада Унинг хақиқатида турасанми? Агар сабр қилсанг Xудо содиқдир. У хаммасини ўзгартириб юбориши мумкин. Руф Наоми ва унинг оиласида юз берган воқеаларга қарамасдан хақиқатда туришни танлади. Биз Руфнинг илгариги хаёти хақида унча кўп билмаймиз, лекин Наоми билан муносабатида кучли нарса содир бўлди.

Менимча у бошқача мухаббатни кўрди. Менимча у Xудосиз хаёт бефойда ва бехудалигини хаётий тажрибасида кўрган ва тушинган. Яратувчи Xудо хақида тушинган ва ишонган. У қарор қабул қилди ва унда қатъиятли бўлди: у ўз халқидан ва оиласи ишонган худолардан юз ўгириб Исроилнинг Xудосини қабул қилди.

Унинг келажаги Исроил Xудосида бўлишига амин бўлди ва ишончида қаттиқ турди.

Руф эридан, яшаш тарзидан, фарзанд кўриш имкониятларидан махрум қолганди. У хеч вақосиз қолганга ўхшарди. Xудога ишонишни танлади. Руф буларга қарамай тўғри йўлни танлашга қарор қилди. У ўзига хеч вақосиз қолиб ўлиб кетишимга тўғри келсада хақиқатда туравераман деди.

Руфнинг хаётидан нима содир бўлишидан қатъий назар Xудога қаттиқ ёпишиб олишни ўрганишимиз мумкин. Вазият қандай бўлишидан қатъий назар эътиқодимизга содиқ қолишимиз керак. Агар биз Худонинг йўллидан бораверсак, У бизни хар қандай танг холатдан қутқара олади!

Асосий тамойил; калитий негиз бу Вазиятинг қандай бўлмасин Xудода бўл ва Унга эргаш.

Ибодат: Самодаги Ота, хар қандай вазиятда хам Сенга қарашимга ва Сенга қулоқ солишимга ёрдам бер. Сен мени хар қандай холатдан қутқаришга қодирлигингни кўрсат! Исо Номидан омин!

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Сендан сўраладиган савол: сен кўпроқ муаммоларни истайсанми ёки яхши нарсаларними? Хаётий тажрибамдан битта нарсани англаб етдим. Хар доим Худога шукр қилиб яшовчи инсон –фақат Унинг аллақачон қилган ишлари учунгина эмас, келажакда бажарадиган ишлари учун хам олдиндан шукрона айтиб яшайди.

Унинг келажакда сен учун очадиган эшиклари учун хам шукрона айт. У сени кўпайтиргани учун барокат бергани учун хам шукрона айт. Хаётинг учун зарур бўлган инсонларни сен билан йўлиқтиргани учун хам Унга шукрона айт.

Бизлар хаётимизга келаётган нарсалар учун Унга олдиндан рахмат айтсак Худога бўлган имонимизни эътироф қилаётган бўламиз. Сен бу сўзларинг билан Унга »Xудойим мен Сенинг эзгулигингга шак-шубхасиз ишонаман, хаётимда Ўз ишларингни қилаётганингга хам қатъий ишонаман, хозирдан Сенга эртага қиладиган ишларинг учун хам шукроналар айтаман!»

Дўстим мана шундай имон Худони рози қилади ва У бундан мамнун бўлади. У бизни Ўзининг эзгулигига ишонишимизни истайди. Унга чин дилдан интилувчиларни, Уни тиришқоқлик билан изловчиларни Тақдирловчи эканига ишон.

У бизнинг имонимиздан завқланади. Унга шукрона айтиб яшовчилардан қувонади. Бугун сенинг имонинг Унга рахмат айтсин. Бугун кун бўйи камтар бўлиб Унга шукрона айт, рахмат айт, кейин У сен учун қандай ишлар қилишини кўрасан!

