Ассалому алайкум азизлар. Кичик бизнес деб номланган дастуримизга хуш келибсиз. Қандай қилиб ортиқча қийинчиликларсиз бойиш мумкин? Бойиб кетиш учун шунчаки бирор юмуш билан шуғулланиш ёки бирор жойда ишлашнинг ўзи камлик қилади. Агар сиз бойиб кетишни истаётган бўлсангиз қуйидаги маслаҳатлар айнан сиз учун. Ҳар қандай муаммо жуда қисқа вақт ичида ҳал этилиши лозим.

Шундай қилсангиз, муаммо ечимига кўп куч сарфламайсиз. Қатъиятли бўлинг! Камроқ ўйланинг ва кўпроқ ҳаракатда бўлинг. Бошқалар манфаати учун камроқ ишланг. Ўзингиз ёқтирган юмуш билан шуғулланиш иш ҳисобланмайди.

Агар қўлингиз мўмайгина пул кўришини истасангиз, бозорга қийматли маҳсулот олиб келинг, унинг ўзи сизга пулни олиб келади. Қандай қилиб бир ойда камида 5 миллион топиш мумкинлиги ҳақида ўйланг, зиёд бўлса зиёд, аммо кам эмас.

Пул сизга ўзга одамлар орқали келади, шунинг учун кўпроқ мулоқотда бўлинг!

Унутманг, пулсизлик – масъулиятдан қочиш натижасида юзага келади.

Агар пулингиз оз бўлса, тадбиркорлик билан шуғулланинг, агар пулингиз умуман бўлмаса, унда ҳозирданоқ тадбиркорликни бошланг! Муаммони излаб кўринг ва кейин унинг ечимини топинг. Энг муваффақиятли ечимни бизнес-лойиҳа кўринишига келтиринг ва инвесторларга тақдим этинг.

Статистик маълумотарга қараганда, бахтга қарши 80% одамлар бундай масъулиятни бўйинларига олишга ботина олмайди. Омадсизликка учраши мумкинлиги ҳақидаги қўрқув бунга тўсқинлик қилади. Шунинг учун ҳам жамиятдаги 80% одамлар ўртача даромадга кўниб яшайди.

Пулни тежаб ишлатишни ўрганинг, кирим ҳар доим чиқимдан юқори бўлиши керак.

Дунёнинг энг бой кишилари биографиялари билан қизиқинг ва уларнинг фикрларини ўрганинг.

Орзу қилинг ва унинг рўёбига ишонинг, инсон орзу қилишдан тўхтаса, яшашдан ҳам тўхтайди. Ҳеч қандай манфаатларни кўзламай, чин юракдан ўзингиз кўмаклашишни истаган одамларга ёрдам беринг, у бирор танишингиз ёки қариндошингиз бўлиши шарт эмас.

Одамларнинг сизга ёққан жиҳатларини мақташдан тортинманг, бу ўзингизга бўлган ишончни янада оширади. Ва сўнгги маслаҳат: ҲЕЧ ҚАЧОН ортга чекинманг!

Азизлар, бордию сизда ҳам кичик бизнесга оид қизиқарли маълумотлар бўлса, уларни dilkashradio.com сайтимиздаги боғланиш бўлимидан фойдаланиб, бизга хабар йўлланг. Кичик бизнесингизни Худойим баракаласин. Хайир, омон бўлинг.