Ассалому алайкум азиз радио тингловчи дўстлар. Дастуримизга хуш келибсиз. Дастурларимиз нима ҳақида эканини биласизми? Бизнинг дойимий тингловчиларимиз билишадики, биз дастурларимиз орқали Яратувчимизга қўлимизни очиб ибодат қиламиз. Азизлар, ибодат аслида нима эканини биласизми? Ибодат ҳақида билмоқчи бўлсангиз биз билан қолинг. Келинг Довуд пайғамбарнинг кечки ибодатларидан бирини ўқиб чиқамиз.
Илтижо қилганимда, менга жавоб айлагин,
Эй менинг одил Худойим!
Танг қолганимда Ўзинг нажот бергансан;
Яна менга меҳрибонлик кўрсатгин,
Ибодатимга қулоқ бергил!
Эй инсон ўғиллари,
Қачонгача иззатимни тупроққа қорасизлар?
Қачонгача пуч ниятларга ружу қўясизлар?
Қачонгача ёлғон-яшиққа ҳавасланасизлар?
Бироқ билингиз-ким,
Худованд Ўз азизини ажратиб олган.
Худованд менинг илтижомни эшитар.
Ғазабланиб, гуноҳ қилманг!
Ётганингизда қалбингиз ила ҳамсуҳбат бўлиб, тинчланинг.
Ҳалол қурбонликлар келтиринг,
Худовандга умид боғланг!
Кўплар сўрамоқдалар:
Ким бизга бахт-саодат келтирар экан?
Жамолинг нурини устимизга солгин, эй Худованд!
Уларнинг буғдойи ва шароби кўпайган, бироқ
Сен менинг дилимга шодлик бердинг кўпроқ.
Осойишта ётаман ҳам уйғонаман;
Чунки, эй Худованд,
Хотиржамлигимга ёлғиз Сен посбон.
Азизлар, хозир сизга хавола қилган ибодат Довуд пайғамбарнинг Яратувчига бўлган ибодати эди. Дўстлар, келинг биз хам бирга Парвардигоримизга ибодат қиламиз. Худойим, бизга хаёт берганинг учун миннатдормиз. Бизни яратганларинг орасидан айнан бизни танлаб олганинг учун муқаддас исминг улуғлансин. Сенинг шохлигинг келсин. Довуд пайғамбар, ”Ким бизга бахт-саодат келтирар экан?” деган савол берган эди. Албатта Ўша Сенсан Худойим, фақат Сен жамолинг нурини устимизга солгайсан. Фақат Сенинг хузурингда осойишта ётаман ва уйғонаман. Ибодатимга қулоқ сол Парвардигорим. Худойим, бизни гунох балосидан қутқарганинг учун Сенга шукуроналар айтамиз. Биз гунохкорлар учун Ўзинга бебахо бўлган хазрати Исо Масихни ўлимга дучор қилдинг. Лекин сенинг сўзинг муқаддасдир. Раббимиз Сенинг буюк режангни тасдиқлаши учун Уни учинчи кун ўликлардан тирилтирдинг. Азиз Отажон, бизни Муқаддас Рухинг билан тўлдиргин. Сенинг муқаддас номинг ила ибодат қилдик азиз Парвардигор. Омин!