Самодаги Ота Сени шукр қиладиган бошқа , янги кун учун Сенга рахмат айтаман. Хаётимда қилган хамма ишларинг учун Сенга рахмат айтаман.

Хаётимда Сени тан оларканман қўлларинг устимда турганини англаб олай. Сенинг Номингга шукроналар айтай. Исо Номидан омин.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.

Буларни бирор руҳий ҳамкор ёки кичик гуруҳ билан гаплашинг. Ушбу дастурлардаги тамойилларни ўзлаштиришнинг энг яхши йўли буни бирор кичик гуруҳдаги кишилар билан муҳокама қилишингиз керак. Муқаддас Каломда шундай ёзилган, “Темир темирни ўткирлайди, инсон эса дўстини.” (Сулаймон Ҳикматлари 27:17) Биз жамиятда энг яхши ўрганамиз. Мулоқот орқали онгимиз чархланади ва ишончимиз теранлашади.

Павлус шундай деган, “Сизлар мендан нимани ўрганиб қабул қилган бўлсангиз, нимани эшитиб, кўрган бўлсангиз, ўшани қилинглар, шунда тинчлик берган Худо сизларга ёр бўлади.”(Филиппиликларга 4:9) Сиз ўрганганларингизни қабул қилиш ва уларни беришингиз керак. Сиз ҳақиқий ҳаёт тажрибаларини муҳокама қилишингиз мумкин. Сиз ушбу мақсадларда яшашни бошлаганингиздан кейин бир-бирингизга далда беришингиз, ибодат қилишингиз ва қўллаб-қувватлашингиз керак.

Ёдингизда бўлсин, биз алоҳида эмас, балки биргаликда ўсишимиз керак. Муқаддас Каломда шундай ёзилган, “Шунинг учун ҳозир ҳам қилаётганингиздек, бундан кейин ҳам бир-бирингизга далда бериб, ёрдам қилинглар.” (1 Салоникаликларга 5:11) Сиз бирор гуруҳ билан ушбу китобни кўриб чиққанингиздан кейин, бошқа мақсад сари йўналтирилган ҳаётга оид китобларни кўриб чиқишингиз мумкин.

Шу билан бирга мен сизга шахсан Муқаддас Каломни ўрганишингизга чақираман. Мен сизга Муқаддас Каломда минглаб парчалар ва изоҳлар келтирдимки, уларни ўрганиб чиқишингиз мумкин. Мен ҳар кунлик ўқишингиз миқдорини аниқлашимда, қўлланилган оятлардаги маъноларнинг қандай ажойиблигини кўрдим. Аммо Муқаддас Калом матнли, бобли ва ҳаттоки бутун китобли ўрганилиши керак.

Энг камида Муқаддас Калом бизга руҳий соғломлигимизни текшириб кўришимизни айтади. “Шунинг учун инсон ўз-ўзини имтиҳон қилсин, шундан сўнг нондан есин ва косадан ичсин”(1 Коринфликларга 11:28) Муқаддас Каломда шундай ёзилган, “Ўз-ўзингизни текширинглар: имонда турибсизларми? Ўзингизни синаб кўринглар: Исо Масиҳ ичингизда эканини биляпсизларми?” (2 Коринфликларга 13:5)

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Хизматкорлар ўзлари ҳақида ўйлаганларидан кўпроқ бошқалар ҳақида ўйлайдилар. Хизматкорлар ўзларига эмас бошқаларга диққат қаратадилар. Бу энг тўғри камтарликдир: ўзимиз ҳақида кам ўйлашимиз эмас, ўзимиз ҳақимизда паст ўйлашдир.

Улар ўзларини эсдан чиқарадилар. Павлус шундай деган эди, “Ҳар бир киши ўз манфаатинигина эмас, балки бошқаларнинг манфаатини ҳам кўзласин.” (Филиппиликларга 2:4) Бу хизматга бағишланиб “ҳаётингизнинг йўқотилиши” – ўзингизни унутишингиздир. Агар ўзимизнинг эжтиёжимиз ҳақида ўйлашдан тўхтасак, атрофимиздаги кишиларнинг муҳтожликларидан хабардор бўламиз.

