Ассалому алайкум азиз биродарлар. Агар сиз муносабатларни тиклаш бўйича жиддий бўлсангиз, сиз ўз хатоларингиз ва гуноҳларингизни тан олишдан бошлашингиз керак.
Исо бу нарсаларни аниқроқ кўришга ёрдам беришини айтди: “Эй иккиюзламачи! Олдин ўз кўзингдан ходани чиқариб ол, кейин биродаринг кўзидан чўпни қандай чиқармоқ учун кўзинг очилади.” – деб ёзилган Матто Хушхабар китобининг 7 боби 5 оятида.
Ҳар биримизнинг ҳам ожиз томонларимиз борлиги учун ҳам, балки сиз жанжаллашган киши билан учрашишдан олдин бошқа бир кишидан ҳаракатларингиз ҳақида сўрашингиз ҳам мақсадга мувофиқдир.
Худодан жанжалнинг қанча қисми сизга тегишли эканлигини кўрсатишни ҳам сўранг. “Муаммо менда эдими? Мен жуда ҳис туйғуга берилдимми ёки вазиятни тўғри баҳолай олмаддимми?”- деб сўранг.
Муқаддас Каломда шундай ёзилган: “Агар гуноҳимиз йўқ десак, ўз-ўзимизни алдаган бўламиз ва кўнглимизда ҳақиқат бўлмайди.” 1 Юҳанно мактубининг 1 боби 8 ояти. Иқрор бўлиш қайта тикланиш учун энг қудратли қуролдир.
Кўпинча жанжални ҳал қилишимиз жанжал келтирган жароҳатдан кўра оғирроқ бўлиши мумкин. Қачонки сиз камтарлик билан айбингизни тан олсангиз, бошқа инсон сизни ўзингизни ҳимоя қилишингизни кутгани учун ҳам сизга ҳеч қандай зарба бермайди ва унинг ҳис-туйғулари енгиллашади.
Айбингизни бошқа нарсага буриб кечирим сўраманг; жанжалдаги улушингизни самимийлик билан қабул қилинг. Хатоларингиз учун маъсулиятли бўлиб кечирим сўранг. Инсонга эмас, муаммога ҳужум қилинг.
Сиз фақатгина айбни ҳал қилишга ҳаракат қилиш билан муаммони ҳал қилолмайсиз. Сиз иккаласидан бирини танлашингиз керак. Муқаддас Каломда шундай ёзилган: “Мулойим жавоб жаҳлни юмшатади, аммо ўткир тил қизишувчанликни аланга олдиради.” Сулаймоннинг Ҳикматлари китоби 15 боб 1 оят.
Сўзларингизни донолик билан танлаб гапиринг. Юмшоқ жавоб доимо истеҳзоли жавобдан афзалдир. Жанжални ҳал қилаётганингизда, қандай гапиришингиз нимани гапиришингиздек муҳимдир.
Агар сиз ҳужум қилиб гапирсангиз, бу ҳимоя қилаётганингиздек қабул қилинади. Худо шундай дейди, “Доно ва етук киши ўзининг заковати билан маълумдир. Унинг сўзлари қанчалик ёқимли бўлса, у шунчалик ишонарли бўлади.” Сулаймоннинг Ҳикматлари китоби 16 боб 21 ояти. Шикоят қилавериш иш бермайди.
Агар қўрс бўлсангиз ҳеч қачон қабул қилинмайсиз. Совуқ уруш йилларида, икки томон баъзи қуролларни улар жуда зарарли бўлгани учун ҳам ишлатмасликка қарор қилганнини ёдингиздан чиқарманг. Шунинг билан азизлар, мавзумизга якун ясаймиз. Бизнинг почтамиз манзили: dilkash@najot.com Хайр саломат бўлинг.
