Ассалому алайкум азиз биродарлар, Азизлар бизга маълумки қадимги аҳд катта аҳамиятга эга, чунки у бизга инсон учун Худонинг режасини очиб беради. Аммо бу режа вақтинча эди, токи Исо Масиҳ келиб аъло аҳдни абадий аҳдни ўрнатмагунча. Ўша даврдан бошлаб биз Янги Аҳд вақтида яшаяпмиз.
Азизлар Муқаддас Китобни яхши тушуна олишимиз учун аввало, эътибор ва ибодат билан Янги Аҳдни ўқиб чиқишингиз керак. Янги Аҳд Қадимгига асосланган. У нафақат икки аҳд орасидаги ўзаро муносабатларни талқин этади, балки унда Қадимги Аҳднинг кўп башоратлари амалга ошган.
Масалан, Қадимги Аҳдда Миха пайғамбар китобининг 5 боби 2 оятида айтадики, Қутқарувчи Байтлаҳм номли яҳудийларнинг шаҳрида туғилади. Матто баён этган Муқаддас Хушхабарда, Янги Аҳдда, Исо Масиҳни Байтлаҳмда туғилган дейилган.
Забурнинг 21боби 1оятида, одамлар қуръа ташлаб Қутқарувчининг кийимларини ўзаро бўлишиб олади дейилган. Исо хочда ўлаётганида аскарлар Унинг либосларини ўзаро бўлиб олишган.
Матто Хушхабар китобининг 27 боби 35 оятида айтилган: «Кийимлари учун қуръа ташлаб, ўзаро бўлишиб олдилар». Шу каби Янги Аҳдда Қадимги Аҳднинг башоратлари амалга ошганининг юзлаб мисолларини келтириш мумкин эди.
Янги Аҳдда амалга ошган, ҳамма Қадимги Аҳд башоратлари йиғилган шунақанги махсус китоблар мавжуд. Қадимги Аҳд каби шундай кўҳна китоб кўпдан-кўп йиллар сақланиб қолгани мўъжизалидир.
Биз Худога шукрона айтишимиз керакки, у танлаган кишилар, Унинг сўзини олиб, ёзиб қўйишган ва уни бошқа халқларга инъом этишган. Ҳар бир инсон Исо Масиҳни шахсий Қутқарувчим деб қабул қилишини Худо хоҳлайди.
Худо шунингдек, ҳар қайси инсон Муқаддас Китобни билиб, тушунишини хоҳлайди. Шу сабабга кўра Қадимги Аҳд яҳудийлар учун ибрий тилда, Янги Аҳд эса бутун дунё одамлари уни билиши учун, юнон тилида ёзилган.
Бизларнинг аксариятимиз ибрий ёки юнон тилини билмаганимиз учун, агар Муқаддас Ёзув бошқа тилларга таржима қилинмаганида, биз уни тушунишда улкан қийинчиликларга дуч келар эдик.
Агар биз яхши билмаган тилда бирон нима ҳақида ўқиганимизда, унда ҳатто оддий нарсаларга ҳам биз тушуна олмаймиз. Мана нима учун биз Муқаддас Китобни ўрганамиз, бошқа тилларга таржима қиламиз ва нашр этамиз.
Дунёда бутун жаҳон Муқаддас Китоб жамияти мавжуд, у Муқаддас Китобни ҳар хил тилларга таржима қилади ва кенг тарқалиши учун нашр этади. Бугун Муқаддас Китоб 2062 ҳар хил тилларга таржима қилинган! Ҳар қайси янги таржима масиҳийларга улкан қувонч келтиради. Бу шуни билдирадики, яна бир халқ ёки кишилар гуруҳи Муқаддас Ёзувни ўзларининг тилларида ўқишлари мумкин. Шу қаторда биз ўзбеклар хам ўз она тилимизда Муқаддас Каломни ўқиш имконига эгамиз. Бунинг учун Отамиз Худованддан минадормиз. Шунинг билан азизлар мавзумиз ўз поёнига етди. Бизнинг интернет сайтимиз манзили: www.dilkashradio.com хайр саломат бўлинг.