Исо “Ўз улуғлигидан кечиб, Қул қиёфасига кирди У, Кўринишда инсонлар сингари бўлди.” (Филиппиликларга 2:7) Сиз охирги марта қачон бошқалар учун ўзингизни бўшатдингиз? Агар сиз ўзингиз билан тўла бўлсангиз хизматкор бўлолмайсиз. Агар биз ўзимизни унутсакгина биз бошқалар эсга оладиган ишларни қила оламиз.

Афсуски, хизматимизнинг кўп қисми ўзимизга хизмат қилишдир. Биз бошқалар бизни яхши кўриши, мақташи ёки ўзимизнинг мақсадларимизга эришиш учун хизмат қиламиз. Бу хизмат эмас, балки муғомбирликдир. Бутун вақт давомида биз ўзимизнинг қанчалик ажойиб ва буюклигимиз ҳақида ўйлаб юрамиз. Кўп кишилар хизматни Худо билан олди-сотди қилиш учун қўллашга ҳаракат қиладилар: “Худо буни мен сен учун қилмоқчиман, агар Сен мен учун шуни бажарсанг.” Ҳақиқий хизматкорлар Худони ўзларининг мақсадлари учун ишлатмайдилар. Улар Худодан Унинг мақсади учун ишлатилишни сўрайдилар. Ўзини унутиш фазилати содиқлик фазилати каби кам учрайди.

Павлус билган кўп кишилар ичида Тимўтий ягона намуна эди. Хизматкорга ўхшаб фикр юритиш қийин чунки бу менинг ҳаётимдаги энг катта муаммони келтириб чиқаради: Мен табиатан ўзимни ўйлайдиган кишиман. Мен кўпроқ ўзим ҳақимда ўйлайман. Шунинг учун ҳам камтарлик кундалик қийинчилигимдир, мен қайта-қайта ўрганишим керак бўлган дарсдир. Хизматкор бўлиш учун имконият менга кун давомида такрор-такрор учрайверади, бунда мен ўзимнинг ёки бошқаларнинг эҳтиёжларини қондириш ҳақида қарор қабул қиламан. Хизматкорликнинг ўзаги ўзини инкор этишдир.

Биз хизматкорлик қалбимизни бошқалар бизга хизматкор каби мурожаат қилганларида билишимиз мумкин. Сиз бошқа киши сизни ўзидан пастроқ каби муомалада бўлса ёки сизга рахбарлик қилса қандай жавоб қайтарасиз? Муқаддас Каломда шундай ёзилган, “Ким сени бир чақирим йўл юришга мажбур қилса, у билан икки чақирим юр.”(Матто 5:41) Хизматкорлар хўжайинлардек эмас, балки бошқарувчилар каби фикр қиладилар. Хизматкорлар Худо ҳаммасининг хўжайини эканлигини аниқ биладилар.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Ким Мен ва Инжил учун жонини берса, жонини қутқаради.” (Марк 8:35) Бу ҳақиқат шунчалик муҳимки, у Эски Аҳдда беш марта учрайди. Агар сиз хизмат қилмаётган бўлсангиз, сиз шунчалик мавжудсиз, чунки ҳаёт хизмат қилишдан иборатдир. Худо сизни севишни ўрганишингизни ва бошқаларга беғараз хизмат қилишингизни истайди.

