Ассалому алайкум азизлар. Дастуримизга хуш келибсиз азиз радио тингловчилар. Микрофон қаршисида мен Зафарбек. Азизлар, сизларга маълумки бизнинг дастуримиз ибодатга бағишланган. Аниқроқ қилиб айтадиган бўлсам бизга ажратилган вақт давомида сиз билан бирга Муқаддас Каломда баъзи бир оятларни ўқиб Яратувчимизга ибодат қиламиз. Дўстлар, келинг, хозир Худонинг Каломидан қуйдаги оятларни сизга хавола этаман. Забур китобидаги хазрати Довуднинг Худога илтижосини ўқиймиз.
Нажот бергин, эй Худованд!
Чунки художўй ҳеч қолмади,
Банибашар ичра мўмин йўқ бўлди.
Ҳар ким ўз яқинига ёлғон сўзлайдир,
Тили бошқа, дили бошқа тилёғламачилардир.
Худованд қириб ташлагай бундай бузуқ оғизни,
Қирқиб ташлагай катта гапирувчи ҳар бир тилни!
«Биз тилимиз-ла зўр чиқамиз,
Лаб-даҳан ўзимизники, – демоқда улар –
Ким ҳам бизга хўжайин бўлолар экан?»
«Бечораҳоллар хонавайрон бўлганини,
Фақирларнинг хўрсинганини Мен эшитиб,
Энди ҳаракатга келаман, – дейди Худованд, –
Улар кўз тегизган одамни ҳузурга эриштираман».
Худованд каломлари – пок каломлардир,
Тупроқдан олиниб ўчоқда етти гал эритилган
Мусаффо кумушдай каломлардир.
Эй Худованд, Сен уларни муҳофаза қиласан,
Бизни ҳам бу наслдан абадий асрайсан.
Бетавфиқлар энди бемалол айланиб юришибди,
Банибашар ичра тубанлик авжга чиққан.
Азизлар, ушбу Довуднинг илтижоси ёвузликка қаршидир. Келинг биз хам қўлимизни очиб Парвардигоримизга ибодат қиламиз. Худованд, бизни ибодатга чорлаганинг учун Сендан анча миннатдормиз. Худойим, бизга берган нажотинг Сенга анча қимматга тушганини биламиз. Худойим, Сенинг мухаббатинг хақиқийдир. Буни Сен бизга испод этдинг. Хазрати Исо Масихни биз нажот топишимиз учун қурбон қилдинг. Бизга нажот бериб шайтоннинг гунох кишанларидан бизни озод қилдинг. Азиз Отажон, хаётимизнинг эгаси бўлгин дойим, дойим Сенинг муқаддас номинг ила амал қилайлик. Сенинг чексиз мухаббатинг хақида одамларга айтайлик, улар хам Сенинг севгингни ўз юракларида хис этишсин. Отажон, улар хам Сенинг фарзандинг бўлсин, Раббимиз Исо Масихнинг тўкилган қони уларнинг хам гунохларини ювиб ташласин. Худойим, улар хам Сенга хизмат қилиб хаётларини Сенга бўлган хизматга бағишласинлар. Уларнинг хаётини ўзинг поклагин азиз Отажон. Уларнинг юракларида Муқаддас Рух ўз ишини олиб борсин. Сенинг муқаддас номинг ила ибодат қилдик. Омин.
