Ассалому алайкум азиз ака-ука ва опа-сингиллар. Масиҳийнинг йўли деб номланган дастуримизга хуш келибсизлар. “Эй Исроил халқи, бу гапларимни эшитиб олинглар: Носиралик Исо орқали Худо сизларнинг орангизда мўъжизалар ва аломатлар кўрсатди. Шу йўл билан Исода илоҳий ҳокимият борлигини Худо тасдиқлади. Буни ўзларингиз биласизлар. Худо Ўзининг режаси бўйича Исони сизларнинг қўлингизга топширишни азалдан қарор қилган эди. Сизлар эса ғайрияҳудийларнинг қўллари билан Уни хочга михлатиб ўлдирдингизлар. Аммо Худо Уни тирилтириб, ўлим азобларидан озод қилди. Ўлим ўз кучи билан Исони ушлаб туришга қодир эмасди”. (Ҳаворийлар 2)

Бизлар Исо Масихга ишонганимиз учун оддий инсон эмасмиз. Худонинг йўллари бизларга берилгани учун илохий бўлишимиз керак. Худодаги хамма нарса илохий эканини биламиз ва хеч қачон башарий кўз қараш билан яшамаймиз. Қаерда Xудонинг вахийси бўлса ўша ерда ғайритабиий ишлар содир бўлади. Ўзингнинг ким эканлигинг ва Xудода нималар қила олишинг хақида вахий олишингга ишонаман. »Ғайритабиий ёки илохий киши» сўзининг маъносини тушиниб олганимга анча йиллар бўлди.

Илохий кишилар Xудонинг хокимияти остида ғайриоддий ишларни қилишади. Сен табиий оламда туғилган бўлсангда илохийликка чорлангансан. Исонинг хаёти хам ғайритабиийлик орқали тасдиқланган. Тасдиқланган дегани тўғри деб топилганликни билдиради. Ишончимиз чегараланиб қолгани учун Xудо Исони мўъжизалар орқали тасдиқлади. Биз имонлиларни хам нишона, ажойибот ва мўъжизалари орқали тасдиқлайди. Худо хаётингда мўъжиза қилса хеч ким уни Xудодан эмас деб айта олмайди. Сени диплом ёки ёқлаган диссертасияларинг тасдиқлай олмайди.

У сенинг олий маълумот ёки таълимларингни ишлатиши мумкин лекин улар мўъжиза қила олмайди. Худо хар куни ким эканлигимизни ер юзига исбот қилиб тасдиқлашини кутиб яшашимиз шарт, чунки бизлар имонлимиз. Исони кўрсатгандек сени хам кўрсатади. Биз илохийликка чорланганимиз учун фақатгина Xудо бизни тасдиқлай олади. Худонинг илохий аниқликка тўла бўлган мўъжизавий нишоналар қилаётганини хар куни англаб яшашимиз шарт. Худо қилаётган асл мўъжизавий нишоналарини пайқаб яшашимиз шарт демоқчиман.

Осмондаги Отажон, ғайритабиий эканлигим тасдиқланиб турганини пайқаб олдим. Илохийсизлик хеч нарса эмасман. Имоним хам ғайритабиийлик орқали исботланиши кераклигини фахмлаб олдим. Мен таълимотимга эмас, Сени билишга таянаман. Мен илохийлик билан тасдиқланган имонлиман ва бу менга бериб қўйилганини хам биламан. Сенга шукроналар бўлсин! Исо номидан, омин.

Азизлар, бордию, ўз фикрингизни билдириш истагида бўлсангиз, Дилкаш Радио телеграм каналимиздан фойдаланиб бизга хабар юборинг. Раббимиз инояти сиз муҳтарамга ёр бўлсин. Хайр, омон бўлинг.