Сиз ҳаётингизни нима учундир берасиз. Бу мансабми, спортми, машҳурликми ёки бойликми? Буларнинг ҳеч бирининг абадий аҳамияти йўқ. Хизмат ҳақиқий ахамият учун йўлдир. Биз хизмат орқали ҳаётимизнинг маъносини топамиз. Муқаддас Каломда шундай ёзилган, “Биз кўп киши бўлсак ҳам, Масиҳ вужудида бирлашганмиз ва бир баданни ташкил этамиз, ҳар биримиз алоҳида-алоҳида бўлиб, бир-биримиз учун узвдирмиз.” (Римликларга 12:5) Биз Худонинг оиласида бирга хизмат қилар эканмиз, бизнинг ҳаётимиз абадий аҳамиятга эга бўлади.

Павлус шундай деган, “Бадан бир эмас, кўп узвдан иборат.” (1 Коринфликларга 12:14) Худо сизни бу дунёга ўзгариш қилиш учун яратган. У сиз орқали ишлашни ҳоҳлайди. Сизнинг қанча умр кўришингиз аҳамиятли эмас, балки унинг қанчалик марҳамат бўлиши аҳамиятлидир. Сизнинг қанча яшаганингиз эмас, қандай яшаганингиз аҳамиятлидир.

Агар сиз бирор хизматга қатнашмаётган бўлсангиз қандай узрингиз бор? Иброҳим қария, Ёқуб ҳимоясиз, Леа гўзал эмас, Юсуф ёмон муомалада бўлган, Мусо соқов, Гидеон камбағал, Самсон якка ўғил, Раҳаб ахлоқсиз, Довуд оилавий муаммоларга тўла, Илёс ўзини ўлдирадиган, Йеремия безовта, Юнус истаксиз, Наоми тул аёл, Яҳё чўмдирувчи энг кичик нарсада ҳам зиқна, Бутрус ҳиссиётга берилувчи, Марта кўп хавотир қиладиган, Самариялик аёл бир қанча турмушга чиққан, Заккий машҳур эмас, Тўма шубҳаланувчи, Павлус хаста ва Тимўтий қўрқоқ эдилар. Буларнинг барчаси қандайдир камчиликка эга эдилар, лекин Худо уларни Ўзининг хизматида ишлатди. Агар сиз ҳам узрли бўлишни тўхтатсангиз У сизни ҳам ишлатади.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Жароҳатингизни яширишингиз уни баттар кучайтиради. Муаммолар қоронғуликда катталашиб бораверади, аммо қачонки ҳақиқат нурига чиқарилса улар қисқаради. Сиз ўзингизнинг сирларингизчалик хастасиз. Шунинг учун ниқобингизни ечиб, комилликка даъвоингизни тўхтатинг ва эркинликда юринг. Бир жамоатда биз ташкил қилган “Шифони Қутланг” номли дастур орқали бир қанча кишиларни қаттиқ васвасалардан ва бир қанча умидсиз ҳоллардан қутулганликларининг гувоҳи бўлганмиз. Бу Каломга ҳамда Исонинг гўзал сўзларига асосланган саккиз босқичли шифоланиш жараён бўлиб, кичик гуруҳларда ташкил қилинган. Кейинги ўн йил давомида анчагина киши турли одатлар, жароҳатлар ва оғриқлардан озод бўлдилар. Бугунги кунда ушбу дастур бир қанча жамоатларда қўлланиляпти. Мен бу дастурни сизнинг жамоатингиз учун ҳам тавсия қиламан. Шайтон сиздан васвасаларингиз ва гуноҳларингиз ягона эканлигини ҳақида ўйлаб уларни сир сақлашингиз кераклигини ҳоҳлайди.

Ҳақиқат шуки ҳаммамиз ҳам бир кемадамиз. Ҳаммамиз ҳам бир хил васвасаларга дучор бўламиз ва “ҳаммамиз ҳам гуноҳкор”. Миллионлаб кишилар сиз ҳис қилганингиздек ҳис қилганлар ва ҳозир сиз дучор бўлаётган қийинчиликларга дучор бўлганлар.

