2:45

Муқаддас Руҳ 004

MP3

Ассалому алайкум азиз биродарлар, сиз азизлар билан яна мавзуларимиз орқали учрашганимиздан бағоят хурсандмиз. Азизлар вақти келиб, У бизнинг таналаримизни ва барча Исо Масиҳга шахсий Қутқарувчим деб имон келтирганларнинг таналарини тирилтиради.

У бизнинг таналаримизни шу тарзда ўзгартирадики, биз Исо билан учрашиш учун самога кўтариламиз ва бизнинг янги таналаримиз толиқиш, оғриқ, касаллик ва ўлимни билмайди!

«Агар Масиҳ ичингизда экан, бадан гуноҳ учун ўлимга маҳкум бўлсада, руҳ оқланганингиз учун ҳаётдир. Чунки Исо Масиҳни тирилтирган Худонинг Руҳи сизнинг вужудингизда яшаяпти.

Агар Худо Ўз Руҳи қудратида Масиҳни тирилтирган бўлса, У ичингиздаги ўша Руҳ орқали сизнинг фоний баданингизни ҳам тирилтиражак». Сиз бадан ҳаётидан кўра кўпроққа муҳтожсиз.

Сизга ўзингизнинг руҳингиз учун Худо назар қилиб қўйган абадий ҳаёт зарурдир. Исо сизга абадий ҳаёт бериш учун ўлди. Муқаддас Руҳ бу ҳаётни бизга келтиради. Бизнинг ҳаётимизда юз берадиган ўзгариш шунчалик улканки, Исо Масиҳ буни янгидан туғилиш дейди.

Биз буни мурожаат ёки юз тутиш деймиз, бунинг билан бизда содир бўлган ўзгаришга ишора қиламиз. Ҳеч ким бу ажойиб руҳий туғилишсиз Худонинг фарзанди бўлолмайди ёки самода бўла олмайди.

Исо айтган:«Танадан туғилган танадир, Руҳдан туғилган эса Руҳдир. Сизлар юқоридан туғилишингиз керак, деганимга таажжубланма». Муқаддас Руҳ сизлар учун сизларнинг мурожаатингизда қуйидагиларни бажарган.

Муқаддас Руҳ сизларни Масиҳга келтирди. Муқаддас Руҳ сизларни мурожаатга тайёрлади. У сизларга ўзларингизнинг гуноҳларингизни кўришга ёрдам берди, уларда сиз ўзингизни Худо билан абадий ажралишга ҳукм этилган гуноҳларингизни кўрдингиз.

У ўз имкониятингиз орқали қутқарилишингиз мумкин эмаслиги ҳақида сизга билдиради. У сизнинг ўрнингизга Исо ўлганини тушунишингизга ёрдам қилди. У сизнинг юрагингизга гуноҳлардан озод бўлиш ва Исо таклиф этаётган кечиримни қабул этиш истагини солди.

Муқаддас Руҳ сизни Масиҳга яқинлаштирди ва Уни ўзингизнинг шахсий Қутқарувчингиз деб қабул қилишга ёрдам берди. Шунинг билан азизлар мавзумиз ўз нихоясига етди. Бизнинг электрон почтамиз манзили: dilkash@najot.com хайр саломат бўлинг.

Добавить комментарий

Ваш адрес email не будет опубликован. Обязательные поля помечены *

Scroll to top