Ассалому алайкум ҳурматли “Дилкаш” радиосининг азиз мухлислари. Сизлар билан яна радио тўлқинлари орқали бўлса-да учрашганимиздан бағоят миннатдормиз. Ўйлаймизки, сизлар учун тайёрланаётган эшиттиришларимиз сиз, азиз тингловчиларга манзур бўлмоқда. Марҳамат, тингланг: эшиттиришимизни бошлаймиз.
“Қаранглар, — дейди у ибодатхонага келувчиларга, мана сизнинг муқаддас устозларингиз, улар сиздан қандай қаттиқўллик талаб қиладилар-у, ўзлари эса нима қиладилар!” “Мана, — дейди у Исо Масиҳнинг ўзига, — Сенинг жангчиларинг! Мен Сенинг хизматчиларингни Сенинг номингни булғашга мажбур қиламан! Мен Сенинг бошқарувчиларингни Сенга хиёнат қилишга мажбур қила оламан!
Агар у Худо Аюбдан унинг баракаларини олиб қўйганда ҳам, у Унга миннатдорчилик билдира оладими, дея Худонинг ҳузурида Аюбнинг устидан кулишга журъат қила олган экан, унда бизнинг устимиздан ҳам шунга ўхшаш ҳукмронликни олса, у нималар қилар экан?
У сизнинг мажбуриятларингиз, маъсулиятингизни унутишга, ўз эътиқодингизни ўзгартиришингизга ва унга, сизнинг душманингизга “хизмат қилиб беришга” мажбур қила олганлиги учун устингиздан заҳархандалик билан масхара қилиб кулади. Шимшўн филистликларни йўқ қилганидек, у ҳам сиз билан шундай йўл тутмаслиги учун, сизнинг буюк қудратингиздан, руҳий қарашингиздан маҳрум қилиб қўймаслиги ва сўнг устингиздан кулмаслиги учун унга бу хурсандчиликни бера кўрманг!
Яна бир нарса, азиз биродарлар! Биз ўзимизда художўйликни ошириш ҳақида жуда ҳам қайғуришимиз керак, чунки бизнинг муқаддас ишимиз шу нарсани талаб қилади. Масиҳий чўпоннинг янгиланган табиатидаги руҳий ҳаёти қанчалик қудратли бўлса, унинг меҳнатлари шунчалик яхши самара беради. Ўзимизнинг ҳамма ишимиз жойида бўлгандагина ўз хизматимизни яхши бажаришимиз мумкин.
Ишчи қандай бўлса, унинг иши ҳам шундай бўлади. Ҳақиқат душмани билан курашиш, имон қалъасини ҳимоя қилиш, Худованд дунёсини бошқариш, қайғураётганларни юпатиш, солиҳларга насиҳат қилиш, заифларга бош бўлиш, қайсарларга сабр билан насиҳат қилиш, қалбларни бўйсундириш ва уларни тарбиялаш каби шу ва шунга ўхшаш хизматлар фақат Худодан юқори руҳий жасорат инъом қилинган кишилар томонидан бажарилиши мумкин.
Шундай қилиб, ҳар нарсага қодир Худодан, донолик манбаи бўлган Ундангина куч қидиринг. Қисқача қилиб айтганда, ҳамма нарсанинг боши бўлган Худодан буларнинг ҳаммасини сўранг. Излаган одам албатта ўз мақсадига эришади. Сўраган одам эса албатта Худодан сўраганига эришади. Шунинг билан азиз биродарлар, бугунги эшиттиришимизга якун ясамоқчимиз. Азизлар, бизнинг интернет сайтимизнинг манзили: www.dilkashradio.com Яна радиомиз тўлқинлари орқали учрашгунча хайр саломат бўлинг, азиз биродарлар.