Биз ўз хатоларимизни яширишимизнинг сабаби кибрдир. Биз бошқаларни бизнинг ҳар бир ишимиз назоратда деб ўйлашларини ҳоҳлаймиз. Ҳақиқат шуки, сиз гапиролмайдиган ҳар қандай нарса аллақачон ҳаётингизда назоратдан чиққандир: молиявий муаммоларингиз, турмушингиз, фарзандларингиз, фикрларингиз, жинсийлигингиз, яширин одатларингиз ёки бошқа ҳар қандай нарсалар. Агар сиз буни ўзингиз ҳал қила олганингизда аллақачон ҳал қилардингиз. Аммо сиз ўзингиз бажаролмайсиз. Иродангиз ва шахсий аҳдларингиз етарли эмас.

Баъзи муаммолар ўзингиз ҳал қилишингиз учун ҳаддан ташқари сингиб кетган, одатга айланган ва катталашиб кетгандир. Сиз учун сизга далда берадиган, ёрдам берадиган, сиз учун ибодат қиладиган, сизни шартсиз севадиган ва маъсул бўлган кичик гуруҳ ёки маъсул ҳамкорга муҳтожсиз. Кейин сиз ҳам улар учун шундай қила оласиз.

Қачонки бирор киши менга, “Ҳозиргача буни ҳеч кимга айтганим йўқ” деса мен у кишидан хурсанд бўламан, чунки биламанки у киши катта енгиллик ва озодликни ҳис қилишни бошлайди. Босим кучидан эркин бўладилар ва илк бор келажаклари учун умид учқунини кўрадилар. Ўзимизнинг қийинчиликларимизни бирор художўй ўртоғимизга айтганимизда биз Худонинг айтганини қилган бўламиз.

Бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Сиз Масиҳнинг назари ва дунёқарашига эга бўласиз. Биз “Худди Исо фикр қилганидек фикр қилишга” буюрилганмиз. Буни қилишнинг икки томони мавжуд. Биринчи томони ўзимизга қаратилган ва ўзимизни қидирадиган ноетук фикрлашни тўхтатишимиз керак. Муқаддас Каломда шундай ёзилган, “Биродарлар, ўй-фикрда болалардек бўлманглар. Аксинча, ёмонликка нисбатан чақалоқ бўлиб, фикрлашда эса баркамол бўлинглар.”(1 Коринфликларга 14:20) Болалар табиатан бутунлай ўзбилармондирлар. Улар фақатгина ўзлари ва эҳтиёжлари ҳақида фикр қиладилар. Улар бера олмайдилар; улар фақат оладилар. Бу ноетук фикрлашдир. Афсуски кўп кишилар бундай фикрлашдан нарига ўтолмайдилар. Муқаддас Калом фақат ўзи ҳақида ўйлаш гуноҳ эканини айтади: “Башарий табиат амри билан яшайдиганлар башарий фикр қиладилар. Илоҳий Руҳ амри билан яшайдиганлар илоҳий фикр қиладилар.”(Римликларга 8:5)

Исога ўхшаб фикрлашнинг иккинчи ярми бу етук фиклаш бўлиб, ўзингизга эмас, балки бошқаларга диққат қаратасиз. Севги ҳақидаги бобда Павлус бошқалар ҳақида қайғуришни етаклик белгиси деб айтиб ўтган: “Мен бола бўлганимда, бола каби гапирар, бола каби фикр қилар, бола каби муҳокама қилар эдим. Вояга етгач болаликни қолдирдим.”(1 Коринфликларга 13:11) Бугунги кунда кўпчилик руҳий ўсишни Каломни ва доктринани яхши билиш деб тушунади. Билим ўсишнинг бир қисми бўлсада, лекин унинг ҳаммаси эмас. Масиҳий ҳаёт имон сўзлари ва аҳдларидан ташқари бошқа кўп нарсалардан ташкил топган; бу алоқа қилиш ва характерни ҳам ўз ичига олади. Бизнинг амалларимиз имонимиз билан бир хил бўлиши керак ва ишончимиз Масиҳга ўхшаган ҳатти ҳаракатларимизга мос келиши керак.

