Narrator 1 Ассалому алайкум қадрдон ота-оналар. Фарзандингизни яхши тарбия қилишга ҳаракат қилаяпсиз. Ҳар бир ота она шундай фикр билан ҳаракат қилади. Аммо сизга бир саволимиз бор. Фарзандингиз келажакда муваффақиятга эришиши учун барча зарурий кўникмаларни оляптими? Унинг келажакда ким бўлиб етишишини истайсиз? Агар ўзингиз бизнесмен бўлсангиз, ёки яқин атрофдаги бизнесменларга ҳавас қилсангиз, унда фарзандингизни ёшлигиданоқ бизнесга қизиқишига ёрдам беринг. Биз эса сизга бу борада маълумотларимиз билан ёрдам берамиз. Фарзандингиз бизнесда муваффақиятларга эришиши учун ҳозирданоқ унда бир неча шахсий ҳислатларни ривожлантириб боришингиз керак. Блогер Ларри Ким бундай шахсий хислатлар рўйхатини келтириб ўтди. Болаларингиз учун фақат энг яхшисини раво кўрасиз. Тасаввур қилинг.
Narrator 2 Қизингиз ёки ўғлингиз ўз ғоясини кўп миллионлик бизнесга айлантирмоқда ва бу жараёндан ўзи ҳам улкан завқ оляпти. YouTube-канали миллионта обуначига эга, миллиардлаб марта томоша қилиниб, 1,3 миллион доллардан ортиқ даромад келтирадиган Эван ҳақида эшитгандирсиз. Эван бор-йўғи тўққиз ёшда. Бу эса кўплаб мисоллардан бири.
Машҳур тадбиркорларнинг кўпчилиги миллионерга айланганида 20 ёшга ҳам тўлмаган.
Фарзандингиз ҳам умидли тадбиркорлардан бирига айланадими? Баъзида айрим кишилар айнан шу мақсадда туғилгандек туюлса ҳам ота-оналар фарзандларига янги Стив Жобс ёки Элизабет Холмсга айланишда ёрдам берадиган бир неча қимматли сабоқларни бера олишади. Фарзандингиз бадавлат тадбикор бўлмаган, дунёни ўзгартирмаган тақдирда ҳам у ўзи танлаган ҳаёт йўлида бу кўникмалар унга фойдали бўлади. Бу саккиз кўникма нимадан иборат?
Narrator 1 Ота-оналарга фарзандлари ҳаракатларини кузатиш имконини берувчи Pumpic иловаси асосчилари болага буюк етакчи бўлиб улғайишда ёрдам берадиган хислатлар рўйхатини таклиф этишди. Руҳий барқарорлик: болаларга ўз ҳис-туйғуларини намойиш этишга рухсат беринг. Уларнинг ҳисларини чекламанг. Инновацион фикрлаш ва ижодкорлик: болалар ўйнасин – жараён давомида улар ўз ижодий қобилиятларини максимал даражада ишга солишади. Қатъият: болаларда мустақилликни ривожлантиринг. Бунинг учун уларга вазифалар беринг ва уларни бажарса, мукофотланг. Улар учун намунага айланинг ва вақтни бесамар ўтказманг. Қизиқувчанлик: фарзандларингизни янги қизиқишларини рағбатлантиринг. Бир муддат гаджетлардан чалғиб, улар билан музей, дам олиш марказларига боринг. Ўзига бўлган ишонч: болаларни шахсий фикрга эга бўлишга ўргатинг. Уларга қарорлар қабул қилиш имконини беринг.
Narrator 2 Бу сизнинг позициянгизга тўғри келмаса ҳам болалар танловни амалга ошириб, унинг оқибатларидан сабоқ олсин. Эмпатия: боланинг индивидуаллигини ҳурмат қилинг. Унга ўз туйғуларини очиқ баён этишига ёрдам беринг. Оптимистлик: ижобий тафаккурни ривожлантириш учун болаларга эзгулик ва илҳом бахш этувчи ҳикояларни сўзлаб беринг.
Бўлишиш кўникмаси: туманингизни ободонлаштиришда фарзандларингиз билан бирга иштирок этинг. Балки айнан шу фойдали кўникмалар сабаб фарзандингиз «ҳалок бўлаётган» саноатни жонлантириши, етук мусиқачига айланиши ва бошқа биров томонидан яратилган маҳсулотга ўзгачалик бериб, миллионларни ишлаб топиши мумкиндир. Яхши ота-оналар фарзандига илҳом беради. Сиз уларни муваффақиятга эришиш учун қўлдан келган бари ишларни амалга оширишга ўргатяпсизми? Шунга умид қиламиз.
