Ассалому алайкум азиз тингловчи биродар. Сиз билан камина Зафарбек яна эфирда. Азизлар, сиз бир кунда Ҳудога қанча вақт ажратасиз? Худонинг йўлига кирган барча учун уш бу савол жуда мухимдир. Чунки, Худога интилиш ниятида экансиз, сиз албатта У билан кўпроқ вақт ўтказиш иштиёқида бўлишингиз, хаётингизда мухим ролни эгаллайди. Келинг бугунги ибодатимизни айнан шу мавзуга бағишлаймиз. Осмондаги Отажон, Сенинг шохлигинг келсин. Фақат Сен бизни дахшатли гунох жаридан олиб чиқдинг. Ўзинга бебахо бўлган Зот хазрати Исо Масихни биз ношукурлар учун қурбон қилдинг. Биламан Худойим, сенинг мухаббатинг чексиздир. Фақат Сен бизни пок севгинг билан қувватлантирасан. Худоим, Сенга иймон келтирдим, мен энди энг бахтли инсонман. Сен халқлар орасидан айнан мени танлаб олдинг. Менинг хурсандлигимни ва ўзимни қандай бахтли хис қилишимни фақат Сен биласан. Фақат Сен бунга қодирсан Оллохим. Сенсиз мен учун хаёт йўқдир. Сенинг мухаббатингни хаётида бир маротаба хис қилган инсон сендан бутун умр ором олади. Худоим, сен бизни доно қилдинг. Бизга совға қилган нажот Сен учун қиммат бахога тушганини мен энди тушундим. Исо Масих менинг гунохларим учун хочга михланди. Менинг гунохларим учун у хочда азоб бериб қон тўкди. Менинг гунохларим деб, хазрати Исо уч кундан кейин ўликлардан тирилди ва шогирдларига зохир бўлди. Худоим, Сен бизга берган Муқаддас Каломинг Сенинг бизга бўлган мухаббатингни тимсолидир. Худоим, бизга шохлигингни излашга ва уни ерда ўратишга куч қудрат бергин. Сенинг Муқаддас Рухинг бизни бошқарсин. Бу гунохга ботган дунёда фақат сенинг Муқаддас Рухингга таянган холда иш тутайлик. Худойим, бизни мархаматлагин. Одамлар олдига келганимизда уларнинг юракларини очгин, уларни Муқаддас Рухинг билан тўлдиргин. Худоим, бугунги ибодатимни мен Сен билан кўпроқ вақт ўтказиш учун бағишламоқчиман. Сен бизга бир кунда йигирма тўрт соат вақт бердинг. Лекин вақтни яхши режалаштиришни билмаганимиз туфайли Сен билан ўтказишга мўлжаллаган вақтимизни хаёт ташвишларига кетказмоқдамиз. Худоим, биз Сен билан кўпроқ вақт ўтказишни хохлаймиз. Муқаддас Каломингни ўрганишга кўпроқ вақт ажратишга бизга ёрдам бергин. Худойим, янги кунимизни фақат Сен билан бошлайлик ва Сен билан якунлайлик. Худоим, мен Сени соғиндим. Сенга анча вақтдан бери мурожаат қилганим йўқ. Сен билан гаплашмай турсам ичимдаги бўшлиқ мени тинч қўймайди. Эски хаётим ёдимга келади. Сени хали билмаган даврим кўз олдимга келиб менга уйқу бермайди. Худойим, Сен мўжизалар Худосисан. Фақат Сен сўз билан еру осмонни ярата оласан. Фақат Сен бизга абадий хаёт бера оласан. Фақат Сен, Ха Худойим, фақат Сен бизни гунох кишанларидан озод қила оласан. Худойим, Сенинг шохлигинг келсин. Сенинг шохлигингда адолатсизликга ўрин йўқдир. Сен адолатлик билан хукм чиқарасан. Худойим, бизни баракалаб, бизни қулликдан озод қилиб, Сенга фарзанд бўлиш шарафини бердинг. Оллохим, ойила аъзоларимизни хам дуо қилиб уларни мархаматлагин. Улар хам Сенинг олдинга келсин, Сени хис қилсин. Улар хам тезроқ нажот топиб, хочни кўтариб Сенинг орқангдан юришсин. Сенинг муқаддас номинг улуғлансин. Омин.