Масиҳийлик дин ҳам эмас, фалсафа ҳам эмас, бу муносабат ва ҳаёт тарзидир. Ушбу ҳаёт тарзининг илдизи ўзимиз ҳақимизда эмас, балки Масиҳга ўхшаб бошқалар ҳақида ўйлашдир. Муқаддас Каломда шундай ёзилган, “Ҳар биримиз ўзганинг яхшилик ва ривож топишига ғамхўрлик қилиб, уни мамнун қилишга ҳаракат қилайлик.” (Римликларга 15:2) Бошқалар ҳақида ўйлаш Масиҳга ўхшашликнинг юраги бўлиб, руҳий етукликнинг энг яхши далилидир. Бундай фикрлар нотабиий, маданиятга қарши, камдан-кам учрайдиган ва қийиндир. Яхшиямки бизда ёрдам мавжуд: “Бизлар эса дунёнинг руҳини олмадик, балки Худо бизга ато қилган бойликларни билиб олишимиз учун, Худодан чиққан Руҳни қабул қилдик.” (1 Коринфликларга 2:12) Кейинги дастурларда биз ўсишимиз учун Муқаддас Руҳ ишлатадиган воситаларни кўриб чиқамиз.

Бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Ўзингизни кучли ва ишончли ҳис қилгунгача кутиб ўтирманг. Кучсиз бўлганингизда, қўрқув ва ҳиссиётларингиздан қатъий назар тўғри ишни қилиш орқали қадам қўйинг. Бу сизнинг Муқаддас Руҳнинг ишига шериклик қилишингизни билдиради ва сизда характерни шакллантиради.

Муқаддас Калом руҳий ўсишни уруғга, бинога ва бола ўстиришга ўхшатади. Инжилда камида етти марта Масиҳга ўхшашда ўсиб бориш учун “куч-ғайрат билан” ҳаракат қилиш айтилган. Сиз фақатгина ўтириб олиб унинг содир бўлишини кутолмаймиз.

Эфесликлар 4:22-24да Павлус Масиҳга ўхшашимиз учун уч маъсулиятни тушунтириб ўтади. Биринчиси, биз олдинги ҳатти-ҳаракатлардан қутулишимиз керак.

“Эски ўзлигингизни бир четга олиб қўйинглар; яъни илгариги турмушингизга оид, алдовчи эҳтирослар билан бузилиб бораётган эски, ёмон табиатингизни соқит қилинглар.” (Эфесликларга 4:22)

Иккинчиси, биз фикр юритишимизни ўзгартиришимиз керак. “Бунинг ўрнига янги фикрга, руҳга эга бўлинглар” (Эфесликларга 4:23) Муқаддас Калом бизга онгимизни янгилаш орқали “ўзгаришимиз”ни айтади. (Римликларга 12:2) Юнончада ўзгариш учун ишлатилган сўз mеtomorphosis бўлиб, бу ҳозирги кунда қуртнинг капалакка айланиб ўзгариши учун ишлатилади. Худди шундай, агар биз ўзимизни Худога ўзгариш учун топширсак, жудаям ажойиб манзара ҳосил бўлади: Биз ичкаридан ташқарига томон ўзгарамиз, кўпроқ чиройли бўламиз ва биз баландликка кўтарилиш учун озод бўламиз.

