3:51

Каломни ўрганиш учун ибодат

MP3

Ассалому алайкум хурматли радио тингловчи биродарлар. Сизлар билан яна бир бор радио тўлқинлар орқали учрашиб турганимдан жудаям хурсандман. Сиз учун таёрланган дастурларимиз ёқяпти деган умиддаман. Худосиз хаётни тасаввур қилиш қийин. Худо борлиги учун биз хам бормиз. Шундай экан, У билан биз хар доим мулоқатда бўлишимиз керак. Уни хар доим юрагимизда сақлаб, Унинг мухаббати ичра хаёт кечиришимиз керак. Буни мақсадга ошириш йўлида албатта Унга ибодат қилиб туришимиз керак. Келинг бугун сизлар билан бирга Худога ибодат қиламиз. Худоим, Сенинг севгинг хақиқийдир! Сенинг севгинг орқали биз Сенинг бизга бўлган содиқлигингни билдик. Худоим, Сен бизга Муқаддас Ёзув бердинг. Муқаддас Калом орқали Сен хақингда кўп маълумотга эга бўламиз. Каломингдаги барча ёзувлар Сенинг инсонга бўлган мухаббатинг хақидадир. Сенинг Каломинг дунёда энг буюк китоблардан хам буюкдир, фақат Сенинг Муқаддас Каломинг бизга Сенинг хақиқатингни яққол кўрсатиб беради. Бизга берилган Муқаддас Китобдан биз Сенинг барча пайғамбарларинг ва фаришталар ҳақида билдик. Ҳазрати Одам-ато Момо-хаво билан Сенга қарши қилинган биринчи гунохни ва шу йўсин Жаннат боғидан қувилишини хам кўрдик. Нуҳ алайиҳсалом оиласини ва жониворларни кемага киритиб ўлим ёмғиридан қутқарганингни кўрдик. Иброхим пайғамбарнинг Хорун еридан олиб чиқиб Ўзинг ваъда қилган жойга олиб бориб, унинг наслини денгиз қумидек сон-саноқсиз қилганингни кўрдик. Ёқуб пайғамбарни Зот билан бўлган олишувини хам кўрдик. Юсуфни Мисрга жойлаштириб севикли ҳалқингни очликдан қутқарганингни кўрдик. Исҳоқнинг ўлдирилиши орқали Исо Масихни биз учун қурбон бўлишини бизга намоён қилдинг. Мусо пайғамбарни чақириб севикли халқингни Миср қуллигидан олиб чиқдинг. Мусо пайғамбарга ўнта қонунни берганингни хам кўрдик. Довуд пайғамбарга Забур китобини бериб бизга хавола қилдинг. Хазрати Исо Масихни Муқаддас Рух ёрдамида мўжизакор туғилишини хам Каломинг орқали бизга етказдинг. Уни пок хаёт кечирганини ва гунохларимиз учун хочда жон бериб учинчи куни тирилганини хам Каломинг орқали кузатдик. Ва Исо Масихни шогирдларига берган буюк топшириқни бизгача етказдинг. Бутун борлиқ тариҳини Ўз Каломингда биз учун ифода этдинг. Парвардигорим, бизга Каломингни ўргат! Каломингдаги хақиқатларни бизга очиб бер. Ўзингни Муқаддас Сўзинг орқали бизга мухаббатинг ичра яшашни ўргат. Муқаддас Каломингни нафақат тушуниб баълки ўрганганларимизни хаётда хам ишлатишга ўргат. Каломингни ўрганиб Уни бошқаларга хам ўргатайлик. Худоим, Каломингни ўқишга ва у ердаги оятларинг устидан мухокама қилиш учун бизга Муқаддас Рухингни бергин. Муқаддас Рухинг ёрдамида оятларда нима демоқчи бўлганингни мағзини тушуниб етайлик. Фақат Сенинг Муқаддас Рухинг бизга тинчлик бериб келмоқда. Бутун вужудим билан Муқаддас Рухингни сезмоқдаман. Ха, Муқаддас Рухинг менинг қалбимдадир, менинг Худоим. Сен инсонлар орасига одам қиёфасида келдинг, лекин биз гунохкор табиатимиз билан Сени қароқчилар билан бирга хочга михладик. Худоим, Сенга шукурлар бўлсинки, Сен бизни муқаддас қилдинг. Энди биз Худонинг қули эмас, аксинча Худонинг фарзанди бўлиш шарафига эга бўлдик. Сен буюк Худосан, Сен Хақиқий мухаббат Худосисан. Каломингни бизга ўргат Тангрим. Ибодат ва Муқаддас Калом орқали биз сени кўпроқ билишни истаймиз. Рахмат Сенга Худоим, бизни баракалаб мархаматлагин. Биз сеникимиз, бизни ўз истаганингча ўзгартир. Омин.

Добавить комментарий

Ваш адрес email не будет опубликован. Обязательные поля помечены *

Scroll to top