Ассалому алайкум хурматли радиомиз мухлислари. Сизлар учун берилиб борилаётган эшттиришларимиздан бири яна эфирда. Келинг бугунги эштиришимиз орқали қишлоқ хаёти хақида гаплашиб кўрсак. Тўғри қишлоқ хаёти шахарникидан осмон билан ерчалик фарқ қилади. Лекин шунга қарамай қишлоқ хаётининг ўзига яраша гашти бор. Тўғрисини тан олиб айтайлик қишлоқда яшовчилар доимо шахарга ошиқиб хаёт кечирсалар, шахардагилар эса бунинг аксидир. Агар қишлоқдаги дўстларимиз билан сухбатлашиб кўрсак, шахарда пул топиш осонроқ деган фикрни билдиради.
Бу гап қайсидир жихатдан тўғри. Лекин шахар шароитида ишлаб топилган пулни, ишлатадиган жойлари хам қишлоқдагига нисбатан анча кўпдир. Бунинг устига бозор учар нарх наволар хам бироз қишлоққа нисбатан қимматроқдир. Ўзбек халқида бир ажойиб мақол бор. Айтишадики: қаловини топсанг қор хам ёнади деб. Хох шахарда, хох қишлоқда яшанг агар уддаброн бўлсангиз ўз яшаш даражангизни юқорига кўтаришингиз мумкин. Айтайлик қишлоқ шароитида нима қилиб яхши пул топиш мумкин? Хар замонда шахарда яшайдиган биродарларимиз хам бир икита мол боқиб шунинг кетидан ўзининг яшаши учун пул топишади.
Бундай шароит эса қишлоқда анча каттадир. Маслан битта ёки иккита сигирингиз бўлса соғиб сутини сотсангиз хам ёки қатиқ қилиб имконият бўлса қаймоқ қилиб сотсангиз хам кунлик озиқ овқатингизни пулини ишлашингиз мумкин. Бундан ташқари бир иккита бўқа боқиб семиртириш хам вақти келганида сотсангиз миллионлаб пул ишлаб олишнинг имконияти бор. Масалан иккита каттароқ бўқа сотиб олиб тахминан 70 кун ёки 90 кун боқсангиз яхши семиртириш мумкин. Бундан ташқари бир икита сал кичикроқ бўқалар хам сотиб олиш мумкин. Сабаби уларни катталарига нисбатан сал арзонроқ нархга олсангиз бўлади.
Ушбу молларни каттароқ бўлгунига қадар семиртириб боқмаса хам бўлади. Боқиш даражасига етганида эса семиртириш учун боқиб кейин сотса, олган нархингизга нисбатан деярли икки баробар нархга қимматроқ сотса бўлади. Бундан ташқари хар хил экинлар хам етиштириб сотса менимча яхшигина пул топиш мумкин. Масалан ўзингиз тахминан мўлжаллаб етарли даражада картошка ёки пиёз экиб, вақти келганида сотиш мумкин. Хуллас қишлоқда хам яхшигина пул топиш учун имконият бор. Фақат бироз мехнат талаб этилади. Халқимиз бекорга айтмайди. Ишлаган одам тишлайди деб.
Лекин энг мухими хар бир ишни бошлашдан олдин, Худованддан баракасини сўранг. Худованддан барака сўраган инсон хеч қачон бе барака қолмайди. Чунки Худовандга нола қилган хар бир инсонни эштишга Отамиз ваъда беради. Хурматли радио тингловчилар хох шахарда, хох қишлоқда яшанг, Худовандга муносиб яшашга харакат қилинг. Шох Сулаймон ўзининг хикматлар китобида шундай деган эди. Кўп ухлаш камбағалликни келтиради деб. Азизлар доимо харакатда бўлинг нимадир яратиш учун доимо изланинг. Ишонамизки Худованд баракалайди. Хурматли радио тингловчилар шунинг билан бугунги эшттиришимизга якун ясаб сизлар билан хайирлашмоқчимиз. Оилангизга доимо тинчлик ва барака бўлсин.