Учинчидан, биз янги художўй одатларни ўзимизда шакллантириб Масиҳ характерини “кийиб олиш”имиз керак. Сизнинг характерингиз бутун одатларингизнинг тўпламидир; бу сиз одатан қиладиган ҳаракатларингиздир. Муқаддас Каломда шундай ёзилган, “Худога муносиб суратда, ҳақиқий солиғлик ва муқаддаслик билан яратилган янги табиатни ўзлаштиринглар.” (Эфесликларга 4:24)

Худо бизни шакллантириш учун Каломини, кишиларни ва вазиятларни ишлатади. Характерни шакллантириш учун юқорида айтилгани уч маъсулият ҳам жуда муҳимдир. Худо Каломи бизни ўсишимиз учун ҳақиқат билан таъминлайди, кишилар эса бизнинг ўсишимиз учун бизга таянч бўладилар, вазятлар эса бизни Масиҳга ўхшашни машқ қилишимиз учун теварак атроф билан таъминлайди.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.

Шундагина хизмат очиқлик билан бошланади. Қанчалик ниқобингизни ечсангиз ва қийинчиликларингизни бўлишсангиз, Худо сизни шунчалик бошқаларга хизмат қилишингизда ишлатиши мумкин.

Албатта очиқлик хатарли бўлиши мумкин. Ўзингизни ҳаётингизни бошқаларга очиб беришингиз оғриқли бўлиши мумкин. Агар сиз муваффақиятсизлигингизни, ҳиссиётларингизни, умидсизлигингизни ва қўрқувларингизни бошқалар билан бўлишсангиз, сиз рад этилиш эҳтимолида бўласиз.

Аммо бунинг афзалликлари таваккалчиликка лойиқ. Очиқлик ҳиссиётли эркинликдир. Очиқ бўлиш стресни юмшатади, қўрқувни йўқотади ҳамда эркинлик учун биринчи қадамдир.

Азизлар, биз сиз билан аллақачон кўриб ўтдикки, Худо “камтарларга иноят беради”, аммо кўпчилик камтарликни нотўғри тушунади. Камтарлик ўзингизни пастга уриш ёки кучингизни инкор этишингиз эмас, балки ожизлигингизни тан олишингиздир.

Қанчалик самимий бўлсангиз, Худонинг инояти шунчалик сизни қамраб олади. Албатта биз бошқалардан ҳам иноят оламиз. Очиқлик машҳурлик учун сифатдир; биз табиатан камтар кишиларга тортишамиз.

Талабгорлик итаради, аммо ҳақиқийлик ўзига жалб қилади ва очиқлик яқинлик учун йўлдир. Шунинг учун ҳам Худо нафақат сизнинг қудратингизни, балки сизнинг ожизликларингизни ишлатишни хоҳлайди.

Агар кўп кишилар сизнинг кучингизни кўришса, улар умидсизланадилар ва “Яхши, у учун яхши, аммо мен ҳеч қачон буни бажаролмасам керак” деб ўйлайдилар. Агар улар сизни ожизлигингизга қарамасдан Худо ишлатаётганини кўришса, улар ҳам “Балки Худо мени ишлата олар!” деб ўйлашлари учун далда бўларди.

Бизнинг қудратимиз рақобат келтириб чиқаради, аммо ожизлигимиз бирликни барпо қилади. Ҳаётингизда сиз кишиларни ҳайратда қолидарсизми ёки уларга таъсир қиласизми бунга қарор қилишингиз керак.

Сиз кишиларни узоқдан туриб ҳайратда қолдирасиз, аммо уларга таъсир қилиш учун уларга яқин келишингиз керак ва улар сизнинг камчиликларингизни кўришлари керак. Бу албатта яхши. Етакчи бўлишингиз учун керакли нарса бу комил бўлишингиз эмас, балки ишончли бўлишингиздир. Кишилар сизга ишонишлари керак ёки улар сизни таъқиб қилмайдилар. Сиз қандай қилиб ишончни қурасиз? Комил бўлганингизга даъво қилиш орқали эмас, балки самимий бўлиш орқали. Шунинг билан азизлар, мавзумиз ўз поёнига етди, хайр саломат бўлинг.

Ўзини бағишлаб яхши кўриш осон вазифа эмас. У бизнинг фақат ўзимизга қаратилган табиатимизга қарши ҳаракат қилади. Шунинг учун бизга умр давомида уни ўрганиш буюрилган. Албатта, Худо биз ҳаммани севишимизни ҳоҳлайди, лекин у айниқса оиладошларимизни севишимизни ҳоҳлайди. Олдин кўриб чиққанимиздек, бу ҳаётингиз учун иккинчи мақсаддир. Бутрус бизга шундай дейди, “Ҳамма одамларни ҳурмат қилинглар. Имонли биродарларингизни севинглар.” (1 Бутрус 2:17)

Павлус ушбу ҳиссиёт билан акс садо беради: “Фурсатимиз бор экан, ҳаммага, айниқса, ўзимизнинг аҳли мўминга яхшилик қилаверайлик.” (Галатияликларга 6:10)

Нима учун Худо бошқа иймонлиларга севги ва махсус муносабат билдиришимизни ҳоҳлайди? Нима учун улар севишда афзалликка эга? Чунки Худо Ўз оиласини ҳамма нарсадан кўпроқ севгида танилишини ҳоҳлайди. Исо айтганидек, бизнинг доктринамизга эмас, балки бир-биримизга бўлган севгимиз дунё учун энг катта гувоҳликдир. У шундай дейди, “Агар орангизда муҳаббат ҳукмрон бўлса, сизлар Менинг шогирдларим эканингизни ҳамма шундан билиб олади.” (Юҳанно 13:35)

Жаннатда Худо оиласининг хурсандчилигида абадий яшаймиз, лекин аввал ушбу абадий севги учун ерда оғир ишларни бажаришимизга тўғри келади. Худо бизларни “оилавий маъсулият” бериш орқали машқ қилдиради, ва бу ишларнинг энг муҳими бир-биримизни севишимиздир. Худо сизни бошқа иймонлилар билан мунтазам ва яқин муносабатда бўлиш орқали севги маҳоратимизни мустаҳкамлашимизни ҳоҳлайди. Севги айрилиқда бўлганда ривожланмайди. Сиз қўрқинчли, номукаммал ва ишончсиз кишилар атрофида бўлишингиз керак. Бирга бўлиш орқали баъзи муҳим ҳақиқатларни ўрганамиз.

Севги сизнинг энг муҳим ишингиз, асосий вазифангиз ва энг буюк орзунгиз бўлиши керак. Севги ҳаётингизнинг яхши қисми эмас; бу энг муҳим қисмдир. Муқаддас Каломда шундай ёзилган, “Севгининг пайидан бўлинглар” (1 Коринфликларга 14:1)

“Ҳаётимда ҳоҳлайдиган энг асосий нарсадан бири севгида бўлишимдир” деб, гўёки севги ўнталик рўйхатга киритилгандек айтиш етарли эмас. Муносабатлар ҳаётингизда бошқа нарсалардан кўра муҳим ўринни эгаллаши керак. Нега? Севгисиз ҳаётнинг умуман қадри йўқ. Павлус буни шундай айтади: “Агар бутун ер-мулкимни тақсимлаб берсам, ҳатто баданимни ёндиришга топширсам-у, лекин севгим бўлмаса, менга ҳеч фойдаси йўқ.” (1 Коринфликларга 13:3)

Баъзида биз муносабатлар жадвалга киритилиши керак бўлган вазифадек ҳаракат қиламиз. Биз болаларимиз учун вақт топишимиз ва ҳаётимиздаги кишилар учун вақт сарфлашимиз ҳақида гаплашамиз. Бу бизга муносабатлар бошқа вазифалар каби ҳаётимизнинг қисми эканлиги туйғусини беради. Лекин Худо муносабатлар бизнинг бутун ҳаётимиз эканлигини айтади.

Бордию, ўз фикрингизни билдириш истагида бўлсангиз, Дилкаш Радио телеграм каналимизга ташриф буюринг. Раббимиз инояти барчангизга ёр бўлсин азизлар. Хайр, омон бўлинг.